Ludamus, sodales! Nescio an ludum, quod nunc vobis demonstraturus sum, vos noveritis: ludus enim hic, ut puto, in toto orbe terrarum notus et vulgatus est. Cui nomen est "patibulum", regulae autem haec sunt:
Qui "aenigma" novum proponere velit, titulus ei cuiusdam pelliculae (movie), libri etc. eligendus est - exempli gratia "Age of Innocence" - qui titulus Latine est reddendus ("aevum innocentiae").
Lineae breves pro litteris tituli sunt ponendae (e. g. pro verbo "aevum" -----); qui autem invenire vult, quidnam sub lineis lateat, ei una littera est scribenda, quam titulo inesse suspicatur; quae suspicio si recta fuerit, illa littera ei, qui aenigma proposuerit, in titulo prodenda est (e. g. "a": A----) (aevum); sin falsa, error exstitit, errare autem nonnisi septies licet. (In ludo originali post singulum errorem linea una delineanda est, quibus lineis homo in patibulo dependens efformandus, quae figura septem lineis constat. Quam vero rationem imitari hic certe non possumus...
)
Cavete, sodales, ne titulos parum notos proponatis!
Videmus iam, ubi litterae T lateant:
(ERROR PRIMUS - NB quod vos non singuli errores VII committere potes, sed in summa omnes!). Dic mihi quaeso, quibus rationibus, sive quibus regulis illius artis adhibitis litteram N eligeris!
Vale. Datum ut supra.
In Germanica quidem lingua E saepissima est, quam inesse iam constat. Proponam ergo litteram A. Spero me nunc fortunatior esse. 
Gratulor. Novus quasi Oedipus videris, qui Sphingem superavit. Perplexa enim illa Mercuri aenigmata nunc facillime solutum iri spero. 
Sed dic mihi quaeso, quot verba instrumento tuo calculatorio pertractari possint. Nonne est terminus, quem egredi prohibemur?