Murus Hadrianus

Colloquia de antiquitate

Moderators: Moderator, Redactio Interretialis

Murus Hadrianus

Emitteby Area Latina on Mart 02 Mart, 2004 16.04

Murus Hadrianus
--------------------------------------------------------------------------------
Nuntium misit: Ioannis Pennsylvaniensis | 26.09.2003 - 17:31 | |
--------------------------------------------------------------------------------
Haec est salutatio mea prima in hac colloquia. Modo ex itinere ad Angliam redivi. Dum ibi eram, murum Hadrianum visitavi. Locus amoenus est. Dum ambulabam secundum murum, de militibus omnibus fortibus, qui murum tuebantur, cogitabam. Mihi labor magnum visum est. Castra ampla in Vindolanda et Vercovicio quoque visitavi. Nonnumquam difficilis erat colles arduos ascendere et descendere. Peregrinatio omnis mihi maxime placuit. Visitaveruntne murum alteri?


RE: Murus Hadrianus
--------------------------------------------------------------------------------
Nuntium misit: Marcus Favonius ® | 27.09.2003 - 16:41 | 1 | |
--------------------------------------------------------------------------------
Marcus Ioanni sal.
Quanta humanitate vallum illud Hadriani a te, mi amice Americane, inspectum sit, non mediocriter meum tangit animum. Sed imprimis gratias tibi ago, quod gregariorum militum labores aerumnasque silentio non praeteristi.
De ipso vallo quaecumque adhuc novi, ea – pro di immortales – nulla alia re comperta habeo nisi auditione. Cum autem facilior ad vallum cognoscendum via sit per oculos, iter in Britanniam aliquando mihi videtur esse praeparandum. Qua de causa dic mihi quaeso (nisi molestum est):
-quibus libris tabulisque geographicis ad iter praeparandum usus sis,
-num vallum Hadriani birotis (montanis) praetervehi liceat.
Ceterum aestatem quae dicitur Indicam hoc anno vobis precor quam amoenissimam iucundissimamque.
Vale.
A.d. V. Kal. Oct. Ex Germania inferiore.



RE: Murus Hadrianus
--------------------------------------------------------------------------------
Nuntium misit: Marcellus Genuensis | 13.10.2003 - 20:39 | 2 | |
--------------------------------------------------------------------------------
Salvus sis, Ioannes Pennsylvaniensis,
et da mihi veniam, egregie viatori, si unum verbum tuum emendo.
Non murum, sed vallum, opus militare multiplex ac munitissimum, ad defendendos imperii fines Hadrianus Imperator in Britannia aedificavit.
Inutile tamen opus, quia hominum sagacitas, voluntas et libertatis studium semper supra omnia valla (Vallum Atlanticum, Vallum seu Murus
Berlini etc.) praevaluerunt et, confido, praevalebunt.
Etiam Marcum Favonium ex Germania inferiore saluto.
Vale.


RE: Murus Hadrianus
--------------------------------------------------------------------------------
Nuntium misit: Marcellus Genunsis | 13.10.2003 - 20:43 | 3 | |
--------------------------------------------------------------------------------
errorem in scriptura feci.
egregie viator, non egregie viatori.
Excusate.


RE: Murus Hadrianus
--------------------------------------------------------------------------------
Nuntium misit: Herimannus | 05.11.2003 - 02:02 | 4 | |
--------------------------------------------------------------------------------
Herimannus Ioanni Pennsylvaniensi sal.

Americane amice, ante duos dies didici in nominatis Vindolandae castris recentibus annis permultas litteras et militum et ceterorum Romanorum incolarum inventas esse, e quibus de durissima vita in Britanniae inhospitis terris leguntur. In Interreti facile inscriptionem invenies. Vale.
Area Latina
 
Nuntii: 106
Nomen dedit: Lun 01 Mart, 2004 20.14

Re: Murus Hadrianus

Emitteby ignisdraconis on Sat 13 Dec, 2008 10.18

Murus Hadrianus in Doomsday pellicula usum est. :twisted: Ob pestilentiam, anglicus rex vestustum murum refecit.
Vale fratres! :D
ignisdraconis
 
Nuntii: 2
Nomen dedit: Sat 13 Dec, 2008 9.58


Return to Antiquitas Romana

Qui adsunt

Users browsing this forum: No registered users and 1 guest

cron