YLE Colloquia Latina

M. Favonius sodalibus s.
His diebus Angelica Papagika psychologa Turicensis rem publicam Turcicam, nisi Hagia Sophia Christianis restituta esset, in Unionem Europaeam asciscendam non esse censuit. Qua de causa decies centena milia hominum dixit a se rogatum iri, ut petitionem ad Parlamentum Europaeum mittendam subscriberent. Equidem Turcos, si generose sacram illam aedem reddidissent, apertissime declaraturos fuisse puto liberam colendae religionis facultatem a se etiam Christianis datum iri. Vos quid censetis?
Valete. Kalendis Octobribus. Ex Cornicum Campo.

Scipio Marco suo s.
Puto Hagiam Sophiam a Christianis restituendam esse. Hodie illa Basilica museum est. Sed istud nullius momenti est ut Turcia in Unionem intrare possit. Alia magni momenti sunt: quaestiones de gentiibus Curdis, probatione Cypri, libertate cultus, culpis contra Armenios, pauperitate et oeconomia.

Quid censetis de ingressio Turciae ?

Parmae, die 1 Mensis Octobris.

Mercurius Marco suo sodalibusque s.

Certe iustum aequumque esset Hagiam Sophiam Christianis, aut rectius orthodoxis restituere. Quae autem restitutio sine dubio territores islamicos magnopere inflammaret, immo ad templum illud magnificum explodiendum excitaret. Quid de eo censetis? Valete. Budapestini, Kal. Oct.

In diebus ultimis, sicut prophetia est apud Graecos, Basillica Sanctae Sapientiae orthodoxis christianis restituebatur et de una columnarum vel pariete basilicae presbyter qui liturgiam servabat cum Turcae in basillicam introirent, exibit et liturgiam complebit, quam prius complere non potuerat.

Non solum Sanctam Sophiam restituendam censeo esse, sed omnes alias basilicas a infidelibus de Saracena haeresi, ambactas necnon et Basilicae saracenorum more addita turricula (anglice minarets) delenda esse, omnibus cum inscriptionibus de eorum scripturis quae maximam sanctarum imaginarum partem tegunt.
Paraschou, Kyrie.

Mercurius augustino s. d.

Quod scripsisti, amice Vlache, non serio te scripsisse spero; si enim serio illa scripsisti, insanus aut certe fanaticus es, non multo melior illis territoribus Islamicis. Vale.

Augustinus Mercurio s.d.
Nugae sunt quae prior scripsi.
Pax tecum.