--------------------------------------------------------------------------------
Nuntium misit: Cristianus Iulius | 15.07.2003 - 20:08 | |
--------------------------------------------------------------------------------
Amicis linguam latinam loquentibus ac scribentibus s.p.d.
Velim vobis suggerire nos hanc aream cum sententiis, adagiis, cogitationibus aut aliis verbis ex auctoribus latinis, sive romanis sive media aetate modernaque, implere. Exempli gratia: "Memento aequam servare mentem rebus in arduis" (Horatius). "Non sibi sed toto genitum se credere mundo" (Lucanus). "Aurei freni non faciunt meliorem equum" (Seneca). Hoc modo possumus adipisci collectionem summa varietate sapientiae atque pulchritudinis ex latinistis toto orbe. Etiam volo vobis petere ut salutationes meo magistro linguae latina, Philipo Dantoniense, mittatis. Is, imbecille valetudine, senecto, carente machinae computatoriae, nequet addire se ipso hanc aream colloquialem, tametsi egomet fero interdum eo aliqua extracta. Multum felix ille esset si salutationes ex vobis, amicis, accipiret. Hac de causa vobis peto ex corde eum salutare, propterea quod bonissimus vir optimissimusque magister est. Gratias plurimas vobis ago. C.I
RE: Sententiae, adagia et caetera
--------------------------------------------------------------------------------
Nuntium misit: Mercurius Hungaricus ® | 17.07.2003 - 10:30 | 1 | |
--------------------------------------------------------------------------------
M. Iulio suo s. d.
Tuum consilium de sententiis Latinis colligendis maxime probo, sententias vero proverbiaque ab antiquis scripta aut dicta iam omnibus nobis satis nota et quasi trita esse crediderim; quam ob rem haec in colligendo omittenda, et nonnisi ea, quae quisque a suis maioribus orta noverit, huc asserenda melius esset. Colligamus ergo "sententias nationales", vel quaecumque Latine dicta atque ad aliquam gentem (cuique suam) quoquomodo pertinentia! Necesse autem est ut commentaria sententiae a nobis citatae adiciamus, alioquin ceteri eam haud intelligent.
Ecce exemplum meum de Latinitate Hungarica assumptum:
"Ugocsa non coronat"
Ugocsa scilicet comitatus minimus in Hungaria (Hungaria enim in "comitatus" divisa, ut imperium olim Romanum in provincias), qui cum a. D. MDXXVII. a Ferdinando Habsburgico, post mortem Ludovici secundi rege electo in coronationem invitatus esset, hoc responsum certe Laconicum remisisse fertur. Qua sententia uti solemus, cum aliquis ignotus humilisque se magni momenti esse credit; sed eadem sententia etiam animum rebellem Hungarorum luculente indicat. Valete.
RE: Sententiae, adagia et caetera
--------------------------------------------------------------------------------
Nuntium misit: Gaston | 17.07.2003 - 16:49 | 2 | |
--------------------------------------------------------------------------------
Maximam sententiam nostri clarissimi philosophi, Luis Barrionuevo, urbi et orbi divulgare volo. Ecce vobis:
Nemo in Argentina labore divitias cumulat.
Ignoscite mihi, iocans scripsi.
RE: Sententiae, adagia et caetera
--------------------------------------------------------------------------------
Nuntium misit: Mercurius Hungaricus ® | 17.07.2003 - 17:59 | 3 | |
--------------------------------------------------------------------------------
Cur non? (scilicet cumulat)
RE: Sententiae, adagia et caetera
--------------------------------------------------------------------------------
Nuntium misit: Marcus Favonius ® | 17.07.2003 - 21:26 | 4 | |
--------------------------------------------------------------------------------
Marcus Favonio Christiano Iulio s.
Mitto tibi navem prora puppique carentem.
Credo hoc aenigma a te solutum iri.
Cura, ut valeas.
RE: Sententiae, adagia et caetera
--------------------------------------------------------------------------------
Nuntium misit: Mercurius Hungaricus ® | 18.07.2003 - 01:21 | 5 | |
--------------------------------------------------------------------------------
Ecce novum proverbium nobis Hungaricis omnino notum, quod tamen magis anecdota vocari debet.
Anno MDCCXL. Carolo VI., Imperatore Sacri Romani Imperii sine masculino haerede post longum morbum mortuo eius filia, Maria Theresia ei successit provinciasque Austriacas hereditarias accepit, quae comitiis anno sequente convocatis et a Hungaris regina creata ac coronata est. Borussici vero ac Bavarici, et aliae gentes successione Mariae Theresiae irrita habita provincias Habsburgicas copiis invaserunt. In qua magna calamitate - de domo enim Habsburgiaca ageretur - regina in sessione Comitiorum filium infantem in sinu tenens oraque lacrimis effusa cum a Hungaricis auxilia petivisset, ordines tali visu permoti magna voce clamaverunt:
"Vitam et sanguinem pro regina nostra!"
Fertur autem nobilis quidam amico suo susurravisse: "sed avenam non", id est, Hungari avenam equis militaribus haud suppeditaturi, cum ea caro pretio sit, scilicet carior, quam vita et sanguis...
Valete:
MH
RE: Sententiae, adagia et caetera
--------------------------------------------------------------------------------
Nuntium misit: Marcus Favonius ® | 18.07.2003 - 01:47 | 6 | |
--------------------------------------------------------------------------------
Salvete pariter omnes!
De veterum librorum venditore nuper emi libellum, qui inscribitur „Limericks, Limericks“. Quem studiose pervolutanti forte mihi occurerunt quinque versiculi, quibus Rudyard Kipling puellam quandam a Riga oriundam lepide hoc modo prosecutus est:
PVELLA RIGENSIS RIDEBAT
QVAM TIGRIS IN TERGO VEHEBAT
EXTERNA PROFECTA
INTERNA REVECTA
SED RISVS CVM TIGRE MANEBAT
Cui vestrum alia sunt nota eiusmodi poematia?
RE: Sententiae, adagia et caetera
--------------------------------------------------------------------------------
Nuntium misit: Mercurius Hungaricus ® | 18.07.2003 - 12:01 | 7 | |
--------------------------------------------------------------------------------
Mercurius ombius, praecipue autem Marco s. d.
Equidem carmina "Limerick" vocata sane novi, sed nonnisi Hungarice scripta. Quorum constructio ita se habet: A A B B A, versusque littera "B" notati breviores esse debent.
Valete.
RE: Sententiae, adagia et caetera
--------------------------------------------------------------------------------
Nuntium misit: Gastón | 18.07.2003 - 16:21 | 8 | |
--------------------------------------------------------------------------------
Commentarium sententiae a me praedictae adicio.
Vero Luis Barrionuevo clarissimus philosophus non est sed vitiosus operariorum congregationis princeps. Semel, corruptelae incusatus, causam dixit: "nemo in Argentina labore divitias cumulat".
Hodie in Argentina haec sententia "notissima" est. Barrionuevo tamen in carcerem conjectus non est. Propter istam causam ego amare fleo
Ignoscite mihi quod latinam linguam male mulco.
Valete!
RE: Sententiae, adagia et caetera
--------------------------------------------------------------------------------
Nuntium misit: Cristianus Iulius | 19.07.2003 - 06:52 | 9 | |
--------------------------------------------------------------------------------
Salvete omnes, amici!
Mi Mercuri dilectissimi:
Si verum est quod Petronius unquam dixit, "Amor ingenii nunquam neminem divitem fecit" tu es profecto pauper. Veritas locuta est ore tuo cum protulisti nos sententias ex nostris patriis colere. Certe refers pulchras traditiones ex tua patria, Pannonia, sapienter dictas ac explicatas. In Argentina hoc proverbium dicitur: "etiam capillum tenuissimum misit umbram suam in solum". Id significat quod non decet aliquem in contemptu tenere causa suae parvitatis aut ignorantiae, propterea quod etiam parvulis ignorantisque est aestimatio, tametsi ea videtur no posse, sicut umbra capilli tenuissimi. Tunc fortassis Ugocsa non coronat, sed certe misit umbram suam in solum. Vale et cave prosequaris, quaeso, nos mittendo margaritas tuae amplissimae sapientiae
Marce amice, tibi salutem plurimam dico
Nescio quid sit illam navem tuam prora puppique carentem. Anne Interretis, ubi navigatur sine prora et sine puppe? Hoc aenigma me praeterit. Te libente, dic mihi solutionem! Optima vale
Gastoni, populari mi argentini!
Lacrimis effusis oculis legi tuam recordationem illius scelerati Ludovici Novivici (Barrionuevo lingua latina dicto "novo vico"). Coram illo, Lucius Catillina infans imbecillia aetate est! Verus corruptus detritus, qui quaesitus quomodo Argentina ex pauperitate exire possit dixit: "Debuerimus nos praefecti latrocinio duis annis parcere". Utinam Parcae eum attulerint! Obiter dictum, ubi habitas in Argentina? Ego in villa pilariense, circa Cordubae civitate. Te volente possemus nos obviam addire. Vale
RE: Sententiae, adagia et caetera
--------------------------------------------------------------------------------
Nuntium misit: Marcus Favonius ® | 19.07.2003 - 11:59 | 10 | |
--------------------------------------------------------------------------------
Marcus Cristiano Iulio s.d.p.
„Mitto tibi navem prora puppique carentem.“
Intentis modo contemplare oculis „navem“!
Si n et m litteras, i.e. navis quasi „proram puppimque“ amoveris, illud facillime solves aenigma.
Vale quam optime.
RE: Sententiae, adagia et caetera
--------------------------------------------------------------------------------
Nuntium misit: Tiberis ® | 19.07.2003 - 14:39 | 11 | |
--------------------------------------------------------------------------------
Tiberis Gastoni s.d.
nescio quomodo tibi in alio locutorio,id est sub alio themate proposito responderam. qua re animadversa verba mea huc transtuli. haec sunt:
Tiberius Gastoni s.d.
possum te sedare: linguam enim Latinam a te minime mulcari arbitror.
quod ad sententiam a te allatam pertinet, equidem eam non multum a vero abesse opinor,quamquam ambiguitate quadam non caret . nam si res oeconomicas Argentiniae recte iudico,pauperrimus quisque non pro labore suo solvitur,cum multi sint,qui magnas sibi paraverint opes parum laborantes.qua re te non propter istam sententiam flevisse spero, sed quia Barrionuevo non corruptelae damnatus sit.
liceat mihi aliam sententiam ad rem oeconomicam attinentem addere,quam Bruno Kreisky,pristinus rei publicae Austriacae cancellarius,qui civitatem nostram plus quam XVI annos regebat,tam luculente dixerit, "se malle rei publicae complures esse aeris alieni milliones,quam nonnulla centena milia hominum opera carentium".
quae sententia ,quam ego magni aestimem,tamen hoc tempore ab illis,
in quorum potestate res oeconomicae sunt quique monetaristae appellantur, non libenter auditur.
vale.
RE: Sententiae, adagia et caetera
--------------------------------------------------------------------------------
Nuntium misit: Cristianus Iulius | 19.07.2003 - 20:43 | 12 | |
--------------------------------------------------------------------------------
Salvete amici!
In prosequendo cum consilio magni Mercurii Hungarici, vobis mitto haec dicta mea terra:
“Demens est ovis qui cum lupo confiteturâ€
Vale! Vardae, quod et Kisvárda a Hungaris appellatur, in terris Iazygorum, a. d. XIII. Kal. Iun.