YLE Colloquia Latina

Soter omnibus Sodalibus s.d.p.


“L’Osservatore Romanoâ€

Ego non amem Cattholicam Ecclesiam, sed id demonstrat Latina Lingua viva est , contra quos qui contrarium declarant . Vale et Romani possunt vincere Anglicam Linguam

Soter Furio Camillo, sodali spectato, s.d.p.


Gratias tibi, Furi Camille, ago pro nuntio tuo, qui mihi pergratus in hoc thema venit.

Tuus ardor sincerus linguae Latinae nostrae amatissimae prosit !

Facias, ut quam optime valeas.

Soter

A. d. XI Kalendas Septembres a. D. MMVI - Neapoli

Mucius omnibus sodalibus s.d.p.

Quamquam latinam linguam omnibus uiribus diligam, et eam potissimum uelim adhiberi in orbe totium terrarum uehiculum loquendi inter nationes, tamen uideo hoc nunc magnopere distare a uero .

Lingua qua loquntur homines mundi, iam scimus, est lingua potissimi. Nam cur linguae se diffuderunt inter gentes? Quia natio quae ea utebatur praestabat ceteris ui militari, terra mariue, aut oeconomia aut cultu moribusque. Sic illae aliae nationes cogebantur eam discere linguam si mercari aut, quod saepius accidebat, uiuere sospites cum dominatore uolebant.

Hac ratione se propagauit lingua graeca in omnem terram orientalem cum Alexander Magnus mores imperiumque Macedonum intulit omnibus. Tam diffusa inculcataque est haec lingua primatu cultus graeci, ut omnes in oriente usque ad multos annos p.Ch.n. eam potissimum locuti sint.
Postea creuit imperium romanum, quod paene idem fecit. Auctum est illud et floruit maxime, Romani magna architectonica opera tulerunt et eorum ingenio doctrinaque multi populi meliore ratione uitae donati sunt, aquaeductibus, cloacis, uiis... Quamquam prius iugum pati debuerunt. Aliquae regiones tam romanae factae sunt ut se non cogitarent dissimiles romanis esse ; eis populis fuerunt et patres conscripti et principes imperatoresque (nunc in mentem uenit e.g. Traianus hispanicus). Quamobrem latinitas, quae interdum graecitati quoque aliqua usurpauit, permanauit per omnes terras. Ea fuit per mediam aetatem uehiculum principale communicandi inter doctos uariarum regionum, et ecclesia eam adhibuit suam linguam propriam.

Quando linguae latinae igitur occasus occepit? Credo hoc euenisse in re noua francogallica, quando lingua francogallica, diuolgata a Napoleone, facta est Europae prima. Nam illis temporibus cuncti ea loqui debebant, cum milites francogallicae reipublicae ubicumque essent. Etiam in aulis regiis ea utebantur, quia facta est doctorum cultorumque lingua. Postea haec lingua ualuit etiam ob occupationes coloniales (sicut etiam anglica).

Nunc potisima natio est U.S.A., quae et oeconomice et militariter alias superat. Mundum fere iam illi dominantur, primi sunt in innouationibus inuentionibusque scientiae, et maxime sunt diuites. Si lingua hodie est qua utantur homines, illa esse debere uidetur anglica .

Sed fortasse non omnino de latinitate actum est. Forsin etiam paruolam spem tenere possumus. Praeter Status foederatos Americae, eminere conatur alia potentia, quae tamen difficultatibus expers non est: Europa Foederata, quae radices suas in latinitate habet, cui minime apta uidetur lingua anglica ob uarietatem culturarum rerumpublicarum quae in illa adsunt. Tum ecce possibilitas emergit a caligine linguae latinae exurgendae.
Sed ualde laborandum etiam est, et cum Europa etiam sit foederanda, tum latinitas propaganda ut publica lingua adhibeatur!
Facitote ut quid censeatis sciam!

Valete mihi quam maxime, latinitati fauentes!