YLE Colloquia Latina

Lucius omnibus sodalibus s.d.p.

Vt uera dicam, proprie de animalibus loqui nolim, potius de quodam uersu omnino insolito quem haud teneo. Ecce pagina qua uerba peculiaria continentur:

http://www.latinitatis.com/latinitas/audio/animal.htm

Haec mihi insolita uidebantur:

diutissime homines iam una cum animalibus habitant et vivunt. Eadem in domos suas assumpserunt, ut imprimis eorum utilitate fruerentur. Nam spectabant ad cibos vario modo praebendos et ad opera quaedam exhibenda. Sed decursu temporis homines etiam sensualiter cum eis coniungebantur.

Quid? Bene haec lego? Nolo praue interpetari talia uerba, sed sensus mihi uidetur homines sensualiter cum animalibus quibusdam coitu coniuxisse ! Haud ei credere possum inter talia prorsus naturalia quae pro liberis, pueris puellisque destinentur! sed uincor ex ut uidetur plana interpretatione. Nisi alia significatio exsistat quae innoxia habeatur?

Multam petens ueniam,
Die Martis ex Bethlehem a.d. XIV kal. Mai.

Marcus Lucio suo sal.
Quam paucissimis haec:
„Sed decursu temporis homines etiam sensualiter cum eis coniungebantur“, id est „sed decursu temporis homines – utilitate animalium neglecta – etiam deliciarum sive animi voluptatisque causa cum eis coniungebantur“; quae animalia nihil aliud sunt nisi hominum comites amicique amabiles: canes, feles, mures albi, mesocric

Lucius Marco s.

Bene est! Gratias, ueniamque iterum peto; putabam illa nimis insolita esse. Erat propter peculiarem comparationem uocabulorum et "sensualiter" et "coniugebant" ut sic prauam mentem meam effecisset. Bene!

Vale,
Eodem die ex Bethlehem.