YLE Colloquia Latina

Salvete!

Est mihi haec quaestio: Quomodo Latine tempora diei reddant?
Exempli gratia: Wie spät ist es? - Es ist fünf, halb fünf, Viertel vor/nach fünf, 5 vor/nach fünf.
Ich komme um fünf, halb fünf, Viertel vor/nach fünf, 5 vor/nach fünf.

Valete!
Horst

Meministine, caenum, cum ad te quinta fere hora cum C. Pisone venissem...

Ea res acta est, cum hora sexta vix Pompeius perorasset, usque ad horam VIII...

Erat enim parasceve Paschae, hora quasi sexta, et dicit Judaeis: Ecce rex vester.

Salvete, Horst et Vilk!
”Tempora diei” sive horae, de quibus Horst quaesivit, Latine hoc modo exprimi possunt:
1. Wie spät ist es? = Quota hora est?
2. Es ist fünf = Est hora quinta.
3. Es ist halb fünf = Est hora quarta et dimidia = Est hora quarta et minuta tricesima.
4. Es ist Viertel vor fünf = Est hora quarta et dodrans = Est hora quarta et minuta quadragesima quinta.
5. Es ist Viertel nach fünf = Est hora quinta et quadrans = Est hora quinta et minuta quinta decima.
6. Es ist 5 vor fünf = Est hora quarta et minuta quinquagesima quinta.
7. Es ist 5 nach fünf = Est hora quinta et minuta quinta.
8. Ich komme um fünf = Venio horā quintā.
9. Ich komme halb fünf = Venio horā quartā et dimidiā = Venio horā quartā et minutā tricesimā.
10. Ich komme Viertel vor fünf = Venio horā quartā et dodrante = Venio horā quartā et minutā quadragesimā quintā.
11. Ich komme Viertel nach fünf = Venio horā quintā et quadrante = Venio horā quintā et minutā quintā decimā.
12. Ich komme 5 vor fünf = Venio horā quartā et minutā quinquagesimā quintā.
13. Ich komme 5 nach fünf = Venio horā quintā et minutā quintā.
Haec nimirum hodierna tantummodo est ratio horas et minutas indicandi. In excerptis, quae Vilk commemoravit, de ratione Romanorum antiquorum horas numerandi agitur, quae longe alia erat ac nostra: e.g. hora prima apud eos eadem fere erat atque apud nos hora sexta antemeridiana, duodecima autem hora (ultima diei) eadem fere atque apud nos hora quinta postmeridiana. Longitudo horae Romanae diversis temporibus anni paululum variabat; cum enim hora duodecima pars esset temporis inter orientem et occidentem solem decurrentis, horae aestivae hibernis paulo longiores erant. Minutas Romani horologiis suis solaribus et clepsydris numerare vix poterant.
Vos optime valere iubet Ericus Palmén.

Salvete Vilk et Erice!

Maximas vobis gratias ago pro responsis vestris! Denique amicam amatam sermone Latino certiorem facere possum, quotā horā conveniamus.

Valete!
Horst