YLE Colloquia Latina

"Comam uram, miles fiam!"
Haec sententia et latine et hungarice intellegitur. Quis scit similem voces? Quod sit longissima?

Martinus Bandii/Bandio/Andreae/Bando/ salutem plurimam dicit

Licetne mihi solutionem tradere? Vel hocne pensum est incolis non Hungaricae terrae?

Praecipite, aliae terrae incolae!

Vale. Secto Kalendas Apriles.

Quamquam hungaricum exemplum retuli, atque ex aliis lingvis solutiones exspecto.

Marcus Bandio sal.
Etiam in lingua Theodisca reperies talia dicta. Hoc tibi placeat exemplum:
DI CVRANTE BIS SI FILVM
Theodisce: ??? (in Latinum conversa: Vacca non prius destitit currere quam collapsa est.)
Vale.

Ecce alterum dictum¹:
Vir quidam Francogallus pictorem adiit, ut tabulam ad verba „Habe mortem prae oculis!“ accommodatam manu sua eleganti pingeret. Quae verba cum ab illo viro Francogallice pronuntiata essent, pictor errore inductus tabulam pinxit sane miram: Quid in tabula apparebat feliciter picta²?


___________________________________________
¹ Hans Weis, Bella Bulla, ed. V., Bonnae 1969, p. 197sq.
² Abbé mort en pré au cul lis.

Phlebas Favonio suo salutem

Forsitan intrimentum venenum continebat? an mors naturalis contigit? an ex laboribus coquinis …? nemo potest voluntatem fati investigare …

Vale quam optume, amice mi

Phlebas Marcum rursus salutat
... forsitan de abbate mortuo et de liliis ornantibus eum …
Rursus vale

Favonius Phlebae suo s. d. p.
Rem optime interpretatus es, mi amice. Aenigma videtur esse, quod apud nos „Rebus“ appellabatur. Et verbis DI CVRANTE BIS SI FILVM Theodisce pronuntiatis haec efficitur sententia: Die Kuh rannte, bis sie fiel um, id est: Die Kuh rannte, bis sie umfiel: die Kuh = vacca; rannte = cucurrit (rennen = currere); bis = dum; sie fiel um = concidit (umfallen = concĭdere).
Ecce alterum „Rebus“: Anus librum legit, qui inscribitur TVL TVL TVL. Qui scriptor eum composuit?
Iubeo bene te valere. III Kal. Apr. Ex Rhenania inferior.

Ter TVL li(brum) anus : Tertullianus ?
Vale

Tertullianus --- ita est, optime Phleba; gratulor . Ingens facete dictorum videtur esse numerus. Ut finem faciam: Quid sibi haec volunt verba? -> TETE RORO MAMA NVNV DADA TETE LALA TETE !

Ericus Palmén Marco Favonio Ursino s.d.p.
In verbis tuis latet versus hexameter "Te tero, Roma, manu nuda; date tela, latete!" Cura, ut valeas!