--------------------------------------------------------------------------------
Nuntium misit: anne-laure jouan | 22.09.2003 - 09:04 | |
--------------------------------------------------------------------------------
magistra gallica aliis magistris sd
colloquium aperire discipulis meis aliquibus desidero
thema : de variis laboribus apud Romanis populis, de nomina illorum, de condicionibus, instrumentis, habitibus petamus
Valete !
RE: quid colloquium discipulis meis suisque proponam ?
--------------------------------------------------------------------------------
Nuntium misit: Cristianus Iulius | 23.09.2003 - 05:52 | 1 | |
--------------------------------------------------------------------------------
Cristianus Iulius Anne-Laure s.p.d.
Aptissimum delexisti thema discipulis tuis, quapropter "omnia vincit labor".
Quid melius libro Ciceronis "De officiis" ut discamus de habitudinibus romanis ad laborem. Eum tibi commendo vehementer ad notitias extractandas.
Romanum existimo populum praecipue agricolam fuisse. Sit de hoc evidentia Horatii verba: "Beatus ille, qui procul negotiis, ut prisca gens mortalium paterna rura bobus exercet suis". Aut Virgilii: "Ecce autem duro fumans sub vomere taurus concidit, et mixtum spumis vomit de ore cruorem extremosque ciet gemitus. It tristis arator. Maerentem abjungens fraterna morte iuvencum; atque opere in medio defixa relinquit aratra".
Cicero etiam locutus de habitudinis agricolarum: "Semper boni assiduique domini referta cella vinaria, olearia, etiam penaria est...villaque tota locuples est, abundat porco, haedo, agno, gallina, lacte, caseo, melle. Iam hortum ipsi agricolae succidiam alteram apellat. Conditiora facit haec aucupium atque venatio".
Spero te iuvisse. Vale quam optima!
RE: quid colloquium discipulis meis suisque proponam ?
--------------------------------------------------------------------------------
Nuntium misit: Marcus Favonius ® | 23.09.2003 - 23:11 | 2 | |
--------------------------------------------------------------------------------
Marcus Annae-Laurae s.d.p.
Equidem ut collega in colloquiorum nostrorum campum te descendisse gaudeo
. Sed rem sane difficilem proposuisse videris. Colloquia enim ex eorum, qui collocuturi sunt, aetate pendent. Si ergo nossem, quot annos discipuli tui nati sint, perlibenter – pro di immortales – hac ipsa tibi epistula demonstrassem, quibus de rebus cum discipulis colloqui posses. Tamen accipe, quid alia magistra Gallica – ea haud procul a Samarobriva habitat - me suasore ante paucos annos conata sit: cuius discipuli enim ex Caesaris commentariis eos ipsos locos excerperunt, quos ad communem Galliae Germaniaeque historiam pertinere abitrabantur (exempli gratia: b.G. 4, 1-19; 6, 9-28). Nescio, an hoc tibi placeat.... Vale.
RE: quid colloquium discipulis meis suisque proponam ?
--------------------------------------------------------------------------------
Nuntium misit: anna-laura | 29.09.2003 - 09:02 | 3 | |
--------------------------------------------------------------------------------
vobis is omnibus salutem do gratias multas ago
hodie ut facilius intellegas sententias componere volo
quattuordecim annos natu discipuli decem "amicos cum calamo" petunt
quid faciam ut latine cum ejusdem aetatis aliis discipulis" loquantur" et cogitent et documenta de latinis officiis mutent?
Mihi autem data erat in Suecia inscriptio aliqua electronica, sed nihil secutum est ...
Auxilium ferte !
Valete
RE: quid colloquium discipulis meis suisque proponam ?
--------------------------------------------------------------------------------
Nuntium misit: Tiberis ® | 30.09.2003 - 01:19 | 4 | |
--------------------------------------------------------------------------------
si recte intellexi,sedem electronicam sive locum in interrete situm quaeris,qui discipulis tuis facultatem daret Latine per epistulas colloquendi.quae quidem res mea quoque magni interest. sed -pro dolor - plurimis paginis interretialibus frustra investigatis nihil prorsus inveni,quod par esset huic proposito. sed nil est causae, quin animo deficiamus, primum,quia non dubito,quin futurum sit,ut ab uno ex ceteris consilio ac re adiuveris, deinde, quod ipse pergam hanc rem sequi.
vale.
RE: quid colloquium discipulis meis suisque proponam ?
--------------------------------------------------------------------------------
Nuntium misit: MarÃa Jesús | 01.10.2003 - 12:55 | 5 | |
--------------------------------------------------------------------------------
Linguae latinae magistra sum in doctrina postobligatoria et cum discipulis meis in hac interretis sede electronica colloqui soleo: www.cirlapa.org
RE: quid colloquium discipulis meis suisque proponam ?
--------------------------------------------------------------------------------
Nuntium misit: Olivarius Rimbault | 05.10.2003 - 18:00 | 6 | |
--------------------------------------------------------------------------------
Olivarius Gallus amicis et collegis p.s.d.
Et ego tertium iam annum commercia inter discipulos meos et aequales sive alienos sive Francogallos non solum instituere
soleo sed etiam adhibeo ut lingua Latina quasi viva ab eis discatur. Tiberis paginam ad commercia illius generis confectam
in interreti non invenit. Una tamen exstat, in situ illius Germani magistri qui et conventicula iuvenum Latinistarum quaque
aestate instituit :
http://www.maierphil.de/#SeptLat
Nihilominus id optimum propositum non semper dignum successum obtinet et offert. Nam ante unum annum tantum
unam inscriptionem hoc modo inveni cuiusdam Hispanae magistrae quae numquam mihi respondit... Unus e
moderatoribus illius situs, nomine Wolfram Bohmhammel, mihi humanissime scripsit paucissimas classes ei consilio
participare voluisse. Fortasse multo plures ab illo tempore semetipsas signaverunt. Fortasse adhuc tam pauci magistri
sumus qui talia commercia desiderent temptentque ut non sine difficultate nobis ipsis occurramus. Semper collegas
invenire potui inquirendo participibus variorum gregum sicut : (internationalis) Grex Latine Loquentium, (Itali)
VivaLatinitas, (Americani) Latinteach. Sed fere omnes classes in Europa inventae in gymnasiis sive lyceis fuerunt cum ego
discipulos XII, XIII et XIV natos litteras Latinas vivo modo doceam. Iam aequales ad hos minores natu invenire voluerim,
ut plus quam unum annum epistulas Latinas seramus sed etiam, quidni, conventus aliquando paremus, in quibus discipuli
vivos sermones habeant, si quidem ita linguam Latinam didicerint. Praesertim in Hispania illos amicos invenire cupiverim
quippe qui ad fines inter Galliam et Hispaniam doceam, proxime Perpiniano et Empuriis. Non institutiones quidem propriae
nobis adjuvant quae differant : quod sciam, Hispani discipuli solum in doctrina postobligatoria vere discunt linguam
Latinam scilicet cum XIV iam annos nati sunt. Postea in eisdem aedibus manent usque ad baccalaureatum cum Francogalli
ad alias migrent ! Novus in hac urbe magister sum nec collegas lycei nostri cognovi. Puto autem me sine difficultate eis
persuasurum esse ut commercia Latina a me incepta pergant ! Ergo omnes propositiones undicumque gratiossima mente
ac
RE: quid colloquium discipulis meis suisque proponam ?
--------------------------------------------------------------------------------
Nuntium misit: anna-laura | 10.10.2003 - 11:29 | 7 | |
--------------------------------------------------------------------------------
olivario s. d. epistulas recepi.sed respondere non potui
nescio cur wanadoo transferre nolverit
jucundissimum tamen ego nuntium discipulis transferam epistulasque septem comparabunt
rescribe inscriptionem tuam
vale
RE: quid colloquium discipulis meis suisque proponam ?
--------------------------------------------------------------------------------
Nuntium misit: Rimbault | 15.10.2003 - 23:28 | 8 | |
--------------------------------------------------------------------------------
Olivarius Annae-Laurae salutem !
Euge ! Per situm Finnicum et viam quae in interreti non tam longa est quam in tabula geographica duo Francogalli
magistri sibi occurrere potuerunt ! Gaudeo quod solum decem discipuli tibi sit. Nam septem sunt mei nec commodum sit
commercium instituere inter classes numerorum nimis differentium. Etiam aequales sunt ! Providentia hunc conventum
nostrum paravit ! Huius igitur hebdomadae Veneris die primam epistulam vobis scribemus ut de nobis ipsis pauca
nuntiemus. Per ferias Omnium Sanctorum ad privatam et cursualem inscriptionem tuam mittere mihi liceat quo citius litteras
accipias, si modo permittas. Utroque modo, da mihi scholae inscriptionem. Adhuc nescimus ubi Francogalliae siti sitis !
Olivier Rimbault
20, rue de la R