YLE Colloquia Latina

Salvete,

We have a requirement to translate simple sentences into Latin.

If you are interested, please contact us at kembreg@yahoo.com

The work will be renumerated.

We look forward to hearing from you.

David

Salve, David Kembreg!
Primum quidem te interrogo, utrum nuntios Latine scriptos intellegas necne. Si intellegis, praeterisse te videtur id, quod in registrationis praeceptis explicite dictum est, omnia in hac area colloquiali Latine agi debere; sin minus, spero te aliquem inventurum, qui tibi hoc responsum interpretetur.
Sciscitaris a sodalibus areae nostrae, num quis nostrum quasdam sententias simplices Anglice sive aliis linguis expressas velit Latine reddere; quin etiam polliceris pro labore eas Latine reddendi certum pretium solutum iri (dicere vis: â€

Vt ad me attinet, cuius Latinitas imprimis Americana magis subolet, renumerari pro labore suscepto priusquam remunerari exspectarem.

Salutationes a California, Ioue X kal. Sext. aestuante XLV centigradus. Aqua!

Kembregei omnibusque spd

Sorry, but I connot speak english without grammatical errors:
Who is interested to have sentences translated in latin and give money for this? David, please, explicate (?) it also in english if you connot to tell in latin. But if you will found anyone that can translate your words in latin, as Ericus suggest, you will have founded the man for the job that you have proposed to us!
Seriously: what sentences they are? What is the project? Who will read this sentences?

Britannice loqui sine soloecismis, doleo, sed nequeo.

Cuius interest sententias latine habere redditas? Hisque pro redditis tribuat pretium?
David, haec explices quaeso: si latine nequis, britannice explica, sed explica. Ceterum, si quem verba tua latine reddere dexterum reppereris, ut Ericus suadet, hominem quo tibi opus erat nempe reppereris! Illum sane ad operam hanc adlicere licebit!
Sine ioco: Quae sententiae sunt? Quale consilium inest? Quis leget?

Vale

PS Finally I'm most interested to know that Ericus has asked: with which instrument you'll pay?

PS Maxime demum scire refert, quod iam Ericus rogavit, quo instrumento persoluturi sitis.

Iterum vale

M. Favonius sodalibus sal.

Quod ad verbum Britannicum to remunerate attinet, partim cum Erico Palm

Mercurius sodalibus s. d.

Ita est, Marce, et quidem mihi quoque priusquam verbum "remuneror" describam, mente revolvendum est, unde hoc verbum ortum sit; ac intellecto tandem e vocabulo "munus" illud derivari posse, iam sine dubitatione describere audeo, metu, ne confunderem n ac m, mihi ablato... Ceterum, cum saepe in hoc forum visitatores veniant Latine non loquentes aut non sufficienter loquentes, tamen qui antiquitatis amantes aliquid a nobis interrogare rogareve velint; cum haec, inquam, ita sint, instituendum esse crediderim forum pro huiusmodi hospitibus, ut ibi in lingua e. g. Britannica quid velint libere explicare possint. Quid vos censetis? Valete. Ex arce Budensi, a. d. VIII. Kal. Aug.

M. Favonius sodalibus, imprimis Mercurio suo sal.

Equidem, amice optime, si litterae non Latine scriptae admitterentur et ante omnium sodalium oculos ponerentur, colloquia nostra singularia funditus corruptum iri puto. Di meliora!

Neque tamen visitatores, qui parum Latine sciunt vel Latine scribere non audent, omnino ingressu arcendos esse censeo. Ne ergo secundam eorum in nos voluntatem offendamus, hoc propono:

Indici Frequenter Allatarum Quaestionum (FAQ, registration issues) inseratur haec fere quaestio: „How can I participate in the Colloquia without being able to write Latin?“ The answer might be: „You are invited to send private letters to the members of the Colloquia in your own language. You can get private addresses from the Index of Users (Index utentium). We are sure that you’ll get adequate answers...“, id est „Quamvis Latine nesciam, Colloquiorum particeps esse velim. Sed qua ratione?“ Responderi potest: „Licet tibi scribere epistulas privatas ad sodales, idque in quavis lingua. Quod ad inscriptiones electronicas privatas attinet, inspicias oportet Indicem utentium. Pro certo habeto responsa liberalia tibi datum iri!“

Hac de re vos quid sentitis, amici?

Valete.
VIII K. Sext.
Ex Rhenania inferiore.

Saturninus Ursino s.d.p.
Praesertim litteras "m" et "n" inuersas per iocum deridebam; de uerbis ipsis non disputabam. Vt ita dixerim, quasi meas translationes dialecto Americano subolentes magis renumerandas--i.e. Anglice "renumerated," "rereckoned"; i.e., "reficiendas"--quam remunerandas fore exspectarem. Iocus bonum. Iocus qualis, Latinus talis.
Vale!

Soter Mercurio Hungarico et Marco Favonio, Amicis carissimis, et omnibus Sodalibus s.d.p.

Quod attinet, Mercuri mi, ad instituendum forum, quo visitatores Latine non loquentes epistulas in quavis lingua mittere possint, hoc, ut verum dicam, longe videtur secus mihi ! !
Areae Colloquiali nostrae, enim, “Colloquia Latinaâ€

Mercurius sodalibus s.

Colloquio unico instituto, ubi etiam in aliis linguis nuncii scribi possint, "forum nostrum funditus corruptum iri" minime credo. DCCCVII membrorum in foro habemus, sed vix decem sumus, qui Latine frequenter scribimus. Si vero hi "muti" sodales facultatem haberent in lingua aliqua mundiali (World language, Weltsprache) a nobis aliquid quaerere, seu cum aliis tironibus colloqui - sed nonnisi in illo "conclave"! -, equidem multo plures hic versarentur, et multo pluribus forum nostrum notum ac ac commendatum esset. Quid si colloquium, quod condere in mente mihi est, "pro tentamine" XXX dies in foro manere posset, ac hoc tempore elapso una consultaremus de eo, utrum delendum illud esset annon? Gratias pro tuis opinionibus: etiam aliorum sodalium, in primis vero Erici iudicium exspecto. Valete. Ex arce Budensi, a. d. VII. Kal. Aug.

Rhumak Mercurio cet.isq dps

Egomet huic consilio tuo nihil obstem: nam, si quocumque fori litteras aliter ac latine scriptas mitti liceret, Marco meo consentirem, sed quando una in parte fori huice rei adposita tales epistulae admittantur, in quam inscripti latine loqui parum dexteri suopte sermone colloqui possint et exquisisse consilia doctis, haec pars Mercurio rogata nil alid ac "vestibulum", ut ita dicam, domus nostrae sit, in quo, ut cum Machiavellio loquar, sit (auxilio dexterorum) exuere vestimenta polluta luto (linguarum vulgarium, dico ego) et convivia lautus meare nova (linguae antiquae scilicet): ceterum et sutor calceum novum a calceo vetere metitur, nec cuiquam pote ilico nova calceamenta induisse sine ullo desiderio veterum.

Denique, si quid ipsi mihi condicioni Mercurii addere liceat, hanc legem rogem:

Hac parte fori constituta (quam quin "vestibulum" sane appellamus?), viri docti ei novicio, qui inter initia latine nequiter scribens lingua sua profari maluerit, responsa ambabus linguis conscripta mittunto, ut continuo et ille responsa futura sua adlaboret ut ambabus linguis rescribat, et denique, cum ipse se colloquiis iam sat paratum censuerit, in ceterum forum ultro versetur una lingua, idest latina nostra, usurpaturus.
Tale machinamentum censeo nil parvo auxilio fore noviciis.
Haec sentio.

VIVAVUVE

PS

"Linguae mundiales", weltsprachen, quibu Mercurius innuit, nempe nullae aliae esse possunt ac britannica ( ) et hispanica ( ), ut quibus plurimi hominum utantur in orbe, vel germanica ( ) et italica ( ), ut quibus procerrimi latinitatis graecitatisque studiosorum utantur.

Valete

Iulia sodalibus sal.

Non probo propositum fori aliis linguis aperiendi; id enim mihi maxime placet nullam aliam linguam adhibitam esse nostris in colloquiis, ita ut omnes aequa condicione scribamus, quod nemini lingua Latina est propria. Sunt quidem alia fora, quibus quasi adiuncta est pars Latina, e.g. http://www.e-latein.de/forum/ vel http://www.textkit.com/greek-latin-forum/, quibus in colloquiis ergo, qui velint, mittant nuntios aliis linguis scriptos. Si nos admittimus unam aliam linguam, maxima pars utentium ex iis terris venibunt, quorum est propria ea lingua, quod si prohibere studemus complures linguas admittentes, non iam omnes omnia intelligemus. Nonne id est, quod nostra colloquia reddit singularia, quod omnia non nisi Latine fiunt, ut e variis terris huc conveniamus, nec ulla terra praeferatur ?
Ad universitatem audivi sermonem "Si haec tibi non placet universitas, alio ito!" Quibus studia difficiliora videntur, alio eunto. Quam sententiam dubio tota probanda mihi sit an ex parte tantum, quoniam mutationi obstet iuraque studentium diminuere minetur. Nostro casu autem statim signaturam meam dabo, nam hoc unum nullo pacto mutare volumus, linguam Latinam esse linguam principalem. Qui eam non intelligunt, alio eunto. Qui intelligunt nec audent scribere, aut qui legere tantum volunt, spero ut maneant et aliquando audeant scribere. De falsa Latinitate multo magis gaudeo quam de rectis sententiis Anglicis vel ulla alia lingua hodierna scriptis, nam hoc probat scriptorem audere aliquid scribere, audere lingua uti, quam mortuam dicunt, nec timere peccata. Gaudeo scriptorem optima, qua sciat, Latinitate uti, quod quoniam facit, nil refert bonus an malus sit sermo eius. Conantur ii novi sodales ad rem aliquid dicere, vel colloquium novum aperire, conantur uti lingua Latina ad colloquiendum.
Qui autem alia quadam lingua aliquid scripserunt, ubi non commercialia scripserunt? Quis revenit responditque? Quis colloquio se inmiscuit?
David ille Kembreg parvulum nuntium nobis scripsit rogans conversionem. Cui Ericus aptissime, ut censeo, rescripsit. Rhumak etiam Anglice respondit, David autem tacet. Si habere vult conversionem, fortasse aliquem novit linguae Latinae peritum. Vult bonam conversionem? Esto. Quam mihi persuasum est eum accepturum esse potius in alio foro ut "textkit", ubi lingua Anglica est principalis parvis spatiis linguis Latinae Graecaeque reservatis, sed ubi multi utentes versantur nec pauci indocti. Luci Equitis nomen et hic et illic inveniat. Similiter se habet de "e-latein", ubi Tiberis, qui hic iam ex longo tacet, inter utentes reperitur, quamvis nesciam an David Germanice intelligat. Si tamen nostrum aliquem rogare velilt, oportebit mittat nuntium privatum. Haud magnum numerum nuntiorum perlegens facile videre poterit, qui nostrum magni aestimentur, cui ergo nuntium mittat privatum Anglice scriptum. Non intelligit quid scribimus? At cum registraverit, probavit condiciones utendi!? Quomodo potest probare quae non intelligat???

Haec hactenus. Valete.
Gottingae, a. d. VII. Kal. Aug.

Rhumak Iuliae ceterisque sodalibus spd

Primum, haec responsa et dissertionem nostram Kembregem non aestimare nucis: profecto semel scripsit semel rescripturo, et privatim sane: nam quid quo electrogramma sibi mittere sit indicaverit, consulto, ut puto, possibile hic colloquium praetereuns?
In secundis, quisnam quin latina esset lingua princeps umquam tantummodo dubuit?? Mercurius id unum dixit, unam partem colloquiorum et aliter scribi posse, in qua latine scribere nequeuntes facilius quam a libris doceantur, quique adscripti sunt, sed non versantur, sermone suo expolito versari audeant. Meapte sententia hoc minime linguam nostram minatur. Id addo, quod siquis lingua quacumque sua scripserit aliquisque responderit et illa usus et latina pariter, ut ego meo in nuntio superiori rogaveram - et usque rogo -, et ego aliquid ex aliis linguis discere potero, dum illi latine discunt! Vbi mina et dampnum?