YLE Colloquia Latina

Saturninus Vettius Buboni et Rhumaki f.s.d.p.

Auctores nuntiorum Latinorum uerbum "uigiles" pro uerbis "custodes" et "praetorianos," ut eis usi estis, scribunt. Praeterea, Americani et Canadiani "policemen" saepissime uocant "cops"; Britanni autem, "coppers." Videlicet: "Fucking cops!" (Heu, uigiles.) Conferite "Fuck the cops!" (Eant uigiles in crucem!).

Tecum consentio, Rhumak, de eurone. Thaler Americanus mihi denarius est, quia nostri nummi Romanorum similes sunt. Itaque unus fucking denarius (one dollar) est HS. IV, id est quatuor fucking sestertia (four quarters); HS. I, unum fucking sestertium, est duo fucking asses et unus fucking semis (two dimes and a nickle). Ergo denarium pro eurone fortasse tenerem.

Aliae fucking sententiae utiles:
Fuck you! (Vae tibi!)
Fuck me! (Me miserum!)
Fuck it! (Absit!)
Fuck off! (Abi!)
What the fuck? (Quidnam?)
Chill the fuck out! (Aequo animo esto!)
No fucking way! (Impossibile!)

Val-- the fuck --ete

Vettio suo spd

Scito exclamationes tuas plus mi movisse risus: ut honestus sim, non amo britannicam linguam, sed americanam loquellam, fateor, non mi displicet, praesertim eius exclamationes
cum formas ut ita dicam excultas et urbanas recte rettuleris, eccum formas praebeo vulgares, quas si Romano dixisses, ad pugiones res abiret!
Fuck you! (Vae tibi!) i ad corvos! (gr.

Marcus Rhumaki amico Tusco s.d.p.

Aliquot nummos Romanos ipse ad manum habeo; quo in numero denarius quidam est, quem Romae cudendum curavit L. Antestius Gragulus (officinator monetae ab a.u.c. DCXXI ad a.u.c. DCXXVIII) (B. M. C. 976*). Facies adversa ornata est deae Romae capite galeato, iuxta eius iugulum signum X (decem, den-arius), quae nota autem lineola transversa ita dividitur, ut asteriscus factus esse videatur (exstant etiam denarii nota X signati). In parte aversa conspiciuntur quadrigae, quas Iuppiter sceptrifer flectit. Infra legitur nomen officinatoris L. ANTEST et in segmento inferiore (Italice esergo) ROMA.

Feliciter vale.

.......................................
* British Museum Catalogue.

..

Marco suo spd

Gratias ob documentum!
Cum autem referas codicem Musei Britannici credere vix possum te ad manum habere illos nummos! An contra ita est? Habesne nummos ipsos??
Pater meus nepos vinitoris erat, cuius villa in colle Othone apud Velitres sedebat: ibi cum perfacile sestertios unguibus paullulum fodiendo reperire esset, quos defossos proavus meus in sacculo costodiebat, ille scelestus genitor aperto sacculo nummis illis suis cum amicis quasi globulis iaciendo ludebat: futile dicere: cuncti perditi sunt!

DE NVMERIS HODIERNIS: VTRVM ADHIBENDI ANNON

Hanc quaestionem fero, quia in hoc foro novicius statim vidi inesse res antiquae (praes. lingua, saepe argumenta etc.) et aliquid hodiernum (praes. minusculae litterae et signa interpunctoria): bene est, quod semper adsunt et quasi regulae sunt: sed numeri non eandem sequontur rationem: nam alii romanis, alii indoarabicis utuntur prout ingenium sive scientia poscit: ipse aliquando his aliquando illis usus sum: nonne hoc melius explanandum et regulas constituere? Etiam numeri enim ad linguam pertinent: si aliter ac latine hic loquor reprobor, et si aliter ac latinis numeris utor?... Forsitan titulus fori novi esse poterat, sed hic sumus, hic pergamus.

Ad rem: si numeris hodiernis, ut forum prorsus latinum sit, utier abstineamus, nonnullae res nimium difficiliores dictu fiunt:
In ordine nostro, valoribus priscis paullulum commutatis et aliquo neologismo addito (hemidrachma et hemitalentum), et voces graecas has addere licet, quo brevius aliqua dicamus:
obolum (> ut sestertius, quarta pars drachmae (> denarius)) in decenos augere licet: ita fiat quarta pars centum euronum: ergo:
X€ = X denarii
XXV€ = I obolus
L€ = hemidrachma
C€ = IV oboli = drachma
D€ = hemitalentum
M€ = talentum

... etsi revera in Graecia IV secli a.Ch.n I talentum = VI.M drachmae, ergo dimidium tal. = CCC€ et I tal. DC€, sed ad utilitatem hodiernam hos valores augere necessest.

Ita, signis novis ubi antiqua desint inventis, est facile colloqui: si enim aes ((0.01€) = a; semis (0.05€) = S; as (0.10€) = A; sest. (0.25€) = HS, denarius (1€) = (numerus simplex); obolus = O; hemidrachma HD drachma = D; semitalentum HT; talantum = T, facile est scribere
vg autocinetum HT constitit
brevius et melius, qua magis latinum, quam
autocinetum III.M€, vel MMM€ quod est difficilius scriptu, quia non omnes norunt qui milia scribantur: vg, 6000 VIM latine scribitur, sed inveni qui scriberent MMMMMM!!
Quod autem solum in numeris principibus usurpandum censeo: nam cum
T multo brevius quam 6000€ vel VIM€; 978,25€ = CMLXXVIII et quadrans €is = IXDHDOIIIHS, sive IX drachmae, hemidrachma, obulus et tres denarii!! pariter nisi magis difficile cogitatu et scriptu est

Quaestio absit, si numeris indoarabicis uti liceat: nam 978,25€ brevius (non dictu, sed scriptu!) et quam CMLXXVIII et quadrans €is et quam IXDHDOIIIHS sed qui prorsus latinum forum dicamus, in quo verba tantum latina sunt, non numeri? Licet quidem, sed certius per communem consultum et sine dubio sito fieri debet.
Exempla superiora rettuli, etsi longiora et forsan morosa, tantum ut demonstrarem nobis esse de hoc deliberandum, utrum semper numeris arabicis an semper numeris romanis sodales uti debeant, si vitare volumus aliquae res intellectu aliquibus difficiliores fiant.

Valete

N. F. F. N. S. N. C.

permixtus de hac re nova pecuniaria sum, confiteor! quaeso, cum nunc dicere vellem de illis veris denariis (quibus Romani antiqui venderent emerentque), seu sestertiis, seu quicquid nummi sit--nonne debeam nunc hodie dicere "antiquum denarium" vel "sestertium antiquum?", cum nomina illorum nummorum in nostros usurpata sint?
quin simplicem rem retineamus ac dicamus "euro" pro euro, "dollarium" seu "dollarus" seu quicquid sit pro Anglice dollar? neque enim nos sestertiis volgo utimur, quidnam vocare quadrantem (quarter) ita? ancipitibus sic appellationibus incerta res fit tota, ego credo.

...sed, ut uidetur, sum. Grates, Administrator egregie!

Vettius Rhumaki et al. s. sed non f. s. d. p.

Id uerbum esse particulam exclamatiuam apud nos saepiusquam maledictionem spero me bene sat uobis demonstrauisse; praesertim Administratori, uereor ne hinc exigar. Quod si faxis, uir bone, Rhumakem et B ubonem et hercle Noricum me comitari exsulem exspectabo.

Si drachumas mauis, Rhumak--drachumas, inquam, si mihi licet uti uerbo Maccii Plauti--ut scias, ille nummus est sex, non quatuor oboli; itaque obolus fieret sedecim eurocentes et tres quintae partes eurocentis. Obolus est et chalci octo; sic chalcus est duo et dodrans eurocentes. Num tales nummos habetis?
Quid sit "hemidrachma" nescio, sed triobolum noui, qui est HS. II. Sunt et didrachma siue HS. VIII, et stater siue HS. XVI. Sunt et mina siue HS. CD et aureus Romanus siue HS. C. (25 eurones, si mauis). 978,25 eurones scripserim HS. MMMXMXIII, etsi calculator non sum. Forsitan istud "tau Gallicum" pro denario liceat scribamus; scilicet -D-.

Valete

p. s. Decurioni simul scribenti, ut supra dixi, sestertium pro "quarter" habeo, quia quarta pars denarii est, quem uoco thalerem siue dollarem. Sed haec est mea praedilectio. Quadrans autem est quarta pars assis siue 2.5 cents. Quem nummum apud nos, ut nosti, moneta noniam incudit, nec incudet. Half a nickle non exstat.
Ergo one nickle=semis, one dime=as, one quarter=sestertium; itaque one dollar/drachuma/euro/dinar/peso/yen etc., perspicuitatis gratia, mea quidem sententia, sunt denarius siue HS. IV. Aerem pro penny siue eurocente Rhumak dixit, qui nummus non in meam mentem uenierat, sed bonus uidetur. Dolet caput meum.

Dionysius sodalibus omnibus de re nummaria disputantibus sal.

Ne tempore vestro abutar, paucis verbis quod sentio exprimere velim:

Prorsus me non intellegere confiteor, amici, cur pecuniis hodiernis nomina Romana antiqua imponere conemini. Num homo aliquis Russicus de rebus aerariis Romae gestis loquens verbo "rubelus" utetur? Vel Americanus verbum "dollarium" adhibebit cum de nummis Europensibus dicet? Minime, amici, minime! Cur autem vos id "euro" (quod quidem nomen mihi neutrius generis indeclinabile videtur, sed hac de re haud certus sum) non "euro" - vel aliquo eius modi nomine - nuncupatis, sed "denario" usurpatis ?!
"Euro" enim nummus Europaeus est, non Romanus, nomina ergo illa romana "deniarius", "sestertius" et cetera non satis opportune hic applicari videntur.

Plane video vos summa sinceritate refertos esse amicos cultoresque litterarum latinarum, sed, ut iam alio loco dixi, modus est omni in re adhibendus. Non solum neglegentia Latinitatis, sed etiam nimius amor ardorque sermonis Latini colendi atque conservandi Latinitati ipsi nocere potest.

Ignoscite mihi, quaeso, si nuntius hic tersus alicui vestrum nimis acerbus videbitur - dixi quod sentio.

Quam optime valeatis, amici!

Rogatisne uos qui nomina uobismet classica imposuistis? Res ipsa loquitur.

M. Favonius Ursinus sodalibus suis carissimis s.d.p.

Duae his diebus quaestiones allatae sunt; neque enim solum quaeritur, quae nomina nummis nostrae aetatis, ne Latinitas pura corrumpatur, imponi oporteat, sed etiam quibus numerorum notis liceat uti. Equidem rem quam paucissimis absolvere velim:
Quid aptius dici potest quam μηδεν αγαν sive ne quid nimis? Prorsus tecum, Dionysi, consentio: Est modus in rebus... Nonne Romanos semper usu vitae aliquid discere studuisse omniaque ad suam ipsorum utilitatem rettulisse scimus? Quam ob rem Romanos, si numerorum notas Arabicas cognovissent, sine mora eis sapienter usuros fuisse puto. Etiam quod ad rem pecuniariam attinet, in eadem sum sententia. Quid tum? Ex sua cuique sententia liceat constituere, utrum notis Romanis utatur an Arabicis, dummodo ne obscure scribat.

Obiter dictum: nummos illos, optime Rhumak, ipse emi, idque plus triginta quinque ante annis!

Quam felicissimum vobis, amici, exopto diem Solis.

XIII K. Sept. Ex Rhenania.

Salve, Decime!

Doleo, amice, prorsus me nescire, qua de causa scripseris N.F.F.N.S.N.C., id est „non fui, fui, non sum, non curo“.

Fac valeas!

Omnibus sal

Ita credo quaestionem solutam esse: notis indoarabicis uti liceto: per me quidem iampridem licuerat, sed hanc quaestionem tuli (vero praesertim istam de numeris quam illa de nummis pro maxime referenti habebam), quia, ut dixi, iam memet olim notis indoarabicis usum non memini quis sodalis ludificavit in notas romanas vertens et "emoticon" ridens iuxta ponens.

Sane Romani si nossent indoarabicis usi essent, et ego de eo certus sum, etsi non sine aliquanta difficultate, quia notae nostrae addendo et non situ legebantur: ceterum hodiernis notis intellegendis algabrae notio necessaria est, maioribu nostris prorsus ignotae.

Denique fateor aeris nomen multo melius auribu meis esse quam eurocens, entis, euronis nomine adseverato: notis indoarabicis stabilitis, euro item vocari pergito, sed eurocentes opto nominari aeres: quod nomen, Vetti mi, cum quaeras, illi "aeri rudi" innuit, qui priscus nummus italicus fuit: nil nisi saxulum vel globulum plusminus teres vel qualecumque natura soli confecerat: quorum nummorum hodie maxima copia apud Vrbem in "castellis Romanis" ita dictis, sive pagis antiquissimis Roma XX circiter milia distantibus: Tusculum (hodie "Frascati"), Velitres (hodie "Velletri"), Carpinetum et alii hi sunt, ubi quam alibi diutissime in usu manserunt.

Valete

Salve, Rhumak!

Quod ad denarium meum attinet, inspice quaeso

http://images.google.de/images?q=antestius&hl=de&btnG=Bilder-Suche

Vale.

Soter omnibus Sodalibus et Moderatori s.d.p.



Minime supervacaneum iudico iterum legere, interdum, Decalogum (qui in prima pagina - "FAQ" et "Registratio" - legi potest ) Areae Colloquialis nostrae.


Decalogus areae colloquialis Radiophoniae Finnicae Generalis


1. Nuntii tui odio phyletico carento! Etiam alios ad id incitare stultum ac nefarium est.

2. Nuntios falsos et mendaces mittere nullo pacto licet.

3. Noli nuntios tuos materiae illegali annectere!

4. A pornographia te abstineto, licet interrete ea abundet!

5. Nisi proprio nomine uti vis, sapienter pseudonymum tibi elige; noli furari alienum pseudonymum.

6. Si, quo melius innotescas, imagine uteris, eleganter id facito curans, ne ius auctoris violes. Siquid dubii in hac re exstiterit, aliam imaginem eligito.

7. Optima, quam potes, Latinitate utere. Noli exsecrari, noli CLAMARE! Interpungere ne omiseris!

8. Decentem te erga omnes praebeto! Fieri potest, ut nuntius tuus in area diu remaneat.

9. Nolito, quaecumque videris, temere credere; memento quemvis alienas partes agere posse.

10. A praeconiis te abstineto, memor te nuntios scribentem in Radiophonia Generali versari, in qua illicita sunt.


Intelligenti pauca.

Valete !

Soter

A. d. XIII Kal. Sept. a. MMVI - Neapoli