YLE Colloquia Latina

GRAAAAAATIAS TIBI, MARCE, AGO!
Iam scio, ubi
Utrum verum carmina a me reddita cognoscere velis, an ita scripsisti, ut mihi voluptatem parares?

Tullianae spd

Curiosus et ego nunc tandem fio, nova sodalis: duabu rationibus: prior, quod opus poeticum nosse tuom valde aveo, non - ego saltem - cum ambitionem tuam titillare velim (quod mi metuisse - frustra, ut puto - videris), sed quia iampridem nemo hic versus scribit; altera, quoniam Musarum Polonicarum omnino ieiunus sum ! Et cum super iis iam pluries pluribu rogata sis, agedum igitur carmina edas! ... Edas sodes etiam textum polonicum!

Vale mihi


PS Litterae Giseldae, quas petebas, in ima pagina 17 huius fori invenies

Tulliana Rhumako versus avido s.p.d.

Gaudeo Te TANDEM curiosum esse
Mox carmen Tibi dabitur, sed scito, <vae mihi!>sine legibus metricis!


P. S. Polona nata sum, poetria fieri velim
Gratias pro nuntio de Giselda!!

,,Poetria" sonat ut ,,geometria"

Vettius Tullianae sal.

Ex facto quia tu pro splendido locutore me habes, facere non possum quin gratias tibi maximas agam, atque te splendidiorem locutricem uocem! Me commouuisti surrisioni--haud facile factu, quia non nullius causa "Saturninus" uocor--itaque grates iterum tibi!

Vale!

Tulliana D. Vettio Saturnino Poetae Non Ignoto s.p.d.

Salve, ut verum dicam, dubitabam de responso Tuo, at contra erat - scripsisti.
Gratias pro benevolentia Tua.
Quo modo magis Te commovere possim?

Vettius Tullianae lepidae s.d.p.

Quoniam rogas quomodo magis commoueri possim, modo dicam me sentire facilius commoueri posse, quandoquidem me iam bis commouuisti. Egone non ignotus poeta sum, inquis? Velim dicere, una cum altero Valerio, "Non scribit cuius carmina nemo legit." Te quoque non ignot-um poetam uocare uelim, si modo carmina tua legissem et si modo Tullianus esses. Nonne Tulliana esset poetria? Vtcumque sit, da curam ut ualeas!

Tulliana <quamquam errat> D. Vettio Saturnino s.p.d.


Eheu!!! Pudet me facti , quod ex tempore nuntia mea misi.
Tullianus poeta obiit, quis re vera Tulliana est ? Fuge quaerere!

Timeo, ne irascare


Scribe ad me, quaeso, si iratus non es!

Vale - et iterum salve?

D. Vettius Saturninus Tullianae iterum s.d.p.

Noli timere. Nondum irascor.
Cum dicis, "ex tempore mea nuntia misi," si memini, non intelligo quid significes. Explica, si uis, et cur pudendum sit. Interim tibi explicabo quae sit Tulliana. Tulliana, ut lego, est femina quae uult fieri poeta. Quam, nisi medici eam sub scalpris ponerent ut sexum suum mutarent, poetriam futuram aut forsitan praesentem potiusquam poetam, qui masculinus necessario est, esse tenerem. Qua de causa dixi, nisi Tullianus aliquis esses, potiusquam Tulliana, poetria, non poeta, debes esse.
Praeterea, sed ad rem, in alio situ Latino quondam hoc epigramma in iratam feminam scripsi:
"Lydia se fieri dixit uoluisse poetam.
'Nonne poetria fit femina?' for dubio.
Erraui! Odit me! Quid eae dicam? Mihi, si uis,
ignoscas igitur, quae sis mas potius."
Sed te sine dubio feminina es; ergo noli irascari, quia solum iocor.

Vale

Tullianae poetriae metro liberae spd

Dixi "tandem", quia iam Favonium te de poematibu tuis iam rogasse videram, ita mecum ipso dixi: "Taceamus: his rogata profecto mittet, et legere potero!"... sed non misisti! Quapropter mi exhortationem ab aliis tibi scriptam iterare visum est, et aperte me adscribere (TANDEM!)... in numero curiosorum. Itaque spero te in numero poetriarum non ignotarum, praeterquam in simplici numero poetriarum (quia prima omnium hic feminarum versus scribis!), ... TANDEM adscriptum iri.

Quid tibi dicam de numero et lege metrica? melius est verba soluta scribere, quibu pulcher rhythmus ex natura insit, quam versus forma metrica optimos sed lentos et molestos: nonne et tu censes? Ceterum, si tibi numeri placent, quis hic exercitari vetat? Immo, maxime hoc forum tironibu poeticis deget, ita ut tu optatissima exercitatum venias.
Sed nonne est hoc modo praeteritum saeculum illud, quo primum poetica ars verba soluta amplexa est? (vide Futuristas et Hermeticos italicos).

Valde Vale, amica florealis:
VIVAVUVE!

Tulliana D. Vettio Saturnino iocis suis supra ceteros extollenti s. p. d.

Non explicabo Tibi nuntium #6353, quia

primo: aenigmata mihi cordi sunt,
secundo: ,,quod mulier dicit" non solum! ,,cupido amanti"
,,in vento et rapida scribere oportet aqua"

,,Vale" Tibi dicit (sine dubio!) femina, cuius nomen Tulliana est.

P. S. Plus scire velim, qui carus leporisque plenus D. Vettius Saturninus sit.

Tulliana Rhumako <qui verbis solutis favet> s.p.d.

Gratias Tibi imo ex pectore ago, quod diligentissime explicavisti illius TANDEM significationem.


Quidque genus versuum amo, tamen omnium carminum pulcherrima, eae mihi videntur, quae numeris coniuncta sunt. Quam ob rem?Difficilius dictu est. Ipsa semper sine legibus metricis scribo <aut rectius dicens verus transfero>, quoniam alio modo non possum.

Ut supra dixisti, mox carmen unum eligam et Vobis hoc in Foro demonstabo.

P. S. Quid cognomen Tuum ,,Rhumak" significat? Verbum illud mihi simile Polonico verbo ,,rumak" videtur.
,, Rumak" id est pulcher, velox et purus sanquine equus.
Spero Te equum Troianum non esse!

Tullianae spd

Troiani, hercle, proditus sum!

Praeter iocum, vix credere valeo! Valde mi placere scito significatum polonicum huius verbi, quod verbum, ut comperio, elegisse valde laetor hac duplici significatione! Nam - ut hoc in foro iam aliquotiens occasionem explicandi mi fuit - ratio qua nomen hoc elegi, ea est, qua rhumak (vel etiam rumak, sine h!) etrusce "civis Romanus" appellatur: quod nomen originem duplicem meam uno verbo complectitur, quia Romae natus sum, sed familia Tarquiniensi (Tarquinios [etr. Tarkhnei], ceu nempe noris, validissimum quondam oppidum Etruscorum fuisse omnibu constat): quapropter, puro sanguine (!) etrusco sum, sed Romae primam lucem vidi. Praeterea, cultuum etruscorum eorumque linguae pervicacissimus amator a puero usque fui. Etiam quod ad velocitatem significatus polonicus mi aptissimus est: nam aliquot ante menses praetoriani chartam ductoriam per tres menses apstulerunt, cum in via Pomptina, qua non ocius quam 90 km/h ire licet, Romam petens ego 150 vorarem... beatos equos, qui impune currere possunt! In Italia frustra autocineta nova inventa sunt: nam prout limites velocitatis iubent, adhuc autocinetis annorum '30 uti possimus!

Sed nunc ad seria!
Valde plaudo, cum poesin pulcherrimam esse metrice compositam adfirmes (et ad talem ordinandam te exhorto, exercitio communi: nam in foro "Versificare necesse est" plura exercitia similia invenies), nec, dico, poesis soluta spernenda est, dummodo verba rhythmum intimum et naturalem habeant (numquamne audisti musicam rap? ea musica his ipsis rebus adlaborat).
Et quod ad numeros, qui tibi maxime placent? Mihi plurimum est gratum hexametrum, non amo distichos elegiacos, sed ii numeri, qui venustate prope me exanimant, sunt qui lyrici dicuntur: strophe alcaica, sapphica, archilocheus quartus, iambi et hendecasyllabi phalaecei: omnes igitur ii numeri, quibu Catullus et Horatius potissime usi sunt. Tibi?

Facias ut quam optime valeas

PS "Flora" propter dilectum florealem tuom, optimum cognomen esse possit, annon? Tibi modo praenomen exquirendum esset...

Marcus Decimo Tullianaeque amicis suis carissimis sal.

Certatis lepidis – mirum! mihi credite! – verbis:
O vos felices ingenioque pares!

--------------------------------------------------------------------
Quod distichon oro te, optime Rhumak, aequo feras animo!

Marco spd

Lapsus pentametrum est undae hexametro refluentis!
singultus medio displicet iste metro!
Pupulus ut currens qui concidit atque resurgit
ut currat rursus rursus ut inde cadat:
Corpus ego unum habeo: ducenta trecentave lexo
cum haec metra lapsa, abeo fractu' pedem atque caput!
Cresce, o cresce puer: tata cursitat arma fluendo
heroum cantans: tu teris arma mea!

Nescio plane, optime mi Rhumak, quid sibi velit illud signum interrogandi. Nugas a me scriptas esse scito! Cum vero verba tua „Mihi plurimum est gratum hexametrum, non amo distichos elegiacos“ ante oculis mihi obversarentur, addendum esse censui „Quod distichon &c.“.
Bene vale.