YLE Colloquia Latina

Lingua Graeca
--------------------------------------------------------------------------------
Nuntium misit: steff coppieters | 16.09.2003 - 20:45 | |
--------------------------------------------------------------------------------
Estne lingua Graeca servanda?

possumus eam servare per nuntios, scriptos in Lingua Graeca?


RE: Lingua Graeca
--------------------------------------------------------------------------------
Nuntium misit: albinus1 | 04.10.2003 - 18:38 | 1 | |
--------------------------------------------------------------------------------
Fortasse; sed difficulius est graece (in sermone graeco antiquo) quam latine scribi. Pauci autem in computatris scribere *graecis litteris* possunt, cum omnibus signis suprascriptis.

Si lingua graeca antiqua vivat floreatque una cum lingua latina, mihi placeat maxime. Sed difficilius est sermonem graecum discere et scribere. Lingua graeca paucioribus scholis docetur quam latina.


RE: Lingua Graeca
--------------------------------------------------------------------------------
Nuntium misit: Marcus Favonius ® | 04.10.2003 - 22:24 | 2 | |
--------------------------------------------------------------------------------
M. Favonius Stefano Albinoque Primo salutem sive XAIPEIN (χαίρειν 1;.

„De Graecis litteris transferendis“ in his colloquiis cuncta dilucide iam exposuit Ericus Palmén, vir litterarum ille peritissimus. Lege modo eius epistulam, quem de ea ipsa re ad nos dedit a.d. IV. Id. Iul. a..c.

Sed ut finem his litterulis imponam, accipite, quod apud Erasmum Roterodamum (Coll. fam.) lepide scriptum nuper inveni:
„XAIPE“. --- Resp.: „Memento te Basileae esse, non Athenis.“ ---Resp.: „Cur tu igitur audes Romane loqui, cum Romae non sis?“
Valete sive EPPΩΣΘΕ (έρρωσθε 1;.
(Sed iam satis de hoc!)



RE: Lingua Graeca
--------------------------------------------------------------------------------
Nuntium misit: Cristianus Iulius | 05.10.2003 - 03:40 | 3 | |
--------------------------------------------------------------------------------
Cristianus Iulius Marco Favonio suo salutem:

Amice dilectissime, loquerisne etiam linguam graecam? "Obstupui, steterunt comae, et vox faucibus inhaesit" Quid ignoras, venerabile aemule Erasmi? Mihi placet omnino talem vir per haec colloquia novisse, qui doctissime navigat singulis campis humanitatis! Vale optimissime!


RE: Lingua Graeca
--------------------------------------------------------------------------------
Nuntium misit: Rimbault | 05.10.2003 - 16:35 | 4 | |
--------------------------------------------------------------------------------
Exstat etiam interretialis grex ad Graecam et antiquam linguam adhibendam in commercio :
De quo ut plura sciatis, hanc paginam visitate :

http://groups.yahoo.com/group/Graece

Ut commercium Graecum incipiatis, epistulam ad illam mittite :

Graece@yahoogroups.com

Fatendumst illum gregem a duobus Gregis Latine Loquentium sodalibus constitutum infortunate et plerumque mutum esse.
Immo nos expectat !

Valete quam Latinissime et Graecissime !


RE: Lingua Graeca
--------------------------------------------------------------------------------
Nuntium misit: Marcus Favonius ® | 05.10.2003 - 17:03 | 5 | |
--------------------------------------------------------------------------------
M. Favonius Cristiano Iulio suo s.d.p.
Non est causa,, spectatissime mi amice, cur obmutescas: Non loquor Graece, attamen eius linguae paulum me peritum esse fateor; ni ita esset, in philologicis meis officiis exsequendis cessarem claudicaremque. Saepe enim litteras Graecas, quas ad cultum humanitatemque nostram plurimum contulisse constat, convenienter non explicabis, priusquam ‚ipsos adieris fontes’, sicut Erasmus noster ait. Sed de hoc satis. De ceteris rebus alio loco. Vale.



RE: Lingua Graeca
--------------------------------------------------------------------------------
Nuntium misit: Josephus Flaminius | 10.10.2003 - 20:55 | 6 | |
--------------------------------------------------------------------------------
Salutem dicit praeclaro viro Christiano Iulio.
Amice carissime,corrige haec errata:non "Mihi placet omnino talem vir per haec colloquia novisse",sed "Mihi placet omnino talem virum per haec colloquia novisse



RE: Lingua Graeca
--------------------------------------------------------------------------------
Nuntium misit: Josephus Flaminius | 10.10.2003 - 20:59 | 7 | |
--------------------------------------------------------------------------------
Josephus Flaminius de Monte Sanctae Mariae in Georgio(Italicus natione) salutem dicit praeclaro viro Christiano Iulio.
Amice carissime,corrige haec errata:
non "Mihi placet omnino talem vir per haec colloquia novisse",
sed "Mihi placet omnino talem virum per haec colloquia novisse";
non " Vale optimissime ",sed " Vale optime "


RE: Lingua Graeca
--------------------------------------------------------------------------------
Nuntium misit: Marcus Favonius ® | 10.10.2003 - 22:12 | 8 | |
--------------------------------------------------------------------------------
M. Favonius Josepho Flaminio viro gravissimo sal.
Caveamus, amice, ne in erratis minimis minutissimis pusillisque corrigendis nimis occupati simus! Errare enim &c. (Cf. etiam Ioh. 8,7.) Vale. D. a.d. VI. Id. Oct. Asciburgi.



RE: Lingua Graeca
--------------------------------------------------------------------------------
Nuntium misit: Herimannus | 11.10.2003 - 02:02 | 9 | |
--------------------------------------------------------------------------------
Herimannus Rimbault sal.

Paginam cuius nomen dedisti visitavi, non colloquendi sed huc illuc legendi gratia: at mox animadverti visitantibus opus esse subscribere "Yahoo!"; quod me taedet. Quanto facilius colloquiis nostris Latinis unusquisque intervenire potest!
Ergo Graeca colloquia non legam, sed aliquando - ut solitus sum - opera quae olim legi rursus aperiam; quod, Cristiane Iuli, mirum non est, cum persaepe ambae simul discantur (vel discerentur) linguae. Graece colloqui sine dubio perdifficile. Valete.


RE: Lingua Graeca
--------------------------------------------------------------------------------
Nuntium misit: ANDREAS AUREUS- | 12.11.2003 - 17:25 | 10 | |
--------------------------------------------------------------------------------
ΓΛΩΤΤΑι HΕΛΛΗΝΙΚΗ& #953; ΟΥ ΔΕΙ ΔΕΜΕΣΘΑΙ.& #923;ΥΣΙΤΕΛΕ 31; ΗΑΠΑΝΤΕΣ HΟΙ ΠΑΙΔΕΣ ΓΡΑΜΜΑΤΑ HΕΛΛΗΝΙΚΑ ΜΑΝΘΑΝΕΙ&# 925; ΤΕ ΚΑΙ ΓΡΑΦΕΙΝ.Π& #927;ΛΛΑ ΤΕ ΚΑΙ ΜΕΓΑΛΑ ΤΟΙΣ ΤΩΝ ΗΕΛΛΗΝΩΝ ΓΡΑΜΜΑΤΩ&# 925; ΜΕΤΕΧΟΥΣ&# 921; ΠΡΟΣΠΟΡΗ&# 931;ΕΙΕ TO ΕΝ ΔΙΑΔΙΚΤΥ&# 937;ι ΔΙΑΛΕΓΕΣ&# 920;ΑΙ. ΠΡΟΣΩιΔΕ&# 921;ΑΣ ΣΗΜΕΙΑ ΕΝ ΤΗι ΚΕΦΑΛΑΙΟ&# 915;ΡΑΜΜΑΤΩ_ 3; ΓΡΑΦΗι ΑΜΕΛΗΤΕΑ ΕΙΣΙΝ.HΥΓΙ ΑΙΝΕΤΕ-VALETE.


RE: Lingua Graeca
--------------------------------------------------------------------------------
Nuntium misit: Simplicius | 21.11.2003 - 18:54 | 11 | |
--------------------------------------------------------------------------------
Erico Palmen Simplicius s.d.
Ubi invenire possum nuntium illum "de Graecis litteris transferendis" de quo Marcus Favonius hic in nuntio II loquitur? Vale.


RE: Lingua Graeca
--------------------------------------------------------------------------------
Nuntium misit: Erkki Palmen | 21.11.2003 - 20:24 | 12 | |
--------------------------------------------------------------------------------
Ericus Simplicio s.d.
Gregem 'De Graecis transferendis' appellatum, in quo aestate nuntium a te commemoratum scripseram, repperisse non videris. Id, opinor, tibi continget, si locum supra primam paginam areae situm pulsaveris, ubi OMNES (sc. NUNTIOS) legitur. Ut quaerendi labore te liberem, ipse eundem nuntium copians infra repeto:
"Quod sciam, ex ordinatro cuiusque pendet, utrum litterae Graecae salvae transferantur necne. Usu expertus refero mihi id non contingere: quotienscumque Graeca electronice vel in appendicibus aliquo mittere sum conatus, ea pervenientia in aenigmatica signa ordinatralia mutantur. In litteris huius areae colloquialis ne id quidem mihi contingit, ut cursivis litteris aut crassiculis utar. Ergo vix operae pretium erit "contra stimulum calcitrare" (Act.Apost.9:6): etiam Latine transscripta, opinor, in his colloquiis vocabula Graeca satis bene perveniunt." Vale!


RE: Lingua Graeca
--------------------------------------------------------------------------------
Nuntium misit: Simplicius | 22.11.2003 - 18:45 | 13 | |
--------------------------------------------------------------------------------
Erico Simplicius s.d.
Gratias tibi ago maximas. Invenisti, ut in Italia dicere solemus 'Columbi ovum'. Vale.

Stephanus unicuique qui hoc legit s.

Hoc thema proposui, ut videre possim an sit possibile linguam Graecam, linguam hominum qui cultum occidentalem condidere, ex exitu servare.
Illo rogatione (vobis omnibus maximas gratias ob responsas ago ) mittente, secundum modo annum Graecae, Latinae per tres tantum annos studebam. Nunc per tres Graecae, per quattuor Latinae. Ergo videtis non tam doctum quam quosdam me esse. At nonne est magnificum me, discipulum, etsi haud tam doctum, scribere ad doctiores responderique? Accedit quod scriptores inter se natione differunt. Ita Linguae Latinae magnum est mandatum, ut homines aliquo modo coniungat.

Sed satis sit, hic enim locus est ad nuntios de Lingua Graeca mittendos sicut hae litterae "locus" ubi gratias agere velim vobis, qui responseritis.

Valeatis optime

Emmanuel comitatibus S.D.
Primum Graeca lingua difficilior ad scribendum quam latinam linguam est, Graecum verborum immensum thesaurum habet.
Secundum in "internet" forum arduus est exprimere signa phoneticae (spiritus et accentus).
Solum duas causas scribo sed sine dubio ceteras, quas nunc non memini, sunt.

Valete