YLE Colloquia Latina

Mercurius Veronicae soterique, amicis suis Italicis s.

Ehem! Sinamus iam illam seriem "La piovra", ne televisionis nimium studiosus amator vobis videar! Ceterum cena finita post meridiem hora VI. cum paullulum requiesco, televisione activata semper illa series currit. De hoc satis. Valete. Budapestini, d. VII. Idus Decembris.

[quote="soter"]Soter Mercurio Hungarico s.p.d.


Ad epistulam tuam iucundam et singularem, optime Mercuri, Amice mi carissime, rescribo ne occasionem amittam ad tibi salutationes meas ex animo mittendas, sed confiteor me televisifico instrumento minime assiduum utentem esse et, igitur, numquam ferme vidisse (genus illud, ceteroqui, minime mihi placet) seriem televisivam illam “Octopusâ€

Soter Mercurio Hungarico, Veronicae et Gavio Pontio s.p.d.

Veniam peto, Amici : in meo nuntio 4062 pro " LA PIOVRA " scripsi "La talpa" !!!

Lapsus calami !!

Valete, carissimi !!

Soter

A. d. VI Idus Decembres - Neapoli

Soter Veronicae s.p.d.

Carissima Veronica, Amica mea “perseveransâ€

Veronica perseverans ac subridens amicis suis, spd!!!

GAVIO PONTIO

Ave!

Intellegis televeritatem? Si confirmas,illa televeritas vere stulta est!


SOTERI

Ave!

"La piovra"-"La Talpa" .....simia?

Maxime gratias tibi ago per tuam notam! ...illa verba mihi quoque
carissima nunc sunt!


VALETE AMICI!!!!

Basia,
Veronica.

M. Favonius Veronicae sociae Mediolanensi venustissimae s.p.d.

Ex verbis tuis iucundissimis clarissime apparet tanta te laetitia affectam esse tamque insigni animi abundare alacritate, ut maximam sodalibus praebeas voluptatem. Nonne autem praeter necessitatem, ne dicam extra modum lepidissimis uteris illis imagunculis flavis, quibus quid sentias significare velis? Quamvis rubore suffusus timeam, ne nimis me morosum putes, tamen oro te legas FAQ, imprimis illud caput, quod Anglice inscribitur „What are Smileys?“, id est „Quid sunt imagunculae subridentes?“ Tu quid censes?

Cura, ut quam laetissime valeas.
V Id. Dec. Ex Cornicum Campo.

Veronica Marco Favonio.

Ave!

Intellegis vere "putes" vel secus "putas"?

Utcumque intellego. Bene habet. Me excuso maxime.

Vale!

Basia,
Veronica.

M. Favonius Veronicae s.d.p.
Non est, cur te excuses. Perge porro, papilio , volitare, id est epistulas scribere leporis plenas atque iucunditatis!
Philosophiae te studere nuper scripsisti: optime! Mea multum interest, tu quibus rebus, quae in philosophia disserantur, imprimis intenta sis. Ceterum oro te adeas etiam Angulum nostrum Philosophicum.
Quam laetissimum ex animo tibi exopto diem Solis.
IV Id. Dec. Ex Cornicum Campo frigoris vi adstricto.

Veronica Marco Favonio s.d.p.

Carus Amicus,

Autem quam pulcherrima verba mihi dicisti!
Quam insolita res! EGO AMO PAPILIONEM MAXIME!!!
Gratias tibi ago vere!...quoque per vocatum!

Vale!

Basia,
Veronica.

Saltator omnibus s.p.d.

Salvete omnes!

Novus sum, pauca igitur de me loquenda sunt...

Australianus sum, Sydneiensis; linguam Latinam (ac linguam Gallicam aliquando) pueros XII-XVII annos natos doceo. Solitus tamen verba Latina legere potius quam scribere, huc quadam trepidatione veni! Ignoscite mihi, scio me errores saepe facturum (sed conabor semper intellegi posse).

Spero me plurimos amicos lingua Latina utentes hic invenire. Hicine inveniuntur alii Australiani?

Curate omnes ut valeatis,
Saltator
Sydneiis, a.d.IX.Kal.Ian.

M. Favonius Saltatori collegae Australo s.d.p.
Quae est causa, amice, cur te „huc quadam trepidatione“ venisse scripseris? Quis enim nostrum se omni vitio carere dicat? Neque hic est locus docendi, sed colloquendi. Equidem gaudeo, quod in animo tibi est nostro uti epistularum commercio. Vale. X K. Ian. Ex Rhenania inferiore.

Veronica Saltatori Marcoque s.d.


Ave amicus!!!! Noster egregissimus Marcus Favonius recte dicit!
Ac ego eum bene scio!

Marcus,tibi gratias ago semper.

Valete!
Veronica.

Saltator M.Favonio Veronicaeque s.p.d.

Recte dicitis, amici; equidem mirabar, aliis epistulis visis, quanta cura ac quanta diligentia et vos et alii (praecipue Mercurius ille Hungaricus) lingua Latina utamini! De pueris docendis locutus sum modo ut scire possetis quis sim et quomodo linguae Latine coniunctus sim.

Colloquamur saepe...

Curate omnes ut valeatis,
Saltator
Sydneiis, a.d.VIII.Kal.Ian.

Salvete iterum

Novus sum et erravi: epistulami misi sub "alia themata" quam mittenda erat sub "novus es in forum".

Phlebas italicus salutem dicit omnibus.

Litteras scribere incipio ut sequar preceptum Hyeronimi: "… cum hoc ipsum debueris scribere, te non habuisse quod scriberes".

Scribo, valde mendose, ut scribere discam : oro ut ignoscatis, et vos obsecro scriptum meum emendare.

Ut vos certiores faciam de civitate, etate, otia ceteraque breviter dicam: sub Alpe mechanicam scientiam didici, Romam veni candidior postquam tondenti barba cadebat, feriatus velam solvo fluctusque seco aut Alpes percurro arte quadam ligno incurvo ad arcus similitudinem.

Sed patientia vestra non abusanda est et, ut ignoscatis, hodie munusculum vobis donabo: "Vince quantum potes, immo plus quam potes, mollitiem animi tui et ubertim fluentes lacrimas reprime, ne grandis pietas in nepotem apud incredulas mentes desperatio putetur in Deum. Desiderandum tibi est quasi absens, non quasi mortuus, ut illum expectare, non amisisse videaris".

Munusculum dixi?

Valete

Mendose scripsi:

... et vos obsecro ut scriptum meum emendatis

... patientia vestra non abutenda est

... ???

Valete quam optume

M. Favonius Phlebae sodali novissimo sal.

Epistula tua tam exquisitis sententiis abundat, ut summam admirationem excitet. Equidem te commercio nostro epistularum semper delectatum iri spero .

Verbis autem tuis diligenter perpensis paullulum tecum colloqui velim.

Ac primum quidem hoc quaerendum esse mihi visum est: Nomen tibi est Phlebas. Quae est causa, cur hoc tibi nomen imposueris? Notum tibi esse suspicor clarissimum illud Thomae Stearns Eliot carmen, quod Britannice inscribitur „The Waste Land“, id est „Terra vasta“; in capite enim quarto Phlebas quidam „Phoenicius“ inducitur, cuius ossa fluctibus maritimis obruta sunt. De quo Eliot: „Considera Phlebam, qui quondam formosus aeque erat et procerus, atque tu nunc es.“

Deinde etiam illud Ciceronis tibi probari reor: „Si rem nullam habebis, quod in buccam venerit, scribito“ (ad Att. 1, 12, 4). Equidem, si hoc dictum neglegeremus, colloquia nostra in nihilum interitura fuisse puto.

Tum mendum corrigere ausim: Hieronymus in epistula sexagesima non scripsit „Desiderandum tibi est quasi absens...“, sed „Desiderandus...“.

Postremo oro te explices, qua de causa Augustini sententia illa, quam in extrema epistula exhibes, cordi tibi sit (Conf. 10, 15, 23).

Optime vale. III Kal. Ian. Ex Rhenania inferiore.

-----------------------------------
Et haec menda corrigenda videntur esse (quod pace tua dicere liceat):

Non: „... et vos obsecro ut scriptum meum emendatis“, sed „... emendetis“ (mod. coniunctiv.).

Non: „... patientia vestra non abutenda est“, sed „... patientiā vestrā (abl.) abutendum non est“.
Scribi quidem licet: „de utendā pecuniā disputare“; sed in casu nominativo scribi oportet: „pecuniā parce utendum est“.