YLE Colloquia Latina

Ericus Iuliam tertium amicissime salutat.
Hesternos duos nuntios meos – corrigo: hodiernos (nam paulo post mediam noctem eos misi) – optimo iure inscribere potuissem: ”Ave, Iulia, dormiturus te salutat!”. Eos enim componens iam dormitum iturus mente vagabar; quo fit, ut priorem eorum nunc complere debeam. Forma colloquialis SANO non necessario, sicut exposui, pro imperfecti tertia persona singulari (SANOI) in illa sententia posita est; pariter praesentis eidem formae (SANOO = dicit) respondere potest.
Quidnam nunc de rationibus mathematicis fiet? Sine dubio quantitas negativa, cum quantitate negativa multiplicata est, positivam dat quantitatem; at cum hanc rursus negativa quantitate multiplicaverimus, fieri non poterit, opinor, quin rursus in quantitatem negativam decidamus. Valeto!

salammbô gaudens Iuliam et Ericum Palmènem et omnes salutat

ita vero, finnia certe exotica est pro germanos. sed finnia et lingua finnica semper ad me pertinet. opportunitate commercium ad finniam faciendi data statim proficisci decrevi, quamquam omnes mihi consilium ad terream anglicam eundi dederunt...SED COMMERCIUM AD FINNIAM VOLO!!
finnicos libros germanicis libris meliores et etiam doctrinam esse censeo. cum finniae sum maiora didici...
germaniae meus liber "cursus continuus" fuit, sed malum existimo.
iulia, casus fortuitus te in eodem territorio germaniae habitare est!!!!!!
gratias ago, erice, pro auxilium offerrendum!!! ego lingua finnica cotidiane loquor in schola et domui, sed etiamnunc non bene fluenter dicere possum.
mihi bona magistra pia ahtonen est!!! novistine tu eam?

MENS SAUNA KUN KROPPAS SEN SANO! ( = Ito in saunam, cum corpus tuum id dixerit!)

haec hilaris sententia est et mihi delectat!!!!! estne"mens" lingua colloquialis in finnia?
praeterea me mox omnes tres libri "clavis latina" lectura esse mentionem facere possum, quod proxime "jakso"( jakso scholastici anni pars est) tandem "clavis latina III" habebo...
domui proxime pauciores dies non sum, sed proficiscor ad joensuunem et deinde mihi examinum-septimana est...cum mihi maior temporis essem, scribam in hoc foro...
valete et gratias ago!

Erico omnibusque philofinnicis spd

Cum, Erice, duos nuntios tuos legerim, vidi corpori significando duo finnica nomina esse, kroppas et id, cuius locativus est ruumissa (qui nominativus?): utrum synonyma an quaedam differentia est? An forte alterum linguae, alterum dialecti? Deinde quid de illo "kun" = cum? similitudo cum latino forte constat an ipso latino ortast? etiam illud kroppas, altera P sublata alteraque cum R inversa aliquid corporis verbi latini persimile fit: et istud utrum forte an cognatione quadam evenit? ... ignoscas quaeso indulgenter seriei quaestionum, sed cum in Europa alter alteri nostrum extremus sit, nec natio tua umquam iugum Romanorum, quantum scio, sit passa ne - semper quantum scio - ullum quidem commercium nobiscum habuerit, fieri non potest quin de nexibu nostrae antiquae linguae cum tua sim curiosissimus!

Valde Vale

Ericus Finnicam Salammbônem atque Rhumakem amicissime salutat.
In hoc nuntio vobis ambobus respondeo, ut quos videam earundem quaestionum studiosissimos esse. Exordior a Salammbône; nam ”F

Iulia omnibus, imprimis Salammboni s.d.p.
Ave Erice rationum mathematicarum curiose, dormitura nihilominus amicissime te salutat!

Quod ad mathematicam attinet, Erice, dicerem te in nuntio tertio tuo (7361) eiusdem quaestioni ac in nuntio primo (7358) responsum mihi dedisse, vel, ut aliter dicam, primum tuum responsum mutavisse, quo autem ratio signorum non mutata est. Ut in imagine remaneamus, signum quidem utriusque responsi idem erat, scilicet positivum ortum ex multiplicatione negativi cum negativo (aliter ac responsum tuum secundum, quod - negativum per positivum - signum habet negativum), sed fortasse primum numerus falsus erat (sed recta magnitudine [i.e. minus inter se differunt numeri quam per factorem 10], nam solum partim responsum tuum correxisti).


Salammbo, curiositatem mihi accendis: Quonam modo Finnia et lingua Finnica semper ad te pertinuerunt??

Valete quam optime!

P.S.: Quantum nivis habetis in Finnia? Nam Gottingae ver iam adventum necopinato discessit, hodie vero decem centimetri vel plus nicis ceciderunt! Quam autem non longe permansuram esse mihi persuasum est, iam madida et gravis est, neque satis frigidum est... Solum scio Alascae, ubi soror maior natu vivit, multum nivis esse.

Erico spd

Gratias pro benigno responso! Certe verba cum itineribus hominum eunt, sed homines transeunt...

Etiam apud nos verba quaedam sermonis cotidiani et "iocosi" quae minime latinitate oriuntur extant, videlicet "trincare" a trinken, bibendi verbo germanico, quod autem numquam in sermone exculto usurpatur et numquam pro potione modica, sed semper pro potandi verbo latino, sive immodice bibendo.

Forsan papae sunt, si nobilitate litterarii sermonis comparantur, sed stae papae id sunt, cui studendo in lingua quadam maxime delector

Vivavuve

Ericus Iuliae s.d.p.
Bene est, quod mathematice concludis nos descensum in quantitates negativas vitare potuisse. Nonne enim numerus negativus plerumque symbolum est aeris alieni, positivus autem possidendi? Num quis est, quin aliquid possidere malit quam aere alieno oneratus esse?
Quaeris etiam, quantum nivis in Finnia habeamus. Ea, quae de statu rerum Gottingensi scripsisti, etiam in Finnia valent: interdum nonnihil ninguit, sed parum nobis frigoris est, ac nova nix tam madida exsistit, ut haudquaquam longe permansura esse videatur. Credo tamen nobis usque aliquamdiu exspectandum esse, priusquam Horatii memores ”Diffugere nives, redeunt iam gramina campis / arboribusque comae” (Od. IV 7, 1–2) cantare possimus. Sui generis fuit hiems nunc cessura, quam Reijo Pitk

Ericus Rhumaki s.d.p.
Nuntio tuo, in quo verbi Italici TRINCARE mentionem fecisti, tantam mihi curiositatem iniecisti, ut continere me non possem, quin 'Dizionario Garzanti della lingua italiana' aperirem investigaturus, quo modo istud verbum in eo definiretur. Explicatio, quam inveni, tuae simillima est: "bere alcolici abbondantemente e con avidità". In quavis lingua saepe fieri videtur, ut, si qua res in hominibus fastidium vel despectum suscitat, de ea libenter verbum aliunde velut mutuo sumptum usurpetur. In vulgari Finnico sermone verbum idem fere valens est DOKATA, quod Latine reddiderim circumlocutione 'ebrietatis petendae causa perpotare"; eius origo in verbo vulgari dialecti Sueticae in Finnia usurpatae DOKA reperitur, quod proprie 'male olere' significans etiam translata vi 'perpotare' adhiberi coeptum est.
Verbo Latino COMISSARI, cuius radices in lingua Graeca sunt, olim non solum perpotatio continebatur, sed etiam tumultuosa iuvenum per vias urbis vagatio ac digressio ad aliquem sodalem, qui potandi particeps fieri velle existimabatur (e.g. Plautus, Mostellaria 317-318 "nunc comissatum ibo ad Philolachetem, / ubi nos hilari ingenio et lepide accipient", Horatius, Od.IV 1, 9-12 "Tempestivius in domum / Paulli purpureis ales oloribus / comissabere Maximi, / si torrere iecur quaeris idoneum"). Nullum autem In Latinitate vulgari verbum alienae originis cognovi, quod semantice verbis vulgaribus TRINCARE Italico et DOKATA Finnico plane responderet. Vale!

Ego Bulgarius sum et annum quattuordecimum ago.

Mercurius Dimitrio s. d.

Salve in foro, amice Bulgarice! Ubi et quando linguam latinam didicisti? Et quomodo lingua latina in Bulgaria docetur? Vale! Budapestini, feria III. post Dominicam Palmarum.

Dimitar (vel Demetrius) Mercurius s.d.

Ego in Schola nationalia de linguis et culturis antiquis doceo ex annis duis. In Bulgaria haec Schola una est, in qua lingua Latina docetur.

Vale!

Mercurius Demetrio salutem dicit plurimam.

Nonne studes in ea schola, et non doces? Ceteroquin valde admiror linguam Latinam in tua patria in una tantummodo schola doceri. Certe, Bulgaria ad ecclesiam Graecam attinet, qua re fieri quidem potest, ut lingua Latina culturaque Romana antiqua non tanti apud vos aestimetur. Dic mihi quaeso, quando natus sis? Vale! Budapestini, Die Parasceve (secundum Calendarium Gregorianum).

Ericus Palmén Demetrio Dragnev s.d.p.
Ego quoque te in colloquiis Latinis incipientem salvere iubeo. In primo nuntio tuo (7380) rettulisti te annum quartum decimum agere – sive tredecim (13) annos natum esse. Ex aetate tua concludere ausim te in schola adhuc discipulum esse, nondum magistrum. Vix enim inde a duobus annis (inde ab aetate undecim annorum) in schola quicquam ”de linguis et culturis antiquis” doces, sed potius discis. Scripsisti scholam tuam in Bulgaria unam esse, ”in qua lingua Latina docetur”. Equidem dubito, quonam modo verba tua interpretanda sint. Dicere voluisti istam solam in Bulgaria esse scholam, in qua institutio linguae Latinae discipulis praebeatur ( = in nulla alia schola Latine doceri), an scholam tuam unam esse ex iis scholis Bulgaricis, in quibus lingua Latina doceatur? Vale!

Demetrius Mercurio Ericoque s.d.

Studeo in ea schola (www.ngdek.com). Mea schola una in Bulgaria est, in qua discipuli discipulaeque linguae Latinae discunt. In lingua Bulgarica studeo=doceo. Ego natus sum die 06.05.1992.

Mercurius Demetrio s. d.

Rectissime quidem eodem verbo Bulgaros dicere "docere" ac "studere" puto. Quid? Quis nesciret proverbium illud "docendo discimus"? Valete! Budapestini, eodem die.