YLE Colloquia Latina

by **soter** on Sol 24 Dec, 2006 18.25

Soter omnibus Sodalibus , imprimis Amicis suis carissimis, etiamque Administratoribus et Moderatoribus Areae Colloquialis nostrae pariter clarissimis s.p.d.

Vobis et Caris vestris dies festos quibus natus Christus celebratur quam laetissimos et novum annum MMVII felicissimum, faustissimum et omnis boni praenuntium toto pectore exopto !

Faciatis, carissimi, ut quam optime valeatis !!

Soter

A. d. IX Kalendas Ianuarias a. D. MMVI - Neapoli

by **Regiomontanus** on Sol 24 Dec, 2006 19.19

Omnibus sodalibus beatissimum festum Natalis Domini similiterque annum novum 2007um prosperrimum exoptat Regiomontanus.

by **Phlebas** on Sol 24 Dec, 2006 19.28

Phlebas sodalibus salutem dicit

Vobiscum communicare voleo carmen Sardum vigiliae Natalis, mihi carissimum. Incipit:

MAMMA, NOTTESTA PURU

Mamma, nottesta puru, a mesunotti,
comente donni annu,
nottesta puru, chenza 'e fai sonu,
chenza 'e lassai arrÃ stusu 'n sa ni,
s'anta a accostiai
in punta 'e pei a s'enna totu cuddus
chi cun nosu sa notti 'e Paschixedda
a ingÃ¬riu 'e su fogu si sezzÃ¬anta;
is chi funti partius
de diora, e no funti prus torraus.

Ddusu 'ntendis tocchendu?
...

Poetice reddere nescio sed, plus minusve, dicit:

MATER, ISTA NOCTE QUOQUE

Mater, ista nocte quoque, media nocte, sicut quotannis, ista nocte quoque, silentiose, nullum vestigium faciens in nivem, veniunt ad ianuam, summis digitis, veniunt illi qui nocte Natalis sedere ad focum nobiscum usi erant, qui profecti sunt et non reverterunt.

Audisne pulsare?
....

Valete

A.d. IX Kal. Ian. Mediolano

by **Rhumak** on Lun 25 Dec, 2006 4.10

Agricolae sd

Hoc nuncusque nusquam legi: gratias ago. Spero te quam citissimo saepius nos rursus visitaturum, ut iocos nostros iucundissimos reciperare possimus. Vale mihi!

ceteris sd

concordia et pax nunc in ventre simul pisce, locusta et socolata recumbunt, et, ut timeo, diutissime et illae et istae remanebunt...

Feliciter Saturno (necnon ceteris Dis!)

by **Tiberis** on Lun 25 Dec, 2006 14.44

quamquam serus ego quoque Saturnalia fausta
omnibus exopto. cuncta bene eveniant!

by **Agricola** on Lun 25 Dec, 2006 23.28

Laurea Kalliope doctis dat serta poetis:
da quoque serta mihi laurea Kalliope

by **Rhumak** on Mart 26 Dec, 2006 13.08

Littoria, 26.XII.06, h. 11:54, 20C!

Da solitum frigus nobis quoque, Phoebe, Latinis!
Romam confugiat fac ferus iste calor!
fac totum sumat Ratzinger et eius amici,
ut qui iam gaudet frigoribus patriis.

Valete
in die mi onomastico

by **Agricola** on Mart 26 Dec, 2006 13.57

Nuntio venit hiemps, altis adoperta pruinis
arva fatigantur: nuntio venit hiemps

by **Agricola** on Mart 26 Dec, 2006 14.58

Mobilior Zephiro est semper male fida puella:
foemina crede mihi mobilior Zephiro est

by **Rhumak** on Mart 26 Dec, 2006 15.06

Arva fatigantur diverso, care dolore;
"venit hiemps", nuntias: ten audivit hiemps?

by **Agricola** on Mart 26 Dec, 2006 15.06

Ehu frustra nimium nobis dilecta puella
Silvia, quae noster gaudia speret amor?

by **Rhumak** on Mart 26 Dec, 2006 15.17

Currit in aequora amoR; fulget per marmora romA:
nomina, naturam verte, nec imperium!

by **Agricola** on Mart 26 Dec, 2006 15.21

Ne pete delicias puer o nimis improbe nostras
Immitis nostras ne pete delicias!

by **Agricola** on Mart 26 Dec, 2006 15.26

Marmore candidior fulgebat Roma resecto
fulgebat Pario marmore candidior

by **Agricola** on Mart 26 Dec, 2006 15.30

Qui tulerit fastus pueri feret ille pruinas
Sythonias, aestus Lybiae neque laeserit ipsum

YLE Colloquia Latina

AVGVRIVM

carmen vigiliae

Qui adsunt