Lucus Eques optimis omnibus sodalibus plurimam s.d.
Mecum quaesivi curnam majusculae litterae saepius ac recenter Latine non adhibendae sunt. Video modo hic modo illic alios qui majusculas omnino recusant, alios qui velut lingua hodierna sit majusculas in primis litteris sententiarum apponunt (sic scribo ipse). At in libris grandibus, ut in quodam volumine Petronii Satyricorum a BUR Classicis Graecis et Latinis editore Italico, atque in aliis primae sententiarum litterae non sunt majusculae. Qua de causa constituerunt quidam majusculas Latine scribendas non esse?
Valete ac ualete,
LV·EQ
Die Jovis ex Bethlehem a.d. V kal. Mai.