YLE Colloquia Latina

Omnibus spd

Non ad manum est liber meus de grammatica, quem cuidam dedi, nec quasdam quantitates aliquorum casuom meminisse valeo: vestrum igitur spero me auxilium habiturum.

ACC. PLVR. I, II, III & IV DECL.IS as, os, es (is), us: a, o, e (i), u longae an breves?
DAT. PLVR. I, II DECL.IS is: i longa an brevis?

E versibus lomgae omnes videntur, vg Lucretii:
I decl. "nec sine te quicquam dias in luminis oras
II decl. "quos ego de rerum natura pangere conor"
III decl. "et rapidos tranant amnis ita capta lepore"
datplur II decl.is "funde petens placidam Romanis, incluta, pacem

Sed semper id considerandum, quod syllabas positione producere licet, ut in eo Catulli:
"Hymen o hymenaee hymen ades o hymenaee" ubi positione hymen et hymenaee quantitatibus y litterae discrepant: sed usque id vidi, si modo syllabe iciatur positione produci: in eo econtra Lucreti: "funde petens placidam Romanis..." nullus ictus in i litteram dativi illius incidit...


Responsuris grates quam plurimas

Vettius Rhumaki sal.

ACC. PLVR. M. & F. I, II, III, IV, (&V), -as, -os, -es, -us, (-es): SEMPER LONGAE.
Sed ACC. PLVR. N., -a aut -ia: SEMPER BREVES.

DAT. PLVR. I, II, -is (olim -abus), -is: SEMPER LONGAE.

Quod ad "Hymen" et "Hymenaeus," Graece YMHN et YMENAIOC, Y (upsilon), sicut A (alpha) et I (iota), secundum uoluntatem poetae, praesertim apud Hellenisticos quos Catullus maxime imitatus est, aut longam aut breuem quantitatem continere potest.

Vale

Rhumak Vettio excultissimo spd

Gratias ago maximas, praesertim ob documentum postremum: numquam enim suspicatus eram, praeter aliquot (perpauca) verba, aliquas vocales aliquorum verborum quantitates ambas habere posse, prout poeta vellet.

Nunc luna domina noctis ad pulvinaria confugere iubet.

Habe te bene