YLE Colloquia Latina

by **Agricola** on Mart 26 Dec, 2006 17.12

Laurea Kalliope doctis dat serta poetis;
da quoque serta mihi laurea, Kalliope

Nuntio, venit hiemps; altis adoperta pruinis
arva fatigantur; nuntio, venit hiemps

Qui tulerit propriae fastidia lenta puellae
ferreus, et pueri qui tulerit proprii!

Mobilior Zephiro est semper male fida puella:
femina, crede mihi mobilior Zephiro est!

by **Agricola** on Mart 26 Dec, 2006 18.01

Si moneas aliquem ne tu fallare caveto
fallere neve putes si moneas aliquem

by **Agricola** on Mart 26 Dec, 2006 18.31

Qui patienter amat tandem sua gaudia sumet
si modo quid properet qui patienter amat!

by **Agricola** on Merc 27 Dec, 2006 12.33

Terga fuere bovis quae ascendit Agenore nata
ipsa quibus vecta est terga fuere bovis

by **Agricola** on Iov 28 Dec, 2006 16.04

Taurus erat niveus qui lusit Agenore natam:
paelex quo vecta est taurus erat niveus

by **Agricola** on Iov 28 Dec, 2006 16.24

et modo virgineas plantas cervice reflexa
lambebat, digitos et modo virgineos

by **Agricola** on Iov 28 Dec, 2006 17.30

Taurus erat niveus qui lusit Agenore natam;
paelex quo vecta est taurus erat niveus,
is modo virgineas plantas cervice reflexa
lambebat, digitos et modo virgineos

by **Ericus Palmén** on Iov 28 Dec, 2006 23.57

Ericus Palmén Agricolae s.d.p.
Incredibili, inquam, abundantia his diebus vena tua poetica cum eclogas tum disticha echoica in lucem protulit. Facere non possum, quin P.Ovidium Nasonem imitatus (cf. Trist.4,10,26) a te quaeram: â€

by **Agricola** on Ven 29 Dec, 2006 0.21

En, aliquando rosae tota tumuere corolla
veris opus, veniunt en aliquando rosae!

by **Agricola** on Ven 29 Dec, 2006 0.50

Matthaeus qui et Agricola Eirico salutem dicit quam plurimam

Quod mihi cursim scribenti male evenit ipse, Eirice optime melius interpretatus es, ideoque tibi morem faciam:

Si moneas aliquem, ne tu fallare, caveto,
fallere neve putes, si moneas aliquem.

Utinam et alii aeque docti atque ipse es mea carmina legerint!

by **Agricola** on Ven 29 Dec, 2006 1.20

Nocte dieque vigil mea rura tuere, Priape:
stertere neve putes nocte dieque vigil!

by **Agricola** on Ven 29 Dec, 2006 16.56

Europe teneris tenet utraque cornua palmis;

by **Agricola** on Ven 29 Dec, 2006 17.13

Cornua marmoreis virgo tenet utraque palmis

by **Agricola** on Ven 29 Dec, 2006 17.19

Cornua marmoreis virgo tenet utraque palmis:
vara tenet manibus cornua marmoreis

by **Agricola** on Ven 29 Dec, 2006 17.55

Taurus erat niveus qui lusit Agenore natam;
paelex quo vecta est taurus erat niveus,
hic modo virgineas plantas cervice reflexa
lambebat, digitos et modo virgineos

Cornua marmoreis virgo tenet utraque palmis:
vara tenet manibus cornua marmoreis
...

YLE Colloquia Latina

Disticha echoica

Disticha echoica

Disticha echoica

Qui adsunt