Omnes, sed praecipue sodales Americanos de nummum suorum signi origine rogare cupio: nam, ut constat, Romani assem per illud usitatissimum digramma "HS" compendiarie scribere solebant: nam "II S" = duo semisses = unus as: procedente tempore numerus pro littera habitus est, itaque "IIS" in "HS" versum est. Hoc facile est legere in muris Pompeianis, ubi e.g. meretricis pretium legimus "HS CV S", idest "asses centum quinque et semis": hoc deinde digramma habitum est pro signo nummi Romae usitatissimi. Hoc ego notavi: si illum H illi S supponimus et duo signa conglobamus, ut digramma in monogramma vertamus, monogramma simillimum habemus eius, quo Americani utuntur ad dollara signanda: cum enim nil sit litterae S cum nomine "dollari", fieri posse credidi ut aliquid sit signo dollari cum signo antiqui assis Romani, quasi Americani nummum Romanorum signum in suo traduxerint. Vtrum hoc omnino absurdum est, an aliquid verum habere potest? Quomodo, si ita non est, illud signum $ ortum est
Gratias ago lecturis et praesertim responsuris.
Valete!