YLE Colloquia Latina

Lucius omnibus sodalibus s.d.p.

Mecum quasiui quomodo in numeris numerandis Romani ipsi locuti sint. Id est, neutrene: unum, duo, tria, quattuor ... aut, masculine: unus, duo, tres, quattuor ... — cum quod numeraretur genus proprium non haberet. Scitne quis?

Lucius,
Die Veneris ex Bethelhem a.d. IX. kal. Apr.

pro certo nescio quomodo verus Romanus numerasset. ego autem plane plane dico ita: unus, duo, tres, quattor, quinque...

sed puto hoc minime referre, in quo genere nominis tu numeres.

Lucius Decurioni omnibusque s.

Vt Graecae linguae hodiernae studebam, inueni Graecos, qui et cassus grammaticales et neutrum genus lingua sua fortunati adhibent, neutris numeris cum numerarent uti, id est

..

Bubonem salutat Lucus Eques.

Confitebor sensum tuum humoris ualde mihi placet, amice. Ita ut notauit, nomine Eques appellor, neque omnes hi alios qui mecum in America uides conspexi! Ex te uelim inquirere de patria tua, quoniam meam iam cognouisti.

Credo etiam numeros neutros sine genere asserto adhibitos. Exemplar Graecus me conuicit.

Vale quam optime,
Die Saturnii ex Bethlehem.

..

M. Favonius sodalibus, imprimis Buboni Lucioque Equiti sal.
Valde mihi probatur, quid Bubo amicus noster novissimus summa cum diligentia investigarit. Ecce alia Augustini verba:
„De diversis quaestionibus octoginta tribus, c. 57: De CLIII piscibus. 1. Omnia vestra, vos autem Christi, Christus autem Dei. Si a capite numerentur, inveniuntur unum, duo, tria, quattuor...“. Quibus verbis res confecta videtur esse.
Equidem Bubonem non solum noctu, sed etiam interdiu ad altiora tendere admiror gaudeoque amicum nostrum non noctuam esse, de qua Hegel clarissimum dixit illud „Noctua Minervae pinnis se non levat nisi cum advesperascit“.
Valete. VI Idus Apriles. Crefeldiæ.

Lucius Buboni sal.

Videlicet! At non de ciuitate uel ciuitatibus tuis interrogaui, sed de patria linguaque tua materna, ne nimis curiosus sim.

Sescentas gratias tibi ago quod nobis haec de numeris numerandis praebuisti. Contentus sum semper melius sapere.

Vale quam nocturnissime,
Eodem die.