YLE Colloquia Latina

Lucius omnibus s.d.p.

Scire uelim de forma uocatiua uocabulorum quae in '-eus' terminant, uerbi gratia "aureus." Nescioquamobrem, at non certus sum: putabam '-i' (auri) ueluti '-ius' finis foret, nequidem certus hoc inuenire possum. Scitne aliquis?

Gratias, ac ualete, die Lunae.

L. omnibus. s.

Mecum quaestionem resolui:

http://216.239.51.104/search?q=cache:iB ... ent=safari

Et '-ius' et '-eus' in 'i' desinunt.

Valete.

Marcus Lucio s.p.d.

Quaestio abs te allata nuper in epistula, quam Ericus Palmén, patronus noster doctissimus, ad D. Vettium Saturninum dedit, ad felicem exitum videtur adducta esse: v. „Lingua Latina“ -> „De 'unius’ locutione“ -> # 5367. Ericum secutus tibi persuadeo, ut legas, quid Aulus Gellius scripserit in Noctium Atticarum libro XIV (cap. V): „Lis atque contentio grammaticorum Romae inlustrium enarrata super casu vocativo vocabuli, quod est ‚egregius’“.

Cura, ut valeas.
IX Kal. Sext.
Crefeldiæ.

Fabianus sodalibus salutem

Superest quaestio de vocativo verborum in -"aeus" desinentium, ut Galilaeus, Iudaeus. Nuper enim pelliculam hanc - quam certe vidistis - de "passione Christi" iterum aspexi Romanumque audivi Iudaeum quendam sic adloquentem: "Iudaeus!"
Eum vocativo usus esse (vel uti voluisse) constat. Utrum autem hic vocativus sit iustus, an mendum, quis scit?


Valete quam optime!

Vettius Fabiano sal.

Quatenus Latinitas Melis Gibson confidenda sit primum rogarem. Forsitan ebrius fuit cum id uerbum scripsisset, quod "Iudaei" potius dicendum esse credo.

Vale.

Marcus Fabiano sal.

Quam paucissimis rem absolvere velim:

-aeus (Graece –αιος) ad nomina gentilia pertinet: Iudaea -> Iudaeus; Galilaea -> Galilaeus; voc. m. sg. –aee: Iudaee, Galilaee.

Notas tibi esse puto voces, quas Iulianus Apostata moriens effudisse dicitur: „Vicisti, Galilaee, vicisti!“

Vale. VIII Id. Aug.

Ut ne dimenticare ea , meus magister nos docet "I vitelli dei Romani sono belli" , in italica lingua "Boves Romanorum pulhcri sunt" sed latina lingua est et Vitellius in vocativo in -i est.