YLE Colloquia Latina

Cur ecclesia catholica linguam Latinam deposuerit!
--------------------------------------------------------------------------------
Nuntium misit: Jochen Lückoff | 28.07.2003 - 19:55 | |
--------------------------------------------------------------------------------
Est omnino nulla causa, cur ecclesia catholica liturgiam Latinam secundum concilium Tridentinum compositam non iam adhibeat.
Usque ad millesimum nongentesimum sexagesimum quintum annum, id est ad finem concilii Vaticani secundi sacerdotes ecclesiae catholicae missam lingua Latina celebraverunt. Eo enim modo illi "mysterium fidei" ad Christianos per multa saecula tradiderunt.
Cui depositio sonorae et priscae linguae Latinae usui fuit? Quis respondere potest?


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Mercurius Hungaricus ® | 29.07.2003 - 10:15 | 1 | |
--------------------------------------------------------------------------------
Mercurius Hungaricus Johanni Lückhof salutem.

carissime Johanne,
equidem haud mirum est sermonem Latinum a liturgia Romano-catholica esse remotam, cum fideles missam in lingua vernacula audire velint. "Tempora mutantur et nos mutamur in illis". Sane gaudere debemus in Statu Vaticano linguam Latinam adhuc officialem haberi, bullasque et Latine publicari. Quo magis indignabar, cum pagina domestica Sacrae Sedis visitata frustra nunciorum translationem Latinam quaesivissem: equidem nuncii in plurimas linguas ibi conversi, excepta Latina. Nec bullarum latinitas laudanda, immo hispida, rudissima, bullarum vetustarum eloquentiae dignitatique minime par mihi videtur; quod aeque maxime dolendum. Quid agendum? Quid agamus? Si hoc forum Latinum fortasse convalescerit, petitionem esse mittendam censeo ad redactores paginae domesticae Vaticani, in qua petitione postulandum, ne lingua nobis carissima ibi turpissime negligatur.
Vale.
MH



RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Tiberis ® | 29.07.2003 - 14:54 | 2 | |
--------------------------------------------------------------------------------
Tiberis Mercurio Hungarico s.d.
care Mercuri,facunde nepos Atlantis
licet aliquantulum a themate proposito aberrem, sed modo Aquinco reversus non facere possum,quin a te ut cive Hungarico quaeram, quomodo fieri possit, ut tam raro sive in monumentis sive in aedificiis urbis inscriptiones Latinae inveniantur, praesertim cum lingua Latina in Hungaria usque ad annum fere MDCCCXLVIII. in magistratibus adeundis adhibita sit, ni fallor.
num est verum ,ut suspicor,Hungaricos lingua Latina omissa invisam quoque dominationem Habsburgensium e memoria evellere voluisse ?
quid tu sentias de hac re,mihi narra.
vale.


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Tiberis ® | 29.07.2003 - 14:58 | 3 | |
--------------------------------------------------------------------------------
corrigendum: v.4: rarae , non raro. spero fore,ut ignoscatis.


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Mercurius Hungaricus ® | 29.07.2003 - 17:55 | 4 | |
--------------------------------------------------------------------------------
Mercurius Hungaricus Tiberi s. d.
(hehe, numquam adhuc ad fluvium epistolam misi:))
non ad annum MDCCCXLVIII, sed MDCCCXLIV. De ceteris cras...
Vale

MH

ps: cur nepotem Atlantis me nominasti?


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Tiberis ® | 29.07.2003 - 19:37 | 5 | |
--------------------------------------------------------------------------------
Tiberis Mercurio s.p.d.
Mercurium ut nepotem Atlantis,ut qui pater fuerit Maiae,Horatium in carmine X. libri primi canere nonne tibi est notum?
ceterum epistulam ad fluvium mitti res est non minus insolita, quasi ad deum scribas )


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Mercurius Hungaricus ® | 30.07.2003 - 14:29 | 6 | |
--------------------------------------------------------------------------------
Mercurius Tiberi, fluvio omnium celeberrimo rapidissimo, piscibusque abundantissimo salutem...)))

Carissime Tiberis,
quamquam et ego vereor, ne a re proposita deflectamur, breviter tibi respondam. Nescio, quare inscriptiones Latinae in ruinis Aquinci non sint positae; num alibi talia imponere monumentis in usu sit?
Hungaris lingua Latina etiam nunc grata, et licet numerus latine discentium in annum minuatur, tamen adhuc sermo Ciceronis in multis gymnasiis liceisque docetur. Equidem Domus Habsburgica voluisset linguam Germanicam in Hungaria officialem esse, Hungari Hungaricam, ita quasi tacite convenit inter eos, ut maneat Latina. Vale.





RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Petrus De Scifis | 30.07.2003 - 18:45 | 7 | |
--------------------------------------------------------------------------------
Dilecte Joken,

tibi respondeo dicendum quod Catholica Ecclesia latina lingua numquam utitur quia haec est nimis catholica, ut inquam. Quadragesimo fere ineunte anno a Concilio Vaticano II, permulti Ecclesiastici - sive Praelati, sive simplices sacerdotes - sed et christifideles ab Apostolica Sede petunt indultum, quo Missa et alia Officia celebrari possint secundum Rubricas liturgicas a Joanne XXIII instauratas anno 1962. Visita quaeso paginas www.europart.it/liturgia ubi invenies omnes Libros Liturgicos juxta Ritum Romanum.


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Andreas | 01.08.2003 - 00:53 | 8 | |
--------------------------------------------------------------------------------
Omnibus illa problemata tractantibus s.p.d..
Horribile dictu tam in Ecclesia linguam Latinam neglectam esse.Hoc est signum temporis.Hodie omnibus hominibus vi lingua anglica imponeri vult.Etiam inter documentos Ecclesiae Catholicae cum titulis Latinis anglice scripta inveniri potest.Scribo Latine interia anglice respondet - hoc horribile est impudenterque.Scimus lingua Anglica sine lingua Latina nulla esse.Scribo ex.gr. Evangelium vitae accipio Anglice responsum.
Valete quam optime.


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Anonymum | 09.08.2003 - 15:26 | 9 | |
--------------------------------------------------------------------------------
alea jacta est!


RE: Cur ecclesia catholica linguam Latin
--------------------------------------------------------------------------------
Nuntium misit: Aloysius Holmiensis | 20.08.2003 - 11:02 | 10 | |
--------------------------------------------------------------------------------
Aloysius Holmiensis Johanni Lückoff s.p.d.
Non modo missam latine celebraverunt sacerdotes Romani, sed etiam
lingua latina in seminariis, epistulis colloquiisque usi sunt! Ecclesia
catholica semper providit, ut lingua illa antiqua viveret. Sed hoc
tempore sacerdotes Sacrosanctae Romanae Ecclesiae ne cognoscunt
quidem linguam Latinam legere et ideo abscissi sunt ab tota Ecclesiae
traditione et historia etiam Occidentalis. Ego equidem existimo illam
venerabilem disciplinam denuo fore florentem. Tranquilli simus. Nimis
stultum esset illam omnino humare.
Vale.


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Cristianus Iulius | 23.08.2003 - 07:16 | 11 | |
--------------------------------------------------------------------------------
Cristianus Iulius amicis hoc colloquio visentibus:

Relaxemus animos, amici! Deus loquitur linguas omnes. Si Romana Ecclesia linguam latinam deposuerit, aliis mediis Verbum Divinum inveniet suum iter. Gratulemur illam Ecclesiam quae conservabit linguam latinam vigintis saeculis, partim usque ad nostros dies, cum ceterum orbe occidentale usque a saeculo quinto eam reliquit. Quamobrem lingua latina se refugit in circulos et doctos et consulares et eruditos, ubi mansit, lente deteriorans. Iam illo tempore lingua latina mortua erat, quamvis nemo hoc animadvertebat. Aliis verbis dictum, lingua latina oppetivit cum Imperio Romano. Effulgent hodie timide reliquiae sui praeteritae splendentiae. Eas noscamus, quia sunt fulgores animae helenicae qui pervixerunt nobis super arenis temporum. Valete optimissime!


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Lucas Borgnus | 14.10.2003 - 22:06 | 12 | |
--------------------------------------------------------------------------------
Ecclesia Catholica Apostolica et Romana debet uti lingua latina in missis. Hac lingua est meior sua celeritate venustate et beltate. Opus est uti lingua latina.


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Jacobus | 14.11.2003 - 17:50 | 13 | |
--------------------------------------------------------------------------------
Cum ecclesia catholica populos mundi audiuvare studuerit, ut verba Scripturae Sacrae comprehendere possent, questionem auctoris non rectus esse puto.


RE: Cur ecclesia catholica linguam Latinam deposuerit!
--------------------------------------------------------------------------------
Nuntium misit: Renatus Portia Gens | 14.11.2003 - 18:54 | 14 | |
--------------------------------------------------------------------------------
I am sorry that at the moment I cannot send a comment in Latin. I agreee, though, with Christianus Julius, but let me say it: "It was so nice to attend the Mass in Latin, and it is sorely missed !"
All the very best wishes to all Friends participating this Forum !
Renatus

Salvete !

Recordemur in vitae suae incipio ecclesia lingua graeca utabatur, haud lingua latina. cur postea linguam publicam ecclesiae lingua latina factus est ? quia erat lingua qua christiani loquebantur. hodie, ecclesia catholica prope plebem manere vult; itaque linguis vernaculis utantur. ecclesia est et semper fuit primumdum plebs, haud robur. hodie, nemo sane latine loqui quia requiseret ut hanc linguam cottidiano sicut linguam vivam loquamur. nos autem solum legere scribereque possumus. super, multi sunt catholici in tempore nostro qui linguam latinam discere nolunt. ergo ecclesia convendum magnae partis numini vincit. ecclesia autem missam latinam etiam admittit.

Valete!

Sara advena in forum omnibus praesentibus s.p.d.
Hoc thema desertum esse videtur sed quaedam exempla addere velim. Christus, ut sermones sui a populo intellegerentur, Aramaea lingua ei locutus est, reor, non Hebraice, id est lingua sanctarum scripturarum (evidenter non Latine !). Et pulcherrima Vulgata sancti Hieronymi, ea conversio in "vulgarem" linguam fuit quae ut populus sermonem intelligeret facta est. Missas linguis vulgaris accipiendo, Ecclesia Catholica adfirmavit hoc vere dignum et iustum esse ut linguae, sicut fides et mentes hominum, progrederenter et renovarentur. Quocumque modo, Cristianus Iulius supra bene dixit : Deus omnibus linguis loquitur.
Ite, missa est ... mea epistola.

Herimannus Sarae, Bricio et benignis colloquentibus salutem plurimam dicit.

Postquam aliquot nuntios, etiam praeteriti anni, legi de lingua Latina in ecclesia catholica (sed cur in catholica solum?) adhibenda, opinionem meam libenter patefaciam.
Evangelium Iesu Christi, sicut omnes sacri libri cuiusvis religionis, nuntium salutis et redemptionis hominibus temporum et locorum omnium fert: hoc est in illo "docete omnes gentes" quo concluditur Matthaei evangelium, et similia - puto - docent omnes religiones illae, quae nolunt perpaucis adeptis circumscribi. Sunt enim et fuerunt nonnullae sectae, quae verbis obscuris et pluribus ignotis symbolis exprimuntur.
Non hoc genus religionis est Christiana religio, non islamica, non buddhistica: omnibus gentibus nuntius offertur, nec mihi fingo quomodo hoc fieri possit, nisi per sermones et symbola quae a gentibus iisdem iintelligantur. Lingua Latina per multa saecula utens, ecclesia Christiana intelligi voluit ab omnibus populis, doctis hominibus in primis, quibus evangelium perveniebat.
Usque a saeculo XVI conversio Bibliorum sacrorum et scriptorum patrum ecclesiae in vulgares linguas maximo usui fuit ut Christiani verbum Iesu intelligerent et ut potestas legendi humilibus extenderetur.
Hodie, lingua Latina paucis amantibus et studentibus relicta, illius usus in scriptis et documentis ecclesiae dulcis memoria mihi videtur praeteriti temporis et culturae egregium exercitium; qui hanc consuetudinem in cotidiana liturgia protrahere conantur iidem sunt, qui ecclesiam catholicam sociam regni absoluti et custodem non apostolorum sed oppressionis monarchicae traditionis cupiunt. A quibus me alienum reputo.
Lingua Latina, quae in litteris saeculorum plurimorum, in centum inscriptionibus interretialibus et in nostris dilectis foris invenitur, mihi multo vividior videtur.

Valete!

Novocomi, Idibus Maiis MMIV.