YLE Colloquia Latina

Discipuli mei Latine loquuntur tantum si volunt; aliter Anglice loquuntur. Sed, ego ipsa Latine loqui volo ut discipuli linguam audiant. Difficile est mihi, et non multa dico; sed, exempli gratia, nuper verba nova discipulis explicavi et verbis Anglicis non usa sum. Omnes verba intellexerunt, et fortasse Latine cogitare inceperunt. Est res valde utilis, ut opinor. Lingua Latina est lingua, nonne? Et de pronuntiatu: multa novimus. Lingua Latina dici potest. Nuper aderam "Conventiculo Bostoniensi": septem dies tantum Latine locuti sumus. Erat hebdomas splendida!

Mercurius Betulae Mucioque s. d.

Esto: discipulos paullulum Latine loqui docere utile fieri posse concedo, si magister, qui docet illos, in universitate in recte Latine loquendo satis superque exercitus sit. Si enim male docet illos Latine loqui, peius illud quidem est, quam si non doceret. Verba gravissima haec sunt, et rogo te, Betula, ne sis offensa.
Ceteroquin Latine loquendo magis quam convertendo legendoque discipulos Linguae Latinae conciliari posse nego. Lingua nostra Latina alia est, quam linguae ut vocantur vivae: non ideo enim, aut certe non imprimis ideo linguam Latinam discimus, ut in ea cum aliis colloqui possimus, sed ut quodcunque Latine scriptum est ab urbe condita usque ad hunc diem, legere intellegereque queamus, ac quod ad litteraturam Latinam pertinet, ea libere imbibamus eisque fruamur. Quae cum ita sint, magis referre existimo discipulos ad Horatium legendum intelligendumque perduci, quam doceri eos quomodo Latine poculum aqua plenum rogari possit. Et denique magister, si bonus est, et Horatio suos discipulos ad linguam Latinam discendam inflammare potest. Dixi. Valete. Budapestini, a. d. III. Idus Septembris.

Mucius Mercurium sal.

Certe magni momenti est, mi Mercuri, ac pulcherrimum opera latina latine legere, sicut omnia opera quauis lingua scripta ea lingua legere. Fateor praeterea me libentissime lecturum fuisse multa opera lingua auctoris, si possem (nam fere nullam linguam bene scio, praeter scilicet Italicam )... Sed nolim latinam linguam censere iam inusitatam ac oblitam, et utilem ad legenda scripta antiqua tantum, quorum multa nimis antiqua putantur a plurimis, et inutilia. Nam quamquam Horatius et Cicero expolitisima et laetissima lectu opera scripserint, non omnes hodie haec iuuant. Quare pro dolor perpauci sunt iuuenes qui se studio latinitatis in scholis uersent. Et cum aliis linguis rationes docendi quae reddant linguas iucundas iunioribus adhibentur, latinae semper vetere ratione utimur minime apta ad linguae studium suscipiendum.
Spem ultro teneo, latinam quondam fieri linguam publicam Europae, qua utentur ciues omnes Sociatae Europae, qua inter se omnes in Europa intelligere possint. Quamobrem nolo censere inutile latine loqui.
Vos quid censetis de lingua latina ut publica in Europa?

Vale et Valete!

..

Ericus Palmén Betulam & Mercurium & Mucium Scaevolam & Quemutdeum amicissime salutat.
Admodum longo, inquam, temporis spatio intermisso hoc thema inspiciens ea, quae scripsistis, video. Ne ego quidem inutile existimo Latine loqui discere. Optime tamen intellego curam tuam, Mercuri, quae enucleate e.g. hoc versu hexametro exprimi potest: â€

salvete omnes!

nova sum in foro? certe, sum vero novissima. in hoc tempore ipso, non quidem hos nuntios omnes legere possum! sed conator, multum conator. veni huc, ut Latinam melius, promptius, facundius legam. carmen illud in prima pagina "Tirones" valentissimum est, sed nunc modo latinam huc legere - fortasse in futura, ubi fortior sum, ego quoque hanc linguam amoenam scribam...

valete.

Salvere te iubeo, amica Australica!

Collega Australicus tibi est in hoc foro Saltator.
Quod vero ad te ipsam attinet, prorsus admiror nomen tuum commenticium, „balans“. Num oves educas?
Ceterum narra nobis quaeso, quomodo Latinitas in patria tua colatur!

Optime vale!

Nonis Novembribus. Ex Rhenania inferiore.

Maria Barbara s.
Studens sum matheseos, et amica linguae Latinae.

Mariae Barbarae spd

Vnde venis, Maria Barbara? Quampridem latinae studere incepisti linguae? Esto comiter accepta foro nostro. Hic etiam quandam comitem, sive mathematicae studiosam pariter ac latinae, velut Iulia, reperire poteris, et vero grandis est numerus eorum, qui scientiarum mathematicarum studiosi latinae linguae colendae alacerrimi sint: non forte nec perperam lingua nostra etiam scientiarum communis est tot per saecula sermo!

Vale mihi

Salve, Maria!
Valde gaudeo hic aliam studentem matheseos invenire! Nonne hae disciplinae sunt omnium pulcherrimae, mathesis et Latinitas?
Ubi studes? Ego studeo Gottingae, ubi, ut bene scis, Carolus Fridericus Gauss princeps mathematicorum, David Hilbert, Felix Klein et multi alii, imprimis autem etiam praestantissima matheseos mulier Emmy Noether fuerunt.
Cura, ut valeas!

Maria sodalibus spd.
Linguam Latinam iam IX. annis studeo, sed talentum linguae minime habeo.
Studeo Budapestini.
Pulchra est Latinitas, pulchra est mathesis, et scientiae naturae pulchrae sunt.
Valete.

Iulia Mariae quasi commolitoni suae s. d. p.
Studes Butapestini? Fortasse novisti Mercurium Hungaricum, comitem huius fori, qui etiam ibi vivit.
Sed mathematici Hungarici! Paulus Erdős, Ioannes de Neumann et tot alii! Nonne floret mathesis in Hungaria?
Dicis te talentum linguae minime habere, sed pulchre scribis. Plura scribendo exercere poteris linguam, ut in fine optime possis scribere!
Cura, ut valeas!

Mercurius puellis Iuliae Mariaeque Barbarae s. d.

Docebam equidem linguam Latinam olim puellam quandam, quae mathesis amatrix fuit flagrantissima: immo in universitate novi studentem qui linguam Latinam et simul mathesim discebat. Quid dicam? Multa quidem sunt mirabilia, sed nil homine est mirabilius... Ceteroquin Mariam Barbaram, proh dolor, nisi pseudonomen sibi sit Maria Barbara, mihi esse adhuc ignotam crediderim: sed spero tam frequentissime forum nostrum ab ea visitatum iri, ut et personaliter illam cognoscere aliquando cupiam! Valete! Budapestini, a. d. III. Id. Nov.

Vobis omnibus salutem dico! Giselda mihi nomen est. Romae vivo et libenter vos cognoscere velim...

Salvete omnes!

Me felicem sentio!!!
Hodie effeci unum meorum optatorum. Denique possum Latine cum toto paene mundo loqui et alios linguae Latinae amantes cognoscere. Polonia mea patria est. Latinae iam aliquot annos studeo. Mihi placet Latine legere, sed (ut opinor) difficile est Latine loqui. Volo tamen vobiscum hoc condiscere! Quam ob rem auxilium vestrum peto.
Curate, ut bene valeatis.

Tulliana

P.S. Fortasse hic errores multi sunt. Indulgentes mihi este, peto!