YLE Colloquia Latina

I am a new student to learning Latin and request assistance. If you can help me, please respond in English on how I might go about learning Latin. Thank you.

Sincerely,
Katalan

Elessar Catalano salutem

Hic anglice loqui non licet. Gaudeo autem quod linguam latinam discere statuisti. In foro situs textkit.com nonnulli invenies qui, anglice scilicet , te adiuvare possint.

Cura ut valeas,

Rhumak Katalano spd

It's true, that Elessar wrote: however, if you want remain here, you can write privately to somebody of us, which can help you to learn latin. We have suggested to the users of this forum a "school", in which is possible to write in both linguages, but our suggestion had not the O.K. from the administrators and from other friends. For exemple you can write to me, but... you'll have to excuse me for my english, because I understand your language, bat I speak it bad, how you can see: here somebody speaks english very well, how Vettius Saturninus, which is American! Write to him, if he gives to you his permission.

Verum est, quod Elessar scripsit: utcumque, si hic manere vis, ad aliquem nostrum privatim scribas, qui ad latine discendum te adiuvet. Hoc foro usis "scholam", in qua utraque lingua scriberetur, suasimus, sed consilium nostrum administratoribus aliisque sodalibus non placuit. Verbi gratia mi scribere potes, sed... britannicae meae tibi ignoscendum erit, cum linguam tuam intellegam, sed pessime loquar, ceu videre potes: aliquis adest, qui melius britannice loquatur, ut Vettius Saturninus, qui Americanus est! Scribe ad eum, si patitur.

Vale(te).
Facta loquuntur: numquid homines audiunt?

Mercurius Rhumako s. d.

Equidem facta loquuntur, et ego audio quid loquantur, amice! Quasi ego ipse Katalanum ad hoc colloquium incipiendum conducerem! Vale. Budapestini, Nonis Septembris.

Ericus Palmén Rhumakem ac Mecurium amicissime salutat.

Visa epistula bilingui, quem tu, Rhumak, in area nostra Katalano scripseras, facere non potui, quin ei privatim nuntiarem me quoque paratum esse ad eum in studiis Latinis adiuvandum. Quoniam in electrogrammate meo etiam tuum nomen commemoravi, par esse censeo te certiorem facere, quid ei scripserim. Ecce versio Latina electrogrammatis bilinguis, quod ei privatim misi:

Ericus Palmén Katalano s.p.d. ( = salutem plurimam dicit).
Vidi epistulam bilinguem, quam Rhumak tibi in area nostra colloquiorum Latinorum scripserat, ac dicere volo me quoque paratum esse ad respondendum, si quas habes quaestiones ad Latinitatem pertinentes; nam desiderium tuum Latinitatis discendae magni aestimo. Simile quidem problema habeo ac Rhumak: ignoscere mihi debebis admodum mancum meum sermonem Anglicum. Credo tamen te id, quod nunc tibi dicere conor, intellecturum esse. Nisi aegre fers defectus sermonis mei Anglici, poteris mihi quoque privatim Anglice scribere; magno afficiar gaudio, si te in studiis tuis Latinis adiuvare possim. Rhumakis exemplum secutus electrogramma supra positum Latine repetam, ut primam meam tibi dem scholam Latinam. Cura, ut valeas!

Etiam vos, Rhumak et Mercuri, curate, ut optime valeatis!

Rhumak Katalano, Erico Palm

Ericus Palmén Rhumaki s.p.d.
Secundum regulam, quae in moderna Latinitate prope ubique invaluit, praenomen tantum declinari solet; quod mihi aliquatenus mirabile videtur, quia Romani antiqui semper et praenomen et nomen gentilicium et cognomen declinabant; e.g. MARCUS TULLIUS CICERO, gen.: MARCI TULLII CICERONIS etc. Problema quidem est - ac mea quidem sententia unum e difficillimis problematis modernae Latinitatis - qua ratione moderna nomina terminationem non Latinam habentia in systemate declinationum Latinarum aptissime collocentur. Mei praenominis Finnica forma est ERKKI (cf. Suet. ERIK, Germ. ERICH etc.), Latina autem ERICUS. Itaque quicumque de declinatione Latina nominis mei me consuluerunt, iis suadere soleo, ut potius hac forma Latina utantur quam formam ERKKI velut per vim in declinationem Latinam subigere conentur (excepto casu nominativo/vocativo, in quo etiam Finnica forma bene adhiberi potest). Si totum nomen meum commemoratur, gentilicium PALMÉN nimirum non est necesse declinare; sin quis brevitatis causa nonnisi gentilicio meo usus mihi e.g. salutem dicere studet, eligenda est declinatio, secundum quam id in casu dativo ponatur. Hactenus plurimi, quibus opus fuit id facere, secundam declinationem eligentes PALMÉNIO scripserunt, sed nullum ationale fundamentum invenio, quo nisus formam tertiae declinationis PALMÉNI a te praebitam minus correctam reiciam. Vivat igitur in hac re polyvalentia!
Quod ad novum forum condendum attinet, non dubito, quin Marcus Favonius et Soter et Iulia necnon multi alii mecum in eadem sententia perseverent, quam compluries iam expresserunt: publica colloquia Latina vere Latina conservari oportere, non in semilatina mutari. Nihil tamen impedit, quominus in area nostra index eorum sodalium divulgetur, qui, sicut tu et ego, parati sunt problemata ad Latinitatem pertinentia privatim etiam aliis linguis tractare. Exactum titulum tali indici excogitandum aliis relinquo; nunc enim pauca rescribere debeo Katalano, a quo iam primum electrogramma privatum accepi. Vale!

Erico spd

Iam titulum elegi, ut in prima pagina videre potes: britannice inscribere indicem malui, ut qui forte in forum hoc per rete navigans veniat statim intellegat. Sed scio titulos fororum, post aliquot temporis, quo nemo illic scribat, oblitteratum iri: quomodo semper sub lumine advenae maneant

Vale!