LECTIO MAGNA

Colloquia de litteris Latinis

Moderators: Moderator, Redactio Interretialis

Emitteby Ericus Palmén on Sol 12 Feb, 2006 14.00

Ericus Palmén Mercurio Hungarico s.p.d.
Rursus fateor me intolerabilem fuisse cunctatorem, cui optimo iure dici possit: â€
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

De turma secunda

Emitteby Herimannus on Sol 12 Feb, 2006 19.23

Herimannus sodalibus omnibus sal.

Ecce ergo puncta turmae alterius:

Vergilii ECLOGA I......................... puncta III
Lucretii DE RERUM NATURA...........puncta II
Horatii CARMINA...........................punctum I

Nam ecloga prima, primum carmen a me adolescentulo lecto - ut alicubi iam dixi -, animum meum commovet non tantum suavibus memoriis, sed etiam maesto et humanissimo modo.
Lucretius nobilitate eloquii et thematum propositorum mihi magnificus auctor culturae necnon poesis videtur.
Nimia varietate tota carmina Horatii minus summatim placent, quamquam margaritae memoratu digna abundent.
Haec hactenus. Valete omnes!

Novocomi, pridie Idus Februarias.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Mercurius Hungaricus on Sol 12 Feb, 2006 20.07

Mercurius Erico Herimannoque s. d.

Laeto animo vestras litteras perlegi, amici, et gratias vobis ago, quod puncta vestra scriptoribus poetisque distribuistis. Recte quidem scripsisti, Erice, uno die unum, altero alterum scriptorem magis placere: qua re semper opus erit classica philologia, cum homines heri unum, hodie alterum opus e litteris antiquis extollent et laudant...
O Herimanne, aegre quidem ferebam Horatii carmina a te in ultimo loco posita esse... :( Sed spero Flaccum nostrum punctis ceterorum non in ultimum locum, immo in ultimum certamen pervectum iri... :wink: Valete! Budapestini, pridie Id. Febr.
Last edited by Mercurius Hungaricus on Lun 13 Feb, 2006 16.06, edited 1 time in total.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Marcus Favonius on Lun 13 Feb, 2006 11.51

Marcus Veronicae s. p. d.
Lecto epistolio tuo iucundissimo (# 4497), amica florentissima, non solum magnas gratias tibi ago, sed etiam toto te pectore invitare ausim ad LECTIONEM MAGNAM. Sex vel septem iam sodales omni studio ad certamen paenultimum incubuerunt. Heri vero cum contracta fronte ingentem pugnam imprimis inter Taciti Germaniam et Annales accensam esse vidissem, te quoque orandam atque obsecrandam esse censui, ut illi proelio te Amazonum more immisceres tuumque fortiter ferres suffragium. Tibi quid videtur? :roll:
Vale. Idibus Februariis.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Iulia on Lun 13 Feb, 2006 17.00

Iulia sodalibus sal.

Adhuc nescio quisd Taciti opus alteri anteponam, nec nimis praefestinate discernere volo, cum pugna inter illis tam inflammata esse videtur, tamen saltem dicere possum puncta alterius turmae:

III - Horatii Carmina
II - Lucretii De Rerum Natura libri
I - Vergilii ecloga prima

Id. Feb. e Delawaria nivali.
Last edited by Iulia on Lun 20 Feb, 2006 17.40, edited 1 time in total.
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby Mercurius Hungaricus on Sat 18 Feb, 2006 11.06

Mercurius Iuliae s. d.

Litteras tuas, carissima amica, hilarissimo animo legebam, sed libentius tuos commentarios de causis iudicii tui legissem. Quos commentarios, nisi tibi molestum est, etiamnunc scribere potes. Quod ad aliam turmam attinet, intelligo te dubitare, utrum Annales an Germania unum alteri praeferendum sit. Certe, Tacitus Annales elegisset... sed non refert, quid ille fecisset, cum in hoc ludo nos cum nostris suffragiis disceptamus, quod opus vincat. Vale! Budapestini, a. d. XII. Kal. Mart.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Iulia on Lun 20 Feb, 2006 17.39

Iulia Mercurio sal.
A, oblita sum! Sed facillime se habet res: Horatii tria carmina edidici, Lucretii viginti versus, Vergilii nihil. :lol: :lol:
Vale. E Delawaria a. d. X. Kal. Mar.
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby Mercurius Hungaricus on Lun 20 Feb, 2006 19.50

O argumenta gravissima!! :lol: :lol:

Vale! :D Budapestini, a. d. X. Kal. Mart.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Veronica on Iov 23 Feb, 2006 13.15

Marcus Favonius wrote:Marcus Veronicae s. p. d.
Lecto epistolio tuo iucundissimo (# 4497), amica florentissima, non solum magnas gratias tibi ago, sed etiam toto te pectore invitare ausim ad LECTIONEM MAGNAM. Sex vel septem iam sodales omni studio ad certamen paenultimum incubuerunt. Heri vero cum contracta fronte ingentem pugnam imprimis inter Taciti Germaniam et Annales accensam esse vidissem, te quoque orandam atque obsecrandam esse censui, ut illi proelio te Amazonum more immisceres tuumque fortiter ferres suffragium. Tibi quid videtur? :roll:
Vale. Idibus Februariis.




Veronica optimo ac doctissimo Marco Favonio s.p.d.

Gratias tibi ago maximas, optime Marce Favoni, quod ad suffragia mea
in certamen illud, quod "Lectio Magna" inscribitur, mittenda me invitavisti,
sed doctissimum ac pariter prudentissimum nihil dici de argumentis quae
non satis mihi nota sint, pro certo habeo!
Liceat mihi, igitur, nullum suffragium mittere!
Studiosissimo animo, attamen, exitum certaminis illius perlegam.

VALE!
Veronica.

a.d. VII Kal. Mart. a.D. MMVI- Mediolani.
*PERSTA ATQUE OBDURA*
Veronica
 
Nuntii: 39
Nomen dedit: Sol 27 Nov, 2005 19.20
Location: Mediolanum,Italia

Emitteby Mercurius Hungaricus on Ven 24 Feb, 2006 1.17

Mercurius Veronicae omnibusque sodalibus suffragari non audentibus s. d.

Non est tibi disserendum de auctoribus antiquis! Solummodo id tibi demonstrandum, hic illeve scriptor poetave cur tibi placeat an displaceat. Si diligenter nuntios huc missos perlegeris, intelleges saepissime causis "subiectivis" perpensis unum scriptorem alteri a nobis ludentibus esse praepositum. Mehercle! Itala es, Romanorum progenies, Romanarum litterarum vera haeres! Num suffragari dubites?? :D Vale! Budapestini, a. d. VI. Kal. Mart.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Veronica on Mart 07 Mart, 2006 18.49

Mercurius Hungaricus wrote:Mercurius Veronicae omnibusque sodalibus suffragari non audentibus s. d.

Non est tibi disserendum de auctoribus antiquis! Solummodo id tibi demonstrandum, hic illeve scriptor poetave cur tibi placeat an displaceat. Si diligenter nuntios huc missos perlegeris, intelleges saepissime causis "subiectivis" perpensis unum scriptorem alteri a nobis ludentibus esse praepositum. Mehercle! Itala es, Romanorum progenies, Romanarum litterarum vera haeres! Num suffragari dubites?? :D Vale! Budapestini, a. d. VI. Kal. Mart.




Veronica omnibus sodalibus, in primis Mercurio s.p.d.


Cum legissem nuntium tuum, carissime Mercuri, opera sex legere
decrevi.
Ecce, ergo, mea suffragia ac meae explanationes.


TACITI GERMANIA.......................................p.III
CICERONIS IN CATILINAM ORATIONES.........p.II
TACITI ANNALES.........................................p.I

VERGILII ECLOGA I.....................p.III
HORATII CARMINA.......................p.II
LUCRETII DE RERUM NATURA........p.I


TACITI GERMANIA: sermo historicus dignissimus considerationis est.
TACITI ANNALES:in hac opera mihi videtur legere posse de nostra
aetate. Scilicet nihil commutatum est; igitur eam habeo molestam.
CICERONIS IN CATILINAM ORATIONES: optima delatio populo
compertae conspirationis.(Poterat capere III puncta, sed quippe non
egit ex lege, II puncta dedi.) LUCRETII DE RERUM NATURA:concino
cum eo supra paene omne: fides in ratione; solutio ex anxietate mortis,
deorum superstitonisque; tranquillitas animae. Quoque plaudo delectum
carminis per tractationem philosophiae. Autem rebus duabus (maximis)
non assentior: mens et corpus dissolvuntur (ac omnibus) cum morte;
nihil ab una origine divina nascitur. HORATII CARMINA: carmina limpida
serenaque. Pulcherrima argumenta meditationis de vita et de morte,
amoris, venustatis musaeae velut fortitudo remota ab rebus. Atque
deinde genius scribendi perfectum. VERGILII ECLOGA I: cogitatione
fingere pastores sicuti poetae fugitivi ab sorde urbis accurrere naturae,
somnio vitae magis intimae, verae, sincerae (somnium est etiam prae
me) gratissimum mihi est! Amo omnes Vergilii eclogas (praesertim
quartam) : mihi vitam inspirant.


Valete!

Nonis Martiis a.D.MMVI- Mediolani.
*PERSTA ATQUE OBDURA*
Veronica
 
Nuntii: 39
Nomen dedit: Sol 27 Nov, 2005 19.20
Location: Mediolanum,Italia

De Ecloga prima

Emitteby Herimannus on Merc 08 Mart, 2006 22.00

Herimannus sodalibus omnibus, praesertim Veronicae salutem dicit

Nos ergo soli, Veronica ex Langobardia ut ego scribens, palmam poetarum Vergilio tribuimus, quin etiam brevi eclogae primae, ubi pax ruris et anxietas exsilii tam brevi colliguntur!
Sollemnis gravitas Lucretii et pretiosa varietas Horatii me saepissime delectarunt, - ne male intellegant ceteri sodales - sed eclogae primae familiaritas atque amicitia, humanissimis modis animique suavitate expromptae, ad simplicissimos animi motus me reducunt. Hoc vesperi iterum versus illos sublimes discurram: ver adest, anni tempus eclogis perlegendis aptissumum!

Novocomi, postridie Nonas Martias MMVI
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Mercurius Hungaricus on Iov 09 Mart, 2006 1.11

Mercurius sodalibus, ac imprimis Veronicae s. d.

Litteris tuis, Veronica, in quibus ad legenda illa opera te aggressam esse scribis, maximam laetitiam mihi attulisti! :D Spero te non paenitere illa percurrisse! Quae de operibus scripseras, intellegi, etiam quae de Annalibus adnotaveras: nunc enim, cum electionibus in Hungaria appropinquantibus viri feminaeque in rebus publicis versantes a furiis agi ac in diem maiora mendacia cantare videntur, haud scio an Annales etiam mihi lectio quidem molesta esset... :( Nunc iam propediem eventum duellorum paenultimorum pronunciabo! Nemini nisi mihi puncta connumerare licet! :D Valete! Budapestini, d. VII. Iduum Martiarum.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Iulia on Iov 09 Mart, 2006 1.56

Iulia sodalibus, imprimis Mercurio s. d.

Ante quam eventus dabis, liceat etiam mihi denique sententiam meam de altera turba dare:

III puncta: Ciceronis orationes in Catilinam
II puncta: Taciti Annales
I punctum: Taciti Germania

Annales Germaniae denique anteposui, quod grandius est opus, et quod nescioqua de causa valde mea intersunt acta gentis Iuliae-Claudiae, quae in hoc opere dilucide exponuntur. Omnis admirationis digna est etiam expositio eius de moribus Germanorum, cuius recuperatio scilicet non minimum habet effectum in litteras Europaeas - aliam Germaniam puto me mox lecturam - tamen plus me movet expositio illa de moribus Caesarum, quam saepius in manus sumam, cum aliquid in animo habeam de Agrippina minore (quod si ad finem perducam, plura dicebo).

Primum autem locum obtinent Ciceronis in Catilinam orationes, quos vel Annalen sequuntur nonnisi longo proximi intervallo: Ciceronis eloquentiam enim prae omniorum aliorum auctorum diligo, et maximo e periculo servavit ille rem publicam, cuius rei etiam maximum sunt documentum.

Valete. E Delawaria a. d. VIII. Id. Mar.
Last edited by Iulia on Ven 10 Mart, 2006 20.26, edited 1 time in total.
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby Mercurius Hungaricus on Ven 10 Mart, 2006 15.57

Mercurius Iuliae s. d.

Gratias pro tua epistula. Haec vero verba "cuius recuperatio scilicet non minimum habet impetum in litteras Europaeas - aliam Germaniam puto me mox lecturam" non intelligo :oops: Quae verba paullulum mihi illustra quaeso. Vale. Ex c. Budensi, a. d. IV. Id. Mart.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

PreviousNext

Return to Litterae Latinae

Qui adsunt

Users browsing this forum: No registered users and 0 guests

cron