R E S T V L L I A N A E

Colloquia de aliis thematis

Moderators: Moderator, Redactio Interretialis

R E S T V L L I A N A E

Emitteby D. Vettius Saturninus on Mart 21 Nov, 2006 3.46

SI QVAERIS LECTOR HVC ACCEDENS CICERONEM
QVAERE ALIBI FABA ENIM DIVERSA HIC COLITVR



Vettius oneratus etsi imperitanti rescribere oboediens Tullianae s.d.p.

Vsque stabimus ad limen? Veritus enim ne nouiciis obstarem, ut mecum in nescioquo domus huius conclaue colloquaris, si digneris, te adhibeo.
Imprimis miror te agere cum Sphinge. Cur Sphinx me pro Oedipo habet? Egone heros? Qui si oportet me fieri et antequam meos oculos demum euello, officio meo fungar.
Ecce aenigma Sphingis retextum!
"Quid agis, mi Pithece? Nonne bubo ab Syrtensibus deridendus est?"
Quid bubo? Quid Libyes? Quid bubones cum pithecis? A, alium aenigma. Vae Sphingi! Vae patibulo!
Quod ad anteriora, te Lunam aspiciente, rotam pneumaticum explosum mutabam.
Bananas an tui desiderium, rogas? Bananas non edo nisi Tullianas.

Vale, deinde uale!
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Mart 21 Nov, 2006 20.15

Tulliana D. Vettio Semideo s.d.p.

Si faba hic colitur, quomodo edemus eam ?
Scisne ullum praeceptum?

Difficile dictu erit, sed fortasse necessarium, ut tibi dicam ,, Amice vicisti!"
Aut aenigmata nimis arduum, aut opus erit capillos meos flavo pigmento tingere! Vae mihi! Iam audio Vettii risum! :(

Ecce probabilis solutio aenigmatis:
- bubo - id est signum sapientiae, aut avis divinae Minervae
- Libyes - sunt incolae Libyae, aut tria nymphae, quae silvas Libyae olim custodiebant, et Minervae post eius ortum ex Iovis capite benevolentes erant
- pitheci simile bubonibus in silvis habitabant <praecipue in Africa septentrionali>
Quam ob rem omnibus aliquid commune sine dubio est. :?

Nunc, ut mea opinio fert, aenigma Sphingis retextum ad res et contentiones publicas attingere possit. :?:


Sermo tecum in conclave novo quamquam iucundus, paululum periculosus fit. Nescio, an eius <sc. sermonis>digna sim. Velisne altius intrare?


P. S Tua mentio de rota esset vera an ficta, ut me derideres?


P.S. 2 Aenigmate lecto, non audeo plura scribere. :oops:


Cura, ne irascaris propter me!

Vale et salve brevissimo tempore! :wink:


Sine verbis tuis tam perio quam extrema faba /quod saepe transitorum pede percutitur et carpitur/
Last edited by Tulliana on Mart 28 Nov, 2006 18.20, edited 1 time in total.
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Merc 22 Nov, 2006 6.37

Vettius Oedipus, nuper Lepus nisi Lepidus, Primigeniae Optimi Maximi Tullianae s.d.p. Nunc te cognoui. Qui sis auditura es, sed primum ad fabas. Non omnia culta sunt edenda; ergo a fabis abstineamus. Hactenus de fabis.
Interpretatio autem tua aenigmatis, colore capillorum tuorum non obstante, peritissima est, sed haec considero:
1) Potius legitur, "Quid agis, mi Pithece? Nonne bubo ad Mysticellae coronandus est?" Id est ad Mysticellae templum.
2) Bubo, auis Mineruae.
3) Tu, Mysticella.
Cur igitur bubo frequentat templum Mysticellae nisi ipsa esset Minerua?
Ceterum de rota depressa scripsi ioco remoto; noli igitur oro, Minerua, de Sole meditari quin incendiis peream!
Praeterea, in hoc conclaue, quod tibi construxi aduersus hiemem uenturum, quia Boreas caput tuum laedit, me quantumuis uisitare potes. Num Minerua timet? Valeas te oro, te oro! Quam citissime
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Merc 22 Nov, 2006 16.51

Tulliana Vettio daedalo, qui ab spiritibus gelidis in conclave suo tam bene defendit, felicem diem et noctem exoptat


Nuntio tuo accepto magna sollicitudine liberata sum. Possum porro tecum loqui et femina aeneis capillis usque remanere.
Tu autem? Quomodo te habes hodie? Qualis labor onerosus tibi est?
Ego iratam curis alienis me sentio. Varium animum turpis tempestas sequitur, quod pluit. :(
Scribe quidlibet, si labore occupatus es!
Bene vale et bene ambula!
In posterum! :roll:
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Merc 22 Nov, 2006 23.16

Vettius solitus Tullianae imbutae s.d.p.

Quoniam mente alienata hodie scribis, nolo te ineptis nugis meis plus solito incommodare. Noli igitur quomodo me habeam sollicitari. Sollicitor autem ira tua; quam, nisi prius exiges colloquendo, quidam simia, etsi nolens, alleuabit saltando!
"Solem suum oriri facit super bonos et malos; et pluit super iustos et iniustos."
Pluit, sed uirescis.

Quae cum ita sint, quam optime, Optima, uale!
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Iov 23 Nov, 2006 0.21

Tulliana sicca sed non exsiccata Vettio sollicitanti s.d.p.


Gaudeo, quod iam mihi locutus es !!!! Ut scripsi hodie me habeo male, tamen nugas tuas semper gratississimas mihi aestimo!!!!!! Nolebam te propter me sollicitari, sed pristinam Tullianam simulare difficilius erat!

Quidam simia potest in otio bananas mandare - Tulliana iam solacio levata est!


Quare de te ipso non dixisti? Non potes, an non vis?

P.S ,,Vettius solitus"
= qui solet ?
= usitatus?
= ut plerumque laetus?
= ?
P.S. 2 Scisne iam veram historiam Minotauri, sive ,,nemo nascitur monstrum"? :twisted:


Valde vale Prime inter optimos :wink:
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Iov 23 Nov, 2006 1.44

Vettius solitus siue usitatus siue semper idem, bis dans quia cito dat, Tullianae magis pristinae s.d.p.

Gaudeo quod gaudes! Gaude magis ut magis magisque gaudeamus!
Quare de te ipso non dixisti? Non potes, an non vis?
Rogas. Quid de me? Quando? Quorsum? Nihil, ut iam dixi, certum poposcisti ex parte mea; quamobrem nihil certum retuli. Possum; uolo; non feci. Sed haec tibi capias, si curas. Non multum dormio, ut mea Latinitas mendosa monstratur. Cras est dies festus Americanus, "Thanksgiving" siue Gratialia. Nempe curo. Pluiturum est hic quoque, id est in California, cuius incola sum, ut scias nisi iam scis.
Scisne iam veram historiam Minotauri, sive ,,nemo nascitur monstrum"? Rogas. Non pro certo eam scio. Forsitan sciui, sed, si uis, facias me certiorem. Ceterum mihi dicas quid agatur.

Facere non potes, nulli Secunda, quin ualeas!
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Iov 23 Nov, 2006 12.16

Tulliana, etsi sero Vettio suo munifico s.d.p.

Itaque gaudeamus maxime! Hodie phoenici similis velim!
Recte dixisti, quod nihil certum te poposci. Multum mea refert, ut possim te penitius cognoscere, nolo tamen nimis curiosa videri et ad confessiones quodam modo te cogere. Scio te Californianum Livermorae natum esse. Admiro te, quod tam laboriosus, eruditus et dicax mihi videris. Quos libros soles legere?, quos ipse scribis?, a quo tempore Iaponice loqui potes?, habitasne solum, an cum familia iunctim? - ecce nonnullae quaestionum, quas tibi ponere velim.

Veram historiam Minotauri invenies in pagina ,,Carmina ex linquis peregrinis in Latinum conversa," quamquam nescio, an hoc opusculum carmen nominari possit.

Nunc, tempore ad te scribendi satis iucunda tempestas est. Caelum paulatim aperitur, sol timide lucem suam in guttulas pluviae mittit. Preterea sat calide est non solum extra, sed etiam intra in animo meo...

Inveni, quaeso etiamsi momentum, ut mihi ante vesperum respondeas!

Utinam Vettii mens sana in corpore sano sit! :wink:

Tene te optime!

Vale atque salve, sicut noster est mos!
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Ven 24 Nov, 2006 0.58

Vettius mente uana in corpore uano Tullianae cum calamo caeruleo scribenti s.d.p.

Petisne rescribam ante uesperum? Memento, carellula, tuum uesperum
meum meridiem esse.
Ad interrogationes tuas, habito solus; solus uiuo. Aquila solum uolat. Nihongo siue sermonem Nipponicum didici in pueritia mea. Interrogare me quos libros legam, id est imperare me bibliothecae indicem recitare. Quos modo scribam, nonnulla opera; quos modo scripserim, nonnullas editiones poeticas, Anglice certe, sed etiam drama quondam apud "procul Via Lata," id est off- Broadway. Sic nisi theatra Noui Eboraci ante decem annos frequentaueras aut uolumina poetica Americana emis, opera mea non nosti.
Hactenus haec. Esne aequo animo hodie? Ita spero. Simul ac Minotaurum tuum diligentius legerim, nescio qualem commentariolam tibi proferam.

Vale ut ualeam
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Ven 24 Nov, 2006 1.50

Tulliana Vettio suo paucis verbis loquenti s. d. p.

Gratias pro sincero responso, quamquam mihi non satisfaciente.

Quasi scio melius.
Scio me parum scire <et de mundo, et de te poeta, philosopho etc...>
Cras certe explicabo quod mihi hoc tempore in mentem venit.

O Optime vale brevissime :?

Utinam vividus rescribas :!:
Last edited by Tulliana on Ven 24 Nov, 2006 11.26, edited 1 time in total.
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Ven 24 Nov, 2006 11.26

Vettius noctiuagans, Nipponiloquens quidem, konichi wa, Turiana-sama siue, "Salue, Tulliana aestimata!" d.

Heus! Quo effugit amicus meus Nipponicus? Cuius imago, mi Carissima, me maximo risui commouuit!
Quid agitur hodie? Valesne? Dum otium post paucas horas sinet, tibi l o n g i u s rescribam hodie! Noli sollicitari!

Interim, CONFIDO te ualituram esse!
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Ven 24 Nov, 2006 11.54

Tulliana Vettio noctivaganti et Nipponico eius plurimam salutem impertit


Quis Nipponicus est? Sermo eius quasi barbarus videtur. :x Malo cum Vettio colloqui. :wink:
Multum agitur hodie, nimis multum ut scribam extemplo.
Mox tibi llllllllllllooonnnnnngggggiiiiiuuuuuusssss rescribam!

Vale in otio!

Noli de via declinare aeque die ut nocte!
Te oro, te oro! :P
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Ven 24 Nov, 2006 19.49

Vettius mane Tullianae ad uesperum tendenti s.d.p.

Solutionem elaboraui. Videlicet, si ab edendo dormiendoque abstineo, saepius tempestiue rescribere possum. Ad hoc adsum.
Quod ad priora, de uiis, ut scias, non declino.
Amicum meum autem Nipponicum iamiam desideraui. Durum est eradi.
Etsi autem interrogationibus tuis singulatim respondeo, tamen non satisfacio, inquis. Explica quid careat, idcirco, quo melius satisfaciam. Maneo dum scribis.
Attamen si oportet me diuinare, quid, quia nullorum nominatim mentionem librorum feci, siccine sentis? Nullius libros quantum ac meos necessario lego. Praeter hos, in poetis utriusque linguae quam saepissime, atque nuper in Strabonis, Pomponii Melae, et Ptolemaei geographiis uersor. Praesertim apud classicos saepissime uersari conor; namque quales legas, ita scribis. An quia de statu habitationis meae non bene sat dissertaui, non sufficit? Ergo potius dixissem, *pulsans* "Ecquis adest? Hem! Nemo! Quamobrem non possum concludere uerum quod expers aliorum habito!"
Licetne mihi unam poculam caffeae saltem sumere, si debeo uigilare dum rescribis? Exspecto!

Vale; ualeto!
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Ven 24 Nov, 2006 21.09

Tulliana Vettio suo s.d.p.

Iam responsum compono.
Velim, ut vigiles, attamen salus tua maiori auctoritatis quam epistulae a te acceptae mihi est.

Si vis, vigila - iam rescribo!
Si nimis fatigatus es, otio te involve QUAESO :!:
Tulliana
 
Nuntii: 195
Nomen dedit: Lun 13 Nov, 2006 0.08

Emitteby Tulliana on Ven 24 Nov, 2006 22.02

Tulliana Vettio diligendissimo :oops: et Caffeae eius divinae s.d.p.

Vae mihi! Crudelitate plena sum, cum propter me abstines omnibus voluptatibus paene <caffea excepto>.
Secundum responsum magis me satisfecit, dic mihi tamen:
1 QUAE GENERA LIBRORUM CONTEMPORALIUM MAXIME TIBI PLACENT?
2 QUIBUS DE REBUS OPERA TUA <ETIAM POESIS!!!> GENERATIM NARRANT?< nam nescio, ut dixisti AMERICANA VOLUMINA POETICA et ante omnia verum nomen cognomenque tuum>
3 QUAM DIU SOLES DORMIRE PLERUMQUE?
4 A QUO TEMPORE LINGUAM LATINAM SCIS?
5 QUALIS COLOR OCULIS TUIS EST?
6 QUAM OB REM MIHI RESCRIBERE SOLES?

P.S. CONFIDO te quaestionibus meis non extenuatum esse.

P.S. 2 Porro <cras?> de me audies <tertium responsum praeparo>

P.S. 3 Hodie satis bene me habeo, aut potius habebam.

VALE VETTII !


VIVAT :shock: VIVAT :shock: VIVAT :shock: VIVAT VETTIO DICO!
Tulliana
 
Nuntii: 195
Nomen dedit: Lun 13 Nov, 2006 0.08

Next

Return to Alia themata

Qui adsunt

Users browsing this forum: No registered users and 0 guests

cron