R E S T V L L I A N A E

Colloquia de aliis thematis

Moderators: Moderator, Redactio Interretialis

Emitteby Tulliana on Merc 04 Iul, 2007 23.34

Vettio Suo Tulliana S. P. D.

Bonum tempus Tibi quoque die opto. Ut privatim Te praemonueram non potui Tibi prius respondere. Puto Te haud male intelligere. Nunc conabor saltem una ex parte neglegentiam meam erga Te emendare. Potio mea e fragis et lacte prius praeparata memorataqua certe non posset Tibi ecclesiam visitandam suadere. Etsi scio, tales potiones cum lacte quasi lac iogurtinum libenter biberes.
Nuntio Tuo recentissimo lecto, vellem aliquid operum Tuorum bilingua editione legere: una ex parte Anglice, aut potius Americane,altera autem Latine a Te ipso diligenter scriptum. Animadverto Te aeque Latine ac Anglice posse componere.
Legens olim conversationes Tuas cum studiosissimo Sodale Italico genere, primo habueram in mente ad thema servitudinis hodiernae a Te praepositum aliquid addere. Attamen tempus mihi nimis saevum et mens satis languida erat.
Hoc tempore in terris nostris tam urbanis, tantum in humanitate excultis,persaepe labor quotidianus a servitudine non possis distinguere. Ita laborant quoque die nonnulli mihi familiarum. Nomina sunt tamen odiosa, itaque sinas ea silentia mea praetermittere.Temporibus antiquis gravissime servitudinem suam ferebant ascholoi - ut homines tempore libero semper privati praeter laborem suum mortiferum. Nonnulli servorum tamen poterant haud mediocriter commodeque ad familias urbanas ut familiares - paedagogi, scribae aut alii vivere. Certe harum rerum peritissimus es. Hodie fere in omni labore sive ad magistratus officinam seu fabricam industrialem libertate nostra una ex parte privati fimus. Cicero iuste laborem vice pecunia cum servitudine iam multo tempore antea comparabat his verbis: ,,merces auctoramentum servitutis" (De off. 1, 150).

Valeas, ego mox iterum muta Tibi videbor, quod tempore feriarum aestivarum montanis in regionibus fruar. Si velis, post reditum meum, libenter Tecum nonnumquam ,,conscribam".

S. V. etc. Saturnine, Tu certe scis quid.
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Ven 06 Iul, 2007 18.20

D. V. S. T. S. D. P.

Quantum aestuat, non possum quin patiar, carens somno, sitiens, sudens toto die usque ad imos talos; ita que uix mihi respondere sinunt condiciones. Quod melius faciturum mox anticipo. Etsi modo heri ubi sum erat 42 Celsius, Vegapole pridie erat 51 C. Oremus pro Vegapolitanis.
Hymnus Eluis.
Comburet animam meam--
Animam, inquam, meam--
Formosa ciuitas.
Nummos habeo urendos;
Sic amplientur deposita.
Mille pulcrae ibi tam indiscrete uiuunt,
Quibus ego amorem indiscretum habeo.
Viuat Vegapolis!
Viuat Vegapolis!
Viuat, uiuat Vegapolis!


V. Q. P.
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby D. Vettius Saturninus on Merc 11 Iul, 2007 5.42

D. V. S. T. S. D. P.

Te tam diu absentem ad Hemodios uisere imputo.
Tibi suadeo ut meos euites soloecismos. Seruitudo, inquam, pro seruitus.
Nil pudet labor honestus. Qui militaui inhumanisso labori subiectus sum. Sed quid putas? Quidam gymnosophistum docent animas ante corpus natum domum eligere. Id est dicere animam sua quamque fata non solum efficere, sed praeuidere etiam. Quod si uerum sit, parem esse quamque animam inter uitis inaequissimis. Quod nempe indecus esse uideatur illis multis metempsychosi credentibus quibus placet sese regios fuisse credere. Quis enim seruitutem pro sella eligeret? Plane autem asinarii plusquam reges fuerunt. Quid refert? Seruus enim quasi rex facillime uiuere posset; rex laborem seruilem ne unum quidem diem tolerare. Quid est uir uerus? Vtrum corpus an anima? Iam scimus.
Eluidales Vegapolitani tibi maximas pro precibus tuis gratias agunt.

Valedum
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Ven 27 Iul, 2007 0.00

Tulliana salutem dat plurimam Vettio Suo Satvrnino

Quam ob rem de absentia mea diuturna mentionem feceris? Propter consuetudinem veterem epistularum nostrarum?Utrum quod usque deliberes interim, quid apud me, quae femina sim, quid novum Tibi dicere sciam? Iam Tibi dixeram me extra urbem familiarem prope montes Polonos tempore feriarum aestivarum requieturam esse. Modo heri Lodziam meam reverti nuniosque Tuos tres cognovi. Itaque non licuit mihi pro Vegapolitanis atque pro Te illo tempore praecipue dolente precari. Etsi vere hoc voluissem. Etsi audivi de aestate summa mortiferaque in patria Tua insaniente. Quam ob rem inutiliter mihi tam argute de neglegentia mea erga Te et vicinos Tuos commemorasti. Ceterum non licet Tibi propter absentiam meam saevire, cum ipse mihi olim ad Tuam assuefecisses uno tempore docens ut aliter nuntios meos ad Te componerem nec minus affectiones animae teneras exprimerem.
Quae de servitudine mihi ex sententia Tua rettuleris certe iusta nec minus vera sunt. Attamen dubito, utrum omnes homines metempsichosi credant et de libertate animorum suorum similiter Tibi cogitent. Nonnulli videantur enim vivere solum die hodierno, quotidiano, sine cura itineris ad animum suum heri, cras et tempore futuro sempiterne attinentis. Tales etsi vivunt honeste saepe existentiam suam ,,hic et hunc” ante oculos habent. Quibus nulla consolatio in servitudine hodierna, ut opinor, est. Forsan paulatim fallor. Attamen sentio, ita plerumque fit. Finio hoc modo nuntium illum. Certe modo non satisfaciente nobis ambobus.
Si noluissem Tibi respondere hoc iam milies deinde centies etc. non fecissem. Etsi consuetudinem nostram iam mutata est. Etsi Catullum odisti verbaque eius mihi iterum nescio cur in mente inventa. Quae sit amicitia? Adhuc nescio.
Sed vellem litteras meas docere Tecum in familiaritate vera esse. Tu certe huius sciens es. De ceteris rebus quidquid actum Te dignum erit ad Te certe scribam .
Rescribas velim aliquando. Quid opportebit Tibi tempus futurum et condiciones eius tam mutabiles. Iterum vale mi Vettii!
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Merc 08 Aug, 2007 21.45

D. V. T. S. D. P.

Quod modo praesens modo futura catastrophe me affligit, donec mentem meam condicionibus adaptauero, uix potero colloqui, nisi de miseria placet tibi colloqui.

Vale
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Merc 08 Aug, 2007 22.15

T. D. V. S. S. D. P.

Tali sententia Tua modo perlecta, nescio quid scribere Tibi possem, si mihi liceret . At certe hoc tempore nec rogare causas, nec donare solacium malorum licet mihi viventi tam procul a Te mi Vettii. Mi Unice!
Caret me alloquio ad Te consolandum. Sed scias nuntio Tuo recentissimo valde sollicitatam esse.


Nihilo minus saltem stude valere!!!

Quid agam? Quid verba mea agere possint?
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Lun 03 Sep, 2007 6.58

D. Vettius Tullianae S.D.P.

Quantum tristitia me onerat, nuper uix quicquam aut scribere aut legere potui. Quod autem istam uersus catastrophen cunctatus sum, quantam ac licet mihi expectare felicitatem habeo. Non doctus, sed natus ad Stoam. Scribito ut res tecum est, et respondere conabor. Aliquod saltem ridiculum referas; nam nimis tristitia insanam mentem facit.

Vale, deinde uale
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Iov 06 Sep, 2007 22.55

Tulliana D. Vettio sincere etsi sero S.D.P.

Tui tristitiaeque Tuae immemor non sum, ut scias. Nunc demum scribo tempore carente, computatro fere deleto (aliquis me immo saepius per viros electonica torrere studet) at praecipue quod difficillime est aliquid ridiculum mihi referre. Itaque moram rescribendo intelligas nec minus ignoscas Te rogo.
Hoc tempore tempus ago ut solito ad studia mea epistolographica.
Ceterum docendo disco. Alia similiter perfectis mihi geruntur: id est mediocriter omni casu. Non decet me queri, etsi procul a maxima laetitia exsisto.

Kalendis Septembribus, ubi scholae ianua iterum post ferias aestivas liberis iuvenibusque aperta fiunt, alii sedem Minervae fugiunt, alii autem ut advenae inexpectati ibi visitant. Inauguratione anno scholastico quaedam directrix discipulos suos satis officiose salutabat. Tunc columbus pullo chromate prope fenestram advenit. Mulier illa docta, animalium amatrix tum
dixit: ,, Prodeste liberi columbulo! Misellus! Iam audio cor eius timore perterritum! Este humanitate animalibus pleni!".
Non possunt discipuli verba magistrae summae neglegere, itaque columbulum liberarunt... A vento, calore Polono aestivo. Solitudineque extra fenestram tam futura. Columbulus inter turbam liberorum involavit.
Directrix autem, usque benevolens ait: ,, Hmm... si ita vis, elige Tibi avicula classem condiscipulorum".
Et columbulus statim elegit: locum inter capillos huius magistrae.
Saltem discipulis causa risus data est.
Avis autem photographematis ei factis furtim scholam fugit.

Tene Te quam optime mi Vettii!!!
Mementoque:
,,unum habet assidua infelicitas bonum, quod
quos semper vexat, novissime indurat"

<TOIS MEN GAR PAIDARIOISIN ESTI DIDASKALOS HOSTIS FRADZEI,
TOIS HEBOSIN DE POIETAI> ,,Ranae" 1054-55

< INGENIUM MALA SAEPE MOVENT>?????


Valere pro nobis duobus conabor.
Tu vale Tibi Ingenioque Tuo.
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Sat 08 Sep, 2007 21.37

D. Vettius Tullianae s.d.p.

Gratias pro citationibus aptis, quae nonnulla consolatio fuerunt. Assidua infelicitas iamdiu me unum e durissimis fecit.
Praeter hoc, frustra hoc enodare conatus sum: (aliquis me immo saepius per viros electonica torrere studet). Quod Anglice uertitur, "Somebody, with me elect[r]onic, is trying more often through men to toast me."
Quam ridiculum ac sine sensu.
Columbo pullo angelo Satanae, eme ab episcopo tuo dilecto statim indulgentias, ut ualeas. Ac memento:

------------
MODO COLVMBA MODO STATVA ES
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Mart 02 Oct, 2007 17.32

Tulliana Vettio Suo Salutem

Plurimam etc. Pacem Tibi sed non ignaviam, haud immodicum gaudium perbellum velim optare. Quo modo res Tibi nunc habentur, Amice?
Ignoscas silentium meum tam diuturnum, tamen e variis rebus verbo indignis compositum. Audeo suspicare Te saltem una ex parte valere.
Si valere est vivere multas res cotidie agens e. g. doctissime in grege LatinChat participare.

Qualem Tullianam ad colloquendum eligere malles: columbam mobilem, sed laetitiae plenam, utrum duram, fere ferratam animo immutato quasi Nioben etsi liberis usque carentem?

Hic iam autumnus paulatim incipitur. Hoc significat nullos dies sine linea.
Bene. Forsan via mea olim assignata novissime lucebit auro huius temporis.

Tu autem vale atque vale.
Erit iucundum cordi, si sua sponte aliquid referas.

Ut pictura condimentumque vitae poesis.
Tu es poeta.

Ego trans Oceanum usque quaero capsicum meum.
Etsi nonnumquam viscera movet, tamen renovat. :wink:
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Iov 11 Oct, 2007 5.58

:x :evil: :cry: Quom furarer computatrum telephono fregi; ambobus fractis, nouum telephonum emi, quo solum ad rete accedere possum. Vix potui quicquam in reti scribere dum inueni instrumentum, quod, cum id in telephono inseruissem, telephonum factum est computatrum! Difficillime autem scribam donec nouibus clauibus assuefactus ero. Plus serius conabor. Noniam dixisti quis te torreat et cur.
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby D. Vettius Saturninus on Ven 12 Oct, 2007 19.03

D. V. S. T. NISI POTIVS SIBI S. D.
S. V. B. E. Mittas quid agatur. Comitia Nobelia Alberto Goro palmam pacis dedit.:shock: Mirandum est curnam tale collegium Gorum cuiusquam dignum esse recipiendo putetur, quippe qui omnis demagogus sit. Immo eandem dederant palmam Arafato, qui uix, consentiemus, paci fauere uidebatur. Hic hodie pluit primum in sex mensibus; hic hodie Gorus uisitat. Vt uidetur, pluuium illum sequitur. Vale.

----------------
FAVSTVM NVLLIVS EVENTVM METIOR NISI AD QVANTAM ALTITVDINEM, SI QVANDO IMVM CECIDERIT, RESILIET.
---Leg. Propraet. Georgius S. Patton
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Ven 12 Oct, 2007 20.56

T. D. V. S. ETSI VERBIS NUNC DEMUM, TAMEN MENTE IAM ANTEA S. DIXIT P.

Vanitate plenus situs noster hoc in mundo videtur, si ab iliis electronicis instrumentis vilissimis praeter tempus plerumque iniquum consuetudo inter nos spirat.
Gratias Tibi Vettii pro resuscitatione eius nuntiis Tuis recentissimis ambobus. Conor respondere quodam modo quam celerrime possum.
Nemo me torret, nemo ad imum pectus, in altitudinemque mentis me movere sciat. Forsan nimis exigens sum, nihilo minus licet mihi exspectare. Si manum alicui benigne cum ope donare audeo, nil mirum quod lapide durissimo ut gratia fastidio. Nonne recte sentio?
Nihilo minus noli putare me tenebrosam mente iterum fieri. Unum est tristitia, alterum conscientia versicoloris situs.
Carpe etiam diem apud Te tam insolite Nobeliferentem. Hic iam fere quotidie pluit. Talis tempestas etsi non decet vagari ex mea mente, tamen solet Poloniae disturbare ab Octobre incipiens.
Nescio qui vir Americanus sapientia sua nos illustrare his diebus deberet, ut in sex mensibus mollitia caeli saltem speciosa fieret.

DESIDERATA NON HABITA MAGNI FIUNT, HABITA VILESCUNT.
(Pseudo-Varro, Sententiae 146).

Mihi autem vilescunt magis maqisque quoque die pseudo-virtutes aliorum.
Quem et quid mutemus ut qualitatem vitae ditamus?

Valeas etiamsi non sua sponte, non mea mehercle, tamen valeas quam serenissime.
E. Valitura sum. Promitto. :wink:
Tulliana
 
Nuntii: 195
Nomen dedit: Lun 13 Nov, 2006 0.08

Emitteby D. Vettius Saturninus on Mart 16 Oct, 2007 4.29

D.T. S.

Et melancholia meo phono asinino tardesco; his igitur diebus uix scribere possum. Gaudeas igitur, nam alienam patientiam nos oportet inspirare. Hoc didici: quantum sit nostrum malum, semper aliqui id peius habet. Nescioquis tibi lapides pro donis offerat; offerre ergo nullum possum commentariolum. Sed, ut rideas, Gorus, qui lucri gratia calfactionem aeris fecit rem suam unicam, utitur domi 200,000 kH, ubi media domus utitur 11,000 in anno. Ecce ueritas eius incommoda. Hactenus ille hypocrita.
Nullam parem Pseudo Varronis pseudosapientiam offerandam habeo, nisi hoc: si quem cuiusue mores rogas mutandi sint quo melius uita humana fiat, placeat tibi speculum inspicere. Nam nemo homo inuitus mutatur, tam pertinax est anima, sed quemquam tibi inspirare licet. Vt ita dicam, si homines honestos haberes, uiue honeste. Quid, uoluntatem animamque pertinacem a deo homini datam tam facile mutari existimas? V. :x
User avatar
D. Vettius Saturninus
 
Nuntii: 240
Nomen dedit: Lun 10 Apr, 2006 5.11
Location: Atlantis Epizephyria

Emitteby Tulliana on Mart 23 Oct, 2007 15.14

Vettio Suo mulier illa etsi sero S. D. P.

Quid apud Te velim scire si fas est. Quae melancholia Te fatigabant? Spero haec iam saltem una ex parte dilapsa sunt.

***

Tu es poeta itaque status talis potest aeque Te tardescere ac inspirare ad scribendum. Ego melancholiam sicut folia sub arboribus cubantia pede percutere studeo. Quisque dies significationem suam habet. Etsi ea in principio difficilima explicatu videatur.

***

Praefecti Ecclesiae, ut fertur, palmam Gori libenter adimerent, si possent.
Ille non solum minime pacem ferens apparet, sed etiam abortioni euthanasiaeque non invitus est. Utrum hoc modo vir ille animis mortalium pacem sempiternum dare conetur? :twisted:

***
Recte dicis mihi de curando imprimis honestate suiipsius. Gratias Tibi pro verba tam sapientia nec minus vera.
Nolo mundum a Deo datum mutari. Sed usque fit me abhorrere.
Noli timere-nullam seditionem paro. Solum cum mente mea nonnumquam certo de... inspiratione quotidiana etc...

***
Valeamus!

***

Quid voltus flavus os torquens post V. mihi significat?
Statum animi Tuum ipsum, utrum potius eventum inexpectatum nuntio meo priori lecto?

***

QUI SEMINANT IN LACRIMIS, IN EXULTATIONE METENT
(Psalmorum Liber 126,5) :o ?
Tulliana
 
Nuntii: 195
Nomen dedit: Lun 13 Nov, 2006 0.08

PreviousNext

Return to Alia themata

Qui adsunt

Users browsing this forum: No registered users and 0 guests

cron