De Italiae Praesidente Berlusconi

Colloquia de aliis thematis

Moderators: Moderator, Redactio Interretialis

De Italiae Praesidente Berlusconi

Emitteby Enricus Flor on Sat 02 Mai, 2009 15.51

Quidne putatis de Praesidente Berlusconi, vos italice nonve?
Misera Italia, tantam Historiam habes, sed numquam memoriam habuisti et habebis. Sum Italicus, sed hac re gloriari vere non possum.
Enricus
Enricus Flor
 
Nuntii: 12
Nomen dedit: Sat 02 Mai, 2009 14.24
Location: Tridentum, Italia

Re: De Italiae Praesidente Berlusconi

Emitteby Rhumak on Sol 03 Mai, 2009 22.27

Salve nove amice.

quid multi nostrum de illo viro sentiant in hoc ipso foro, in ea huius parte cui titulus "Quid agitur in mundo? forum politicum" legere et scribere apte poteris. Sed non memini in qua sectione sita sit. Bonam lecturam!

Di te servent.
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium

Re: De Italiae Praesidente Berlusconi

Emitteby Ericus Palmén on Sol 03 Mai, 2009 22.44

Ericus Palmén vetera merita Berlusconiana recordatur.

Ea ipsa aestate, qua haec area colloquiorum Latinorum condita est, Silvius (v. Silvio) Berlusconi in conventu Unionis Europaeae rettulit in Italia pelliculam praeparari, qua res in quibusdam castris concentrationis nazistarum gestae tractarentur, atque quendam delegatum Theodiscum praesentem coram omnibus participibus conventus contendit aptum esse, qui custodem principalem illorum castrorum ageret. Doleo dictum delegatum ira incensum graviter in eum invectum esse. Nonne elegantius fuisset ei e.g. huius modi oratiuncula Latina respondere:

”Venerabilis praeses! Tibi gratias ago quam plurimas, quod mihi tantas dotes histrionis tribuis, ut custodem principalem castrorum concentratiomis agere possim. Vereor tamen, ne nimis magni me aestimes. Noli oblivisci rei, cuius mentionem ipse fecisti: hic agitur de pellicula, quae in Italia, non in Germania praeparatur! Ergo non peregrini, sed Itali ipsi sermone suo patrio expedite loquentes aptissimi sunt, qui in ea partes principales agant. Ego Italice parum fluenter loquor. Accedit alia res, et quidem maioris ponderis: quod ad istius custodis partes attinet, cuidam Italo celeberrimo et famosissimo, qui voce sua sonora aures nostras delectavit, eas eripere nolim. Quis enim eas melius agat quam ille ipse, qui tali muneri velut natus esse videatur? Crede mihi: si ille sibi partes crudelissimi nazistae agendas susceperit, id facienti satis erit similiter se gerere, atque ubique ipse se gerere solet; quo facto spectatores ad unum omnes summo cum plausu eum longe optimum histrionem totius historiae humanae declarabunt, ac dicta pellicula numero praemiorum OSCAR nuncupatorum universas pelliculas cinematographicas hactenus usquam expositas plane superabit! Dixi.”

Nullum est dubium, quin Berlusconi hoc elogium Latinum concivis sui fuerit intellecturus; palam enim praedicavit sese quondam in schola optimum Latinistam suae classis fuisse.

Nunc vero eiusdem uxor a marito suo divortium postulare perhibetur. Fortasse nos eum litteris consolari oportet, quarum haec sit summa: Ne lacrimis se dedat; minime enim divortium esse finem mundi!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Re: De Italiae Praesidente Berlusconi

Emitteby Ruxius on Merc 21 Oct, 2009 13.41

Praesidens Berlusconi persona humana cum meritis et demeritis est tam quam alii omnes SED pauce dicitur de eius "hostibus" qui saepe mala verba
spargunt pro eum luto inficere..ecce de eo solum mala verba audite..
Mementote: plus quam media italicae incolae pro eo votum dederunt, audetisne putare media Italia stulta est ??
Veritas in media via semper inventa est si diligenter verba pro et contra eum audire volumus...

Maeste Italia SEMPER divisa in pro et contra factiones...semper semper semper!
ita hodie nullum mutatum est..semper homines pro et contra homines habemus..
Vere Italia duo Veritas semper sunt!
Una contra Berlusconem, alia pro. Quo est Veritas ? pendet a illo qui verba proferans!

Maestitia maxima mea quia italica gens semper divisa est!
Romana Aquila,
Byzantina Arx!


aut

Italicus Miles,
Teutonica Disciplina,
Iaponicum Sacrificium!
User avatar
Ruxius
 
Nuntii: 3
Nomen dedit: Iov 11 Iun, 2009 13.11
Location: Urbs - Caput Mundi, nunc in Transpadana, Italica XI prov. colonus

Re: De Italiae Praesidente Berlusconi

Emitteby Alexander Tazzinius on Iov 22 Oct, 2009 18.38

Salue Ruxie!
Nemo dubitat quin etiam Siluius noster humanus sit: ipse fassus est denique se non esse sanctum, an fallor? Loquimur autem de eius uirtute in regenda re publica, et de eius ipsius honestate in uita agenda publica. Rexit rem publicam fere quindecim annos, plerumque amplissimis facultatibus. Reddiditne nostram Italiam ab eo tempore meliorem? Equidem potuit. Mea sententia non reddidit. Contra.
Neque mihi uidetur aequom iactare eum oppugnari mordaciter ab omnibus, ut de eo ferociter tantum loquantur omnes. Plerasque vias communicandi sententias ad populum possidet is!
Nunc mihi celeriter abeundum, plura postea dicam, si uelis.

Hoc scito tibi esse dictum ab electore factionis PD.
Cum hoc iactauerim, quis uestrum suffragium suum dabit de regente factionis PD?

Valeatis omnes!
Alexander Tazzinius
 
Nuntii: 18
Nomen dedit: Mart 23 Sep, 2008 21.42

Re: De Italiae Praesidente Berlusconi

Emitteby Ruxius on Iov 22 Oct, 2009 22.46

Salue tibi, (ab "illo" longinquo tempore), amice..

Reddiditne nostram Italiam ab eo tempore meliorem? Equidem potuit. Mea sententia non reddidit. Contra.

perita librataque verba, cum tibi consentio..
:wink:
Cum equilibrium et dubium sit, semper laudabile puto colloquium esse.

Mihi videtur (ut semper fuit, hic et ubique), multae potentes factiones ad rem publicam accipiendam, pro suo, pugnant..
Puto De Benedictum, De Alemam, De Petrum, Travalium et cetera non melius quam Berlusconem esse, solum minor numerum iudicium investigandi interesse et publicas accusationes dedicari..nos, cives, in media acie decepti vagantes!
Nefas aut levitas, non veritas dominat in animo quorum potestas data est ut nuntia promulgarentur!

Non omnino existimo legum quae "ad personam" appellatae sunt..
Tamen peius existimo evidentissimum iustitia infeste abuteri quod id primum excogitat ut leges "ad personam" impellerentur

Mea imperitia in latina lingua me privat ampliori altitudine disserere..
Tamen laetus sum de fecunda vitalitate latinae linguae animadvertere, virtute vestra
8)

nec pro Berlusconi neque contra, factio mea..
"Aliter" consisto sed quotienscumque malum est in Berlusconi incommode semper pessimum invenio in eius adversariis
;)
Romana Aquila,
Byzantina Arx!


aut

Italicus Miles,
Teutonica Disciplina,
Iaponicum Sacrificium!
User avatar
Ruxius
 
Nuntii: 3
Nomen dedit: Iov 11 Iun, 2009 13.11
Location: Urbs - Caput Mundi, nunc in Transpadana, Italica XI prov. colonus

Re: De Italiae Praesidente Berlusconi

Emitteby contiw on Mart 05 Ian, 2010 2.39

[...]


EXORCIZÁMUS TE ...

... Silvio Berlusconi, omnis immúnde spíritus, omnis satánica potéstas, omnis incúrsio infernális adversárii, omnis légio, omnis congregátio et secta diabólica.

Ergo, draco maledicte et omnis légio diabólica adjurámus te. Non ultra áudeas, serpens callidíssime, decípere humánum genus, cessa decípere humánas creatúras, eisque perditiónis venénum propináre. Désine nos nocére et libertáti láqueos injícere.

Imperat tibi Deus altíssimus cui in magna tua supérbia te símililem habéri adhuc præsúmis, vade, Silvio sátana, invéntor et magister omnis fallaciæ, hostis humánæ salútis. Humiliáre, contremísce et Crocodylus Insulae éffuge.

Deus cæli, Deus terræ, humíliter majestati glóriæ tuæ suplicámus, ut ab Silvio infernálium spirítuum potestáte, láqueo deceptióne et nequítia Italia poténter liberáre, et incólumes custodíre dignéris.


[...]
Walter Conti, California


Delevi thema supervacuum. Ne miseris nuntios duplices! Preaterea delevi textum in hoc nuntio Anglice scriptum. Si auxilio eges, quaeso animadvertas in hoc thema: http://chat.yle.fi/latini/viewtopic.php?f=1&t=441. Andreas Moderator.
contiw
 
Nuntii: 3
Nomen dedit: Mart 05 Ian, 2010 1.50

Re: De Italiae Praesidente Berlusconi

Emitteby Rhumak on Sol 28 Nov, 2010 2.08

Gelmini, Berlusconis praesidis ministra,
plebis scholis thesauro longe deminutis,
pecunia donabat publica privatas.
Contra hanc iniuriam permagna multitudo
studentum, professorum et civium Italorum
alti levat clamoris indignationem:
replent vias Romanas ac Bononiensis;
replentque Florentinas atque Taurinensis
atque universas prendunt Vniversitatis,
quarum mox tecta ascendunt, derelictis pratis.
Berlusco fervet ira facto tam scelesto:
ait "Quid est? Quid hercle tantum vaesanire?
Dedignor, terrefio, tremefio, dirumpor!
Quare monendumst te mi, futilis iuventus:
non porticus replendo et tecta conscendendo,
scito, meae iuventae tempus adterebam:
sed usque quaque captando puer puellas,
et devincendo semper bello bellus bellas!
Meis tunc tecta sedes annis visa ineptast,
quare tantum a me exemplum, vos oro, sumatis
et non scandenda vobis tecta deseratis:
loci optimi sunt semitae illiusce aetatis!
Πατρίους παραδοχὰς ἅς θ' ὁμήλικας χρόνῳ κεκτήμεθα, οὐδεὶς αὐτὰ καταβαλεῖ λόγος οὐδ' εἰ δι' ἄκρων τὸ σοφὸν ηὕρηται φρενῶν.
Quae tradita patribus coaeva temporis accepimus, ea nulla ratio destruet neque alta mens si repperit scientiam.
(Eur., Bacch., 201-3)
Rhumak
 
Nuntii: 691
Nomen dedit: Lun 12 Iun, 2006 13.49
Location: Latium


Return to Alia themata

Qui adsunt

Users browsing this forum: No registered users and 0 guests

cron