Florilegium, sive partes operum Latinorum nobis carissimae

Colloquia de litteris Latinis

Moderators: Moderator, Redactio Interretialis

De Martiale

Emitteby Herimannus on Sol 03 Oct, 2004 22.56

Herimannus amicis sal. d.

Multa epigrammata Martialis celeriter legi, postquam nomitatus est. Hoc maxime mihi risum movit, non quod iucundissimum sed quia coniugibus duobus, quibuscum nonnullas lites habui, aptissimum mihi videtur: maledicentior in annos fio!

VIII, 35

Cum sitis similes paresque uita,
uxor pessima, pessimus maritus,
miror non bene conuenire uobis.

Valete!

Novocomi, a. d. V Nonas Octobres.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Spartacus on Lun 04 Oct, 2004 1.54

Spartacus S. D cum Iulae, Herimanno, Favonio tum omnibus sodalibus

Aliud Martialis epigramma ad legendum - ridendumne? - vobis praebeam!

<<
Si memini, ferant tibi quattuor, Aelia, dentes:
expulit una duos tussis et una duos.
Iam secura potes totis tussire diebus:
nil istic quod agat tertia tussis habet.

>>

Valetote.
Spartacus
 
Nuntii: 279
Nomen dedit: Mart 16 Mart, 2004 1.31

Emitteby Marcus Favonius on Lun 04 Oct, 2004 23.52

M. Favonius sodalibus s.
Ecce duo epigrammata ad virilem animum sensumque pertinentia!
Quorum alterum Martialis, alterum Ausonius composuit. Comparate modo :idea: .

„Habere amicam nolo, Flacce, subtilem,
cuius lacertos anuli mei cingant,
quae clune nudo radat et genu pungat,
cui serra lumbis, cuspis eminet culo.
Sed idem amicam nolo mille librarum.
Carnarius sum, pinguiarius non sum.“
(Mart. 11, 100)

„Sit mihi talis amica velim,
iurgia quae temere incipiat,
nec studeat quasi casta loqui;
pulcra procax petulante manu,
verbera quae ferat et regerat
caesaque ad oscula confugiat.
Nam nisi moribus his fuerit:
Casta modesta pudenter agens,
dicere abominor, uxor erit.“
(Auson. epigr. 89).

Nescio, num exstent etiam epigrammata a feminis scripta: „Habere amicum nolo...“ vel „Sit mihi talis amicus velim...“ :lol:
Valete.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Spartacus on Mart 05 Oct, 2004 2.44

Spartacus Favonio suo sal.


Recte cogitare non potes, quantum negligentiae meae me piget, quoniam litteras tuas ex III Kal. Sept. non vidi oscitanterque non legi! In illa epistula actum est de Marsilio Patavino eiusque libro, qui “Defensor Pacis” nuncupatur. Memoriam huius rei statim afferam: petivi a te ut de loco interretiali opus eius scriptoris praebenti, si esset, mihi certiorem faceres. Dixisti nihil ad rem, id est, locum, scire.

Postea autem, mihi misisti excerptum domesticum Marsilii, donum pro quo gratias nunc effusione animi in laetitia tibi ago, atque etiam atque etiam oro te meae incuriae ignoscere. Occupationibus semper implicatus, cum otio egens tum fessus rerum, tantum abest ut ego quotidie omnia legere possim.

Vale!
Spartacus
 
Nuntii: 279
Nomen dedit: Mart 16 Mart, 2004 1.31

Emitteby Marcus Favonius on Mart 05 Oct, 2004 18.25

Marcus Spartaco s.d.p.

Iis quidem, qui peccasse se fatentur, veniam petentibus venia concedenda est, sed te deliquisse prorsus nego. Oro te, mi amice, rem pro nihilo facias. Homines enim sumus imperfecti. A nimia ergo severitate traduce te ad hilaritatem!

Ecce Mart. 6, 53:

„Lotus nobiscum est, hilaris cenavit, et idem
inventus mane est mortuus Andragoras.
Tam subitae mortis causam, Faustine, requiris?
In somnis medicum viderat Hermocraten.“

Excellentissimum elegantissimumque epigrammatis habes specimen.

Cura, ut valeas.

III Non. Oct.
:)
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Spartacus on Ven 08 Oct, 2004 0.52

Spartacus omnibus comitibus sal.

Salsum quidem mihi hoc epigramma videtur. Placetne vobis?


<<
Das numquam, semper promittis, Galla, roganti:
si semper fallis, iam rogo, Galla, nega.
>>
(II,25)


Valete!
Spartacus
 
Nuntii: 279
Nomen dedit: Mart 16 Mart, 2004 1.31

Emitteby Spartacus on Iov 14 Oct, 2004 0.00

Spartacus illis qui epigrammata Martialis diligunt s.p.d.


Puto versus Martialis optime ad Latinam discendum. Nive longius nive sine sale sunt, quas op res discipuli facile eosdem intellegere possunt. Habeamus igitur plura de hoc.

Exempli gratia, hoc epigramma quod tractat de vanitate. Vanitas apud Romanos, quis est qui hoc negare possit?, sane vigebat:


<
Cana est barba tibi, nigra est coma: tinguere barbam

non potes -- haec causa est -- et potes, Ole, comam.
>


Valetote.
Spartacus
 
Nuntii: 279
Nomen dedit: Mart 16 Mart, 2004 1.31

Emitteby Mercurius Hungaricus on Iov 14 Oct, 2004 13.04

Mercurius omnibus suis sodalibus s. d.

Cum de Martiale nunc colloquimini, facere non possum, quin vobis enarrem, quam fortunam mihi hesternus dies attulerit. In taberna enim quadam librorum antiquorum (quam saepe visitare consuevi) in editionem Teubnerianam epigrammaton a Martiale scriptorum a. MCMVII. publicatam incidi, quae editio - Deo gratias! - parvi pretii constabat (tantum VI euronum, si calculatio mea recta est). Unde nunc de illis epigrammatibus unum satis lascivum sed plane iocosum ac eleganter compositum citare velim:

Nullus in urbe fuit tota qui tangere vellet
uxorem gratis, Caeciliane, tuam,
dum licuit: sed nunc positis custodibus ingens
turba fututorum est: ingeniosus homo es. (Mart. Ep. I. LXXIII.)

:wink:

Valete! Contra Aquincum, prid. Id. Oct.

PS: Circiter quanti constaret illa editio antiqua apud nos (nempe in antiquariis), sodales? :?:
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De Martiale

Emitteby Marcus Favonius on Iov 14 Oct, 2004 14.18

Marcus sodalibus, imprimis Mercurio s.

In Indice Centrali Librorum Antiquorum (http://www.zvab.com) hanc inveni Martialis editionem:

"Martial: Epigrammaton libri. Recognovit Walther Gilbert. Teubner Leipzig 1901 Leinen XL, 407 S. ...

Antiquariat Thomas Haker [D-10439 Berlin] Preis: EUR 24,00"

Editionem ergo tuam, mi Mercuri, modico sane pretio emisti. Gratulor.
Ceterum mihi quoque noti sunt aliquot librorum veterum venditores, quorum tabernae Budapesti prope Museum Nationale sitae sunt. Quas adire soleo, cum in Hungariae capite deversor.
Nunc ad Martialem:
„Dicis formonsam, dicis te, Bassa, puellam.
Istud quae non est dicere Bassa solet.“
(V 45).
Valete.
Pr. Id. Oct.
:D
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Spartacus on Iov 14 Oct, 2004 22.52

Spartacus Mercurio et Favonio omnibusque ceteris sodalibus sal.

Id quod ad versus Marsialis singulares attinet, dumtaxat tali modo cerno, numquam nimium atque etiam satis eorundem habetur...

Quis igitur eo, in suo stylo, praestantior? Videte num vobis haec res placuit:

<<
Cur non mitto meos tibi, Pontiliane, libellos?

ne mihi tu mittas, Pontiliane, tuos.
>>
(7,3)


Optime valeatis.
Spartacus
 
Nuntii: 279
Nomen dedit: Mart 16 Mart, 2004 1.31

Emitteby Spartacus on Iov 21 Oct, 2004 16.27

Spartacus omnibus sodalibus sal.

Sunt qui hoc loco dicant, litteras breves epistulis longis anteponere. Accipiam sine mora!

Mittam tunc vobis omnibus aliud Martialis epigramma, quod, cum haud difficile et lectu et intellectu sit, multum salis ad nostrum convivium adhibet:


Epigrama 6,11 :
<<
Quod non sit Pylades hoc tempore, non sit Orestes
miraris? Pylades, Marce, bibebat idem,
nec melior panis turdusue dabatur Orestae,
sed par atque eadem cena duobus erat.

Tu Lucrina uoras, me pascit aquosa peloris:
non minus ingenua est et mihi, Marce, gula.
Te Cadmea Tyros, me pinguis Gallia uestit:
uis te purpureum, Marce, sagatus amem?
Vt praestem Pyladen, aliquis mihi praestet Oresten.
Hoc non fit uerbis, Marce: ut ameris, ama.

>>


Valetote!
Spartacus
 
Nuntii: 279
Nomen dedit: Mart 16 Mart, 2004 1.31

Emitteby Spartacus on Sol 24 Oct, 2004 3.55

Spartacus omnibus sodalibus sal.


Cognoscendi studio imbutus, forte legi excerptum de poeta Italico, qui amantissimus mirabile dictu, Zuccae erat!

Ecce:



<<
Zucca levis, sbusata intus, similisque sonaio,
in qua sicca sonant huc illuc semina dentrum,
astrologis merito, cantoribus atque poëtis,
est domus; ut, veluti petra iacta retornat abassum,
utque focus per se supremum tendit ad ignem,
sic leve cum levibus meschientur, vanaque vanis.
Stant ibi barberi, numero tres mille, periti,
est quibus officium non dico radere barbas,
sed de massellis dentes stirpare tenais,
hisque per ognannum sua dat sallaria Pluto.
Quisque poëta, uni, seu cantor, sive strolecchus,
barbero subiectus, ibi saepe oyme frequentat.
Barberus, dum complet opus, stat supra cadregam,
atque rei testam tenet inter crura ficatam.
Hic nunquam cessat nunc descalzare tremendis
cum ferris dentes, nunc extirpare tenais,
unde infinitos audis simul ire cridores
ad coelum, nunquamve opera cessatur ab ista.
Quottidie quantas illi fecere bosias,
quottidie tantos bisognat perdere dentes,
qui quo plus streppantur ibi, plus denuo nascunt.
Ergo sorellarum, o Grugna, suprema mearum,
si nescis, opus est hic me remanere poëtam:
non mihi conveniens minus est habitatio zucchae,
quam qui greghettum quendam praeponit Achillem
forzibus hectoreis; quam qui alti pectora Turni
spezzat per dominum Aeneam, quem carmine laudat
moeonia mentum mitra, crinemque madentem.
Zucca mihi patria est: opus est hic perdere dentes
tot, quot in immenso posui mendacia libro.
Balde, vale, studio alterius te denique lasso,
cui mea forte dabit tantum Padrala favorem,
ut te, Luciferi ruinantem regna tyranni,
dicat, et ad mundum san salvum denique tornet.
Tange peroptatum, navis stracchissima, portum,
tange, quod amisi longinqua per aequora remos:
he heu, quid volui, misero mihi, perditus Austrum
floribus et liquidis immisi fontibus apros.
>>





(Teofilo Folengo, Baldus liber 25)



Valetote!
Spartacus
 
Nuntii: 279
Nomen dedit: Mart 16 Mart, 2004 1.31

De Theophilo Folengo

Emitteby Herimannus on Lun 25 Oct, 2004 0.25

Herimannus Spartaco salutem plurimam dicit.

Etsi cotidie Colloquia Latina perlego, malui per has septimanas tacere, ferias autumni sumens. Me tamen compellis, Spartace, brevi responso quod rettulisti versus mordaces et leves Theophili Folengi illius, cuius opera saepe nominare audivi nec umquam legere potui. Fuit ille poeta saeculi XVI lingua omnino singulari scribens, quae "Latinus maccheronicus" iam temporibus illis vocabatur. "Maccheronicus" originem trahit a "maccheroni", quo nomine omnis "pasta" (Nudeln) appellabatur.
Latinus maccheronicus, apud Universitates ortus, simul commiscet linguam Latinam classicam et dialectos Italiae septemtrionalis, Venetorum preaesertim, hilaritatem legentium excitans. A non Italicis tamen obscura aliquando videre potest.
In versibus a Spartaco relatis, verbi gratia:

"Barberus, dum complet opus, stat supra cadregam,
atque rei testam tenet inter crura ficatam."

vivide describitur tonsor (barberus) dentes extrahens, quod illis temporibus solitum fuit: "stat supra cadregam" sedet in sella "rei testam tenet inter crura ficatam" rei caput immobile inter crura tenet".

Item "descalzare" ut magna cum vi extrahere intellegendum et "tenais" ut forcipe.

Magna cum voluptete opus percurram, si, Spartace, locum interretialem ubi "Baldum" invenisti communicaveris.

Valete omnes!

Novocomi, a. d. VIII Kalendas Novembres.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Spartacus on Mart 26 Oct, 2004 3.12

Spartacus Herimanno sal.

Quoniam epistulam meam de Teofilo Folengo tibi placuit, Herimanne, magnopere gaudeo.

Fertur Folengo (1491-1544) non suo nomine sed saepe pseudonymo uti solebat. Ecce : Merlin Cocai et Limerno Pitocco.

Locum interretialem, quem mihi petivisti ut tibi mitterem, hoc sine mora faciam:

http://www.libromania.it/capitolo.asp?a ... o=libro+25

Hortor te, si mihi licet, ut omnia quae inveneris, atque id quod tibi operae praetium videatur, mox nobiscum dispertire velis.

Vale!
Spartacus
 
Nuntii: 279
Nomen dedit: Mart 16 Mart, 2004 1.31

Emitteby Spartacus on Sol 21 Nov, 2004 14.31

Spartacus omnibus sodalibus sal.

Opus Martialis haud possum tacitus et quietus legere. Sophos saepe dico!

Ecce:

<<

VI, 51

Quod conuiuaris sine me tam saepe, Luperce,
inueni noceam qua ratione tibi.
Irascor: licet usque uoces mittasque rogesque „
"Quid facies?" inquis. Quid faciam? Veniam

>>


Optime valeatis.
Spartacus
 
Nuntii: 279
Nomen dedit: Mart 16 Mart, 2004 1.31

PreviousNext

Return to Litterae Latinae

Qui adsunt

Users browsing this forum: No registered users and 0 guests

cron