Quaestio de litteris docendis

Colloquia de lingua Latina

Moderators: Moderator, Redactio Interretialis

Quaestio de litteris docendis

Emitteby Area Latina on Mart 02 Mart, 2004 14.38

Quaestio de litteris docendis
--------------------------------------------------------------------------------
Nuntium misit: Tacita Monacensis | 21.07.2003 - 16:44 | |
--------------------------------------------------------------------------------
Tacita M. collegis s.s.d.
Proxime mihi discipulisque Titus Livius tractandus erit. Dies noctesque ;-) mecum delibero, quas partes ingentis illius operis discipulis legendas proponam. Quare a vobis, quos litterarum veterum peritissimos censeo, auxilium ac bona consilia peto: Quem eventum populi Romani, quem virum vere Romanum (vel melius: feminam :-)))
idoneum existimatis, qui animos adulescentium XVIII vel XIX annorum attendere ac movere possit?
Gratias futuras iam hodie ago exspectans, quid mihi suasuri sitis...


RE: Quaestio de litteris docendis
--------------------------------------------------------------------------------
Nuntium misit: Marcus Favonius ® | 21.07.2003 - 20:54 | 1 | |
--------------------------------------------------------------------------------
M. Favonius Tacitae Monacensi s. p. d.
Aestivi solis vexatus ardore nolo esse longus, carissima collega: Evolve XXXIVum ab urbe condita librum. Cuius prima capita sunt de abroganda lege Oppia, „quam C. Oppius tr.pl. bello Punico de finiendis matronarum cultibus tulerat“. Insunt duae orationes (M. Porci Catonis et L. Valerii), quibus animos adulescentium ad disputandum provocatum iri suspicor.
Vale quam optime.



RE: Quaestio de litteris docendis
--------------------------------------------------------------------------------
Nuntium misit: Mercurius Hungaricus ® | 22.07.2003 - 15:27 | 2 | |
--------------------------------------------------------------------------------
Mercurius Hungaricus Tacitae Monacensi s. d.

Innumerabiles partes inveniri posse censeo, quae ad animos discipulorum excitandos aptissimae videantur. Exempli gartia (certos locos - quod maxime dolendum est - nescio, tamen et hoc modo eos te inventuram esse spero):

Tullia et Tarquinius
facinus Mucii Scaevolae
certamen Horatiorum Curiatiorumque
Num Alexander Magnus Romanos vincere potuisset? (!!! excellens !!!)
Quomodo Hannibal suis copiis Alpes superaverit

Vale

MH



RE: Quaestio de litteris docendis
--------------------------------------------------------------------------------
Nuntium misit: Erkki Palmen | 24.07.2003 - 01:39 | 3 | |
--------------------------------------------------------------------------------
Ericus Palmén Tacitae Monacensi s.d.p.
Marcus Favonius et Mercurius Hungaricus tibi iam nonnulla capitula Liviana proposuerunt, quibus animi adulescentium ad studendum incitari possent. Res feminarum, quas praesertim promi vis, non solum capitulis 34,1-8 (altercatio de lege Oppia) et 1,46-48 et 1,56-60 (Tullia et Tarquinius) continentur, sed etiam capitulo 1,9-13, in quo Livius refert, qua ratione Romani, quibus finitimae gentes conubium negaverant, has cum familiis ad ludos sollemnes Neptuno paratos invitaverint ac medio spectaculo repente virgines earum rapuerint, necnon, quanta pertinacia postea mulieres, deposita iam sua in raptores ira, effecerint, ut bellum inter Romanos finitimosque iam oriturum sedaretur. Equidem olim Livium cum discipulis tractans periodos eius praelongas ac saepe tortuosas iis immodicas difficultates afferre inveni. Etiam collega quidam meus dixit textum Livianum convertenti velut autocarrum bipertitum sarcinarum multitudine oneratum via tortuosa haudquaquam plana esse gubernandum; quotiens caute aut dextrorsum aut sinistrorsum verti vellet, metuendum esse, ne totum vehiculum vel saltem sarcinae in id impositae magno cum fragore in terram deciderent. Si vis, aliquando referam, quo modo Livium discipulis meis facilius accessibilem reddere sim conatus. Vale!
Area Latina
 
Nuntii: 106
Nomen dedit: Lun 01 Mart, 2004 20.14

Return to Lingua Latina

Qui adsunt

Users browsing this forum: No registered users and 0 guests

cron