PRODROMUS lectionis magnae II.

Colloquia de litteris Latinis

Moderators: Moderator, Redactio Interretialis

PRODROMUS lectionis magnae II.

Emitteby Mercurius Hungaricus on Merc 11 Oct, 2006 23.11

PRODROMUS lectionis magnae II.

Mercurius sodalibus omnibus salutem.

In colloquio “lectio magnaâ€
Last edited by Mercurius Hungaricus on Ven 13 Oct, 2006 13.00, edited 1 time in total.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Marcus Favonius Ursinus on Iov 12 Oct, 2006 22.46

Marcus Mercurio suo s.d.p.

Gratulor tibi, optime mi amice, de methodo regulisque LECTIONIS MAGNAE II feliciter propositis. Certamen illud litterarium, decus et ornamentum Colloquiorum, ingenti me gaudio complevit complebitque :D . Quam primum responsum tibi reddam.

Vivat Latinitas!
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Emitteby Marcus Favonius Ursinus on Sat 14 Oct, 2006 10.49

Marcus Mercurio suo ceterisque sodalibus litteratissimis sal. pl. d.

Quod ad methodum regulasque LECTIONIS MAGNAE II abs te, optime mi amice, ingeniosissime propositas attinet, a consiliis tuis ne minima quidem re me discrepare scito!

Restat autem quaestio illa gravissima, quibus terminis ac finibus aetas quae vocatur media circumscribenda sit. Equidem „terminum post quem“ esse censeo saeculum sextum; anno enim DLV post Christum natum mortem obiit imperator Iustinianus, quo auctore maximum illud Corpus Iuris Civilis confectum erat, et „terminum ante quem“ saeculum quartum decimum, quo saeculo in lucem editi sunt Ioannes Boccaccius et Franciscus Petrarca, clarissimi illi scriptores Italici, qui de Latine scribendi genere renovando optime meriti sunt. Quos terminos, ne quis perperam me interpretetur, minime adamantinos esse contendo. Sed videant historici! Vos quid censetis, amici?

Optime vale, valete. :D

Pridie Id. Oct. Ex Cornicum Campo.
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Mores Medii Aevi

Emitteby Phlebas on Sat 14 Oct, 2006 11.25

Phlebas Mercurium Marcumque salutat et omnes sodales

Mercuri optime, multum mihi gratum est nuntium tuum de Lectione Magna II.

Cum nuntium tuum legi, ut mentem meam exercuissem in mores Medii Aevi, librum meum de legibus percurri, et inveni:

De eo, qui bovem aut ovem furatus fuerit
XVIII. Qui furatus fuerit bovem aut ovem, quinque boves pro uno restituat & quatuor oves pro una ove.

Forsitan Iulia nostra mathesis peritissima potes nobis ambages aperire, forsitan Analysis Aleae (anglice Risk Analysis) adhibenda est ...

De eo, qui ambulans per viam nidum avis invenerit
XLII. Si ambulas per viam, & nidum avis inveneris in arbore vel in terra, & matrem pullis desuper incubantem, non tenebis eam cum filiis, sed abire patieris, captos tenens pullos suos, ut benedicat te Dominus.

De his, qui cum iumento coierint
XXVII. Qui coierit cum iumento, morte moriatur.

Mira cura prudentiaque summa in tutelam animalium!

Valete

p.s. Quod ad regulas Lectionis Magnae II attinet, valde probo regulas quas optimus Mercurius proposuit. Et quod ad "terminum post quem" attinet, materia diligenter inspecta, muto consilium meum et cum Marco nostro doctissimo consentio : ne certamen impar vedat, exempli gratia, Beda Venerabilis inertem impetum facere in Augustinum aut Ieronimum.
Last edited by Phlebas on Ven 24 Nov, 2006 0.28, edited 1 time in total.
Nomino numeros; quibus numeramus; et adsunt in memoria mea non imagines eorum, sed ipsi.
Phlebas
 
Nuntii: 123
Nomen dedit: Iov 29 Dec, 2005 15.42

Emitteby Mercurius Hungaricus on Sat 14 Oct, 2006 14.51

Mercurius Phlebae Marcoque s. d.

Gratias pro tuis litteris, et legibus a te citatis, quibus non minime delectabar. :D Quod ad patres ecclesiae attinet, plerique eorum illo termino a Marco proposito A. D. DLV. e ludo excluduntur. Sed in parte prima LECTIONIS MAGNAE eos nominare quidem licuisset; et si bene memini, ego quidem Confessiones Augistini nominavi. Quia vero praeter Augustinum et praeter me nemo fuit, qui ullum patrem in harenam mitteret :D, illi quidem scriptores Christiani praestantissimi antiqui (!) in lectione magna prima, ubi etiam de iis colloqui decuisset, prorsus neglecti sunt. Quam ob rem in lectione magna II. hoc vitium quodammodo emendandum putabam, patribus illis ludo admissis. Sed assentior tibi, Phlebas: iniquum enim esset scriptores medii aevi cum patribus illis clarissimis vere antiquis comparare. Valete. Budapestini, pridie Iduum Octobris.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby noricus on Sat 14 Oct, 2006 18.01

..
Last edited by noricus on Sat 18 Aug, 2007 13.44, edited 1 time in total.
noricus
 
Nuntii: 181
Nomen dedit: Iov 12 Ian, 2006 18.19

Emitteby Mercurius Hungaricus on Sat 14 Oct, 2006 21.01

Mercurius norico s. d.

Equidem spero regulas illas tam bene expolitas videri, quasi "superioribus hebdomadis semper de Lectione Magna secunda" cogitavissem! :D Ceteroquin, gratias ago pro tua opinione. Numerum operum eligendorum augere nolim, quia metus est, ne ii, qui quamvis imperiti litterarum medii aevi ludere cupiunt, ob magnum numerum eligendorum operum, et ob longitudinem nunciorum (qui inde fieret) a lectione magna II deterrerentur. Sed, si quis plus quam tres eligere velit, cur non ei hoc committeremus? Quid si regulas ita commutemus, ut minus quam tres operum eligeri non liceat, plus vero liceat? Quod autem nescio an iniquum sit... ? Qua de re libenter tuas opiniones legerem. Valete! Ibidem, eodem die.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Iulia on Sol 15 Oct, 2006 10.01

Iulia carissimo suo Mercurio necnon ceteris litterarum mediaevalium studentibus sal.

Magno cum gaudio vidi, Mercuri, te partem alteram Lectionis Magnae instituisse, quam iam attentissimo animo exspectabam. Meditans autem, quae opera ipsa in medium proferre possim, cogitabam, cogitabam, cogitabam... et nihil inveni! :cry: Si vis, tria carmina e Caroli Orff selectione enumerare possim (quod non esset facile, nam omnia aeque cara mihi sunt), sed praeter ea revera adhuc nil legi. Heri ex studente, qui e historia mediaevali scribit dissertationem doctoralem, quaesivi, quae opera mediaevalia legere operae esset pretium: longe dubitabat, dein nominabat Erasmum et Boethium, quorum alter post spatium a vobis prudenter electum, alter antea floruit. Sed spem non amittam - fortasse fortuna bonum quendam librum mihi mittet ad legendum. :lol: Ceterum scio me etiam hic multa eademque optima inventuram esse. :D

Phleba, valde doleo me non te adiuvare posse, nam de iis ramis matheseos parum perita sum. Fortasse oeconomici magis usui tibi esse possunt? :?:

Valete. Gottingae, Id. Oct.
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby Mercurius Hungaricus on Sol 15 Oct, 2006 10.56

Mercurius Iuliae s. d.

Gratias ago tibi, amica, quod sincere me edocuisti de difficultatibus, quae tibi in hoc ludo ludere volenti occurrerunt. Sed nec ego multa opera mediaevalia legi. Hoc enim ipsum mihi propositum est, ut dum tria illa opera quaeramus, (re)legamus, denique ceteris commendemus, et dum nuncios "nominatosque" ceterorum legamus, quam plurima opera in medio aevo scripta cognoscamus! Noli ergo desperare, amica, tria opera invenire haud difficile est. Vale! Budapestini, Idibus Octobris.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Marcus Favonius Ursinus on Sol 15 Oct, 2006 11.34

Marcus Mercurio suo ceterisque amicis litterarum studiosissimis pariter omnibus s.d.p.

Auctore me, cum in LECTIONE MAGNA I versaremur, Boethius, quippe quem quasi agmen extremum scriptorum antiquorum claudere (+ 524) putarem, in certamen descendit, sed – pro dolor – in nihilum occidit; manet tamen firmissima levatio et optima, Consolatio Philosophiae. Equidem, quod ad Augustinum tuum (+ 430), optime mi Mercuri, pertinet, simili te cogitatione non mediocriter confirmatum esse suspicor: manent in perpetuum eius quoque opera gravissima. Nunc vero hilariter :D quam primum incipiamus LECTIONEM MAGNAM II, cuius fines terminosque, ne nimis libertas operum eligendorum deminuatur, adamantinos esse nego!

Vale, valete.

Id. Oct. Ex Cornicum Campo.
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Emitteby Iulia on Sol 15 Oct, 2006 12.35

Mercurius Hungaricus wrote:... ut dum tria illa opera quaeramus, (re)legamus, denique ceteris commendemus, et dum nuncios "nominatosque" ceterorum legamus, quam plurima opera in medio aevo scripta cognoscamus!

Qua de causa Lectionis Magnae partem alteram attentissimo animo exspectabam et adhuc exspecto. :lol: Et spem non amittam. Vale!
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby Mercurius Hungaricus on Sol 15 Oct, 2006 23.32

Mercurius Iuliae s. d.

Patientia utere, amica pulcherrima! :D Quo magis illam expectas, tanto gratior tibi illa erit! :D Ceteroquin concedo quidem iam plurimum aquarum in Danubio defluisse (ut senteniam Hungaricam adhibeam) ex eo die, cum lectionem magnam II. magna voce declarassem... :oops: Vale! :D Ibidem, eodem die.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Iulia on Lun 16 Oct, 2006 14.26

Iulia Mercurio sal.
Eadem sententia etiam nos utuntur, sed fluminis nomen variat. Gottingae est ille fluviunculus, qui Germanice Leine dicitur, scilicet fluviunculus Gottingam perfluens, sicut etiam Danubius Budapestinum transfluit. :D Num certus est omnes Hungaros tali in sententia de Danubio loqui? :lol: Vale!
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby Marcus Favonius Ursinus on Lun 16 Oct, 2006 16.11

Marcus Iuliae Mercurioque sodalibus suis carissimis sal.

Equidem sententiam illam neque in Hungaria neque in Saxonia Inferiore neque in Rhenania ortam esse legi, sed ductam ab hoc hexametro Propertiano (I 15, 29): „multa prius vasto labentur flumina ponto“ (cf. A. Otto, Die Sprichw
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Emitteby Mercurius Hungaricus on Lun 16 Oct, 2006 22.51

Mercurius Marco Iuliaeque s. d.

Gratulor tibi, Marce, quod illum versum Propertianum eruisti, tamen sententiam huiusmodi facile a quolibet homine ad ripam cuiusdam fluvii viventi inveniri posse crediderim: quam ob rem haud puto nexum quemquam esse inter Hungaricam Germanicam ac Propertianam sententias. Sed fieri potest, ut errem. Lectionem magnam II, si Deus iuvat, cras incipiam! Valete. A. d. XVII. Kal. Nov.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Next

Return to Litterae Latinae

Qui adsunt

Users browsing this forum: No registered users and 0 guests

cron