YLE Colloquia Latina

Czy juz jestes w Yahoo!?
Equidem Iahuo. Iahuisne? Ita credo. Augur meus enim affirmat.

P. S. Rogo quia quaedam alia Polona mihi epistulas coepit mittere electronicas. Noli ei inuideri. Etsi illi uelim dicere, "I speak English not well = I don't speak English very well."
Noli sollicitari! Eam bene docebo.

Yes, I am. Please, be patient with me, because of I'm not very fast in writing in English. Velisne linguam Polonam a quadam puella discere? Iahuere studeo, etiam tecum. Augur tuus est sapientior, quam putabam. Salve a me tuam alteram Polonam. Ceterum exspecta ME!

Salue, Tulliana!
Too bad, because I write English very quickly. Non te deridebo. Iam oportet me grammaticae Latinae studere. Num audebo Polonice?
Nescio utrum meas recentissimas receperis epistulas, hic et ubique. Quis confidere potest Iahui an priuis tabellariis?
Nondum diiudicaui utrum alteri Polonae an tibi magis mihi placeret rescribere.
Scias autem quid tibi optem!

Salve Vettii!

Tuae recentissimae epistulae iam antea mihi acceptae et perlectae sunt, tamen non poteram tibi statim respondere. Gratias maximas tibi ago pro sermone tuo vero saturae simili, qui de Vettio eiusque dissonantiis animi tam pulcre narrat. Cave Carissime, ne superstitiosus sis! Ceterum, si velis omina futura cognoscere, quaere potius sapientissimam Pythiam nunc in Polonia habitantem. <Noli timere, quod ea satis perita Latine loquendo esse videatur.> Quid porro? Quaere, si vis. Forsan quis et quid mox te in alio loco impatienter exspectabit. Tene Te Optime!

Vettius suae alteri PolonaeTullianae carissimae s.d.p.

Egone saturam scripsi? Quid? Quando? Vbi? Vix memini. Nuper autem cum sortilego meo collocutus sum; cuius colloquii exemplum huc submisi. Quis est superstitiosus? Cunctorum est ueritatem audire, aliquorum credere, paucissimorum cognosse. Pythiam tuam autem suspicor fraudatricem esse, nam uera Pythia solum hexametris uaticinatur Graecis.
Quisquis expectat me iam habet responsa! Simul ubique sum, proles Mercurii, penniferis pedibus.
Tu autem scis quid ex me habes. Vale! Mox, semper, hic, ubique!

Tulliana Vettio suo optatissime omnivaganti s.d.p.

Si Pythia ficta tibi videtur, forsan malis colloqui cum Sybilla sexagesima septima attamen rudi in arte vaticinandi manente? Puella quasi Lidica, forsan modo Francogallico nominata etiam potest hodie te delectari, quamquam certissime morabit cum remunerando. Tamen fer id patienter et exspecta eam serius ocius.
Ubicumque et ubilicet te osculari audeo.

Dolet mihi hodie me saepius tecum colloqui non posse.
Attamen intelligo, quod forsan occupatus sis.
Eo iam d.d. Vale Vettii et te quaeso, ut valeas!

Vae, Portumne, tibi, ut qui me ausis ludere noctu!

Vettius Claudius Tullianae suae s.d.p.

Heus! Quidam Americanus tibi carmen Anglicum misit! Quod accipias e manu Iahus tabellarii. Interim, cur Portumnum inuicier forte requiris, qui me heri irretiuit in eleuatore, nocte media, desperantem auxilii, intra ianuis ferratis. Quas ianuas difficillime, carne uersus ferrum, digito quondam fracto paulum refracto, tandem quasi Hercules fregi. Te respuo, Portumne.
Sic in mente agitabam, nolle captari neque derideri tam nequas deo, dum Tulliana suum maneret. Verumtamen iste deunculus deunx minus Olympiacis, iste spurius Ianus, oppugnans uehementer, me uulnerauit. Quare huc claudeo. Non refert nisi penes te sim tandem.
Mittas omnia diligenter, mi flos! Sanatio sit basiatio. Interim rogo utrum bene progrediantur tua VIII kal. Ian. consilia. Quid donum maxime cupis? Volo serio scire.

Nisi ualeas, non licet mihi ualere!

Tulliana Vettio suo quamquam Claudio, attamen Aperto et faustissime recuperato s.d.p.

Ille Americanus, si scire velis, iam me visitavit ferens laurum carminis sui et maerore plenam narrationem de meo Dilecto in tenebris pedem conferrente in proelio cum Vettii avido et turpissimo Iano Elevatore Ferreo. Gloria victori! At Ianum es korakas mitto!
Quaedam iuvenis medica certissime iam properat, ut tibi sanationem una cum secunda mensa ad corporis animaeque corroborandum afferat.
Utinam aegrotus patiens et sanationi fidens sit!
Extra semiiocum consilia mea bene, etsi nimis lente progredi videantur.
Diffficile dictu, cuius rei maxime cupida sum. Una ex parte fere omnia ad felicem vitam necessaria mihi sunt, quamquam caret mihi aliis, quae alium, maximum a me desideratum currum rei efficere possint. Veniam peto pro meo obscuro responso, tamen nec possum, nec audeo hoc in loco planius tibi explicare, quod venit mihi in mentem.

P. S. Si velis mihi aliquid donare, lege, quaeso, iterum responsum, quod modo dedi alii Americano meo.

Ave Vettii! Velisne iterum, ETIAM! addo, hoc in conclave mecum colloqui?
Si ita sit, scias me paratam esse.
Si non, exspecto ubi scis.
Ceterum felicissimum diem tibi exopto!
Tulliana semper tua.

Vettius Tullianae sal.d.etc.

Quid, per epitoechographiam potiusquam per nostrum tabellarium priuatum mauis communicare?
"Stultorum calami carbones; moenia chartae."
Quidquid.
Hoc inueni cum respicierem memorandas ueteres; id est finem carminis quod ante quinque annos scripsi. Quid sibi uelit non possum dicere, attamen id epi toechon grapho:
Ridemus memores leuum dierum
felicis et integrae
turbae casulis suis.

Odores ubi cinnami Sabini,
caldae Cererisque iam
cor laetificant orbum.

Saturnalii enim melo sonante,
seu somnia, gaudium
extrema amat linea.

Quidquid iterum.

Valedum.

Ave Vettii!

Laetor, quod etiam hoc loco me visitavisti. Nolo ut dicis ,,per epitoechographiam potiusquam per nostrum tabellarium privatum" tecum communicare, sed doleo spectans hoc conclave nostrum ad fabam colendam aptum, tam valde neglectum incultumque. Qua de causa haec potius nihilloquentia verba hic scripsi. Praeterea gratias tibi ago pro mirabili, attamen gratissimo mihi tuo ,,lustro" purpureo!!!
Tui semper memor, tecum usque ridere velim.
Cetera tibi dicam et donabo alibi.
In posterum!

D. V. S. T. S. S. D. P.

Quod quendam tabellarium infideliter, scito, uideo fungi, meque ut exeam ubi inire malueram fecisse, hic potius, quamquam epistolis tuis recentissimis modo breuissime perlectis, respondere optaui.
Theae mentionem te fecisse memini, et alicuius de tempestate, sed nil praeterea. Ergo s.u.b.e.e. sat bene u. Vt narrem quid scribam rogasti; cuius conatum quod iam semel feci in eius synopsin tibi referendo atqui tu praeter librum tertium attenta manere non posse uisa est, uix tibi quicquam recitare propensus sum. Heri [i/]Persam[i] Plauti legi, quam propter tot trita et insolita uerba difficillime intellexi. Quam etiam fortasse hodie relegam, si modo uigilare potero. Interea, Gugulum asininissimum flagellabo.
Vale!

T.D.V.S.S.S.P.D.

Vere gaudeo te omnibus difficultatibus remotis tandem mihi respondidisse!
Etsi quendam tabellarium infideliter gerit, aliter res se habent cum possessore eius,ut iterum perspicue cognovi. Certe nihil praecipuum in epistulis meis recentissimis invenis, si memoria tenes modo mentiones de thea tempestateque apud me et forsan praevisionem huius patriae tuae .
Attamen his rebus haud miror, quod ipsa scio et res novissimas meas nec minus statum hodiernum animi mei. Sed noli sollicitari mea causa, nam etiam ego potius valeo. Nolui te rogare de narrando quid scribas in singulis, itaque hoc responsum mihi sufficere videatur. Etiam cum non plane intelligo haec verba tui ,,tu praeter librum tertium attenta manere non posse visa est.'' Forsan mens mea rursum parum sana hodie fit.
Persam Plauti non legi, ut scias, nihilo minus scio alia opera eius e.g. Captivos , idcirco memini bene sermonem eius ad bonum interpretandum difficillimum.
Omnia OPTIMA tibi, quidquid agas!
Utinam valeas.

AD VETTIVM SATVRNINVM

P. S. Te rogo, ut nuntios tuos privatos hoc in loco quondam inspiceas.