Florilegium, sive partes operum Latinorum nobis carissimae

Colloquia de litteris Latinis

Moderators: Moderator, Redactio Interretialis

Emitteby Marcus Favonius on Sol 16 Ian, 2005 12.53

Marcus Herimanno Maxoque spectatissimis amicis Italicis sal.
Horatii Herimannique verbis adductus (cf. serm. 1, 8, 46sq.) et ipse, quamvis barbarum me esse Germanum confitear :lol: , illud „metu sibi cagat adossum“ intellegere studeo. Nonne „cagare“ idem significat atque „cacare“? Et vocabulum „adossum“ ductum esse puto ab „ad“ et „dorsum“ (cf. addosso). Vobis quid videtur?
Ceterum vocabulo barbari violatum me non esse scitote :lol: ! Barbarus quidem sum, sed Latinitate eruditus ac perpolitus.
Quam iucundissimam exopto vobis Dominicam.
XVII K. Feb. Crefeldiæ.
:D
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Sol 16 Ian, 2005 17.38

Mercurius omnibus sodalibus, ac praecipue Maxo s. d.

Priusquam barbaros nos appelles, mi Maxe, verborum Nasonis memento:

"Barbarus hic ego sum, qui non intellegor ulli."

Id est, extra patriam nostram nos omnes quasi barbari aliis videri possumus. Quid? Ecce versus duo poetae Hungarici merito clarissimi, cui nomen est Alexander Pet?fi:

"M
Last edited by Mercurius Hungaricus on Lun 25 Apr, 2005 14.32, edited 2 times in total.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De "cagando"

Emitteby Herimannus on Sol 16 Ian, 2005 20.10

Herimannus sodalibus sal.

"Cagare" vel "cacare" verba sunt, quibus hoc definitur, quod, Marce, nominasti: prior in Nordica, alter in Media et Meridionali Italia adhibetur. "Adossum" pro Italico "addosso" est: sed iam diu non "ad dorsum", "ad terga" sed (pars pro toto) "ad corpus" significat.
Versus sublimes poetae Petofi dulce resonant, Mercuri, sed :? intellectus deest.

Novocomi, a. d. XVII Kal. Feb.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Marcus Favonius on Sol 16 Ian, 2005 23.11

Marcus sodalibus, imprimis Mercurio suo s.
Alexandri Petőfi versus adeo suaviter ad aures accidunt, ut eos intellegere studeam. Nisi fallor, initium est carminis, cui titulus Germanicus „September-Ausklang“, id est „Mensis Septembris exitus“ . Titulum Hungaricum ignotum mihi esse doleo. Quid ergo? Versus Petőfianos his Latine audeo reddere verbis (veniam peto, Alexander! Veniam peto, Mercuri!):
„Adhuc in valle florent horti flores, adhuc viret populus pro fenestra;
Videsne autem illic regionem hiemalem? Iam nive tecti sunt summi montes.“
Quos versus Latinos oro te emendes, mi Mercuri.
Ecce autem versus a Martino Reman
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Lun 17 Ian, 2005 1.25

Mercurius sodalibus, ac praecipue Marco suo s. d.

Nihil fuit in translatione tua, amice, quod emendandum esse censerem: elegans illa est, ut omnia a te descripta. Certe versus Hungarici, ut et tu sine dubio animadvertisti, metrum habent lectu audituque aeque iucundissimum; quod vero Latine reddere labor sane Herculeus fuisset.
Ceterum versus ille secundus, et praecipue a te in Latinum conversus revocat mihi memoriam carminis illius Horatiani:

"Vides, ut alta stet nive candidum
Soracte..."

In utroque enim carmine hiems, immo mons nive tectus canitiem, vitae brevitatem, nostram mortalitatem, ac denique mortem inevitabilem significare videtur.
Quod vero ad versum attinet ita a te translatum: "iuventus marcescet, vita avolabit...", in illo quidem est, quod emendaverim. Si enim verbum verbo redderes, ita sonaret ille: "flos delabitur, vita praecipitat..." ("Elhull a virág, eliramlik az
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Gastón on Iov 20 Ian, 2005 15.40

Gastón sodalibus s.p.d.

In lingua Hispana vulgare (saltem in Argentina) "cagarse de miedo" (metu sibi cacare) "terreri" significat.

"Hasta el hueso" et "hasta la m
Gastón - Latine incipiens.
Gastón
 
Nuntii: 128
Nomen dedit: Lun 15 Mart, 2004 12.34
Location: Boni Aeres

Emitteby Spartacus on Iov 20 Ian, 2005 22.24

Spartacus omnibus sodalibus sal.

Ordinator meus - me miserum! - munere suo denuo non fungerit...

Cum litteras vobis iterum respondere possim, hoc statim faciam. Spondeo.

Valetote!
Pauper non est, cui rerum suppetit usus
Spartacus
 
Nuntii: 279
Nomen dedit: Mart 16 Mart, 2004 1.31

Metu

Emitteby Herimannus on Ven 21 Ian, 2005 1.05

Herimannus sodalibus

Optime, Gaston, aenigma solvisti.
Me tamen piget, eadem in pagina versus sublimes Hungarici poetae et verba tam rustica simul apparere! Ignoscat Petofi, ignoscat Mercurius!

Quid agit Maxos?

Novocomi, a. d. XI Kal. Feb.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Maxos on Sol 23 Ian, 2005 22.40

Maxos sodalibus cunctis sal.

Maxos studet, studet Maxos certe.
Calculum Algebram Chemicam

Vos misereat tempore carentis.

Dum loquimur, fugerit invida aetas....

Valete
Volito vivus per ora virum
Maxos
 
Nuntii: 20
Nomen dedit: Sat 08 Ian, 2005 2.33
Location: Gallia Cispadana, Urbs Parma

Horatius de verno tempore

Emitteby Marcus Favonius on Mart 22 Mart, 2005 21.38

Q. Horatius Flaccus de verno tempore (c. 1, 4)

Solvitur acris hiems grata vice veris et Favoni
trahuntque siccas machinae carinas,
ac neque iam stabulis gaudet pecus aut arator igni
nec prata canis albicant pruinis.
Iam Cytherea choros ducit Venus imminente luna
iunctaeque Nymphis Gratiae decentes
alterno terram quatiunt pede, dum gravis Cyclopum
Volcanus ardens visit officinas.
Nunc decet aut viridi nitidum caput impedire myrto
aut flore, terrae quem ferunt solutae;
nunc et in umbrosis Fauno decet immolare lucis,
seu poscat agna sive malit haedo.
Pallida Mors aequo pulsat pede pauperum tabernas
regumque turris. O beate Sesti,
vitae summa brevis spem nos vetat inchoare longam;
iam te premet nox fabulaeque Manes
et domus exilis Plutonia; quo simul mearis,
nec regna vini sortiere talis
nec tenerum Lycidan mirabere, quo calet iuventus
nunc omnis et mox virgines tepebunt.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby soter on Sol 24 Apr, 2005 22.20

Soter omnibus Sodalibus, imprimis suis Amicis et optimis Administratoribus s.p.d.

Abhinc paucos dies, themata huius clarissimi ac mihi carissimi Fori pererrans, gravia verba « Omnia mea mecum porto » sapientis Biantis, unius ex septem sapientibus Graeciae (Cicero, Paradoxa Stoicorum, 1,1,8 ; Valerius Maximus, 7,2, ext. 3) vel etiam Stilboni, philosophi Megarensis (« Omnia mea mecum sunt » : Seneca, Ad Lucilium ep., 1,9,18-19 ; Idem, De constantia sapientis, 5,6), - confiteor – me induxerunt ad legendum clarum Colloquium « Florilegium, sive partes operum Latinorum nobis carissimae » magna cum diligentia.
Flores et sententiae doctissimorum Sodalium, sicut erat in votis optimi auctoris Mercurii Hungarici, et mihi maximo gaudio fuerunt ; verum tamen, vehementer deceptus sum, in extremis colloquii paginis, a corruptione et a « ruina » elegantiae, prudentiae et temperantiae sermonis, quas labes aliqua, vero pauca, nuntia protulerunt !
Quod erat tam iucundum lectu atque cognitu in sordes inciderat propter aliquid incommoditatis !
Non, quidem, Cato quidam sum, neque, certe, sapientia neque, adhuc, provecta aetate, sed semper apertis verbis quod sentio dicere audeo !
Infelicissima, autem, sunt verba « barbarus » et « barbari » mihi visa, contra quae maxime fulserunt responsa severa et simul generosa, « fortiter in re, suaviter in modo », optimi Herimanni, doctissimi Mercurii Hungarici (Ovidius, Tristia, 5,10,37) et clarissimi Marci Favonii.
Q. Horatius Flaccus (Sat., 1,1,106-107) admonet:
« Est modus in rebus, sunt certi denique fines,
quos ultra citraque nequit consistere rectum » .
Quispiam dicet : « Per iocum factum est ! »
Dissentio, omnino dissentio, edepol ! !
Ecce quod summus Cicero (De officiis, I, XXIX) scripsit :
« Ipsumque genus iocandi non profusum nec immodestum, sed ingenuum et facetum esse debet. Ut enim pueris non omnem ludendi licentiam damus, sed eam, quae ab honestatis actionibus non sit aliena, sic in ipso ioco aliquod prodi ingenii lumen eluceat. Duplex omnino est iocandi genus, unum inliberale, petulans, flagitiosum, obscenum, alterum elegans, urbanum, ingeniosum, facetum,...... Facilis igitur est distinctio ingenui et inliberalis ioci. Alter, si tempore fit, ut si remisso animo, < severissimo / altissimo (?) > homine dignus, alter ne libero quidem, si rerum turpitudo adhibetur aut verborum obscenitas. Ludendi etiam est quidam modus retinendus, ut ne nimis omnia profundamus elatique vuluptate in aliquam turpitudinem delabamur ».
Peropportune Colloquium illud ad altiorem gradum rediit versuum gratia summi Alexandri Petòfi et Q. Horatii Flacci (Carminum Liber, I, 4), quos Mercurius Hungaricus et Marcus Favonius maximo animo notaverunt.
Oportet – mihi videtur – Decalogus ille Areae Colloquialis Latinae legatur ab omnibus et litteris electronicis ad optimis Administratoribus mittatur ad Sodales qui nomina registrent.
Haec mea sententia, sed fieri potest ut errem.
Plura dixi quam ratio postulabat: termino meam epistulam longiorem, quam spero vobis haud nimis taedio vel molestiae fuisse.
Valetote, omnes!
Valetote, Amici mei !

Soter

A.d. VII Kalendas Maias - Neapoli
Last edited by soter on Merc 27 Apr, 2005 19.35, edited 1 time in total.
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Mercurius Hungaricus on Lun 25 Apr, 2005 14.49

Mercurius Sotero (Soteri?) s. d.

Litteras tuas perlegi, amice, et quod scripsisti, approbo. Fuit illa amici nostri Maxi sententia satis "infelix", ut viri in rebus publicis versantes dicere solent... :D sed nil dubito, quin ille nos extra Italiam natos minime offendere velit. Ceterum recte dixisti Maxum per iocum ista verba satis infaceta scripsisse, quae libenter ei ignosco. Quod ad verba Tullii pertinet, regulis fori inseri illa possunt: qua de re consule Ericum Palm
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby soter on Mart 26 Apr, 2005 19.30

Mercurius Hungaricus wrote:Mercurius Sotero (Soteri?) s. d.

Litteras tuas perlegi, amice, et quod scripsisti, approbo. Fuit illa amici nostri Maxi sententia satis "infelix", ut viri in rebus publicis versantes dicere solent... :D sed nil dubito, quin ille nos extra Italiam natos minime offendere velit. Ceterum recte dixisti Maxum per iocum ista verba satis infaceta scripsisse, quae libenter ei ignosco. Quod ad verba Tullii pertinet, regulis fori inseri illa possunt: qua de re consule Ericum Palm
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Marcus Favonius on Sol 01 Mai, 2005 13.28

Ioannes Darcius, poeta Italicus, de mense Maio.

Iam tepidi Maius praelucens gloria veris,
omnia qui vario flore colorat, adest.
Arboribus rediere comae; iam quaeque loquacem
nidum sub querula fronde recondit avis.
Nunc virides rident horti, nunc multus in agris
exsistit blando flosculus ore micans.


Kalendis Maiis.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Marcus Favonius on Merc 04 Mai, 2005 23.18

M. Favonius sodalibus s.
Ecce alterum carmen ad mensem Maium pertinens, quod aetate media adulescens scholaris Hispanus composuisse dicitur (carmen Rivipullense):
***
Maio mense dum per pratum
pulchris floribus ornatum
irem forte spatiatum,
vidi quiddam mihi gratum.

Vidi quippe Cytheream
Venerem, amoris deam,
atque virginum choream,
quae tunc sequebatur eam.

Inter quas erat Cupido,
arcus cuius reformido,
saepe qui dicebat „io!“,
vocem quam amantum scio.

Ipsa flores colligebat,
quibus calathos replebat;
chorus virginum canebat
modis mille, quod decebat.

Postquam vidi tales actus,
penitus perterrefactus
ipsa dulcedine cantus
ab amore fui captus.

Ibi virginem honestam,
generosam et modestam
adamavi, quam suspectam
nulli puto nec molestam.

Oculi sint relucentes,
nivei sunt eius dentes,
nec papillae sunt tumentes,
sed sunt quasi nix candentes.

Frons ipsius candens; gula,
manus, pedes atque crura
candescentes sicut luna
carent vetustatis ruga.

Hanc amavi, hanc amabo,
dulciter hanc conservabo,
huis soli me donabo,
pro qua saepius dictabo.

Eius nomen, si quis quaerit,
dicam, quia pulchrum erit:
I in ordine praecedit,
V post sibi iunctum venit.

D post tertium ponetur,
quartus locus I donetur,
T in fine reservetur:
totum nomen sic habetur.

Huius longa si sit vita,
mea erit, credas ita;
finietur sed si cita,
moriar hac pro amica.
***
(The Oxford Book of Medieval Latin Verse, 1974, p.333sqq.)
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

PreviousNext

Return to Litterae Latinae

Qui adsunt

Users browsing this forum: No registered users and 0 guests

cron