YLE Colloquia Latina

by Mercurius Hungaricus on Ven 25 Nov, 2005 16.00

Mercurius soteri amico s. d.

Certe fieri potest, ut etiam hoc responsum nostrum erroneum sit, amice...

by Marcus Favonius on Ven 25 Nov, 2005 18.01

Marcus Mercurio Soterique sodalibus suis carissimis sal.
Priusquam res, quae aenigmatis verbis significetur, a Bernardo Flore aperiatur, ad vos scribere velim, quanta me voluptate altercatio vestra tam humaniter sedata affecerit. Ita sit: IRIS, non ERIS!
Valete.

by Bernardus Flos on Ven 25 Nov, 2005 19.07

Bernardus Flos Soteri et Mercurio Hungarico s.d.

Vobis congratulor, doctissimi amici! Re vera aenigma agitur de arcu caelesti! Certamen acerrimum ad finem pervenit... Si tamen necesse est unum victorem designare, Mercurius Hungaricus meritus est palmam victoriae! Euge!

Optime valete!

Ex Cortoriaco, a.d. VII Kal. Dec.

by soter on Ven 25 Nov, 2005 23.24

by Lucia Aurelica on Sat 03 Dec, 2005 22.02

Lucia Aurelica sodalibus s.d.p.
Propono vobis novum aenigma ad solvendum (non quidem a me compositum )

Ego sum principium mundi
et finis saeculorum.
Per me omnia continentur,
Sine me nihil est.
Sum Trinus et Unus,
Attamen non sum Deus.

Qua de re agitur?
Valete!

by Iulia on Sat 03 Dec, 2005 23.24

Iulia Luciae sal.

Suspicor solutionem tui aenigmatis in subscriptione mea latere.

Vale!

by Lucia Aurelica on Sol 04 Dec, 2005 12.38

Lucia Iuliae s.p.d.
Recte dicis solutionem latere in subscriptione tua; si tamen tempus solutionem esse putas, vehementer erras
Optime vale!

by Iulia on Sol 04 Dec, 2005 19.58

Iulia Luciae suae sal.

Quid? In subscriptione latet solutio, sed non est tempus?
Restant ergo verba "mutari", "nos", "et", "in", "illa". Quid de iis faciam? Num mutatio potest esse "Trinus et Unus"? Omnis perturbata sum.
Succurrite, sodales! De Luciae aenigmate prorsus desperavi!

Valete.

by Mercurius Hungaricus on Lun 05 Dec, 2005 1.02

Fortasse tempora?

by Marcus Favonius on Lun 05 Dec, 2005 14.04

Salve, Lucia Aurelica!

Hem, hem! Nonne est M littera? Principium Mundi etc.

Salve, Iulia!
TeMpora Mutantur et nos MutaMur in illis.

by Lucia Aurelica on Lun 05 Dec, 2005 17.10

Lucia Aurelica omnibus s.d.p.
Consummatum est!!
Marco Favonio hoc in certamine palmam magno cum gaudio do
Quae solutio tam facilis documento sit vobis, ne abeatis in materias abstractas, sed remaneatis potius in terra nostra firma
Valete omnes quam optime!

by Marcus Favonius on Iov 08 Dec, 2005 0.03

Salvete, aenigmatophili!

Ecce tria aenigmata ex vetere libro descripta:

1) Notum est illud „Odi profanum vulgus“ (Hor. c. 3, 1, 1).

Quomodo ex hoc versu fit blasphematio? (Sit venia huic aenigmati!)

2) Altera manat, altera manet.

Quibus de rebus agitur?

3) In operculo atramentarii: VSVS OPERI.

Quae vis est harum vocum?

by augustinus on Iov 08 Dec, 2005 0.24

by Marcus Favonius on Iov 08 Dec, 2005 15.54

Pax tecum, Augustine!
Quod ad aenigma secundum attinet, te errare doleo . Ut enim ex „manat“ una sola mutata littera oritur „manet“, ita duo vocabula investiganda sunt, quae inter se non differunt nisi una sola littera.

by Lucia Aurelica on Iov 08 Dec, 2005 18.00