De consecutione temporum in casu coniunctivi perfecti

Colloquia de litteris Latinis

Moderators: Moderator, Redactio Interretialis

De consecutione temporum in casu coniunctivi perfecti

Emitteby Lucius Umbrius on Lun 04 Apr, 2005 8.09

Lucius omnibus s. d. p.
Salvete, omnes! Vos interrogo, generale vel hictoricum est coniunctivus (prohibitivus) perfecti, exempli gratia:
Tu ne narraveris(=ne narres), quis heri venerit (narraveris - generale)
Tu ne narraveris(=ne narres), quis heri venisset (narraveris - historicum)
Ut recte scribitur?
Valete!
Pridie Nonas Aprilis
Lucius Umbrius
 
Nuntii: 14
Nomen dedit: Ven 11 Mart, 2005 12.43
Location: Mosqua, Ruthenia

Emitteby Ericus Palmén on Lun 04 Apr, 2005 10.51

Ericus Palmén Lucio Umbrio s.p.d.
Quaeris, utrum consecutio temporum perfectum an plusquamperfectum coniunctivi adhiberi iubeat in periodo, qua pro exemplo usus es. Ad hoc facile est respondere: plusquamperfectum coniunctivi omnino exclusum est - oportet igitur dicas: NE NARRAVERIS, QUIS HERI VENERIT. Namque elocutio NE NARRAVERIS idem valet ac NOLI NARRARE, neque in ea perfectum coniunctivi (NARRAVERIS), licet ita vocetur, praeteritam indicat actionem. Cum praedicatum enuntiati primarii praesentem aut futuram actionem indicat, in secundario enuntiato necesse est praesens et perfectum coniunctivi usurpetur. Equidem in huius generis periodo malim NOLI NARRARE quam NE NARRAVERIS dicere, ne duo perfecta coniunctivi (NARRAVERIS et VENERIT) diversa vi adhibita nimia inter se propinquitate laborent et tautophoniam quandam efficiant. Ergo: NOLI NARRARE, QUIS HERI VENERIT. Valeto!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Emitteby Iulia on Mart 05 Apr, 2005 23.03

Iulia sodalibus sal.
Quae sunt longitudines Ulrici nominis? Syllaba secunda longa estne an brevis?
Valete. Gottingae, Non. Apr.
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby Marcus Favonius on Merc 06 Apr, 2005 7.42

Marcus Iuliae s.p.d.
Rem ita esse puto:
Ut Fridericus (Italice Federigo) et Henricus (Italice Enrico), ita Uldalricus sive Ulricus. Syllaba ergo paenultima longa videtur esse. Vale.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Iulia on Merc 06 Apr, 2005 9.52

Iulia Marco suo semper adiuvanti :wink: sal.
Gratias tibi ago, mi Marce, ob responsum tuum. Ita ergo res videtur se habere in omnibus nominibus desinientibus in -ricus; certiorem ergo me fecisti de permultis nominibus. Nunc videamus, an Urania mea vel Erato vel alia e Musarum grege me adiuvabit - amicus enim meus atque magister, cui nomen est Ulrici, ante paucos dies natalem habeat. Quem cras videbo...
Vale.
Gottingae, a. d. VIII. Id. Apr.
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Coniunctivus praesens perfectum duplex

Emitteby Matthias on Sat 16 Apr, 2005 22.25

Omnibus lecturis, praecipue Enrico S.D.
Potius sero quam nunquam: dissentio ab opinione tua, mi Enrice, in quantum: "Equidem in huius generis periodo malim NOLI NARRARE quam NE NARRAVERIS dicere, ne duo perfecta coniunctivi (NARRAVERIS et VENERIT) diversa vi adhibita nimia inter se propinquitate laborent et tautophoniam quandam efficiant. Ergo: NOLI NARRARE, QUIS HERI VENERIT. " Quin tautophoniam hanc latinismum et paronomasiam esse puto; confer: "Eligas, quem diligas." Hic imperativi casus - ut opinor - ad eius generis monitionem nimis directus sit; coniunctivus autem praesens perfectum in hoc loco sensum eundem habet, quem tempus _indicativi_ praesens perfectum _gnomicum_.
Valete!
Matthias
 
Nuntii: 8
Nomen dedit: Mart 22 Feb, 2005 0.23
Location: Hungaria

Emitteby Matthias on Sat 16 Apr, 2005 22.29

"Ericus" ambo, non "Enricus"! Ignoscas mihi, mi Erice!
Matthias
Matthias
 
Nuntii: 8
Nomen dedit: Mart 22 Feb, 2005 0.23
Location: Hungaria

Emitteby Ericus Palmén on Sol 17 Apr, 2005 0.59

Ericus Matthiae s.d.p.
Sine dubio etiam tua ratione res bene exprimi potest. Vivat igitur multiplex vasrietas eocutionum! Ac de gustibus est decenter disputandum, non autem armis dimicandum! Cura, ut Latinissime valeas!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Emitteby Mercurius Hungaricus on Sol 17 Apr, 2005 1.44

Mercurius sodalibus s. d.

Facere non possum, quin vobis enuntiam, quantopere mihi hoc colloquium placeat! Ceterum Matthias decenter ac urbane sententiam suam explicasse mihi videtur, qui haud armis, nonnisi verbis, ac non dimicavit, solummodo opinionem suam a tua, Erice, diversam descripsit. Valete. Posonii, d. XV. Kal. Mai.


PS: ceteroquin, quod ad quaestionem illam attinet, utrique vestrum pollicem premo. Ego quidem in coniunctivo illo prohibitivo nihil perfecti sentio... quod ab aoristo Graeco originem capere quis nesciret?
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Ericus Palmén on Sol 17 Apr, 2005 10.24

Ericus Mercurio s.p.d.
Care Mercuri, num hesternum nuntium meum ita interpretatus es, me Matthiam oblique accusare voluisse, quod minus decenter de gustibus disputasset??? Si ita arbitraris, graviter erras: decentissime Matthiam scripsisse uno ore consentimus. Scito me tuas quoque sententias, licet haud raro a meis differant, magni aestimare. Unica causa, ob quam "non autem armis dimicandum" scripsi, fuit, quod traditionalem et compluries repetitam sententiam alatam "De gustibus non est disputandum", mihi in dubium vocare libet. Ubique enim in mundo de gustibus disputari solet, neque in ea re quicquam mali est, dummodo decenter fiat. Hac de causa in CLAVE LATINA II, cuius plagulas, antequam typis imprimantur, nunc ipsum diligenter perlustro, eadem sententia in forma et originali et retractata reperietur. Iam vero finem facio huic nuntio, ne nimis aperte novorum libellorum, qui mox in lucem proferentur, praeconium fecisse videar. Vale!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Emitteby Matthias on Mart 19 Apr, 2005 13.47

Rem te mihi novam scripsisse confiteor, Mercuri, in sententia hac:"Ego quidem in coniunctivo illo prohibitivo nihil perfecti sentio... quod ab aoristo Graeco originem capere quis nesciret?" Si tibi vacet, quaeso, ut rem quam uberrime mihi explicas!
Vale!
Matthias
Matthias
 
Nuntii: 8
Nomen dedit: Mart 22 Feb, 2005 0.23
Location: Hungaria

Emitteby Mercurius Hungaricus on Mart 19 Apr, 2005 14.22

Mercurius Matthiae s. d.

Quae de coniunctivo illo prohibitivo dixi, mi Matthia, non ipse inveni :D, sed in libro quodam grammatico olim legeram. In lingua enim Graeca, nisi fallor, aoristos in usu est ad aliquid prohibendum: quod Poetae Romani in linguam Latinam deduxerunt, sed, cum aoristos in sermone Latino non esset, pro eo perfectum coniunctivum adhibuerunt. Vale. Posonii, d. XIII. Kalendarum Mai.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior


Return to Litterae Latinae

Qui adsunt

Users browsing this forum: No registered users and 2 guests

cron