YLE Colloquia Latina

M. Favonius sodalibus sal.

Iterum nuntio atrocissimo percutimur : suspicio est Floyd Landis birotarium Americanum, nisi medicamentis illicitis confirmatus esset, in Gallia victorem discessurum non fuisse. Sed in rem etiamnunc inquiritur... Exspectemus igitur!

Valete.
V K. Aug.
Crefeldiæ.

Vt audiui, etsi quantitas testosteroni in corpore Landis normam paulo excessisse inuenta est, nulla medicamenta tamen inuenta sunt. Si autem fraudem ex parte sua probauerint, probabiliter Gallis ualde placebit, quippe qui nesciunt uincere.

Mucius Omnibus s.d.

Mea quidem sententia est multos medicamentis illicitis uti, paucos inueni!
In maximis gradibus enim sportiuis censeo paene omnes, ut numeros teneant, auxilia quaerere in pharmacis... In omnibus sportibus hoc accidere sentio, et in pedifollio et in birotario et in athletica...
Dolendum quidem hac condicione est, quia a quando in sport nimia pecunia inuoluta est, paucas religiones multi obseruant ut ea potiantur et fines superent.

Valete omnes!

Professor in facultate mea (pharmaciae) unde dixit: "Vero in certaminibus hodiernis pharmacia vincet!" Credo eum veritatem dixisse...

M. Favonius sodalibus s.

... iterum consilio pleno sceleris et audaciae utuntur: SI FECISTI, NEGA! Justin Gatlin?!? Iustinus iustus??

Valete.

Vettius omnibus sal.

Iustinus Gatlin "Iustus," usu medicamentorum illicitorum ex parte sua iterum, iam bis, monstrato, pro se, suum oratorem manifeste psitticans, respondet IV kal. Sext., "His euentibus rationem reddere non possum, quia neque consulto substantia ulla illicita usus sum neque alicui auctoritatem dedi ut tales substantiae mihi adhibeantur."
Ex autem athletis quos Treuor Graham, Gatlinis doctor, instruxit, octo alii eodem modo scelerati fuisse inuenti sunt. Certe nescioquid foetet. Vt faciunt! Vt negant! Quid tum faciamus? Sicut et magistratibus ob suam nequitiam, nihil athletis confido. Quantum curo, dentur omnibus pharmaca; fiat aequitas.

Valeatis.

..........et ars athletica funditus depravabitur.

Et in Germania Ioannes Ullrich birotarius...