Itineraria

Colloquia de aliis thematis

Moderators: Moderator, Redactio Interretialis

Emitteby Oenipontanus on Mart 26 Sep, 2006 19.55

O isti felices sinenses! In Austria nunc debemus civitatem pecuniam dare, ut studere possimus. Si non pauperissimus es pecuniis ab civitate non adiuvaris. Sed mox electiones sunt, spero situationem postea mutare...

Si aliquando tibi iterum tempus sit plus audire/legere volo, o viator! In extremo me Shanghai interest, si fortuitus ibi pervenies...

Ex oriente lux...
Dum spiro spero
Oenipontanus
 
Nuntii: 54
Nomen dedit: Merc 28 Iun, 2006 23.53
Location: Tyrolis / Veldidena

ex oriente

Emitteby Phlebas on Sat 30 Sep, 2006 15.34

Phlebas Oenipontano Sinae curioso sodalibusque omnes salutem dicit

Die Solis Moenia Longissima (the Great Wall) visitavi : Sinenses moenia erexerunt ut patriam omnem a barbarorum iniuria potuissent defendere; quattuor milia miliaruum passuum in latitudinem patent, alpes sequentes, frequentibus turribus munitae. Crassitudo pedes X et summitas gradata est ad celerem motum militum. Cum moenia percurres videre potes viridissimas silvas alpium, valles et lacos turrentesque.

Hodie pluvia cadit et aer valde pollutum est; ubi illuxit Tianjin petivi, ad officinam visitandam. Autoraede totam viam occupant et lentissime procedunt propter maxuma confusio viaria. In Sina numerus autoraedarum crescit celeriter quam numerus viarum et quantitas severitasque confusionum veiculorum continue augent.

Longo tempre breve itinere confecto, in urbem Tianjin venimus et raedarius meus sinensis rectam viam invenire non potest; auxilium petit a raedario autoraedae publicae, via deerrat et ille : tam celeriter urbs augescit ut multitudo novae viae paene ignotae sint. Necesse est tabulae viariae renovare bis in anno!

Tredecim milia miliarum cives vivunt in Tianjin, aer polluto est autoraedarum et officinarum causa. Quantum urbs ista distat a Beijing! Divitiam et vitalitatem urbis Beijing non invenies sed maestitiam quaedam operariorum vitam agentium sine ulla ambitione.

Cum delegatibus officinae colloquium habui : solum senior loquebat, ceteri silentes; quaestiones posui de officina et non respondebat sed nutu capitis assentiebat. Hercle, non potes quaestionibus assensum dare! Colloquium difficillimus mihi fuit. Et questiones meae sicut ante, post colloquium stant.

Prandeo in caupona officinae, ubi invenio Coca Cola et imagines Santa Claus. Cur Santa Claus? Nescio et non ausus sum quaerere. Mecum medito quantum globalisatio noceat ad identitas populorum…

Percurro acta diurna et invenio:

• Pestilentia aviaria incipiens
• Nova statua Confucii erecta ut filosophus habeat unam imagimnem publicam (sicut Mickey Mouse atque Donald Duck, illi celeberrimi … et Santa Claus noster de quo ante dixi)
• Gubernator urbis Shangai in vincula positum criminis oeconomicis causa

Cum amico sinense discurro de nominibus et invenio : in Italia nostra circa tria centena miliarum nominum familiae habemus, in Sina solum habent tria centena nomina : ex penuria nominum maxima confusio nascit : exempli gratia, cum Mr. Li vocas, omnes tibi respondunt, praeter Mr. Su.

Vale, Valete
Nomino numeros; quibus numeramus; et adsunt in memoria mea non imagines eorum, sed ipsi.
Phlebas
 
Nuntii: 123
Nomen dedit: Iov 29 Dec, 2005 15.42

Emitteby Quisutdeus on Lun 02 Oct, 2006 20.37

..
Last edited by Quisutdeus on Sat 18 Aug, 2007 12.57, edited 1 time in total.
AEVVM PVER EST IOCANS CALCVLISQVE LVDENS; HVIVS VERO PVERI REGNVM EST. (Hippolytus, Haer. IX 9,4)
Quisutdeus
 
Nuntii: 26
Nomen dedit: Merc 18 Ian, 2006 12.49

Neapolis

Emitteby Phlebas on Sat 14 Oct, 2006 10.59

Phlebas omnibus sodalibus praesertim Soteri Neapolitano salutem dicit

E Sina reverso pelagus me compulit ut rursus navigassem.

Solvere, vela dare, undas scindere. Media nocte Tropeae portus liquimus, Neapolim petentes. Luna pernox erat, procella carinam in altum provexit nautasque madefecit.

Postridie ventos contrarios longam navigationem imposuerunt secundum alta litora hodiernae Calabriae, delphinas summa nantes in aqua admiravimus.

Nocte secunda pharus Palinurii longe nobis comes fuit dum lumen Caprearum, sicut hospes benevolus, viam indicavit (XXV milia longe videre potes pharum illum).

Tertia vigilia noctis fretum, qui dividit Capreas ab promontorium ex quo alta procelloso speculatur vertice Pallas, intravimus. Mirabile visu : insulam Capreaearum lux lunaris et transulcida nubes et fulmina remotae procellae inluminabant.

Primo diluculo sinus Neapolitanus nos recepit. Deus benevolus sinum illum felicissimum fecit! Conspicere potes, praeter Capreas, Aenariam et Prochytam et longe vides Baias, et habes Neapolim cum tres arces, deinde Vesuvium montem, Pompeios et Paeninsulam quam Surrentinam dicunt. Quantum pulchritudinis et historiae nostrae sinus illus ostendit!

Portus positus sub Arcem Novam (Castel Nuovo) et caupona sub Arcem Ovi (Castel dell'Ovo) hospitaliter nos receperunt.

Sed Seneca noster dicit:

Hoc tibi soli putas accidisse et admiraris quasi rem novam quod peregrinatione tam longa et tot locorum varietatibus non discussisti tristitiam gravitatemque mentis? Animus debes mutare, non caelum.

Vale, Soter optime, valete

p.s. cavete : quoniam peregrinum sonabam agitator autoraedae pretium duplicavit ... nolo investigare pretium pro Germanis aut Finnicis ...
Nomino numeros; quibus numeramus; et adsunt in memoria mea non imagines eorum, sed ipsi.
Phlebas
 
Nuntii: 123
Nomen dedit: Iov 29 Dec, 2005 15.42

Emitteby soter on Sat 14 Oct, 2006 22.58

Soter Phlebae, “lupoâ€
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Hesperia

Emitteby Phlebas on Sol 15 Oct, 2006 22.54

Phlebas Soteri salutem dicit

Prochytae, vento orientale spirante, lego epistulam tuam, multum gaudeo propter verba tua humanissima et doleo propter iocum meum imperitum rusticumque : nolebam offendere sed offendi.

Vere tantum amo Campaniam nostram et Neapolim et Hesperiam totam ut vitia – ubicumque sint - tacere nesciam.

Cum tibi scribo scopulum Sancti Martini et Misenum mirare possum, promunturium Baiam occultat ...

Vale et ignosce
Nomino numeros; quibus numeramus; et adsunt in memoria mea non imagines eorum, sed ipsi.
Phlebas
 
Nuntii: 123
Nomen dedit: Iov 29 Dec, 2005 15.42

Emitteby soter on Lun 16 Oct, 2006 11.19

Soter Phlebam, amicum clarissimum et “lupumâ€
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Marcus Favonius Ursinus on Lun 16 Oct, 2006 11.27

Salvete, amici carissimi!

O di immortales! Utinam his ipsis diebus mihi quoque offerretur facultas proficiscendi in Campaniam Felicem!

:lol:
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Emitteby soter on Lun 16 Oct, 2006 14.03

Soter Marcum Favonium, optimum ac spectatissimum Amicum suum, amicissime salutat.


Die illa fausta, qua Neapolim venies, Marce mi, Amice clarissime carissimeque, non solum Parthenopes meae sed etiam Campaniae Felicis totius campanae et tubae sonabunt laetae !

Utinam dies illa quam primum veniat !

Facias, Amice mi, ut quam optime valeas !

:)

Soter

A. d. XVII Kalendas Novembres a. D. MMVI - Neapoli
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby augustinus on Lun 13 Nov, 2006 6.56

Augustinus omnibus sodalibus s.d.p.
Post longam absentiam de huius aestatis itineribus, paucissimis verbis, enarrare volo.
Profectus sum ex civitate Chicago die I mensis Junii in Daciam Porolissensem, ubi et duos mensis cum avis meis trivi .
Post hoc, Augusto ineunte, cum amico bono in monasterium benedictinum "Mons Benedicti" vocatum, prope a civitate Maastricht (Trajectum ad Mosam), profectus sum. Ibi, dies septem egi, ob monasterio post Festum Transfigurationis Domini nostri J.C discedens atque in Aquisgranum iens.
Paulo post, cathedrale Coloniensi invisa , in civitate Vindobonense dies tres mansi.
Domi reversus, die IX mensis Octobris in Americam denuo profectus sum.
Urbem fecisti quod prius orbis erat.
augustinus
 
Nuntii: 27
Nomen dedit: Lun 07 Nov, 2005 20.24
Location: America septentrionalis& Transylvania(Dacia Porolissensis)

Emitteby Mercurius Hungaricus on Lun 13 Nov, 2006 14.27

Mercurius Augustino s. d.

Salve iterum in foro, Augustine! Scripsisti te in Transilvania apud avos tuos habitavisse; quod ceteris sodalibus sane satis est ad cognoscendum, sed ego, qui in Transilvania iam pluries versabar, scire velim, in quo pago urbeve maiores tui vivant; quod ideo scire velim, ut mente concipere possim, ubi duos menses vixeris. Vale! Budapestini, Idibus Novembris.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Marcus Favonius Ursinus on Lun 13 Nov, 2006 16.39

Pax tecum, Augustine!

Equidem gaudeo, quod Coloniam Agrippinam profectus praeclarissimam ecclesiam cathedralem inspexisti. Te moratum esse scribis etiam Aquisgrani, in celeberrimo illo oppido Caroli Magni regno incluto. Forsitan nota tibi sit Vita Caroli Magni, quam composuit Eginhardus sive Einhardus (cf. Litterae Latinae -> Lectio Magna II Mediaevalis -> # 6189).

:D
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

Arabia

Emitteby Phlebas on Sat 27 Ian, 2007 18.45

Phlebas sodalibus itinerantibus et stantibus salutem dicit

His diebus Sinam rursum visito et, longo itinere confecto, via reditus me ducet ad urbem Arabiae Dubai appellatam (nescio quomodo latine).

Solum aeroportum visito ubi, praeter divitias modernae Arabiae, invenio incredibilem varietatem gentium fere omnium nationum. In urbem Dubai confluunt viatores Africae, Europae Asiaeque. Sinenses Europam petunt, Africani et Indici Arabiam Europamque, viatores Europae Orientem, et ego domum.

Non unquam vidi tantam varietatem colorum et formae vestium: nigrae vestes mulierum Arabiae se immiscent candidis hominum; virides flavaeque texture feminae Africae cum habitibus Europae, antiquam elegantiam puellae Indices et variam formam gentium Sinae offendit inurbanitas modernae t-shirts. Et est mirabilis varietas petasorum, quasi omnes figurae geometriae euclideae ornant capita hominum mulierumque: cylindri, emisphaerae, coni ...

Talis est confusio linguarum ut refugium quaeram in linguam latinam, mecum est amicus Tacitus (et disertissimus), eum interrogo et dicit:

... validaque et solito inter accolas odio infensa Iudaeis Arabum manus ...
(Historiae, V, 1)


Valete quam optime

a.d. VIII Kal. Feb. quarta vigilia, ex aeroportu urbis Dubai, humanitatem curiose otioseque spectans, 茶 sorbens.
Nomino numeros; quibus numeramus; et adsunt in memoria mea non imagines eorum, sed ipsi.
Phlebas
 
Nuntii: 123
Nomen dedit: Iov 29 Dec, 2005 15.42

itineraria minima

Emitteby Phlebas on Ven 11 Mai, 2007 20.13

Phlebas sodalibus salutem

Sicut soleo cum in Roma ago, ut corpus exerceam, ripam Tybris percurro.

Primo diluculo ex domo ad ecclesiam dicatam sancto Ludovico Francorum (italice san Luigi dei Francesi) advenio, deinde viculum scrofae (id est: via della Scrofa) percurro; Urbs dormitat et solum invenio currum purgamentarum (AMA pompose dicunt) et autocinetum vigilum (italice carabinieri) quartam vigiliam finientium.

Ad viam di Ripetta dictam advenio, ubi venditor ephemeridorum merces novissimas disponit et raro cum emptore conloquitur; raraque autocineta pertranseunt.

Ad ripam sinistram Tybris descendo, cursum aquarum sequens: naviculae religatae pigre fluctuant. Aves fluviales passus mei excitant repenteque advolant. Plures pauperes sub pontes dormiunt nec eos e somno cursum meum suscitat.

Piscator intente ex scapha lineam mittit.

Umbrae obvolvunt ripam sinistram meque at prima lux solis inluminat arvum oppositum.

Cursus Tybris flectit et pulcritudo insulae Tiberinae mihi apparet: prima lux magnifice pingit venusta aedificia. Insulae causa, velocitas aquae augescit et flumen parvum saltum facit: fragor cataractae silentium frangit et frigor inopinatus me pervadet. Naviculum pneumaticum custodum publicorum (italice polizia) religatum aspicio.

Metam meam usitatam, ruinas antiquae cloacae contingo: oportet revertam. Rursus ripam sinistram percurro perfusam luce solis, et iam occupationes matutinae ripam agitant: mendicantes silentiose cibum coquunt, aves pisces petentes volitant catulique ludunt.

Reditum dominat sepulchrum Hadriani et verba illa "Animula vagula blandula hospes comesque corporis..."

Cum viam veteris portorii (italice via della Dogana Vecchia) contigo, senator "ad vitam" ille gibberosus, celeberrimus, primus in senatum init, nigram bulgam ferens.

Unam post horam et octo post milia, domi sum et Superis grates ago propter diem pulchre inchoatum.

Valete
Nomino numeros; quibus numeramus; et adsunt in memoria mea non imagines eorum, sed ipsi.
Phlebas
 
Nuntii: 123
Nomen dedit: Iov 29 Dec, 2005 15.42

Emitteby Marcus Favonius Ursinus on Ven 11 Mai, 2007 21.14

Marcus Phlebae sal. pl. d.
O terque te quaterque beatum, amice! Primo mane Romae cursitando et corpus exercere tibi licet et animum suavissime recreare aspectu urbis somno expergiscentis.......
Memoriam rettulisti illius horae matutinae, qua plurimis ante annis, cum Romae essem, deversorio clam relicto desertas urbis vias pervagatus solus in Capitolium ascendi. Aurora ibi perfusus Marcus Aurelius in conspectum venit......"Instat tempus, quo tu omnium oblitus eris: instat, quo omnes tui obliti erunt" --- somnium matutinum. Optime vale.
Marcus Favonius Ursinus
 
Nuntii: 465
Nomen dedit: Sat 08 Iul, 2006 11.28
Location: Germania Inferior

PreviousNext

Return to Alia themata

Qui adsunt

Users browsing this forum: No registered users and 0 guests

cron