YLE Colloquia Latina

Mercurius Marco suo s. d.

Nec A titulo inest? Quid refert! Habemus adhuc vocales! Videamus ergo, num littera O felicius futura sit!
Quod ad meum aenigma: dic mihi amice, ubi legeris prius haec verba: "... trium litterarum"? Vale. Ibidem, eodem die.

Marcus Mercurio suo s.
OOOOptime, mi amice! Perge porro! _ O S// Ceterum inscientia me premi confiteor
Vale. XVI K. Feb.

Mercurius Marco suo s. d.

Videamus, quod verbum pro titulo esse possit! MOS, ROS, NOS, VOS, DOS, BOS. Quid eorum rectum sit, plane nescio; quam ob rem, cum plures litterae mihi proponendae essent (m, r, n, v, d, b), quam toties errare mihi liceret (tantum ter), en hastam, scutum, loricam, gladium abjicio, ac fuga mihi consulo...
Quod ad aenigma alterum, vide Plautum, ac vocabulum ab eo "trium litterarum" nominatum. Vale. Aquinci, sub Iove sereno, sed satis frigido, d. XVI. Kal. Febr.

Marcus Mercurio suo ceterisque sodalibus s.d.p.
Cave putes, mi amice, annum esse CMLV ! Nondum de equo es deiectus: Nova arrepta hasta redi in pugnam! Novum ecce auxilium: Natus est auctor a. MDCCCLXXXIV in municipio Lebedjan, a. MCMII Petropolim profectus Polytechnicum Navale frequentavit. Sex annis post professor ibi factus non modo navibus fabricandis studuit, sed etiam narrationes fabulasque composuit. Emigravit ex Unione Sovietica a. MCMXXXII et mortuus est in Gallia a. MCMXXXVII. Cuius liber clarissimus Latine inscribitur _ O S. Agedum, Mercuri! Agitedum, sodales!
Quod vero ad Plautinum vocabulum furis attinet, notum mihi quidem est, sed libri titulum me quaerentem prorsus fugit.
Cogitate et valete. XVI K. Feb. Crefeldiae.

Tiberis omnibus aenigmatistis, imprimis Marco et Mercurio, s.d.
sine adnotationibus tuis auxiliariis, mi Marce, me titulum huius operis nulla ratione invenisse confiteor.
quae cum ita sint, ecce titulus quaesitus: NOS
quo libro anno MCMXX scripto Eugenius Iwanowitsch Samjatin civitatem ficticiam descripsit, cuius cives in rebus privatis agendis , ni fallor, a custodibus sive tutoribus suis coercentur atque opprimuntur.
valete.
XVI.Kal.Feb.

Marcus Mercurio et Tiberi s.d.p.
Optime solutum! Ecce titulus originalis: MY (МЫ).
--„Homo, si libertate prorsus caret, scelera non committit“ (Jewgenij Samjatin, Wir, Zürich, 1977, p. 52).—
Liber ad litterarum genus pertinet, quod iam inde a saeculo XV notum esse scripsi. Est quidem utopia, sed utopia quae vocatur negativa (cf. Aldous Huxley, George Orwell).
Tuae nunc, si vis, mi Tiberis, sunt partes.
Valete. XVI K. Feb. Crefeldiæ.

Mercurius Tiberi Marcoque s. d.

Salve Tiberi, congratulor tibi pro aenigmate soluto! Qua de re mihi non respondisti in colloquio, cui titulus est "de fumatoribus arcendis"? Timeo, ne meis verbis fortasse nimis acerbis te offenderim. Ignosce mihi quaeso!

Ita est, mi Marce, ut scribis: vocabulum "fur" sub lineis a te esse occultum erronee putavi. Quod est titulus operis a nescioquo auctore Suecico (Norvegico? certe Scandinavico ) compositi, quod pluribus annis ante libentissime legebam. De philologo in eo agitur, qui manuscriptum quoddam Gothicum Ravennae invenit... liber est, quem vobis maxime commendaverim. Valete. Ibidem, eodem die.

PS: non me fugit, mi Marce, anno cum CMLV. cladem maiorum meorum apud Augustam Vindelicorum a tuis acceptam esse a te indicatam ; memento vero ante illam victoriam saepissime Germanos a Hungaris esse superatos...

Tiberis Marco et Mercurio ceterisque aenigmatum cupidis sal.
cum vos, sodales, litterarum ac poetarum peritissimi esse videremini, mihi cavendum esse putavi, ne titulum nimis ignobilem vobis indagandum darem, deinde videndum, ne sine maiore cogitatione solutionem quaesitam inveniretis.
quid multa? titulus et auctor quaeruntur libri cuiusdam, in quo praeter cetera agitur de rebus musicis...
ecce:
_ _ _ _ _ _ _ _ _ //

@ Mercurium:
noli credere me verbis tuis esse offensum, mi Mercuri, ut qui sententiam tuam magni aestimem, licet multum a mea differat.

Marcus Tiberi s.
Incipiamus Ab A, quod divino quasi Afflatu incitatus in nostrum Aspectum Abs te Adductum iri spero. Quam iucundissimam tibi exopto noctem.

Tiberis Marco sal.
audaci aggrederis animo, amice. attamen aberras: "a" ab aenigmate abest.
erratum primum: +
et tibi noctem iucundam exopto.
vale.

MErcurius TibEri s. d.

Ego Eligo littEram E, Et Eam En tibi EmittEns rEsponsum tuum ExspEcto ValE. Aquinci, diE XV. Kal. FEbr.

Tiberis Mercurio sal.
egregia equidem est ea electio: "e" enim exstat. ecce:
_ E _ _ _ _ _ _ _ //
porro quid Excogitas?

Marcus Tiberi patibulatori peritissimo sal.
Mentem mhi, Camena, porrige versutam... Utcumque se res habet, E admisso R nunc ostium pulsat; quod oro te, mi Tiberis, sine mora sinas intrare. Vale. XV K. Feb. Crefeldiæ.

Tiberis Marco summa cum calliditate investiganti s.d.
"r" requiris recta ratione. res retegatur roganti:

_ E R _ _ _ R _ _ //

vale.

Mercurius Tiberi s. d.

I in illa inscriptione inesse indico.