YLE Colloquia Latina

Lucius Marco Favonio necnon Juliae aliisque omnibus sodalibus sal. pl.

Taedere Americanum respondere huic aenigmati haud spero! Vixi annum unum Florentiae, memorque sum horum omnium nummorum. At, ut memoriam meam inspicio, unum solum nummum plus unius viri faciei continentem non invenio. Est nobis nummus €2, cum Dantei facie qui anno quarto decimo vixit, €1 qui virum Vitruvianum Leonardi da Vinci monstrat, et Vitruvius ipse primo saeculo ante Christum natum vixit, deinde €.50 Marcus Aurelius equitatus qui secundo saeculo vixit, exim in €.20 Umbertus Boccioni artifex qui XIX saeculo vixit.

Atqui, uti haec omnia considero hasce ipsas litteras scribens, credo responsum rectum €1 nummum esse. Hac ratione:

Polyclitus, qui V saeculo a.C. vixit Athenis, librum quendam (hodie nobis perditum) nomine Polycliti Canonem conscripsit, quo judicium corporis idonei proportiones exsistere proponeretur, ac Vitruvius, I saeculi a.C., haecce perscivit deque his rebus scripsit, dein ipse Leonardus da Vinci diagramma praeclarum pinxit nomine Virum Vitruvianum.

Marcus Lucio s.p.d.
Perfecte solutum! Gratulor, amice. Nonne pulcherrimis nummis Italicis memoria originis cultus humanitatisque nostrae optime conservatur? --- Nunc quod ad novum proponendum aenigma attinet, ordo te vocat. Exspectatione sum suspensus...
Vale. Pr. Id. Iul. Ex Quirini Campo.

Lucius Marco aliisque omnibus aenigmatolyteres salutem pl. d.

Recte dicis, Marce mi, nummos Italicos inter omnes pulcheriores sunt ob historiam in eis contentam. Attamen lyram Hibernicam prorsus adoro!

Ad novum aenigma, haud originale, sed mihi placens: mane venator quidam e castris egreditur proficisciturque mille passuum meridiem petens. Exim vertitur ac mille passuum ad orientem agit. Hic ursum caedit. Viam directam agens mille passuum septentriones petit castraque revertit. Quo colore est ursus?

Iulia Lucio sal.
Novi hoc aenigma!Qua de re taceam, ut ceteris cerebrum cruciare liceat.
At dic: hac aestate difficilius erit ita fieri, ut descripsisti... Et venator, si quis de re noverit, in ius vocabitur...
Vale, valete!

Lucius Juliae sal.

Bellam subsignificationem notas, Julia! hahahae. Vale!

Me quoque, quippe cui cognomen sit Ursino, dolere scitote, quod ursus maritimus vitam amisit!

Salvete, amici.

De bestia quadam agitur admodum monstruosa. Quae mirum in modum ex tribus composita est animalibus. Cuius ignibus, ut ferunt, Lycia olim infestata est, sed vir quidam fortissimus alteri bestiae fabulosae insidens eam desuper necasse dicitur.

1) Qua de bestia agitur?
2) Quo in museo hodie quoque simulacrum eius aeneum exhibetur?
3) Qui heros monstrum necavit?
4) Cui bestiae heros insidebat?

Num tantum vobis, amici, bestia illa iniecit terrorem, ut vos deficeret vox? Equidem Sisyphi nepotem vos adiuturum esse puto.

Gundisalvus salutem omnibus sodalibus dicit:

Quomodo te habes, Marce? Ut scis, novus sum hoc in foro. Non acumen ullum est mihi ad ingenii ænigmata solvenda sed me scire credo quid sit. Caput leonis, cauda serpentis et capræ corpus gerere fertur de istâ Chimærâ ferocissimâ quæ tum ab illô audace Bellerophonte interempta est. Ignosce mihi, nescio quô in museô istam bestiam exhiberi. Estne quis id sciat?

Valete quam optime

Macte sagacitate, mi Gundisalve! Aenigma bene solutum: gratulor. Exhibetur autem Chimaera Florentiae in Museo Archaeologico. Utere quaeso hac inscriptione interretiali: http://upload.wikimedia.org/wikipedia/commons/b/bc/Chimera_di_Arezzo.jpg
Optime vale. XII K. Aug. Ex Quirini Campo.

Gratias tibi ago quia certe nesciebat de tale simulacro Chimæræ. Perlego iam Livii excerpta in librô cui nomen est Lingua Latina per se illustrata et quæ adeo mihi placuerunt sunt illæ enarrationes mirabiles versibus solutis de rebus gestis Æneæ. In musæô archæologicô matritensi quædam simulacra antiqua Chimæræ inesse puto. In photographiâ quæ nobis fers bestia illa ferocissima videtur.

Valete ac nova ænigmata trade nobis!

Si ista ænigmata delectatis, certe vobis cara videbuntur emblematorum libri antiqui. Ea emblemata quæ valde mihi placent sunt illa parata ab illô præclarô Andrea Alciato:
http://gallica.bnf.fr/ark:/12148/bpt6k54642j
http://www.bvh.univ-tours.fr/Consult/consult.asp?numtable=B372615206_4859&numfiche=67&mode=3&offset=0
Sin emblemata talia haud amatis, est quædam sedes interretalis magnifica ubi plura invenire potestis: http://media.library.uiuc.edu/projects/oebp/SPT--AdvancedSearch.php?Q=Y&G27=191

Emendo: istis ænigmatis delectamini pro ista ænigmata delectatis... cari pro cara...

Salvete, amici!

Agitur de clarissima quadam tabula picta. Conspicies hortum sane mirabilem, in quo ingens hominum multitudo variis – me Hercule! - modis delectatur.

1) Quo de horto agitur? Vel potius: Qui est titulus tabulae pictae?

2) Qui pictor eam fecit?

3) Quo in museo exhibetur?

4) Qua inscriptione interretiali aditus ad tabulam inspiciendam aperitur?

In meam mentem venit subito imaginem talem. Hortus deliciarum quæ vocatur pincta fuit ab Hieronymô illô Bosch. Valde delectabar in contemplatione eius formæ quum adstabam in Musæo matritense quod Hispanice Del Prado appellatur.
Vide: http://upload.wikimedia.org/wikipedia/commons/8/80/GardenED.jpg

Valde quam beatissime, mi amice