Emissio televisifica Latina

Colloquia de lingua Latina

Moderators: Moderator, Redactio Interretialis

Emissio televisifica Latina

Emitteby Iulia on Sat 23 Aug, 2008 22.12

Iulia omnibus sodalibus salutem dicit.
Hodie, mirum dictu, statio televisifica Austriaco-Helvetico-Germanica emissionem vulgo "Kulturzeit" dictam omnino Latine versam divulgavit. Verterunt classici philologi universitatis Moguntiacae, et argumenta ad mundum Latinum hereditatemque imperii Romani quid ad nos pertineat quoque modo ad nos referenda sint attinent. Certe, venient qui reprehendant forte hic pronuntiatum, illic verbi alicuius versionem Latinam, [spero eum, quem significo, scire se significatum esse...] at qui reprehendere velint, mente teneant quantum et quam saepe fieri soleat emissionem 40 minutarum omnino Latine fieri. Eo autem auctores adducti sunt, ut emisionem illam verterent, quod hodie totum diem imperii Romani argumentum pertractaverunt emittendo nunc taenias cinematographicas, quae ad historiam imperii pertinent, nunc documentarias, quae dicuntur de cultu civili historiaque orbis Romani, et quasi culmen illam emissionem lingua Latina incluserunt. Rem vero singularem et pro ipsum inceptum laudandam!
Qui videre velint, huc adeant: http://www.3sat.de/mediathek/mediathek.php?obj=9250
Valete!
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Re: Emissio televisifica Latina

Emitteby Superbia Graeca on Merc 19 Nov, 2008 7.34

Superbia omnibus sodalibus s.p.d.

Viditne forte aliquis emissionem hanc de qua scipsisti? Pro causa aliqua pagina illa non sinit me videre.
Superbia Graeca
 
Nuntii: 1
Nomen dedit: Sat 15 Nov, 2008 3.36
Location: Status Uniti Americae

Re: Emissio televisifica Latina

Emitteby Galanthus on Sat 29 Nov, 2008 18.44

Ego etiam nescio quo pacto quove programmate aditum ad televisionem Latinam accipere possim... :(
Denis, MD
Galanthus
 
Nuntii: 3
Nomen dedit: Sat 29 Nov, 2008 17.22
Location: Moscovia, Sancti Petri burgus

Re: Emissio televisifica Latina

Emitteby Iulia on Sat 29 Nov, 2008 19.23

hmmm... fieri potest, ut quodam modo prohibitum sit, quominus extra terras Germanophonas spectetur... Ego sine difficultatibus videre possum. :shock:
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Re: Emissio televisifica Latina

Emitteby Galanthus on Sol 30 Nov, 2008 12.10

Comprendi, ubi res est: in navigatro usurpando. Chromium Operave illum nexum recte evolvere nequeunt. Interretis Explorator (Fenestrae-Windows) solus munus istud pergrave :D efficere potest. Salutem omnibus! P.S. Miseret mei, pronuntiatu classico utuntur diurnarii, quia nobis in Moscovia valde colitur pronuntiatus traditionalis Germanicus et synonimon pronuntiatus ecclesiastici est. :(
Denis, MD
Galanthus
 
Nuntii: 3
Nomen dedit: Sat 29 Nov, 2008 17.22
Location: Moscovia, Sancti Petri burgus


Return to Lingua Latina

Qui adsunt

Users browsing this forum: Google [Bot] and 1 guest

cron