YLE Colloquia Latina

de auctoribus Romanis
--------------------------------------------------------------------------------
Nuntium misit: Mercurius Hungaricus | 11.07.2003 - 15:00 | |
--------------------------------------------------------------------------------
Quis auctorum Romanorum antiquorum vobis carissimus?


RE: de auctoribus Romanis
--------------------------------------------------------------------------------
Nuntium misit: Anonymum | 12.07.2003 - 18:29 | 1 | |
--------------------------------------------------------------------------------
Lectori salutem!


RE: de auctoribus Romanis
--------------------------------------------------------------------------------
Nuntium misit: Markus Stachon | 13.07.2003 - 16:57 | 2 | |
--------------------------------------------------------------------------------
M. Stachonius Mercurio Hungarico s.p.d.

Ego Caesarem non bonum auctorem teneo, quamquam Magistri dicunt eum Ciceronemque optime scripsisse. Caesar imperator erat, non auctor. Libri sui modo sunt Comentarii. Qua de causa legere eos? Maius est discere politica hodierna. Cicero optimus orator erat, sed cum legi orationem in Catilinam et historiam de Catilina mihi Catilina carior erat, quod Cicero conservator morum maiorum erat non videns Senatum Populumque Romanum modo voluptatem senatus sequi. Hodie Cicero sit politicus dextrae fractionis. Ea causa non amo Ciceronem, sed lingua sua vere optima est.

Sed auctor mihi carissimus est Horatius, quod scripsit opera adhuc legenda cum sale. Etiam philosophiam tangit et amorem in carminibus suis.




RE: de auctoribus Romanis
--------------------------------------------------------------------------------
Nuntium misit: Markus Stachon | 13.07.2003 - 17:07 | 3 | |
--------------------------------------------------------------------------------
Et amo Maccium Plautum, sed comoedias suas numquam legi in lingua Latina, quod sal perditur interpretando. Cum legis comoedias in lingua materna vides, quod de salibus antiquis adhuc potes ridere.

Suas comoedias meliores quam eas Terentii teneo.


RE: de auctoribus Romanis
--------------------------------------------------------------------------------
Nuntium misit: Mercurius Hungaricus | 14.07.2003 - 02:14 | 4 | |
--------------------------------------------------------------------------------
o tempora, o mores!:)))


Mercurius Hungaricus Marco Stachoni s. d.



Caesarem et Tullium mehercle verbis nimium acerbis flagitabas, quod autem illos haud meruisse puto. Caius Iulius enim sua opera de bello Gallico civilique vere nonnisi commentarios aestimavit, quae quasi materiam praebitura essent auctoribus de illius gestis scribere volentibus. Aulus vero Hirtius, continuator commentariorum de bello Gallico haud inepte et - mecastor! - non sine sale de iisdem tradit: (Caes. Gall. VIII. prooem.) "Constat enim inter omnes nihil tam operose ab aliis esse perfectum, quod non horum elegantia commentariorum superetur: qui sunt editi, ne scientia tantarum rerum scriptoribus deesset, adeoque probantur omnium iudicio ut praerepta, non praebita, facultas scriptoribus videatur." Ecce! Tanti commentarii a Romanis aestimabantur! Nunc autem dices: Quid? Cur Romani, et cur magistri mei eum scriptorem bonum, immo optimum censeant? Videamus, quid Hirtius scripserit: "Erat autem in Caesare cum facultas atque elegantia summa scribendi, tum verissima scientia suorum consiliorum explicandorum." Scientia suorum consiliorum explicandorum! Quam scientiam (nunc "propaganda" vocatam) Caesar vere callebat. Illius ergo opera (quae saepe molesta haudque varia esse nec ipse negaverim) etsi vitiis non careant, tamen magnifica et laudatione digna a posteritate habenda.

Tullium mihi carissimum alius defendat; quamquam eum defendere haud opus esse puto.



Vale



MH



RE: de auctoribus Romanis
--------------------------------------------------------------------------------
Nuntium misit: Cristianus Iulius | 14.07.2003 - 05:26 | 5 | |
--------------------------------------------------------------------------------
Cristianus Iulius Marco Stachonio ac Mercurio Hungarico s.p.d.

Legi nuperrime vestros nuntios. Mirabile lectu! Certe perficisti linguam latinam atque ostendisti magnam sapientiam de auctoribus romanis antiquis. Censeo tamen rem difficilimam esse auctores nominare genere ablato. Meritis suis Cicero Caesarque magni fuere: alterum de bellis suis, alterum de artibus oratoriis et philosophia scripsit. Optimi poetae mihi videntur Vergilius et Horatius, sed et Catullus et Ovidius et Tibulus non possunt ignorari. Titum Livium aestimo maximum narratorem historiae romanae, Sallustium profundissimum, Tacitum sapientissimum. Illis auctoribus dictis, solum paucas stellas vasto coelo nominavi. Possem prosequi quasi ad infinitum: Plautus, Lucanus, Marcus Valerius Martialis (pulcherrima epigrammata!), Seneca, Publilius Syro....Mercurie amice! Potebasne quaestionem facilioram ponere? Optare auctores romanos aut latinos mihi carissimos verum judicium Paridis est. Valete!


RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 14.07.2003 - 11:54 | 6 | |
--------------------------------------------------------------------------------
Ehem! Me Eri similem esse putas, quae malo aureo "pulcherrimae" inscripto deabus illis tribus interjecto rixas muliebres excitavisse traditur? Procul absit!:)


RE: de auctoribus Romanis
--------------------------------------------------------------------------------
Nuntium misit: Natalie Brown | 14.07.2003 - 13:41 | 7 | |
--------------------------------------------------------------------------------
in ludo Britannico studemus. putamus auctorem unam modo nominari posse - Vergilium nempe nominamus! nobis Vergilius carissimus est quod descriptiones vividas et fabulam pulcherrimam Didonis scripsit.


RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 14.07.2003 - 15:53 | 8 | |
--------------------------------------------------------------------------------
Mercurius Nataliae suisque amicis s. p. d.


Sententiam vestram vehementer probo; Vergilium enim poetarum antiquorum clarissimum illustrissimumque esse haud quisque inficias iverit; cuius opus immortale, scilicet Aeneis cum in tempore antiquo a Romanis magni habebatur, tum in aevo medio plurimum legebatur, saepeque a scriptoribus ecclesiasticis citabatur. Pro quo etiam Octaviano gratias hebere debemus: fertur enim Vergilium iam moribundum Aeneidem quasi imperfectam mendosamque - versibus pluribus nondum perfectis - totam in ignem coniecturum fuisse, nisi Caesar illud facinus terribile prohibuisset. Qui (sc. Caesar Augustus) etsi ob facta alia mihi minime probatus gratusve, saltem hoc beneficio se mihi excusavisse videtur. Recte memoravistis historiam Didonis, partem vere pulcherrimam expolitissimamque Aeneidis; ubi mihi autem mirum est Aenean non equidem quasi "insignem pietate virum" a Vergilio demonstrari, immo ignavum, languidum, virtute, fortitudineque omnino carentem. Quid de hoc sentiatis, scire velim.



Velete



MH



RE: de auctoribus Romanis
--------------------------------------------------------------------------------
Nuntium misit: Cristianus Iulius | 14.07.2003 - 19:51 | 9 | |
--------------------------------------------------------------------------------
Cristianus Iulius Mercurio Hungarico s.p.d.

Memento aureum malum non solum rixas muliebres excitavisse, sed etiam bellum troianum et dehinc Homericos memorabiles cantos, qui postea Vergilio Aeneidam inspirarent. Vide quomodo excitavisti tuipse doctos commentarios in hac area colloquiale cum una quaestione! Obiter dictum, miror tuam sapientiam de rebus classicis atque tuum dominium linguae latinae. In tua electrogrammata legendo videor aliquem auctorem latinum sapere, talem perfectionem adeptus es. Ex qua natione venis, Mercurie amice? Anne Pannonia, sicut suggerit cognomen tuum "Hungaricus"? Ubi didicisti linguam latinam? Esne magister in aliquo collegio? Egomet sum ex Argentina, terra Americana australe. Legi nuper tuum nuntium Nataliae. Non credis Aenean "insignem pietate virum" esse? Cur? Qua de causa? Mihi videtur ne Romani se putavissent filii illius si is virtutis fortitudinisque carens fuisset. Homerus ipse aestimavit Aenean magnum virum cum de eo scripseret in Iliade. Optima vale!


RE: de auctoribus Romanis
--------------------------------------------------------------------------------
Nuntium misit: Tiberis | 15.07.2003 - 01:38 | 10 | |
--------------------------------------------------------------------------------
salve Mercuri.

quaeris, quis auctorum antiquorum nobis carissimus sit. multo quidem facilius ad tuam quaestionem respondeamus, si a nobis non auctorem quendam sed opera quaesivisses.

ceterum multum interest, auctorem diligamus propter ea, quae scripserit, an propter eius artem sive modum scribendi . nam Ciceronis scientiam dicendi,Sallustii brevitatem,gravitatem Taciti,quis est, quin admiretur?tamen Ciceronem lectores saepe fatigare,Tacitum res Romanas nonnumquam distorsisse puto.

cum tuo iudicio,quatenus ad Vergilium Aeneamque attinet, plane consentio. nam Vergilium excellentissimum linguae Latinae poetam fuisse quis potest negare ? non est mirum,quod usque ad nostra tempora summo in honore erat, non est mirum,quod institutio Latina per saecula a prima eius ecloga exordiebatur.

Aeneas, cuius ignaviam merito vituperas, miro quodam modo exsanguis videtur: quantum distat ab Ulixe aliisque heroibus! ne forma quidem vultusque eius satis perspicua sunt, si bene memini.

egoquidem suspicor ita Vergilium eum finxisse,ut qui nonnisi consilia divinae providentiae exsequeretur.

vale.


RE: de auctoribus Romanis
--------------------------------------------------------------------------------
Nuntium misit: Anonymum | 15.07.2003 - 02:42 | 11 | |
--------------------------------------------------------------------------------
Mercurius omnibus s. p. d.


ignoscite mihi, sodales, si Musa parum eleganti usus fuerim; ab amicis enim meis invitatus neque invitus:) in tavernam quandam decessi, quasi Avernum, quo facilem esse descensum rectissime ille Maro scripsit... (sed pedem referre.. ahh..hoc labor...))



Iuli mi carissime,

Quam pulcherrima cum figura vere Vergiliana tuas litteras coepisti! Mihi enim dubium non est versum hunc et tibi notum esse:



Tu regere imperio populos, Romane, memento... (Aen. VI.)



Ceteroquin tua verba mihi gratissime cecidisse scito, meum stylum autem tali laudatione minime dignum esse crediderim, neque tuam rationem dicendi talem esse, ut eius te pudendum esset. Equidem Hungaricus sive Pannonicus natione sum, magisterque linguae Latinae, quam in collegio, atque in universitate doceo. Quoad Aenean, equidem Aenean ipsum ignavum virtutibusque carentem non scripsi, cum nescio, qualis ille fuerit; tantum memoravi in carmine IV illum a Marone non quasi herum fortissimum, sed - ut Tiberis dixit - numinibus deorum omnimodo oboedire volentem describi.



Carissime Tiberis,



fortasse Octavianus - qui quamvis sua facta caelare atque excusare contenderet, tamen tyrannus fuit - Romanos fieri volebat quasi Aenean: scilicet ut omni tempore Iovis (!!) imperiis se adaptarent, familiam, amicosve suos nihili haberent....

De ceteris cras fusius... sed quid de mea opinione ad Aenan attinenti putes, scribe ad me.



Valete



HM



RE: de auctoribus Romanis
--------------------------------------------------------------------------------
Nuntium misit: Erkki Palmen | 15.07.2003 - 11:52 | 12 | |
--------------------------------------------------------------------------------
Ericus Palmén Marco Stachonio necnon ceteris participibus huius colloquii s.p.d.

In scriptoribus Romanis aestimandis duas semper res inter se distingui oportet: quatenus de litteris Romanis bene meriti sint et quanti ipsi homines aestimandi. Equidem Caesaris Commentarios haud iniuria a Cicerone ob simplex quoddam genus dicendi laudari censeo, quod nihil sit "in historia pura et illustri brevitate dulcius". Cupiditas autem potestatis, cuius testimonia sunt complura dicta memorabilia Caesari attributa (e.g. "Ego hic primus quam Romae secundus esse malim", "Iacta est alea!", "Veni, vidi, vici"), certe multimodis in dubium vocari potest. Ciceronis orationes, etsi magnifica sunt specimina artis rhetoricae Romanae, tamen passim ostendunt, quanto ipse amore sui laboraverit; quo fit, ut ego philosophica opera eius (e.g. 'De senectute', 'De amicitia', 'De officiis') pluris aestimem. Ex operibus Sallustii et Livii clare elucet historiam esse magistram vitae. Dixisti, Marce, Catilinam tibi cariorem esse (quam Ciceronem). Ego usque ad certum finem intellego, cur Catilinam sic egerit, ut egit; sine dubio enim memor erat e.g. Gracchorum fratrum et C.Marii, quibus antea non contigerat, ut lenius agendo rem publicam Romanam renovarent. At armis - praesertim bello civili suscitando - constat problemata socialia nequaquam solvi, sed ingravescere. Si historiam Romanam ad nostrum tertium millennium referre velimus, nonne iure verbis Livii (Ab urbe condita 22,51,4) paululum retractatis hodie ita exclamare possimus: "Vincere scis, Georgi Frutex; victoria uti nescis!"? Valete!


RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 15.07.2003 - 14:43 | 13 | |
--------------------------------------------------------------------------------
Mercurius Erico omnibusque s. p. d.


Scripsisti, Erice, in scriptoribus Romanis aestimandis duas semper res inter se distingui oportere: scilicet quod quatenus de litteris Romanis bene meriti sint et quanti ipsi homines aestimandi. Cuius vero sententiae et a me probatae in epistola tua oblitum esse mihi videris, cum dixeris orationes Tullii ob indicia clarissima cupidinis gloriae superbiaeque viliores esse, quam illius opera philosopicha. Quod autem an verum sit, affirmare haud ausim; constat enim Tullium, etsi diversas sectas philosophiae (e. g. stoicam, neo-platonicam etc.)luculente demonstravisset, tamen parum novi iis addidisse; in arte autem oratoriae - quae in antiquitate doctrina habebatur - merito maximum neminique postponendum haud dubium est. Tiberis dixit "Ciceronem lectores sape fatigare". Quoad me attinet, libenter orationes eius in manus sumo, maximaque cum voluptate argumenta a se enumerata, quae callida saleque plena sunt, aut figuras diversas rethoricas lego, praecipue quae in orationibus in Verrem occurrunt. Stylus enim Ciceronis minime molestus, immo fortis, rapidus, subtilis, inflammans atque faecundus; nihil est, quod in eo desiderari possit.



Valete.



MH



RE: de auctoribus Romanis
--------------------------------------------------------------------------------
Nuntium misit: Erkki Palmen | 15.07.2003 - 23:18 | 14 | |
--------------------------------------------------------------------------------
Ericus Mercurio s.p.d.

Care Mercuri, non ego oblitus sum eius rei, cuius mentionem fecisti; dicere tantum volui orationes Ciceronis, quamquam passim ostendunt eum maximo sui amore laboravisse, tamen magnifica specimina esse artis rhetoricae Romanae. Scito me quoque, licet in vitiis Ciceronis non coniveam, "figuras eius rhetoricas" valde admirari atque orationes eius in Verrem summa cum voluptate legisse. Quod ad opera philosophica eius attinet, vere mones eum haud multum novi ad ea addidisse, quae philosophi Graeci iam dixissent; sed non minoris id habeo, quod Romana indole praeditus res philosophicas saepe difficiles intellectu suis civibus dilucide explicuit ac velut propius ad vitam cotidianam attulit. Huius rei bonum exemplum est opus 'Cato Maior de senectute' inscriptum. Equidem, quo magis aetate consumor, eo pluris aestimare disco cogitationes a Cicerone per Catonem in hoc opere expressas: ne senectutem quidem (dummodo satis supersit valetudinis) necessario esse rem tristem et miseram, sed peculiaria gaudia praebere; molestias eius non quidem omnino vitari, sed rationaliter vivendo aliquantum leniri et in posterum differri posse. Vale!


RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 17.07.2003 - 15:15 | 15 | |
--------------------------------------------------------------------------------
M. Erico s. p. d.


Erice mi carissime, compara quaeso has duas sententias a te scriptas:



"Ciceronis orationes, etsi magnifica sunt specimina artis rhetoricae Romanae, tamen passim ostendunt, quanto ipse amore sui laboraverit; quo fit, ut ego philosophica opera eius (e.g. 'De senectute', 'De amicitia', 'De officiis') pluris aestimem." (15.07.)



"...dicere tantum volui orationes Ciceronis, quamquam passim ostendunt eum maximo sui amore laboravisse, tamen magnifica specimina esse artis rhetoricae Romanae."



Nonne eae inter se aliquantulum discrepant, non eandem opinionem affirmantes?

Sed hoc nil refert; immo gaudeo, quod elegantissime pulcherrimeque me edocueris, cur tibi illud opus Tulii tam gratissimum esset; qua re permotus partem brevem de illo assumptam huc asseram:



"Ita enim senectus honesta est, si se ipsa defendit, si ius suum retinet, si nemini emancipata est, si usque ad ultimum spiritum dominatur in suos. Ut enim adulescentem in quo est senile aliquid, sic senem in quo est aliquid adulescentis probo; quod qui sequitur, corpore senex esse poterit, animo numquam erit." (Cic. Sen. 36.)



Optime vale.



MH



RE: de auctoribus Romanis
--------------------------------------------------------------------------------
Nuntium misit: Erkki Palmen | 17.07.2003 - 20:11 | 16 | |
--------------------------------------------------------------------------------
Ericus Mercurio s.p.d.

Discrepantia, quam animadvertis, non tanta est, quantam eam interpretaris. Libenter quidem concedo me id, quod initio in enuntiato secundario dixeram, postea in primarium enuntiatum transtulisse (scilicet 'artem rhetoricam Ciceronis laude dignam esse'); iam hoc quandam dissimilitudinis speciem efficit. In eo certe ambo consentimus, ne optima quidem opera ullius auctoris nos tanti aestimare debere, ut in vitiis eius humanis, si quae invenerimus, omnino coniveamus, itemque dedecere vitiis humanis alicuius auctoris impelli, ut opera eius aequo minoris aestimemus. Locus, quem e Catone Maiore prompsisti, vere aptus est, qui examinetur; nonne enim gratum est videre "adulescentem, in quo est senile aliquid" ( = aliquid senis sapientis simile), pariterque "senem, in quo est aliquid adulescentis" (= aliquid iuvenilis ardoris et alacritatis)? Optime valeto!


RE: de auctoribus Romanis
--------------------------------------------------------------------------------
Nuntium misit: Elpizon | 20.07.2003 - 17:36 | 17 | |
--------------------------------------------------------------------------------
Elpizon Marko Stachoni s.d.p.


Cur discere politica hodierna existimas maius quam ea mala sceleraque quae temporibus C. Caesaris comissa sint cognoscere? Quod factum est, fit. Multum mea sententia interest nostri temporis, i. e. Berlusconiorum vel Bushonis, causas ruinae rei publicae Romanae commemorare, ut eas cum rebus politicis hodiernis comparare possimus.



Cicerone, viro bono, cur mehercule Catilinam meliorem esse hominem etiam vis videri, virum adulterum et parricidum? Potesne putare esse bonum luxuria atque avaritia abundare premique aere alieno, ut facinora facienda sint? Nos iisdem malis laboramus, fortasse interibimus. Ubi Ciceroniani sint, qui id vituperare neque cunctentur neque vereantur?



s.v.b.e.e.q.v.



p.s.: indulgentiam vestram, legentes, quaero, cum meas cogitationes ad thema non aptissime composuerim.



RE: de auctoribus Romanis
--------------------------------------------------------------------------------
Nuntium misit: Tacita M. | 21.07.2003 - 16:52 | 18 | |
--------------------------------------------------------------------------------
Miror, cur in hac pagina Ovidius non nominetur, qui omnium poetarum Romanorum carissimus mihi semper fuit est eritque. Num vobis parum ad "rem publicam restituendam" vel ad "mores maiorum revocandos" paratum videtur? Mihi quidem placent carmina eius, in quibus eleganter et summo ingenio verbis rebus imaginibus ludit et "arma virumque canere" repudiat.


RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 23.07.2003 - 10:12 | 19 | |
--------------------------------------------------------------------------------
Mercurius Hungaricus Tacitae salutem.


Recte admonuisti, carissima Tacita, Nasonem illum a serie illustrissimorum scriptorum poetarumve Romanorum haud esse excludendum; cuius carmina etsi lasciva, tamen verborum faecunditate, versuum pulchritudine, styli denique subtilitate dulcissima; qua re fit, ut et mihi gratus et acceptus sit. Qui non solum poeta illustris, sed etiam martyrus tyrannidis Octaviani fuit: a Caesare nempe exsilii damnatus est, quod pacem Augustam et novam aetatem auream - certe falsam - laudare haud potuit eique se adaptare nolebat.

Audivi autem quendam philologum declarasse Nasonem numquam ivisse exsulatum, nec in Tomis habitasse, sed totum exsilium ab eo fictum, fortasse quod ei hoc thema placuisset. Quid de hoc sentias, scire velim.

Vale.



RE: de auctoribus Romanis
--------------------------------------------------------------------------------
Nuntium misit: Tiberis ® | 24.07.2003 - 02:39 | 20 | |
--------------------------------------------------------------------------------
Tiberis Mercurio s.d.

care Mercuri,

coniectationem eius philologi,de quo mentionem fecisti, non veri similem existimandam esse censeo, nisi forte is gravia sententiae suae argumenta praebuerit.nam Ovidium relegationem suam quasi finxisse res quidem absurdior est, quam ut credatur.cur id faceret ? Ovidium Romae habitare pergentem ,praesertim cum libentissime in medio versaretur, quis credidisset quasi civem relegatum in litore Ponti vivere ? praeterea multum differt inter sermonem poetae docti , qui Fastos scripserit, et Ovidium exsulem ut fontibus, e quibus hauriret, carentem. num dubitare potest, quin ,si potuisset, Fastos perfecturus fuerit ? quapropter minime illam sententiam probare possum.de qua quid tu sentis, o Mercuri ?


RE: de auctoribus Romanis
--------------------------------------------------------------------------------
Nuntium misit: Tacita M. | 24.07.2003 - 12:30 | 21 | |
--------------------------------------------------------------------------------
Tacita Mercurio et Tiberi s.s.p.d.

Plane consentior tecum, Tiberis, quamvis mihi ipsi iam pridem in mentem venerit fieri posse, ut Ovidius exilium sibi finxerit. Molesta nonnumquam, saepe nimis simplex, plerumque omnino falsa mihi videtur ista interpretatio multorum collegarum litteras Latinas docentium, qui vera ac ficta diiudicare nesciant.. Non semper, vero rarissime auctores idem sunt atque "personae" in operibus suis loquentes. Non fuit Ovidius in vita sua, quam vixit, praeceptor amoris, sed scripsit opus regulis- ut ita dicam - quibusdam oboediens, in quo tamquam magister artis "in scaenam prodit". Et nihil interest - ut aliud exemplum afferam - utrum Catulli Lesbia realiter Clodia nominetur vel soror fuerit istius plebis tribuni necne.

Tamen vix credibile mihi videtur Ovidium - Caesare Augusto vivo et adhuc imperante!!! - talem dissensionem coram publico finxisse seque tales poenas dare simulavisse. Sed iuventutis scholasticae erit hanc quaestionem experiri... Valete!

P.S. Nonne hoc in colloquio nos ipsi, qui poetae profecto dici non possumus, quodam modo personis utimur, "per" quas in interrete "sonare" temptamus et quibus imagines certae nostri ipsius exprimantur, quales nos fingamus?


RE: de auctoribus Romanis
--------------------------------------------------------------------------------
Nuntium misit: Robertus Coquus | 26.07.2003 - 00:27 | 22 | |
--------------------------------------------------------------------------------
nunc librum III Carminium Q. Horati Flacci lego, et eum bonum puto esse. quamquam quaedem ex carminibus nimium de re publica videntur esse, tamen sequentes poemae de amore valde compensant. optimum ex Libro III est carmen XIII, quod pulcherrimum est. tamen, interdum tantum me legendi taedet ut arborem in capitem Horati velim cecidisse!


Carmina Horati, splendidior vitro.



RE: de auctoribus Romanis
--------------------------------------------------------------------------------
Nuntium misit: Herimannus | 27.07.2003 - 01:53 | 23 | |
--------------------------------------------------------------------------------
Mihi Catullus carissimus, cuius libellum mihi puero avunculus olim dono dedit: postero die eundem libellum librario iratus restituit, quod nimis turpia verba in ipso pater meus forte invenerat! Catulli carmina mihi sicut adolescentuli verba videbantur, immoderato amore et nimio dolore affecta.

Et Vergilium amavi atque Horatium, hunc propter personarum huminitatem, alterum propter versus politos. Nemo tamen obliviscatur deformis obsequii quod Augustea dominatio in annos magis magisque imposuit: etiam maximi poetae se principis laudibus ultra modum dediderunt.




RE: de auctoribus Romanis
--------------------------------------------------------------------------------
Nuntium misit: Stephanus Evans | 27.07.2003 - 18:28 | 24 | |
--------------------------------------------------------------------------------
Stephanus Cnossiensis omnibus salutem!

Nemo de Propertio scripsi. Mihi autem Propertii carmina placent, quod de ira, amore, vita, cibo, vino, auctoribis Graecis scripsi. Mihi et Vergilii, Horati, Catulli carmina cara sunt, neque nego Homeri carmina, de auctoribus Graecis, dulcissima esse.


RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 28.07.2003 - 10:29 | 25 | |
--------------------------------------------------------------------------------
Mercurius Hungaricus Herimanno s. d.


Professor meus olim dixit Catullum iuvenibus, Flaccum senibus placere. Quod certe non semper verum: carmen enim IX. libri tertii odarum Horatii, quod "altercatio cum Lydia" appelari solet, tam dulce amoreque plenum, ut nemo iuvenum reperiri posset, cui displiceret.

Vale.



MH





RE: de auctoribus Romanis
--------------------------------------------------------------------------------
Nuntium misit: Herimannus | 03.08.2003 - 19:37 | 26 | |
--------------------------------------------------------------------------------
Herimannus Mercurio Hungarico sal. d.


Tibi maximas gratias ago, quod Horatii nonum carmen de tertio libro facultatem iterum legendi dedisti; quod carmen tam vehemeter amavi ut memoriae id mandaverim. Nunc nonum carmen pronuntiare nequeo, sed nonnunquam, cum olim amatam puellam forte vidissem, mihi rediit in mentem illud: "quid si prisca redit Venus?".



Tamen carmina Horatii nimis perfecta, velut regiae domus ludi, mihi videntur. Etiam hoc nonum carmen, animi affectuum dives, personis alternas aequales strophas attribuit, nimio artificio utens, exempli gratia:



"Donec gratus eram tibi ... donec non alia magis arsisti..."

"Persarum vigui rege beatior ... Romana vigui clarior Ilia...".



Quanto fortius Catullus:



"Dicebas quondam solum te nosse Catullum

Lesbia nec prae me velle tenere Iovem" (LXXII)!



ubi poenam deserti amantis invenio, et desiderium quod totam vitam arripit et perturbat ("nosse", valde vehementius quam "gratus eram tibi"); etiam hyperbole ("tenere Iovem") magnitudinem ultra cogitationem effingit.



Propter haec, mihi gratior Catullus.



RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 05.08.2003 - 14:56 | 27 | |
--------------------------------------------------------------------------------
Mercurius Herimanno salutem.

Herimanne mi carissime, luculentissime et pulcherrime nobis explicavisti, cur tibi Catullus Horatio gratior; recte porro hunc reprehendebas nimiae vanaeque subtilitatis accusando. Catulli autem carmina mihi saepe nimium simplicia, rudia, verbisque parum ornata videntur, ut carmen VIII. ubi se ipsum alloquitur (Quod incipt "Miser Catulle...) Quod carmen mihi legenti sine elegantia sollertiaque compositum, quasi a quodam agresti homine amanti decantatum apparet. Quid de hoc sentiatis, scire velim.




RE: de auctoribus Romanis
--------------------------------------------------------------------------------
Nuntium misit: Tiberis ® | 05.08.2003 - 17:21 | 28 | |
--------------------------------------------------------------------------------
Tiberis Mercurio s.d.

care Mercuri,

puto nobis cavendum esse, ne nimia severitate vel potius morositate teneamur in carminibus auctorum antiquorum aestimandis, ne similes magistri Beckmesser fiamus a Richardo Wagner tam luculente ficti. quid in Catulli carmine octavo rudis sive agrestis hominis sit, non possum cognoscere.quod quaeso mihi enodes.ceterum spero fore,ut non nimis rudis atque agrestis tibi videar,praesertim cum id ipsum carmen magni aestimem.

vale.


RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 06.08.2003 - 10:34 | 29 | |
--------------------------------------------------------------------------------
Mercurius Tiberi salutem.


Equidem me heri nimium severum fuisse fateor; meosque sermones haud dubie Catullus unius assis aestimavisset:)) In his autem versibus "cum ventitabas, quo puella ducebat" aut "quod tu volebas, nec puella nolebat" aut "iam illa non vult, tu quoque impotens noli" (tot "volo"!) nihil poetici, nihil diserti esse putaverim; immo quasi iuvenis amore flagrans, parum autem eruditus eos scripsisset. Qua re fit, ut nonnisi novitate rerum ille laudari posse mihi videatur.

Vale.



RE: de auctoribus Romanis
--------------------------------------------------------------------------------
Nuntium misit: Herimannus | 07.08.2003 - 23:53 | 30 | |
--------------------------------------------------------------------------------
Herimannus Mercurio et Tiberio et omnibus huius colloquii

lectoribus s. d.

Nimium me opprimit his torridis diebus labor: quamquam libenter opiniones vestras legam, die Dominico opinionem meam referam. Valete.


RE: de auctoribus Romanis
--------------------------------------------------------------------------------
Nuntium misit: Herimannus | 11.08.2003 - 01:08 | 31 | |
--------------------------------------------------------------------------------
Herimannus Mercurio s. p. d.


Cum Tiberio consentio te nimis severum de Catulli carmine octavo scripsisse. In undeviginti versibus viva narratio enuntiatur: dulcis memoria ("fulsere quondam candidi tibi soles...") et extrema salutatio ("vale puella...") duae partes carminis costituunt, quas praecedit et sequitur quibusque interponitur iteratum consilium (velut "refrain") sibi conversum:



"desinas ineptire", "tu quoque impotens noli", "at tu Catulle destinatus obdura".



Negare ausim rudem vel neglectam talem carminis structuram. Sed parum poësi dignos Mercurius meus putat octavi carminis versus. Sine dubio in eo cotidianae locutiones abundant, exempli gratia:



"ventitabas", "nulla" (loco "minime"), "bella"



et cacophoniae, sicut:



"perisse perditum", “quem basiabis? cui labella mordebis?â€

de auctoribus Romanis
--------------------------------------------------------------------------------
Nuntium misit: Mercurius Hungaricus ® | 22.08.2003 - 11:49 | 46 | |
--------------------------------------------------------------------------------
Mercurius Erico Palmeno (viro tamen declinabili:) salutem.


Gratias maximas pro tuis litteris, ubi meis sententiis perlustratis nonnulla argumenta adprobasti, plura tamen summa cum eloquentia acieque refutasti. Ac mecastor iamiam tibi concedere in hac re mihi videar, nisi verbum istud "partem" animo meo identidem recurreret.

Videamus iterum, quid uterque annuamus. Verbum "peto" in hoc casu tres significationes habere potest:

pro primo: "capere", "accipere" "parare" (vide Tibullum)

pro secundo: "adoriri", "invadere" "venari" (?) (vide Ovidium)

pro tertio: "postulare", "flagitare", "exigere" id est "petere" ) (quod ego et philologi ceteri, ut et philologus Hungaricus, Stephanus Borzsák, asserimus)



Quoad primum: in versu isto "praeda petenda" non equidem quandam venationem significat, Tibullus enim tantum suadet furibus lupisque, ut praedam e magno grege sibi comparent sive capiant. (non autem captent aut venentur!)

Quoad secundum: certe hoc casu verbum "peto" vere quiddam invadendi aut adoriendi significat, sed non iustam venationem, tantum quendam fortuitum ac repentinum impetum!! Verbum "peto" enim in primis actionem eundi, ex uno loco ad alium movendi exprimit.



Quamobrem mihi persuasum est verbo "peto" in lingua Latina haud sensum "venari" significari posse, ac si Tacitus id, quod tu affirmas, scribere voluisset, verbis aliis usurum fuisse (fortasse "magnamque partem ferarum capiunt")

Multo convenientior sensus tertius mihi videtur: haec verba enim "partem praedae petere" mihi intellectu facilia ac plana fuerunt (nisi tuis rationibus conturbatus fuissem:)), statimque putavi enim feminas illas petere, ut pars praedae sibi redderetur, cum illae venatores comitatae essent venationisque participes fuissent. Si enim tantum verba "partem petere" contemplamur, nonne illa nihil aliud, quam "partem postulare" sibi velle et ipse fateris? Mihi enim etiamnunc non liquet, cur expressionem "praedam petere" in operibus antiquis scrutatus eris, cum in texto mehercle non ea verba reperiantur, sed "partem praedae petere", inter quas proh Iuppiter maximum discrimen esse crediderim. Quoad locos a te novissime memoratos, illos non magni momenti esse puto, quod idem iterantur, ac quod Tacitus scripsit.

Ignosce mihi verba acerba, ac Musam meam nimium rudem ac agrestem. Vale.



RE: de auctoribus Romanis
--------------------------------------------------------------------------------
Nuntium misit: Erkki Palmen | 22.08.2003 - 23:53 | 47 | |
--------------------------------------------------------------------------------


Ericus Palmén Mercurio Hungarico s.p.d.

Nihil est, cur a me veniam petas aut Musam tuam “nimium rudem ac agrestemâ€

de auctoribus Romanis
--------------------------------------------------------------------------------
Nuntium misit: Marcus Fregnacciandus | 20.11.2003 - 19:52 | 87 | |
--------------------------------------------------------------------------------
Marcus Fregnacciandus severioribus viris, qui epigrammata sua contempserunt, salutem dicit.


Severissimi viri, puto non recte vos aestimasse nuntium meum de poetica epigrammatica.

Si obscenis verbis dicendis delectatus essem, reprehensio vestra iustissima necnon opportuna quidem esset: nam risu inepto res ineptior nulla est.

Conatus sum exempla maximorum poetarum imitari et si mihi gratissimi sunt Catullus et Martialis cum omnibis aliis qui obscenis verbis usi sunt atque de turpibus amoribus tractarunt, vobis non solum propter hoc vituperandus sum.

Si carmina mea, severissimi viri, vobis non placuerunt, bene est, dicite et mihi demonstrate causas. Si rustica aut plena inficetiarum vobis visa sunt, iterum bene est, hoc dicite et contenti sitis.

At si me obiurgatis quod vulgaribus ac turpibus verbis usus sum, hoc autem non bene est, quia tantum demonstratis vos parvi ingenii esse et ineptos.

Latina poesis (et Graeca) non solum est illa quae dicit de Lesbia, Aenea et aliis Horatianis nugis. Magis gaudeo in carminibus Catulli legendis, quae plena sunt vulgarium verborum, quam de Lesbia et Sirmione. Cur? Ea veriora sentio et propinquissima naturae meae. Turpissimus homo sum, verum est, sed hoc modo cognoscere possum totum Catullum: vobis, qui spernitis vulgaria carmina, dimidiatus Catullus solum apparet et fingitis eum esse verum et totum. Ipocritae!!!

Debeo interfici si semper anteposui obscena verba castis carminibus? Casta non semper vera sunt, saepissime castigata.

Si damnandus sum propter hoc, damnate igitur, sed non aequi homines mihi videmini, immo stultissimi ac stultissime pudibundi et si similis puero quinque annorum sum, vos autem Catones redivivi mihi videmini.

At si vos offendi in vestra christiana religione, quia catholicis presbyteris nimio maledixi, nullam veniam peto a vobis. Ecclesia romana omni merda merdosior est.

Nihil habeo contra vos: non amo vero ipocritas et qui fingunt scandala ubi non sunt.

Omnia munda mundis.



Valete!



RE: de auctoribus Romanis
--------------------------------------------------------------------------------
Nuntium misit: Marcus Favonius ® | 20.11.2003 - 23:11 | 88 | |
--------------------------------------------------------------------------------
M. Favonius Marco epigrammatario sal.

Paucis sententiam absolvam tuumque erit diiudicare, utrum vera ea sit necne. Quid ergo? Neque „turpissimus esse homo“ neque „damnandus“ mihi videris neque in sacerdotes quosdam catholicos acriter invectus Christianam religionem offendisti. Nam „omnia“, ut ais, „munda mundis“. Veritatis studio adductus, contumeliis exacerbatus iraque incensus eos omnes detestaris, qui, quae non sunt, odiose simulant. Equidem nescio qua iniuria adeo te vehementer violatum esse puto, ut utendum tibi esse verbis censeas asperis, mordacibus obscenisque, quibus pravos mores insectatus cum maleficia notes, tum praecipue animi dolorem superes. Vale.




RE: de auctoribus Romanis
--------------------------------------------------------------------------------
Nuntium misit: Oscarius Fabricius | 21.11.2003 - 00:04 | 89 | |
--------------------------------------------------------------------------------
Carissimus mihi auctorum antiquorum est Gaius Cornelius Gallus, cuius versus, amore Lycoris eius infusi, adhuc potentiam et pulchritudinem retinent. Haud mirabile est quod tot libri poetae tam callidi et suavis superstant. Fortasse tantum Ciceronis versus versibus Galli suaviores diceri possunt. O fortunati nos qui hos legere possumus!


RE: de auctoribus Romanis
--------------------------------------------------------------------------------
Nuntium misit: Simplicius | 21.11.2003 - 00:38 | 90 | |
--------------------------------------------------------------------------------
Simplicius Marco Grillo s.d.

Quae scandala? Aliae sunt res quae turbare nos debent. Opinor autem sales (et acetum Italum), sine quibus vita nihil sapiat, cum nimis spargantur, fastidire. Verum est lepida esse in Catullo carmina quoque "obscaena", sed Catullus plus quam dimidiatus esset si ei subtraheres Lesbiam Sirmionemque. Vale.


RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 21.11.2003 - 11:28 | 91 | |
--------------------------------------------------------------------------------
Mercurius Marculo Fregnacciando nebuloni:) s. d.


relege quaeso meum nuncium LXXXV., ubi clare ostendi me verbis obscenis haud irritari, nisi poetae iis temere ac infacete utantur. Non sumus ergo ipocritae, solum tu vis nos ut "senes nimium severiores" demonstrare, ut nos nimiae pudicitiae criminando quasi defensor libertatis poeticae glorieris. Si autem in praefato nuncio meis verbis te offenderim, nunc ecce veniam a te peto. Vale. Ex Pann. Inf. d. XI. Kal. Dec.



RE: de auctoribus Romanis
--------------------------------------------------------------------------------
Nuntium misit: Mercurius Hungaricus ® | 21.11.2003 - 11:38 | 92 | |
--------------------------------------------------------------------------------
Mercurius Oscario s. d.


gratias pro tuis litteris. In maximam controversiam incidisti, ubi unus equidem martyrus esse vult, alter autem inquisitor esse non vult:)))); sed procul sit, ut tuum nuncium negligamus. Rogo ergo a te, ut carmina Cornelii illius Galli tibi carissima huc inseras, fateor enim illa mihi haud nota esse. Vale. Datum ut supra.



RE: de auctoribus Romanis
--------------------------------------------------------------------------------
Nuntium misit: Marcus Fregnaccinadus | 22.11.2003 - 10:37 | 93 | |
--------------------------------------------------------------------------------
Marcus Fregnacciandus omnibus, qui in hac docta disputatione delectantur, salutem.


Colendissimi viri, quod solum esse clarum volui, id est: non oportere in Catullo legendo fingere vera poesin eam quae de Lesbia tractat, illam autem de mentulis et cinaedis non veri Catulli, vel, peius, minoris Catulli esse. Ista vero non vis, sed funestissimus hipocritarum habitus est!!

Non est disputandum utrum meliora sint carmina de Lesbia an de pathicis moechisque: unicuique suum; sed fingere verum Catullum solum dicentem de Lesbia non est sapientis.

Spero vos offensos non esse verbis carminibusque meis: ut clarum vobis sit me scribere etiam gravia epigrammata (ut Catullus fecit), velim audiatis hoc novissimum de Schopenhauerianis meditationibus:



OMNIA QUAE VIDEO ROBIGINE PULCHRA VORANTUR:

TEMPUS PYRAMIDES CONTERIT ADSIDUE.



ROMA FUIT, FUIT ALMA PARENS DIVOMQUE HOMINUMQUE:

NIL EST VITA HOMINUM, SUNT SIMULACRA HOMINES.



SIGNIFICATIO UBI EST? UBI SUNT DI? NIL REMANEBIT,

CUM SUPERAVERIMUS LIMINA LETIFERA.



Quid de hoc? placuitne vobis?

Vos exoro ut mihi referatis iudicia vestra, specialiter de metrica et lexico.

At cum sim multo complexus homo (cfr. catulli, Liber 112), relinquere vos non potero, nisi vobis praebuero etiam hoc de Papilo, socio meo, qui me corrigentem quaedam eius medievalia scripta, in quibus saepe "Sanctus" scriptum erat, saepius vero "Sactus", docuit magna cum iactantia iustum esse "Sanctus", quasi ne scirem quidem, post multos annos studiorum latinorum, sic illud scribendum esse!! Enim:



ME DOCUIT "SANCTUS" NON "SACTUS" VELLE LATINUM:



FELLANS PRESBYTEROS GRAMMATICEN DIDICIT.



Presbyteri non gratis malis verbis afficiuntur, sed semper peropportune, tam pessimi sunt.



Valete omnes!



Datum Phaleriae decimo die ante Kalendas Decembras.





RE: de auctoribus Romanis
--------------------------------------------------------------------------------
Nuntium misit: Herbetus | 22.11.2003 - 15:02 | 94 | |
--------------------------------------------------------------------------------
Herbetus Marco Fractocinaedo ceterisque sodalibus nimis urbanis s.d.


Sed nunc satis superque! Aut consule psychologum, aut eas abhinc in malam rem! Quod autem attinet ad poetas, qui in admiratione tua esse videntur, considera id, quod olim a Michaelo Angelo dictum sit:

"Horresco cogitatione stultorum, qui viam meam imitaturi sint". Vale et valete.





RE: de auctoribus Romanis
--------------------------------------------------------------------------------
Nuntium misit: Simplicius | 22.11.2003 - 17:49 | 95 | |
--------------------------------------------------------------------------------
Marco qui Fregnacciandus (et ei prosit) appellatur a semetipso Simplicius s.p.d.

Paucis absolvam: 1. Valens elegansque poeta interdum videris. 2. Si in carminibus cinaedi moechique tantum te iuvat invenire, mihi bene est: ut dicis, unicuique sua. 3. Tam inter presbyteros quam inter omnia genera hominum mali, pravi, stulti, spurci, boni, sacti (veniam peto... sancti), inveniuntur... omnes interdum lupi interdum di aliis sumus. De his rebus nunc sufficiat.

Non sum presbyter. Vale.




RE: de auctoribus Romanis
--------------------------------------------------------------------------------
Nuntium misit: Marcus Fregnacciandus | 23.11.2003 - 15:29 | 96 | |
--------------------------------------------------------------------------------
Marcus Fregnacciandus Herbeto superbissimo ac cinaedo necnon omnibus, qui verum amant, salutem.


Herbete carissime, pauca dicam:



Primum: non mihi, tibi autem psychologo utendum esse utile videtur.



Alterum: intellegere non possum qua de causa vulgarium carminum fastidiatis et semper pergatis ea nauci, illa vero vergiliana trita (ut culus tuus: confer Martialis, II, 51) et horatiana cocta plurimi habere. Nonne videtis nihil in Horatio sinceri esse, nihil veri? Hercle! melius, ut opinor, scurrilitas vehemens, sed candida, mera, ex imo pectore quam perfecta ars, excellentia verba, sed castigata, castrata, nimio ponderata.



Tertium: pergatis, quaeso, disputare de stracoctis auctoribus et flocci aestimetis has meas provocationes, quae solum id consequi temptarunt, ut aliquantulum piperis adderent in his gravioribus colloquiis.



Postremum: Herbete care, accipe (non in podicem tuum, ut soles) hoc novissimum epigramma, quod scripsi valde ira accensus contra te, qui non mihi visus es bene sanus esse. Ergo:



ME APPELLAS PATHICUM, PATHICUS CUM NON DUBIE SIS:

TE A ME PERCISUM NONNE, PUER, MEMOR ES?



Noli me odisse. Scripsi ut tibi cachinno esset.

Ridete igitur, si me aliquantulum amatis.



FINIS



Datum Phaleriae nono die ante Kalendas Decembras.



RE: de auctoribus Romanis
--------------------------------------------------------------------------------
Nuntium misit: Herbertus ® | 23.11.2003 - 16:25 | 97 | |
--------------------------------------------------------------------------------
Herbertus Marco Freganescioquid salutem


Nae tu facile irasceris, qui paratissimus sis ad stomachum aliorum movendum.Tamen, ego, quippe qui poeta non sim, etiamsi referre gratiam non possum, habere certe possum, quod mihi soli versus facere non dedignatus es. Quod mihi accipienti numquam antea accidit,

a alio quidem viro. Sic spes tua ad irritum cadit, nam cinaedus non sum. Optime valeto.





RE: de auctoribus Romanis
--------------------------------------------------------------------------------
Nuntium misit: Marcus Fregnacciandus | 25.11.2003 - 10:39 | 98 | |
--------------------------------------------------------------------------------
Marcus Fregnacciandus Herberto et omnibus, qui Catullum amant, salutem.


Herberte carissime, multo moderatiorem te inveni in nuntio tuo priore: sine ulla dubitatione tibi profuit epigrammatica curatio.

Iterum a me maximae laudes tribuendae sunt divo Catullo, qui solebat (Liber 12, 42) polliceri mordacissimos hendecasyllabos eis qui stamachum summ movebant. Magnifica est ista vis epigrammaticae poesis, quae metu obtrectationis prudentes facit eos qui nimis se gesserunt stulte. Num de Lycambe et eius filiabus, qui verberati Archilochi poetae iambis, mori maluerunt quam illas contumelias pati, te commoneam?

Nunc te docere de cognomine meo Fregnacciando, ne dicas, male salse, "Fregnanescioquid", volo. Excipitur e valentissimo Francisci Rabelasii opere "Gargantua et Pantagruelis" (liber I, caput XIV), cum dicitur de Gargantuae institutione et citatur notissimum "De modis significandi" cum Fregnacciandi et Billonii aliorumque commentis. Italiana lingua vero "Fregna" vulgariter utimur pro vulva vel vagina, at "Fregnaccia", fregnae forma peior, significat nugam, stultam rem, ineptias, e quo cogi potest Fregnacciandum esse qui saepe stultissimas et levissimas res dicit. De hoc cognomine glorior.

Vale et valete.



Datum Phaleriae die septimo ante Kalendas Decembras.



RE: de auctoribus Romanis
--------------------------------------------------------------------------------
Nuntium misit: Herbertus ® | 25.11.2003 - 12:47 | 99 | |
--------------------------------------------------------------------------------
Herbertus Freccnaciando ( ut vides, in dies moderatior fio) salutem


Confitear oportet me gratanter responsum abs te abstulisse. Quid enim? Sunt inter nos qui nuntio ab alio accepto ne minimum quidem responsum referant. Fortasse eos hypocrisis accusare aequumst, si alios vituperant. Tu autem, quamquam interdum nimio Lampsaciorum enthusiasmo correptus mihi videris, certe neminem aestimas indignum, cui epistulam rescribas. Quin immo saepenumero Helicon illum altissimum montem adscendis, pudicitiam nostram fictam vellicaturus. Tamquam medicus esse vis, qui nos hypocrisi exsolvit.

Sed haud scio an non nos exsolvi cupiamus. Quod quidem ad me pertinet nec medici nec poetae nec nesciocuius culi curatione indigeo,

nec operam dabo tua causa. Sed, cum Nasone: "Tamen est laudanda voluntas"; qua re ego vicissem tibi operam praebere velim carmine quidem alicuius Anonymi agendo:



"Matronae procul hinc abite castae:

Turpe est vos legere impudica verba.

Non assis faciunt euntque recta:

Nimirum sapiunt videntque magnam

Matronae quoque mentulam libenter".



Si vox mentulae commovit quosdam aut si quis eandem plane ferre non potest, relinquat hunc gregem et ad severiora se convertat. Vale et valete.







RE: de auctoribus Romanis
--------------------------------------------------------------------------------
Nuntium misit: Simplicius | 25.11.2003 - 20:02 | 100 | |
--------------------------------------------------------------------------------
Herberto Simplicius s.p.

Captum lepiditate vestrae altercationis (vid. tuae Fregnacciandique) me fefellit nuntium tuum (XCVI) mihi quoque - ut videtur - nimis urbano, missum. Urbanitas mea me cogit urbane veniam tibi petere; nihil tamen inveniebam in verbis tuis, praeter adscriptionem, quod ad meam nimiam urbanitatem referre possem. ) Vale.


RE: de auctoribus Romanis
--------------------------------------------------------------------------------
Nuntium misit: Marcus Fregnacciandus | 26.11.2003 - 09:51 | 101 | |
--------------------------------------------------------------------------------
Marcus Fregnacciandus Herberto viro neerladensi at urbanissimo salutem.


Amice care, nota bene, quaeso, quomodo cognomen meum scribatur!!!

Gratias tibi ago pro epigrammate tuo: salsum est et tam mordax quam mihi gratum.

Legistine alia epigrammata mea quae sunt in nuntio quod incipit: mordacia epigrammata paederotica? Quid de illis?

De ceterorum habitu nullum responsum dandi nescio quid tibi dicere possim: equidem modus valde inurbanus mihi videtur, sed ille mihi non est, quia nimio gaudeo latine scribere ac colloquia habere latina lingua.

At quis Latinorum auctorum carissimus tibi? Mihi esse Catullum te intellexisse pro certo habeo.

Vale!!

Datum Phaleriae septimo die ante Kalendas Decembras.



RE: de auctoribus Romanis
--------------------------------------------------------------------------------
Nuntium misit: Herbertus ® | 26.11.2003 - 12:44 | 102 | |
--------------------------------------------------------------------------------
Herbertus vir Batavus Marco Fregnacciando (tandem aliquando!) salutem


Quamquam, Marce, tua quidem opinione, psychologo indigeo, tamen

(ad tempus) haud mente tam alienata sum, quin de epigrammatibus tuis paederoticis aliquid dicere possim; quae cum Martiale (LIB. VI,LX:)



"Laudat, amat, cantat nostros mea Roma libellos,

meque sinus omnes, me manus omnis habet.

Ecce rubet quidam, pallet, stupet, oscitat, odit.

hoc volo: nunc nobis carmina nostra placent".



Ut vides, Marce, Martialis poeta, alius ac tu, nequaquam indignabar, si quis epigrammata eius legens oscitavit aut oderat. Quod una cum modo eius castigandi imitandum esset a tibi. Sed quid de epigrammatibus tuis ipsis? Alius placet, alius displicet.Praetermittamus istud, quamvis ingeniosum, in quo mihi contigit ut partes cinaedi agem. Quod attinet ad primum, quod nobis misisti carmen ( die 12 mensis Novembris): Rumpitur invidia Herbertus. Quod ad 2: Consideres, sis, ut multi quoque sint Christifideles atque catholici, qui haec facta aegrissime ferant! Quod ad cetera, ne sim prolixus, varie me moverunt. Utcumque, "Roma" locuta, tamen res haud finita. Forte et mihi carissimus Catullus et Martialis. Neque vero solum cunnorum, mentularum, cinaedorum tribadumque et ceterorum gratia, sed etiam propter carmina et epigrammata modo iocosa:



"Dicis amore tui bellas ardere puellas,

qui faciem sub aqua, Sexte, natantis habes". ( Mart. LIB. II LXXXVII)



modo comoventia: Catulli carmen 101, quo poeta fratri mortuo suprema solvit.

Hoc est, Marce Fregnacciande, quod mihi unum est pro multis: has poetas, modo a me citatas, diversitate suorum ipsissima nunc usque animos nostros tenere, quae diversitas pariat gaudium, taedium depellat. Optime valeto.







RE: de auctoribus Romanis
--------------------------------------------------------------------------------
Nuntium misit: Marcus Fregnacciandus | 27.11.2003 - 10:34 | 103 | |
--------------------------------------------------------------------------------
Marcus Fregnacciandus Herberto suo optimo viro et omnibus Catullianis salutem.


Amice mi, nullo modo fieri potest ut tibi de Catullo non assentiar. Verum dicis: propter hoc semper Catullus gratissimus mihi fuit ab adulescentia, quod inter eius 116 carmina inveniri possint omnes varietates humani animi, a summo amore usque ad summum odium, ab urbanissimo lepore usque ad turpissimam scurrilitatem. Di non sumus nec diaboli, sed aliquid quod semper inter contraria se gerit. Haec omnia in Catullo sunt et id gaudeo. Aequo animo ferre non possum, ut saepius dixi, omnes qui solum de Lesbia dicentem Catullum probant: poetam in toto opere suo aestimandum esse puto.

Noli putare, quaeso, me solum in legendis aut scribendis vulgaribus carminibus delectari. Iam tibi dedi exemplum meae poesis gravia tractantis; nunc bono animo accipe hoc, quod scripsi ad Claram, uxorem meam: fortassis tibi amarius et querulum videbitur, sed id est quod tunc in animo meo erat.



QUARE, CLARA, FLEAM QUAERIS LACRIMANS ETIAM TU:

VELLEM DARE TIBI QUOTQUOT HABENDA MERES.



NIL ALIUD QUAM UDOS OCULOS POSSUM TIBI DARE;

NIL SUM, SUM NIHILI. QUOMODO NON LACRIMEM?



Quid enim?

Cur in recensendo epigrammate meo sic dixisti: rumpitur invidia Herbertus? Quid est? Nonne tibi hoc verbum placuit aut quid?

De catholicis presbyteris disserendum est: sine dubio scis quomodo semper impedimento fuerint humanitatis progressui et quas nugas et stultissimas sententias excogitaverint ut libertatem agendi, loquendi et cogitandi infrenarent. In Italia sum, non in Batavia, ubi catholica ecclesia nullius ponderis est et omnes vivetis sine impedimentis huius perniciosissimi generis.

Vale!!



Datum Phaleriae quinto die ante Kalendas Decembras.



RE: de auctoribus Romanis
--------------------------------------------------------------------------------
Nuntium misit: - | 27.11.2003 - 14:39 | 104 | |
--------------------------------------------------------------------------------
Nuntius a re alienus deletus est.
Redactio interretialis



RE: de auctoribus Romanis
--------------------------------------------------------------------------------
Nuntium misit: - | 28.11.2003 - 00:12 | 105 | |
--------------------------------------------------------------------------------
Nuntius a re alienus deletus est.
Redactio interretialis



RE: de auctoribus Romanis
--------------------------------------------------------------------------------
Nuntium misit: - | 28.11.2003 - 09:57 | 106 | |
--------------------------------------------------------------------------------
Nuntius a re alienus deletus est.
Redactio interretialis



RE: de auctoribus Romanis
--------------------------------------------------------------------------------
Nuntium misit: Iulia | 04.12.2003 - 17:18 | 107 | |
--------------------------------------------------------------------------------
Iulia omnibus s. d.

Novistine Senecae (ignosce, Marce Favoni: Lucii Annaei Senecae minoris epistulam CXIII?
In qua epistula quaerit, an virtutes sint animales. Primum disserit sententiam veterum stoicum, tum dicit ipsius opinionem: Quaerit qualitates animalium et examinat, an istas qualitates conveniant cum virtutibus. Eventus huius examinationis sunt miri. Sed nolo omnia dicere, legite modo ipsi. Ego quidem magna voce risi, cum legerim. Senecae illi multum leporis fuisse constat...
Curate ut veleatis. pr. Non. Dec. E Saxonia Inferiore.


RE: de auctoribus Romanis
--------------------------------------------------------------------------------
Nuntium misit: Livius | 04.12.2003 - 18:08 | 108 | |
--------------------------------------------------------------------------------
Salvete


RE: de auctoribus Romanis
--------------------------------------------------------------------------------
Nuntium misit: Anonymum | 04.12.2003 - 18:09 | 109 | |
--------------------------------------------------------------------------------
Nomen est omen
H

Mercurius Hungaricus omnibus s. d.

Haud dubitaverim, quin vobis notum sit carmen, rectius epigramma a Hadriano compositum, quod sepulchro suo insculpi voluit. Quod ita se habet:

"Animula vagula, blandula,
hospes, comesque corporis,
quae nunc abibis in loca,
pallidula, rigida, nudula,
nec ut soles dabis iocos."

Quod carmen quamvis clarissimum mihi diu ignotum fuisse fateor, donec heri in foro quodam Hungarico, ubi sententiae Latinae colliguntur, ab aliquo ille versiculus ac tres translationes illius Hungaricae citarentur. Statim autem intellegi translationes illas, quomodo versus paenultimus convertendus esset, inter se differre, cum attributa "pallidula, rigida, nudula", quae aeque ad "loca" ac "animula" pertinere possent, unus uni, alter alteri adiunxisset. Quod ad me attinet, illa verba tamquam attributa vocabuli "animula" interpretanda esse censeo; quid vero de ea re vos existimetis, scire cupiverim. Valete. d. VIII. Id. Apr.

M. Favonius Mercurio Hungarico ceterisque philologis s.d.p.

Hadriani adiectiva „pallidula“, „rigida“, „nudula“, mi amice eruditissime, „tamquam attributa vocabuli ‚animula’ interpretanda esse“ censes. Quam sententiam invitus quidem, sed duobus argumentis coactus impugnare conor:

I) Si sententiam tuam sequerer, vocabulum „animula“ permultis attributis ornatum esse, vocabulum autem „loca“ attributo omnino carere confirmarem. Res, ut mea quidem fert opinio, perabsurda: ab Hadriano enim carmen inaequabiliter compositum esse nego.

II) „Animulam vagulam, blandulam“ ab Hadriano oppositam videtur esse „locis pallidulis, rigidis, nudulis“. Quod vero ad loca his attributis decorata attinet, oro te perpendas haec:
loca pallida ≈ „Ditisque profundi pallida regna petunt“ (Luc. de bell. civ. 1, 455sq.),
loca rigida ≈ „tellurem Borea rigidam“ (Verg. Georg. 2, 316);
loca nudula ≈ „loca aequalia et nuda gignentium“ (Sall. Iug. 79, 6).
Hadrianus ergo, quamquam deminutivis utitur, a communi more verborum non discedit.
Ceterum – bona hoc tua venia dixerim – m.......a, non animula rigida esse potest.
Quid tibi videtur?

Ut etiam cognoscas, quomodo Hadriani versiculi Germanice redditi sint, epistulam ad te mittam privatam.

Valere vos iubeo pariter omnes.

viii Id. Apr. mmiv.

Mercurius Marco s. d.

Gratias pro tuis litteris, ubi de illis attributis opinionem tuam explicavisti. Rationes tuas equidem intellegi; haud vero a me impetrare possim, ut crdeam Hadrianum in regno Ditis describendo deminutivis usum esse. Iocus tuus de m.......a mihi non minimum risum movit... ah lascivi Germani! Quoad locos a te citatos, etiam locos, ubi vocabulum 'animula', sive 'anima' cum iisdem atributis coniunctum sit, in operibus auctorum antiquorum repereri posse censuerim. Sed iam finiam. Vale. Transaquinci d. VII. Id. Apr.

M. Favonius Mercurio ceterisque sodalibus litterarum Latinarum studiosis sal.

Hadrianus poëta „loca“ quoque deminutivis ornasse videtur, ut orcum ad animulam aliqua ex parte accommodaret; neque miror eum destitisse a deminutivo „rigidula“: Orcus locus vere horrificus esse numquam desinet.

Quod ad animulam eiusque attributa deminutiva attinet, nihil adhuc repperi. Quis vestrum nobis auxiliabitur?

Valete.

Eodem die.

stephanus unicuique qui hic legit s.

Nuntiis de romanis auctoribus optimis lectis, saepe nomina Ciceronis, Vergillii ... reperio. Cum sint magni auctores quos admiramini et ego modo quartum annum linguae Latinae studeam, vobis v rogare audeo sententiam vestram de Plinio Min. Fortasse ille simplicissimus, fortasse non magnis de rebus scripsit, mihi placuit et nonnumquam me affecit. Ideo modeste rogo quae vobis sententia de illo auctore sit.

Quam optime valeatis

PS Ignoscite mihi errores grammaticae

Marcus Stephano sal.

Tam acri – per Iovem! – tamque difficili quaestione meum, Stephane, torques ingenium, ut in salebra haerere videar . Neque enim est, quod mireris: admirabili quadam rerum varietate Plinius animum delectat. Quid ergo?

Placent epistulae iocosae: 1, 11 – 7, 2 etc. etc.,
placent eae quoque, quae ad mortem pertinent: 3, 7 (de Silio Italico) – 3, 16 etc. etc.,
placent epistulae quasi scaenicae, imprimis duae illae clarissimae, quae de Vesuvii montis sunt eruptione: 6, 16 et 20. Placent....., placent.... Longum est omnes enumerare epistulas.

Equidem, ne pluribus te obtundam verbis, hoc sentio: Plinius quamquam „simplicissimus“ videtur, tamen morum atque sermonis lepore ita excellit, ut vir vere humanus et urbanus appelletur.

Sit tibi lectio iucunda!

v Id. Apr. mmiv.

Petronius Arbiter

Mercurius Srello s. d.

De Petronio, nisi fallor, in hoc foro iam saepius mentio facta est. Vide supra. Vale. Id. Apr.

Herimannus sodalibus sal.

Heri in theatro fui Plauti "Menaechmos" spectans: mihi gratum fuit opus Romanum temporibus nostris actum admirari. Recitatio arguta fuit et salibus dives, Neapolitano dialecto plerumque utens; nonnihil musicae et choreae mentem antiquae comoediae appropinquaverunt; multi adulescentes fructum ex spectaculo ceperunt.
Aliquando etiam Novocomi quid Latinistis gratum exhibetur!

Valete!

Novocomi, a. d. XVI Kalendas Maias MMIV.

Marcus Herimanno p.d.s.

Priusquam alio avocer:

„Plauti ‚Menaechmos’ spectans“: Non multum aberat, quin tibi inviderem; sed extra iocum: aeque gaudeo . Utinam Plautus nobis quoque Rhenanis aliquando appareat!

„Neapolitano dialecto plerumque utens“: Nonne aptius fuit Sicule loqui? Nonne Menaechmorum pater mercator erat Siculus, nonne ipsi nati erant Syracusis?

Vale.

Eodem die.

Herimannus Marco doctissimo (aliquando nimium) sal. p. d.

Postquam comoediam in theatro actam (non equidem Menaechmos ipsos!) vidi, magna voluptate antiqui dramatis videndi captus, oblitus sum nonnulla vitia quae ab initio vero notaveram. Nam effingebantur eventus non Epidamni (vel Dyrrachii) sed Neapoli fieri, Menaechmum autem alterum non Tarenti sed Capuae aberravisse et virum factum esse, patrem amborum tandem non periisse sed soceri personam gerere. Neapolitana dialectus Siculae praelata est, puto, quod a Nordicis Italicis facilius intelligitur et facetiis aptior videtur. Ut vides, Marce, aliquot mendis affecta fuit comoediae actio: haec monasterium tradit ("Questo passa il convento", Italicum proverbium, quod significat: his vilibus rebus contentos esse oportet).
Optimam dominicam diem tibi opto!

Novocomi, a. d. XV Kal. Maias.

Marcus Herimanno, sodali eruditissimo atque honoratissimo, s. p. d.
Ita est, mi Herimanne: ne quid nimis. Tamen iuvat cum hominibus omni doctrina eruditissimis colloqui. Non enim omnia possumus omnes, ut ait poeta. Semper aliquid addiscendum est. Ut exemplo utar: „Questo passa il convento“: proverbium adhuc mihi ignotum et sane dignum, quod memoriae mandetur.
Quod vero ad Menaechmos attinet, non est causa, cur Plauti fabula commutanda non sit, dummodo spectatores delectentur. Quaecumque enim memoriae prodita sunt, ea nostris quoque temporibus utilitatem afferre debent: monumenta antiqua per se ipsa pro nihilo putanda esse censeo.
Nunc ad sermonis Italici differentias: Equidem, cum amici nobis sint in Sardinia (Caralibus), novi quidem eas esse differentias, sed plane nescio, quantum inter se differant varii sermones Italici. Quae res non parvi mihi est momenti, cum minor natu e filiis, qui linguam Italicam callet („lingua toscana in bocca romana“), Bononiam profecturus sit, ut iuris scientiam augeat.
Bene sit tibi, vir optime!
xv Kal. Mai.