Quid agitur in mundo? - Forum politicum

Colloquia de aliis thematis

Moderators: Moderator, Redactio Interretialis

Quid agitur in mundo? - Forum politicum

Emitteby Mercurius Hungaricus on Lun 22 Mart, 2004 11.13

Mercurius Hungaricus omnibus collegis salutem.

Quid agitur in mundo? Equidem plurimae res aguntur, quas silentio praeterire haud possimus. Hoc forum politicum ad res novissimas tractandas creavi, ut suam quisque opinionem de illis explicare queat.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Mercurius Hungaricus on Lun 22 Mart, 2004 11.15

Par est, ut ipse primum thema proponam: quid de tumultu in Kosovo saevienti putatis? :shock: :?:
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De Kosoviano tumultu

Emitteby Herimannus on Mart 23 Mart, 2004 1.37

:o

Herimannus Mercurio et sodalibus omnibus sal.

Libenter opinionem meam de proposito themate declaro, duas cogitationes praeponens: non gratissimam videlicet rem propositam esse sodalibus Latine colloquentibus, si iam tres et viginti Mercuri nuntium legerunt, ut numeratione desumitur, nec quidquam scripserunt; optimum mihi videri opiniones citra et trans vallum, quod per nonnulla lustra Europae terras resecuit, creatas comparare, sed hoc preaeter solitum plus prudentiae et humanitatis requirere, ne sermo de politicis rebus ut saepissime accidit acre et animosum forte fiat, haec suavia colloquia iniuste corrumpens.
De Kosovo (quomodo declinandum putatis?), sive de dissoluta Jugoslavia (quae nomen ex Latinis verbis "iugum Slavorum" traxit) haec cogito: populi affines sed inter se differentes sub communistica dictatura a Tito gubernatore lites et odia cohibere compulsi sunt; cum vero communistae gubernatores a potestate cesserunt, opus fuit forti auctoritate Societatis Nationum Unitarum, quae populis omnibus imponeret ut humana iura omnium civium observarentur, quacumque partitio nova esset. Ita non fuit: fere omnes novae res publicae (excepta puto Slovenia) ut ethnicae nationes natae sunt et libertatem aliquot civium violaverunt, qui numero non iure minores forte fuerant: in Croatia, in Bosnia Erzegovina, in Serbia et in Kosovo gravissima facta perpetrata sunt. Occidentales nationes unum hostem sibi creaverunt et eligerunt, Milosevic, et ipsum et populum ab ipso oppressum immoderato et iniusto bello affecerunt, Epirotarum parti opinionem iniciens, omnia scelera impune in Serbos facere posse: semina odii et futurarum cladium ante quinque annos in Kosovo a nonnullis divitibus nationibus, inter quas Italica res publica, manibus plenis sata sunt. Recentes Epirotarum in Kosovo habitantium violentiae venenati fructus belli a NATO gesti sunt.
Haec breviter opinio mea insolito sermone perscripta, quod nonnihil difficultatis et dictorum coactam simplicitatem secum fert.
Valete et quod censetis dicite!

Novocomi, a. d. XI Kal. Apr. MMIV
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Mercurius Hungaricus on Mart 23 Mart, 2004 10.57

Mercurius Herimanno s. d.

Nuntius tuus, mi amice, vehementer me commovit, praecipue quae de vitiis a nationibus Europaeis ac Associatione occidentale-Atlantica in bello Serbico commissis scripsisti. De quibus mox fusius. Haud intelligo autem haec verba:

"non gratissimam videlicet rem propositam esse sodalibus Latine colloquentibus, si iam tres et viginti Mercuri nuntium legerunt, ut numeratione desumitur, nec quidquam scripserunt" :?:

Quae ut mihi explicas velim. Vale.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Turci ad portas!

Emitteby Marcus Favonius on Mart 23 Mart, 2004 20.09

Marcus Herimanno ceterisque sodalibus pariter omnibus sal.

Optime scripsisti, Herimanne. Neque enim res Illyricas neque res Iraquienses neque res Israeliticas neque ullas eiusmodi res alias in tranquillum redigi posse puto, priusquam Nationum Unitarum Coetus summam auctoritatem summumque imperium totum in orbem terrarum obtinuerit (v. „alia themata“ > „de pace omnibus“ > nuntium primum a.d. ix Kal. Nov. mmiii missum). –

Obiter dictum: Iugo-slavia non a „iugo Slavorum“, sed, nisi fallor, „Slavia meridiana“ (cf. Russice юг / iug = meridies - regio meridiana). Et vocabulum „Kosovo“ hoc modo in casus declinandum esse censeo: Cosovum – Cosovi – Cosovo – Cosovum - Cosovo.

Ut finem faciam:
Turci ad portas!
Iam diu inter cives Europaeos disputatur, utrum Turci in Unionem Europaeam asciscendi sint necne. Quid vobis videtur?

Valete.

x Kal. Apr. mmiv.
Last edited by Marcus Favonius on Sat 27 Mart, 2004 23.41, edited 1 time in total.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

De Cosovo et Iugoslavia

Emitteby Herimannus on Merc 24 Mart, 2004 1.44

:) Herimannus sodalibus et praecipue Marco et Mercurio sal.

Gaudeo nuntium meum libenter a vobis acceptum esse.
Marco respondeo me nescio quando nescio ubi etymon quod rettuli legisse; cognita docta opinione tua, id defendere non ausim.
Mercurio gratias ago probatione, cupidus quid sentiat diffusius cognoscere; in pagina domestica huius colloquiorum gregis, qui "Alia themata" vocatur, quotiens nuntii et responsa perlecta sunt comperire potes, sub verbo "Perlecti": nunc numerum LX ibi inveni, sed cum nuntium meum priorem scripsi numerus XXIII ibi legi poterat: id est, vicies ter nuntius tuus perlectus erat sine ullo responso.
De Turcis serius.
Valete!

Novocomi, a. d. X Kalendas Apriles MMIV
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

De Turcis

Emitteby Herimannus on Iov 25 Mart, 2004 2.47

:) Herimannus sodalibis et Marco praecipue sal.

De Turcis fere eadem cogito, quae de Iugoslavia scripsi: Unioni Europeae hoc contigit, hominum iura et libertatem ab omnibus nationibus requirere, quae sese velint amplae Europeae congregationi coniungere. Cum ab Europeis legatis inventum fuerit civium omnium - praesertim Curdorum et communistarum - libertatem observari, religiones omnes tolerari, carceres et iudicia liberis hominibus digna esse, pauperum statum rectoribus cordi esse, quasvis iniustas persecutiones finem habuisse, tum natio Turca in gregem nationum quem ambo incolimus accipienda erit. Quamquam confitendum est condicionibus dictis non omnes priscas et novas Europae nationes omnino stare: ad meliora semper iter faciendum.
Valete sodales, cras tabularum pictarum expositionem visam, :idea: quae novum thema praebere poterit.

Novocomi, a. d. VIII Kalendas Apriles.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

De Turcis in UE asciscendis

Emitteby Marcus Favonius on Iov 25 Mart, 2004 23.20

Marcus Herimanno ceterisque sodalibus pariter sal.

Iterum tibi assentior, Herimanne. Sed incredulum me esse confiteor: Hominum iura Turcis non in tabulis solum includenda, sed etiam in vita cottidiana ad effectum adducenda esse censeo. Cui rei maximo impedimento videntur esse dogmatistae Islamici. Haec hactenus.

Novum thema propositurus esse videris. Exspectatione nos suspendisti.

Vale, valete.

viii Kal. Apr. mmiv.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

De Turcis

Emitteby Herimannus on Ven 26 Mart, 2004 0.35

:)
Herimannus Marco et sodalibus sal.

Ego etiam, Marce, non censeo nimis propinquam diem illam, qua res publica Turcorum in Unioni Europeae digne intererit; sed diffidentia mea non oritur ab Islamica religione, quae in illa natione non videtur tam vehementer populum opprimere, si eam cum aliis (e. g. Sauditarum Arabum regno vel Persarum re publica) compares, verum a forti et parum docili exercitu, ab oppressione aliquot rei publicae partium, a persecutione in Curdos. Egomet ante multos annos gregem cognovi quindecim adulescentium et puellarum, quibuscum aestivi laboris septimanas duas vixi: ab omni Europa venerant, unus vero a Costantinopoli (Istanbul) et unus ab America septemtrionali. Memini hunc Americanum solum moribus et cogitationibus paulum a ceteris discrepuisse, ceteros sicut eiusdem nationis cives se gessisse.
Iam imminet nox, et novum thema proponam. Valete sodales.

Novocomi, a. d. VIII Kalendas Apriles.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

De Bohemis Hungarisque UE se adiuncturis

Emitteby Marcus Favonius on Ven 26 Mart, 2004 20.58

Marcus Mercurio ceterisque sodalibus rerum Europaearum studiosis sal.

Luculente exposuisti, mi Mercuri, quibus de causis Jaroslav Hašek odio exarsisset in Hungaros. Cuius rei adhuc plane eram ignarus. Gratias ergo tibi maximas.

Sed inter Bohemos Hungarosque Unioni Europaeae mox se adiuncturos longa illa discidia composita esse arbitror. An putatis me falli?

Valete. vii Kal. Apr. mmiv.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Mart 30 Mart, 2004 1.15

Mercurius Marco omnibusque s. d.

Certe illa discordiae fomenta iam oblivione obruta esse recte putas, mi Marce. Ceterum quot casus, quot miserias utraque gens ex eo tempore passa est! Exempli gratia secundum pacem iniquissimam Trianoniensem anno 1920 maior pars patriae nostrae Hungariae erepta nobis est, et ter decies centena milia (!!!!) popularium nostrorum Hungarice loquentium iugum externorum statuum accipere coacta sunt! :x Sed desino iam. Timeo enim, ne taedeat vos mearum querelarum perpetuarum. :oops:

Ecce novam quaestionem proferam:
Quid de dilatatione Unionis Europaeae exisistimatis? :?: Quaenam vobis opinio est de novis membris? :?: Iam valete. Aquinci d. III. Kal. Apr. media nocte.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De novis membris

Emitteby Herimannus on Mart 30 Mart, 2004 1.59

:) Herimannus Mercurio et sodalibus sal.

Quaestio tua Mercuri tam ampla est, quam numerus novarum nationum Europeae Unioni coniungendarum. Una vero iam coniuncta, Germania Orientalis, non sine difficultate propter disparem oeconomicam condicionem inter duas partes Germaniae. Novarum nationum, nostris simillimas censeo Hungariam et Bohemiam et Sloveniam, quod non remotis temporibus Germane loquentibus regnis subditae fuerint. De ceteris nationibus magis ardua omnia videntur: hoc mihi maximi momenti videtur, priscos Unionis conditores fines nullo timore patefacere, ne novi cives velut famuli - qui laborandi causa solum admittantur - videantur. Difficultates omnes postea solvendae, aut recedendum - quod unaquaeque res publica semper eligere potest.
Haec, forsitan nimia cum simplicitate, cogito.
Valete!
Novocomi, a. d. III Kal. Apr.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Mercurius Hungaricus on Iov 01 Apr, 2004 0.59

Mercurius Herimanno s.

Ecce non minime quod scripseras me commovit: haud enim credebam historiam regnorum orientalium vobis quamvis minime esse notam (de minimis non curat praetor...). Ceteroquin recte scripsisti ea regna, quae olim partes Monarchiae Austriaco-Hungaricae fuissent, facilius Europaeae Unioni integratum iri: quibus statibus etiam "Slovaciam" addere potueris, quam vero ante 1920 partem Hungariae (ac ita Monarchiae) fuisse constat (ab anno Christi 895...), nec statum huiusce nominis "Slovacia" ante 1920 umquam exstitisse. Ubi ceteroquin etiamnunc plus quam quinquies centum milia Hungarorum vivunt... De hoc iam satis. De ceteris cras fusius. Vale. Kal. Apr.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De Slovacis eligentibus

Emitteby Herimannus on Sat 03 Apr, 2004 18.44

:) Herimannus Mercurio sal.

Etiam Langobardia pars fuit regni Austro-Hungarici, si bene memini usque ad annum MDCCCLIX: fere concives nos ambo reputare possimus...
Hodie eligunt cives nationis Slovaciae, de qua dixisti, mox Europeae unionis sodalis, novum gubernatorem. Numquid de competitoribus narrare potes? Estne consilium in coetum novae Europae ineundi omnibus civibus et partibus communis?

Vale quam optime!

Novocomi, a. d. V Nonas Apriles.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Mercurius Hungaricus on Sol 04 Apr, 2004 2.17

Mercurius Herimanno s. p. d.

De electionibus in Slovacia? Nihil nisi malum. Inter candidatos enim inveniri potest Vladimir Meciar, qui prius munere praesidentis in Slovacia iam functus erat (si bene memini inter 1994-1998), ac in illo tempore minoritatem Hungaricam, quorum plus quam quinquies centum milia in Slovacia vivere in litteris meis proximis admonui, omni ope oppresserat ac iura eorum penitus delere ac eripere conatus erat. Qui nec nunc sine spe vincere certat. Nota bene istum Meciarem, priusquam "politicus" evaderet, pugilem (!!!) fuisse. :roll: Certe non solum iste detrectatione Hungarorum puncta quam plurima colligere contendit, sed etiam candidati ceteri (excepto fortasse uno): nec illi enim ignorant, in Slovacia si quis nacionalismum prae se tulerit ac Hungaros in minoritate viventes verbis acerbis flagellaverit, facile illum in electionibus victurum esse. Nacionalismus enim cibus plebis politicus: haud complexus, ac sine labore intelligi potest; immo a veris malis mentem hominum avertit. Certe scio non sine studio in polticos Slovacos me invectum esse; sed quod fateor verba eorum me non minime terrent. Nescio, quid de electione in diurnalibus externis legi possit, de quo ut me edoceas, vehementer te rogo. Vale. Aquinci pr. Non. Apr.

PS: equidem libenter te meum concivem agnosco! :D
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Next

Return to Alia themata

Qui adsunt

Users browsing this forum: No registered users and 0 guests

cron