YLE Colloquia Latina

Marcus Tiberi amico suo litteratissimo sal.
Si aenigma abs te solutum non esset, stupor me invasisset. Ex animo tibi gratulor.
Quod ad illam Gradivam attinet, haec addere velim:
Sigmundus Freud cum Gradivam anno MCMVII Romae in Museo Chiaramonti investigavisset, adeo delectatus est, ut Vindobonam reversus eius imagine officii sedem ornaret. Multi eum alii secuti sunt psychoanalystae.
Praeterea F. Hauser, archaeologus Austriacus, Gradivam re vera unam esse ex Horis scripsit (*): Graecum esse opus quarto a. Chr. n. saeculo factum, quod aliquanto post Romani imitati essent.
Haec hactenus.
Novissimum tuum aenigma – pro di immortales!- capitis dolorem mihi infert...
Optime vale.



(*) Disiecta membra neuattischer Reliefs, in: Jb.

Tiberis Marco suo s.
aenigmati meo, ne nimio capitis dolore labores , unum verbum addidi, quo inserto non iam dubito, quin solutionem sis inventurus.
ceterum sepulcrum illud,de quo agitur, in urbe Vindobona situm est....
sed iam timeo, ne nimium multa prodam...
vale!

A. d. VIII Idus Novembres a.u.c. DCCLXVIII (id est Nov 6, 15) Iulia Agrippina, id est AGRIPPINA MINOR, Germanici filia, Neronis principis mater, Claudii uxor, nata est in oppido Ubiorum, cui postea nomen impositum est Colonia Claudia Ara Agrippinensium (Germanice: K