YLE Colloquia Latina

Mercurius omnibus sodalibus s. d.

Colloquia nostra olim frequentatissima interrupta esse moestissimo animo video. Quod etiam ex mea culpa factum est: novo enim foro - quod anglice blog vocatur - linguae latinae propagandae instituto, nostro foro visitando vix aut ne vix quidem vaco. Ne autem hoc forum evanesceret, ecce hoc thema inchoavi, signo quasi veteranorum in terra defixo, ut esset, circum quod omnes sodales amatissimi congregarentur. Agedum amici! Venite, venite, ac narrate, quid vobis in mensibus praeterlapsis in usu venerit! Quod ad me attinet, gradum doctoratus sum tandem adeptus, ac nunc in Instituto quodam historico studiis historicis me addixi. Et si quis inspicere velit forum meum quamvis Hungaricum, huc eat:
http://laudator.blog.hu/ Valete iam, ac absentiam meam diuturnam ut aequo animo feratis vos vehementissime imploro. Budapestini, die IV. Kal. Iul.

Salve Mercuri!
Confiteor et me his mensibus pigriorem factam esse in scribendo - nisi quid gravis intercedat, huius anni autumno matheseos diploma obtinuero! Fortassis revera id nobis contingat, ut frequentius hic fiat colloquium. Equidem libentissime memini dierum transactorum in Hungaria!
Hodie hactenus. Si responderis, polliceor et me responsuram. vale!

Pauci veteranos libenter se vocitantur, cucncti potius... iuveniles.
Remotis iocis, displicet mihi scribere non posse, cum veteranum non essem

Mercurius Iuliae Marrucinoque s. d.

Et me iuvat dierum Budapestini cum te transactorum meminisse. Quam facillime Latine colloqui poteramus! Congratulor tibi iam nunc pro diplomate matheseos. Quid vero de Marco?
Sex iam anni lapsi sunt, Marrucine, cum hoc colloquium quasi incepimus; iure ergo quodam veterani nominamur.... sed si vis hoc colloquio immisceri, libenter nuncios tuos legemus. Quis es, unde venis?

Valete. Budapestini, die III. Id. Iul.

Mercurio cunctisque lecturis salutem.

Quidam italus sum viginti et trium anni natus, Mercurie. Piget et me colloquia vestra non tam assidua esse quam fuerunt quia latinam tunc colere atque sermonem meum polire amplius non possum. Forsitan quisquis veteranorum narrabit quid ei in mensibus aestivis in usu venerit, vel in mensibus praeterlapsis in usu venit, et sic discussio ista proficietur. Mihi discussionem quamdam inchoare in corde est (alio loco, plane), cuius argumenta de utilitate hoc foro scribendi unusquisque quid putes, atque de intentionibus uniuscuiusque huic foro nomen dando.
Forum cui operam das vidi et valde placuit mihi; heu miser, quia magyara legere nescio!
Fortunati estis vos fori utentes qui collationes latinas os ad ore habuistis; spero et mihi hoc accidat, aliquando.

Valete.

Errata in nunciis meis praeteritis:

Pauci veteranos (>veterani ?) libenter se vocitantur (>vocitant).
...cum veteranum (>veteranus) non esssem.

... de utilitate hoc foro scribendi unusquisque quid putes (>putet).
Heu miser quia magyara (>magyaram) legere nescio.

Displicet mihi hunc forum invenissem cum iam fere nullae commoditatis mihi esset. Neque enim oblectari possum saepe scribendo atque legendo et de mendis grammaticalibus ignotum esse, neque instrui rare scribendo atque legendo sed de mendis grammaticalibus correptum esse. Bah!

Salve amice Hungarice,
Mercurio Hungarico s.d.
patria mea quoque Hungaria, est sed non sum Budapestiensis, incolo in Comitato Castraferrei. Cum operibus tuis latinam vivam adiuvare gaudeo. Locus interretis tuus bene cedit.
Reliquia bona opera.
Vale!