Quid agitur in mundo? - Forum politicum

Colloquia de aliis thematis

Moderators: Moderator, Redactio Interretialis

De bellis

Emitteby Herimannus on Ven 23 Apr, 2004 23.15

Herimannus sodalibus et praecipue Mercurio sal.

Re vera tibi consentio, Mercuri! Praesidens Americanorum Bush non pacis nec populorum sed civium Americanorum, divitum et pallidorum plerumque, bonum requirit; qua re contra multas nationes bellum movit et vim Israelitarum in Palestinienses sustinet: tempora multo peiora praesentibus futura esse censeo. Vale Mercuri, iam pauci dies a commune civitate nos separant!

Novocomi, a. d. IX Kal. Maias.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

De Cypro

Emitteby Herimannus on Sat 24 Apr, 2004 23.13

Herimannus legentibus sal.

Hodie comitia habita sunt in Cypro insula, ut renovata pax a Nationum Unitarum Societate proposita etiam novo foedere inter duas partes insulae agnoscatur et tota Cyprus Unionem Europeam ineat. Numquis, si legat a Graecia vel Turcia, de hoc opinionem suam revelare velit?

Valete!

Novocomi, a. d. VIII Kal. Maias.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Mercurius Hungaricus on Mart 27 Apr, 2004 10.06

Mercurius Herimanno s. d.

Gratissimo animo epistolam tuam legi, mi Herimanne, praecipue quod de "communi civitate" scripsisti. Nos enim Hungari nescimus, quo modo nationes occidentales post Kalendas Maias nos accepturi sint; quamobrem multum interest, ut nos hortemini. Equidem cum pelliculam quandam brevem in televiosione nuper viderem, qua festus in vigilia Kalendarum Maiarum in Budapestino celebrandus promulgaretur, iuvenesque in ea externi in vicis Budapestini celebrantes cives Hungaros quasi iam cives Unionis hilaris vocibus - suo quisque sermone - salutarent (e. gr. 'Hello Hungary, we were looking forward to you' etc.), hoc viso, inquam, lacrimae - quod non pudendum esse puto - mihi sunt obortae. Gens enim nostra a saeculo X. pars Europae est, a qua etsi multoties aliae gentes avellere contendebant - Tartari, Turcae, Russici -, numquam profecerunt. Sed iam desinam lamentari. Vale. Aquinci, d. V. Kal. Mai.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De lata Unione

Emitteby Herimannus on Mart 27 Apr, 2004 18.28

Herimannus Mercurio sal. p. d.

Mihi sine dubio, ut amanti litterarum et artium necnon naturae studioso, magnopere placet ampliores fines percurrere posse; de Hungaria, tibi dicam me ante fere sex annos, postquam Styriam et Arcium Terram (Burgenland) totas peragravissem, fines Hungariae maeste spectavisse.
Apud nos Hungari magis propinqui quam ceterae Orientalis Europae nationes videntur. Duae tamen curae instant: immigratio gentium operam quaerentium et emigratio officinarum in loca, ubi parvi pretii labor est. Apud nos operarii illi, qui minimam mercedem accipiunt, vivunt octingentis vel mille euronibus, quibus vix vivere possis. Quid apud vos?

Vale!

Novocomi, a.d. V K. Maias
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Re: De lata Unione

Emitteby Cn Silvius Agrippa on Ven 30 Apr, 2004 23.33

Cn Silvius sodalibus s.p.d.

Primum gaudeo, ut societas nationum Europea amplificatus sit, quia ita fiducia inter populos augeatur.
At puto nationes ex Oriente moribus administratione cultura multum differre ab Unione Europea pristina.
Quae fortasse fons difficulatium discordiaeque possit novis sociis non satis notis. Sed falsum duco statim repudiare omnes novas nationes, nam non utilis est ad rem communem.

Valete
Cn Silvius Agrippa
 
Nuntii: 3
Nomen dedit: Ven 30 Apr, 2004 20.19
Location: Germania

Emitteby Mercurius Hungaricus on Sat 01 Mai, 2004 2.28

Mercurius Silvio s.

Maesto equidem, ne dicam irato animo tuas litteras praeiudiciis ac verbis minime honestis plenas legebam. Nos enim non "nationes ex Oriente" sumus (nec Tartari, nec Hunni sumus), sed iam plus quam M annos membra Europae, qui occidentibus statibus minime deteriores sumus, quamvis ob tempestates historiae saevissimas non multum afuerat, quin prorsus periremus. Scripsisti porro novas nationes Europaeae Unioni nunc coniunctas "moribus administratione cultura multum differre ab Unione Europea pristina", quod equidem etsi veritate non plane egeat, tamen haud mihi liquet, quid sub "cultura" intellegeris. Quoad ultimam sententiam: "sed falsum duco statim repudiare omnes novas nationes, nam non utilis est ad rem communem", mehercle an Germani novas nationes repudiare velint? Aut saltem maior pars Germanorum ita cogitat?? Quod me vehementer terret. Ecce pulcher novus mundus! :( Vale. Kal. Mai.
Last edited by Mercurius Hungaricus on Lun 03 Mai, 2004 10.38, edited 1 time in total.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Plurimum salvere vos iubeo...

Emitteby Marcus Favonius on Sat 01 Mai, 2004 8.47

:D :D :D
Utinam
Bohemis
Cypriis Graecis
Estoniensibus
Hungaris
Lettonibus
Lituanis
Melitensibus
Polonis
Slovachis
Slovenis
in Unionem Europaeam assumptis
omnia succedant feliciter!
:D :D :D
Utinam Laetitia,
filia in Elysio nata,
validissime iis faveat!
:D :D :D

Kalendis Maiis. Ex comitatu Morsatensi.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Cn Silvius Agrippa on Sat 01 Mai, 2004 14.26

Cn Silvius Mercurio Hungarico s.

multum mihi dolendum est, quod falso modo accepisti litteras meas, et me profecto excuso. "Nationibus ex Oriente" dicere volui "Nationies orientes". Non mihi in animo erat, ut id dissensiones afferre possit.

Ego, non sperno amplificationem Unionis Europaeae novis nationibus. At puto modum eorum vitam agendi est alienum. Gallia Germaniaque immo vero differunt, velut cibis vel litterarum monumentis. Quae omnia sunt partes culturae nationis. Sum certus differentias esse, quae nobis ad hoc tempus non notas sunt. Itaque mihi gravis videtur, ut omnes nationes se pernoscent et quisque non solum est consciens differentiarum sed etiam mores hominum ex nationibus alienis venientium magnas aestimat.

Nullo tempore dico autem omnes Germani despicunt amplificationem Unionis Europaeae, sed sunt, qui metu negotiorum suorum incitati agant, sicut sunt in Italia, quod Herimannus retulit.

Non est, quod tibi est irasci.

Vale!
Cn Silvius Agrippa
 
Nuntii: 3
Nomen dedit: Ven 30 Apr, 2004 20.19
Location: Germania

De Europa ampliore

Emitteby Herimannus on Sat 01 Mai, 2004 15.57

:D Herimannus omnibus sodalibus salutem dicit

Vere fausta haec dies, qua fines Unionis Europeae amplificantur et populi multi, quibus radices doctrina artes plerumque communes sunt, propinquiores fiunt!
Plurimae linguae sunt, sed in hoc parvulo spatio conamur uno sermone uti, illo quem principatus Romanae culturae necnon dominationis gentibus variis imposuit: hoc etiam est Europeum civem creare.
Nosmet ergo, serenis animis, novo foedere communis civitatis iungamus.

Omnia bona novae Europae! :D

Novocomi, Memorabilibus Kalendis Maiis MMIV.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

De Hungaris vere Europaeis...

Emitteby Marcus Favonius on Sat 01 Mai, 2004 16.10

M. Favonius omnibus sodalibus, imprimis autem Mercurio Hungarico s.d.p.

Aliquot ante diebus in duo praecipue iter feci Hungariae municipia.
Quorum alterum, cui nomen est Scar(a)bantiae (Hungarice: Sopron), et parietinis Romanis et permultis aetatis barocae vicis aedificiisque maxime me delectavit. Escendi quoque in turrim, in qua vigiles adversus incendia excubuerant. In foro horologium accuratissime nuntiabat, quot horae, minutae secundaeque usque eo, dum Hungaria esset in Unionem Europaeam assumpta, transiturae essent: res admirabilis, ut quae demonstraret, quanto eius rei desiderio Hungari affecti esse viderentur.
Alteri municipio nomen est Sopianis sive Quinque Ecclesiis (Hungarice: P
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Lun 03 Mai, 2004 9.59

Mercurius Hungaricus Marco suo Favonio s. d.

Pro tuis litteris, mi amice, vere gratias quam maximas tibi ago; quippe quae non solum tuam benignitatem humanitatemque testantur, sed etiam easdem maxime oppotunas esse censeo, quibus praeidicia quaedam ac metus (qui a priori originem capere solent) prorsus divellantur. Quid? Quod plurimi sunt, qui status nuper Unioni assumptos nunquam visitarint, iidemque credunt populos illos quasi barbaros, aut saltem pauperrimos rudissimosque in desertis habitare in nescioquibus tentoriis, carneque cruda vitam miserrimam sustentare. Amica quaedam mihi narravit sibi in Britannia peregrinanti coctorem microradialem (Germanice Mikrowelle, anglice Microwave), a hospitibus suis esse demonstratum, cum illi crederent talem machinam a se nunquam prius esse visum. Ecce superbia imperitiaque occidentalium hominum! Sunt porro, qui etsi ista non putant, tamen illis persuasum est culturam nostram ab illorum cultura maxime differre. En maximum errorem! Non equidem iam historiam nostram proferam; solummodo dixerim culturam Germaniae ac e. g. Portugaliae non minus inter se differre, quam Germaniae ac e. g. Hungariae (immo magis!). Quid ergo? :wink: Spes mihi est haec praeiudicia suspicionesque sensim obliteratum iri; multum autem interesse existimo, ut qui status novos Unionis iam prius viderint, concives suos de iis edoceant. Quod prioribus tuis litteris - ut spero - feliciter, mi Marce, praestitisti. Vale. Aquinci, d. V. Non. Mai.
Last edited by Mercurius Hungaricus on Ven 28 Ian, 2005 1.37, edited 1 time in total.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De Unione Europea

Emitteby Herimannus on Lun 03 Mai, 2004 23.21

Herimannus caris sodalibus et praesertim Mercurio sal.

Nolim, Mercuri, hunc harmonia resonantem concentum molesto clangore perfringere, sed paululum differt opinio mea ab illa, quam in nuntio novissimo declarasti. Populi et nationes, quibus nova Unio Europea componitur, iisdem radicibus et similibus historiis sine ullo dubio communicant, quod iam manifeste expressi. Sed altera pars praeteriti saeculi nationes nostras separavit, et illarum - et nostrum - fatum magnopere affecit: inde differunt cogitationes et spes Europeorum.
In Orientalibus terris tyrannis communistarum libertatem et culturam oppresserunt, doctos cogens ut liberas opiniones secreto profiterentur: hoc puto virtutibus magis iuvisse quam nocuisse. Apud nos libertas imperavit et omnia genera opinionum et artium floruerunt; mox tamen prudentissimi intellegerunt hoc "liberum forum" (free market) viam esse, qua imperium pecuniae et dominationis plerosque subigeret. Quodvis scortillum, quivis mente captus in televisifico apparatu apparens plures spectatores habet, quam lectores liber quilibet.
Nec taceam, ut amicis sincerus loquar, pessima vitia Occidentis celeri gradu saepe in Orientem transire: de urbe Praga amica mea post recens iter sic me hortata est: "Festina Pragam visere, antequam deleatur", significans turpia visu aedificia ibi his annis exstrui.
Omnia haec scripsi, ne minimi momenti faciantur difficultates quae nos omnes exspectant.
"De coctore microradiali" alibi.

Valete!

Novocomi, a. d. V Nonas Maias MMIV, tertio die amplae Europae.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Tiberis on Lun 03 Mai, 2004 23.49

Tiberis cunctis sodalibus s.d.

equidem festivitatis de Unione Europaea amplificata me satiatum esse non nego. nam orationes ac declamationes eorum non iam ferre possum, qui obstinate nobis persuadere velint civitates eas, quae prius socialisticae appellatae erant, nunc tandem quasi in gremium matris Europae revertisse.quae ubinam tunc fuerunt, nisi in Europa ? inter multos annos et moderatores et diurnarii operam dabant, ut civibus suis persuaderent Europam non esse nisi civitates Europaeas occidentales. qua re mirum non est, quod inveniuntur, qui credant civitates assumptas cultu atque humanitate carere. sed istae sententiae tam ridiculae sunt, ut ne flocci quidem facere debeamus. quae cum ita sint, tamen equidem censeo moderatorum nostrorum pluris interesse se consilia ac rationes cum illis consociare quam salutem communem intueri.
optandum est, ut nationibus modo adiunctis res oeconomicae atque humanae prospere eveniant. optandum porro, ne condicionibus oeconomicis subiectae cultum suum proprium omittant neve pro unitate uniformitas efficiatur.
valete.
Tiberis
 
Nuntii: 226
Nomen dedit: Mart 16 Mart, 2004 16.02
Location: Styria

Emitteby Mercurius Hungaricus on Mart 04 Mai, 2004 9.53

Mercurius omnibus, praecipue autem Herimanno Tiberique s. d.

Mi Herimanne, admonere te velim in statibus orientalibus tempore socialismi (cca. 1947-1990) non semper 'tyrannos' rebus praefuisse; immo in statibus Bohemia ac Slovacia (tunc Bohemo-Slovacia :D ), porro in Polonia ac Hungaria, ut vocant, plerumque 'mollem dictaturam' fuisse; pelliculas ac libros occidentales etsi non omnes, sed plerosque videre ac legere licuisse; culturam pelliculariam in his statibus floruisse (Menzel!, Vajna!, Kieslowski! Szabó! quae nomina fortasse et vobis nota sunt); theatra semper spectatoribus plena exstitisse; plurima librorum exemplaria imprimenda fuisse, ut lectoribus satiaretur. Nec equidem rem oeconomicam tam terribilem fuisse, quam vos ultra limitem existimares; certe in Hungaria nunquam inopia ullius rei populum laborasse; et post 1968 etsi ex minima parte, sed 'caput privatum' haberi potuisse. Quae cum ita sint, dictatura illa 'mollis', etsi nos populos orientales non minime oppressit impedivitque, ne cum vobis crescere ac augeri possemus, tamen comparari haud posset cum dictatura Sovietae unionis, aut cum dictatura in Romania saevienti. Haec ideo adnotanda esse arbitratus sum, cum timerem, ne crederetis nos pauperrimos ac vitae culturaeque occidentalis ignaros esse.

Mi Tiberis, equidem vehementer tibi consentio. Plurimum sane interest, ut culturam nostram propriam et post coniunctionem conservemus. Ceterum timendum non est, ne status novi nonnisi pecuniam Unionis consumant, ut Graecia; nihil enim residui faciemus, quae ad augendam promovendamque rem nostram Unionemque pertinere videntur. Valete. d. IV. Non. Mai.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Mercurius Hungaricus on Ven 07 Mai, 2004 10.13

Mercurius omnibus s. d.

Quaenam vobis opinio est de photographiis illis terribilibus, quae indicio sunt captivos Iraquos a militibus confoederatis, ac praecipue Americanis cruciatos ac obscaenissime illusos esse? :shock: Aquinci, Nonis Maiis.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

PreviousNext

Return to Alia themata

Qui adsunt

Users browsing this forum: No registered users and 1 guest

cron