YLE Colloquia Latina

Marcus Mercurio suo s.d.p.

Ita videtur esse, ut opinaris. Lege modo Plauti verba haec (Mil. 189 s. [2, 2, 35 s.]):

os habet, linguam, perfidiam, malitiam atque audaciam,
confidentiam, confirmitatem, fraudulentiam.

Quicumque ergo lingua procaci proterve loquitur verborumque licentia delectatur, is „os“ habere dicitur (Theodisce: „ein loses Mundwerk haben“; Hungarice?).

Optime vale. VII K. Mai. Crefeldiae.

Hungarice dicitur: szabadszájú.

Ericus Palmén Marco Favonio Ursino, Mercurio Hungarico, Mariae Barbarae necnon ceteris sodalibus s.d.p.
Sine dubio recte iudicas, Marce, elocutionem ’os habere’ prope idem valere atque ’impudentem esse’. Inspexi varias conversiones loci Annaeani a te commemorati (De ira III 38,2) atque in duabus earum, Italica et Hispanica, adnotationem vidi interpretis, in illa de ambagibus agi, quae neque in Hispanicam neque in Italicam linguam transferri possent. Etiam apud Ciceronem loci inveniuntur, in quibus vocabulum ’os’ pro symbolo impudentiae adhibetur, e.g. 2.Or. in Verrem 2,20,48 â€

Marcus Mercurio, Mariae Barbarae, Erico ceterisque sodalibus pariter omnibus s. d. p.
Nisi Mercurius noster Hungaricus, quid ‚os habere’ sibi vellet, tam opportune interrogasset, nos neque Mariae Barbarae neque Erici epistulis delectatum iri puto. Gratias ergo vobis ago omnibus, imprimis autem Erico, qui de doctrinae atque eruditionis suae thesauris abunde, ut solet, res cognitione dignissimas nobis suppeditavit. Quod vero scribis, Erice, „in illa de ambagibus agi, quae neque in Hispanicam neque in Italicam linguam transferri possent“, addere mihi liceat „neque in Theodiscam linguam“.
OS HABERE: Nonne „os“ hoc loco nomen est quod vocatur „praegnans“? Completum enim videtur esse notione protervitatis. Quae cum ita sint, hoc nomen oris idem valere puto quod frontis: in lingua Theodisca vocabulo frontis („Stirn“) etiam procacitas („Dreistigkeit“) significatur.
Obiter dictum, Maria Barbara: szabad-száj-ú = libero ore uti? libero ore loqui?
Quam faustissimam vobis exopto noctem.

Mercurius Marco, Mariae Barbarae populari suae, et Erico s. d.

Etiam ego delectabar nunciis vestris, amici, quos me absente non sine doctrina scripsistis; quid enim iucundius, quam de linguis colloqui? Et quamvis nolim quidem meam linguam vernacaulm laudibus adtollere, tamen expressionem Latinam "os habere" in sermonem Hungaricum converti posse existimarim. Ecce:

van pofája (valamit csinálni) = "habet buccam/os (ad aliquid faciendum)". pofa: latine bucca/os; vocabulum Hungaricum "pofa" vulgare est, sed non vulgare quidem, si ad os animalium (canis) attinet; vulgare vero est, si ad hominum. Ne longus sim, "habere buccam ad aliquid faciendum" ita intelligendum est, quasi "non pudet eum aliquid facere" diceremus.


Et quod proximum est ei:

nem sül le a bőr a k

Ericus Marco ceterisque sodalibus s.d.p.
Saltem in Finnico sermone 'otsa' eadem vi translata adhiberi potest, qua vocabulum Theodiscum 'Stirn' adhiberi scripsisti, e.g. 'Onko sinulla otsaa k

Marcus Erico ceterisque sodalibus pariter omnibus sal. pl. d.

Saltem in Finnico sermone 'otsa' eadem vi translata adhiberi potest, qua vocabulum Theodiscum 'Stirn' adhiberi scripsisti, e.g. 'Onko sinulla otsaa k