Quid agitur in mundo? - Forum politicum

Colloquia de aliis thematis

Moderators: Moderator, Redactio Interretialis

De Oriente medio

Emitteby Herimannus on Sol 18 Iul, 2004 0.35

Herimannus Iacobo Iuliae et Gastòn sal.

Magna ex parte Iuliae consentio. Israelitas et Palestinienses reputo iure patriam et pacem ambo desiderare, sed violentiam exercitus Israelis ingentiorem, quod largis Americanorum donationibus refertam; adde miseriam et oppressionem in qua vivit maior pars statum populi Palestiniensis, cunas terrorismi. Sed ambo populi simul vivere (aut si non potis iuxta vivere) discere debent, et quaestio maxima mihi, ut civi Europeo, manet quomodo de hoc nos ambos edocere possimus: multae antiquae dissensiones inter populos Europae post novissimum bellum compositae sunt sine ulla sanguinis effusione.
Primum dicam: iura populorum et hominum serventur, et huc rectores impellere velim.

Valete!

Novocomi, a. d. XV Kal Aug.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Mercurius Hungaricus on Sol 18 Iul, 2004 22.20

Mercurius Iacobo Bohemico s. d.

In litteris tuis, amice, vehementer Iudaeos quasi domos Palestinorum demoliendo se ipsos defendentes protegebas, Palestinos vero tamquam bellicosos inquietosque homines verbis acerbis castigabas. Quid ergo faceres, amice, si Marcomanni ac Quadi in patria vestra apparerent, terram Bohemiae quasi iure postliminio ad se pertinere asserentes, ac externis imperiis adiuvati vos Bohemos e domibus vestris expellerent? Nonne summa ope in patriam tuam redire, ac invasores ulcisci contenderes? Vale.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Marcus Favonius on Mart 20 Iul, 2004 14.17

M. Favonius sodalibus sal.
Londinio, quam in urbem me quoque officio coactum iter fecisse scitote, incolumis hodie reverti.
Cum frequentissimis urbis irem viis, Londinium cum Roma antiqua comparabam: tot homines undique terrarum ibi congressi, tantus commeatus vehicularius, tot tantaque aedificia praeclara.... Nonnulla autem, quae visenda sunt, adiri nequeunt, ne quid detrimenti afferant urbi territores (cf. Downing Str.). Hac re nos assuefieri videtur oportere :( .
Valete.
XIII Kal. Aug.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Mart 20 Iul, 2004 15.13

Mercurius Marco redeunti s. d.

Quam facete illos inquietos periculissimosque homines 'territores' nominabas, mi Marce! :o Dic mihi quaeso, utrum tu ipse hanc denominationem inveneris, an aliunde acceperis? Ceterum iam audivi Londinium arctissime a vigilibus custodiri. Et ante palatium Buckingham nominatum quasi murus sive impedimentum lapideum ab iisdem erectum est, ne territores :wink: in sedem illam regiam cum vehiculis materia explosiva refertis incurrere possent; quod in Arabia summa cum innocentium hominum clade nuper accidisse meminimus. Nonne murum illum vidisti? Vale. d. XIII. Kal. Aug.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De voce territoris

Emitteby Marcus Favonius on Mart 20 Iul, 2004 20.10

Marcus Mercurio suo s.
Cum lexici Latino-Germanici* paginas ad T litteram pertinentes percurrerem, casu in vocem territoris incidi. Cf. Corp. inscr. Lat. 14, 3559, ubi „Iuppiter territor“. Nescio an „territor nefarius“ aptius sit, ut appareat territores „nostros“ homines omnium, quos terra sustinet, esse consceleratissimos. Qui ut efficaciter arceantur, Londini etiam Parlamenti aedificium saeptis filo ferreo contextis tabulisque calce et glarea confectis circumdatum est. Et omnibus locis custodes publici... Salus publica, suprema lex 8) .
Vale.
XIII Kal. Aug.

*Inscribitur „Ausführliches lateinisch-deutsches Handw
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Mart 20 Iul, 2004 20.35

Mercurius Marco s. d.

Non est opus, ut mea opinio fert, attributo 'nefarius', cum propter consonantiam duorum eorum vocabulorum, sc. 'terrorista' ac 'territor' (quam consonantiam origini eorum etimologicae communi assignare possis) sine dubio facile intelligitur, quid hoc verbum 'territor' sibi velit. Quod hucusque fortasse ut hapax legomenon vitam suam miserabilier degebat :lol:, ex hoc die autem timor mihi est, ne nimium frequenter in usu futurum sit... :( Vale. Datum ut supra.



PS: Verbum unum modernum verbo uno Latino reddere memento! Qua re satis est 'territorem' dicere pro 'territore nefario'.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De Olympiis...

Emitteby Marcus Favonius on Iov 05 Aug, 2004 15.44

M. Favonius sodalibus s.

Permultos his diebus agonistas petasatos iam videmus esse, Athenas ut ad Olympia proficiscantur. Itaque non alienum videtur in contrarias partes disputare, num haec certamina etiamnunc tempori apta sint atque convenientia.
Hoc anno plus LV milia militum, plus CCC milites, qui sclopetis perfectissime uti consuerunt, D fere currus cataphracti, CCXXXIV aeroplana helicopteraque, LI naves longae urbem Minervae Palladis sacram custodient, ne quid hospites detrimenti capiant. O temporum varietatem! Antiquissimis temporibus adulescentes quiescentibus Graeciae civitatibus ad Olympia confluxerunt, nostra aetate orbis terrarum non desinet anxius esse metu territorum... :cry:

Valete.

Nonis Augustis.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

De Olympiis

Emitteby Herimannus on Iov 05 Aug, 2004 23.36

Herimannus Marco Favonio et amatoribus Olympiorum sal. d.

Re vera, Marce, Olympia ut signum pacis et communionis Graecarum urbium orta sunt, et similia cogitavit ille De Coubertin qui hodierni temporis ludos iterum suscitavit. Hodie tamen sunt Olympia tum mercatorum triumphus, cum divitum civitatum exhibitio: ludis parvum spatium manet.
Non nego hoc anno singulari periculo terroristicarum caedium ludos Athenienses affici: sed, pro tempore relicta de culpis disputatione, si pax et communio populorum immenso exercitu egent, nonne melius fuisset proposita omnino deponere?

Vale!

Novocomi, Nonis Augustis MMIV
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Spartacus on Sol 08 Aug, 2004 15.51

Spartacus omnibus viris hoc loco praesentibus, praecipue illis qui iucunda paternitate fruuntur sal.

Sursum corda! Salvete patres omnium finium terrarum! Hodie dies festus in patria mea est, nam omnes patres secundo Die Solis mense Augusto hinc laudari solent.

Volens aliquid praedicatorium ad officium virtuosissimum paternitatis in Latina vobis mittere, hanc sententiam e Vulgata inveni, quam spero vobis commodam fore:

<<
Qui honorat patrem iocundabitur in filiis, et in die orationis sue exaudietur. (Eclo 3,6)
>>


Valete carissimi amici, et votum faciamus ut vitam longam cunctes patres nostri habeant!
Spartacus
 
Nuntii: 279
Nomen dedit: Mart 16 Mart, 2004 1.31

Emitteby Gastón on Sol 08 Aug, 2004 17.46

Gastón Spartaco ceterique sal.

Hodie tamen in Argentina dies pueri est. Sed non omnes pueri felices sunt suo die. Heri, dum birota vehebam, quidam inmigrans Paraguaianus, qui pavimentum reficiebat, interrogavit mihi utrum precundia haberem ut is hodie suis parvulis eos donare posset. :(

Felicem diem pueri patrisque omnibus vobis opto!
Gastón - Latine incipiens.
Gastón
 
Nuntii: 128
Nomen dedit: Lun 15 Mart, 2004 12.34
Location: Boni Aeres

Emitteby Gastón on Mart 10 Aug, 2004 20.07

Gastón ominbus sodalibus sal.

Nulla res quae in Mundo agitur magis gravis atque inminens est quam mutatio coeli. Coelum semper mutat et causa fuit famum magnarumque migrationum et bellorum. Sed nunquam coelum tam celere mutavit quam hodie in historia humana et multae calamitates providentur huic saeculo atque posterioribus.

Quod aqua salsa densior sit, ut vidimus in aenigma a Marco Favonio propositum, maximi momenti est vobis qui in Europa habitant. Aqua quae ex mari Caribico in marem septemtrionalem fluit salsior densiorque fit, quia pars eius exhalatur. Hoc modo, aqua mergitur, fluvius aquae calidae permanet, et coelum in Europa calidius est quam in aliis partibus Terrae aequa latitudine. Si coelum tamen calidius factum erit, moles glaciei liquefacientur, et aqua minus salsa fiat. Tum cessatio fluvii marini evenire possit, quod novam glaciationem in Europa efficiat. Alii haec calamitatem hoc saeculo XXI eventuram atque inevitabilem esse dicunt, alii saeculis posterioribus, si contaminationem non minuimus.

Aliae calamitates providentur in omnibus partibus Terrae, scilicet inundationes, ariditates, fames, inmersiones insularum orarumque in marem, bella, extinctiones multorum animalorum plantarumque. Multas calamitates iam non vitare, sed nobis condicionibus nos aptare possumus. Alias mitigare atque vitare possumus, sed hae non nobis sed nostris posteris cruciabunt.

Valete!
Gastón - Latine incipiens.
Gastón
 
Nuntii: 128
Nomen dedit: Lun 15 Mart, 2004 12.34
Location: Boni Aeres

De caelo

Emitteby Herimannus on Mart 10 Aug, 2004 23.53

Herimannus Gastòn et omnibus sal.

Sine dubio, Gastòn, grave thema proposuisti, quod omnes homines recte sentientes sollicitat: ante paucos menses nescio quod institutum Unitarum Nationum Americae eadem rettulit, quae iam diu studiosi rerum naturae incredulis rectoribus totius mundi proclamant. Quamobrem omnia acta diurna duos vel tres dies maximo cum clamore prophetaverunt Anglicam terram Siberiae similem fore, Venetias submersum iri, mare Mediterraneum quasi aequatoris Oceanum futurum esse: brevis lux in tenebris.
Sed nos Europaeos non insontes hoc fugit, perturbationes et inundationes in novissimis annis iam severiores et mortiferas factas esse in terris longinquis, sicut in Asia et America meridionali, sicut in gelidissimis terris, ubi glacies perennis minuitur et vita animalium languet: iam evenit, nec nos malorum causă intelligere volumus.
Quid faciendum? Perdifficile dictu, sed longe peius nihil vitae nostrae mutare: omnes combustiones vitandae, plantas et silvas servandae, energiae effusio minuenda... iam omnia cognovimus, sed nisi rectores ditissimarum nationum hanc viam percurrent, impar est voluntas singulorum civium. Nec obliviscamur damna ingentia iam effecta esse!
Ut vides, bona non exspecto.

Vale tamen!

Novocomi, a. d. IV Idus Augustas.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Spartacus on Merc 11 Aug, 2004 3.31

Spartacus Gastoni ceterisque sodalibus sal.

Quamquam haec verba quidem mihi et maesta et dolenda dicendi sint, occasionem non praetermittam, mi Gastón, ut simul tecum de inopia egestateve patriarum nostrarum reclamare possim.

Haec tibi omnino assentior. Spes tamen in diebus melioribus servanda est. Robore vel animi firmitate vitam agere, ne dicam casus adversus ferre, nunc vero opus est.

Sic ait egregius Vergilius:

“quo fata trahunt retrahuntque sequamur;
quidquid erit, superanda omnis fortuna ferendo est”
(Aen 5.709-10)


Vale.
Spartacus
 
Nuntii: 279
Nomen dedit: Mart 16 Mart, 2004 1.31

Emitteby Gastón on Merc 11 Aug, 2004 15.26

Gastón Herimanno Spartaco ceterisque sal.

Spes in diebus melioribus est mihi, sed hi dies venibunt post dies pessimos. Plerique hominum oculis credent potius quam auribus. Et mox videbunt. Sed citius videbunt si prius monemus. Quamobrem, de hoc themate cum omnibus loquendum est nobis.

Nos aliquando mutabimus, natura nos impellet. Hoc accidit populis aboriginibus, qui cum numerum animalorum infinutum non esse animadvertissent, tantum necessarios venare constituerunt.

Valete quam optime!
Gastón - Latine incipiens.
Gastón
 
Nuntii: 128
Nomen dedit: Lun 15 Mart, 2004 12.34
Location: Boni Aeres

De oriente medio

Emitteby Herimannus on Sat 14 Aug, 2004 0.22

Herimannus amicis sal.

Cum plus quam semel in colloquio hoc de condicione et aerumnis orientis medii disputatum sit, cupio vobis aliquid narrare de pellicula filmica quam Luggari (Locarno - CH) aspexi, ubi hac hebdomada habita est magni momenti expositio novarum pellicularum toto ex orbe confectarum, inter quas hoc ipso vespere praemia tribuentur (www.pardo.ch). Titulus eius est "HACALA HASURIT", id est "Sponsa Syriaca" (The Syrian bride), Israelita auctor, plerumque Arabes histriones. Narratur de puella Drusa quadam, videlicet ex populo parvulo montium Golan incola (apud fines Israel cum Syria), cuius dies nuptialis ultimus cum familia est, cum non liceat Arabibus in Israel habitantibus in patriam redire post exitum: sponsus enim Syriacus in Syria vivit. Multae relationes vivide describuntur, quae familiam sponsae, vici Arabes incolas, milites et cives dilacerant. Thema pelliculae hoc est (ut histrio patrem agens praesens ante ostensionem declaravit): fines, qui terras et populos, hominem et hominem, virum et mulierem separant, quos tamen superare necesse est ut vita prosequatur.
Si in patriis vestris hanc pelliculam spectare poteritis, eam omnibus toto corde commendo, opinionem quamvis habentibus.
Valete omnes!

Novocomi, postridie Idus Augustas.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

PreviousNext

Return to Alia themata

Qui adsunt

Users browsing this forum: No registered users and 0 guests

cron