YLE Colloquia Latina

[size=24][color=darkred]Vigilate Christiani et condoleatis homines alii religionis, meliorisve affectus! Pontifex noster, qui Ecclesiam suam pacemque mundi semper fideliter servabat, fortasse moribundus est![/color][/size]

Matthias s.p.d. B. Bernardus:

Sic est, mi Matthias, ut scripsisti. Lugeamus pro tam honestissimo et humanissimo viro qui, proh dolor, obiturus sit. Si quis epistolam benevolentiae ad papam ipsum mittere volet, facillime id feceris hanc paginam inspiciens:

http://www.vatican.va/phome_en.htm

Selige in pagina clipeum "Best Wishes for the Holy Father" et nuntium tuum scribe. Quippe, cuiusvis religionis sumus, oramus pro illo.

Valete

BONA ET MALA VITA ET MORS ET PAVPERTAS ET HONESTAS A DEO SVNT (Sir 11, 14)

Quae sententia quam vera sit, Iohannes Paulus II papa vita cum virtute culta testificatur.

Nemo ergo homo benevolus erit, quin precetur, ut Deus sua in eum clementia ac mansuetudine utatur.

Lugete Catholici, hac nocte Papa noster mortuus est. Dignitatem vitae usque ad finem demonstravit. Pastor bonus et - ut opinor - fortis magnanimusque fuit.

Simul ante moriendum, grata mihi imago illum machinas fastidiaque, ei adiunctas, de se repellere, et cunctis pinguibus rubeis cardinalibus illuc conventis, ob poenas miseri vivendi, ab eis acceptas, tremende maledicere.

Nuntio de nostri optimi papae morte audito non verbis claris exprimere possum, quanto dolore affectus sim. incredibile est intellectu. una parte erat pastor humanus et doctissimus et fortissimus, cuius subita mors facit dolorem atque luctum sed altera parte tam vir aegrotissimus, cuius- ne dicam " a multis exspectata et sperata est"- mors liberat eundem gravissimo morbo vexatum a tormentiis suis. Heri ipse scripsit:"
gaudeo, etiamne gaudetis?" Fortasse voluntas dei erat, qui nunc hunc papam in imperio suo caelesti accipit.

Mercurius Tullio s. d.

Gaudeamus ergo, gratiasque DEO OPTIMO MAXIMO agamus, quod illum Johannem mundo dedit, qui tota sua vita exemplum Christi sequebatur, ac omnes homines bonae voluntatis ad amorem ac pacem quaerendam excitavit. Sed quis es tu, amice, qui nomen mehercle magnificum, ne dicam superbum tibi elegisti, sed - quod libenter confiteor - lectis tuis litteris non plane immerito te Tullium nominare intellegi? Vale. Posonii, d. III. Non. Apr.

Quis sum?

Discipulus latinitatem amans sum et scholam linguarum antiquarum frequento. quid dicam? patria mihi est Hassia septentrionalis in Germania sita et vestrum tam optimum usum linguae latinae admiror.
Ut breviter exprimam, a vobis discere volo linguam latinam melius vel rectius loqui.

a. d. III. Non. Apr.

Papa Noster, Iohannes Paulus II, magnus ac nobillimus animi.
Ille iam in regnum caeli est.

Africanus Omnibus s.d.

Quamquam non Christianus sum - mortem Papae quoque lamentor. Iohannes Donne, poeta Anglicus olim carminem scripsit (latine a me expressum):

Nemo insula integra est
Omnis continentis pars est
Si glaeba a mare diluta
Europia quoque minuta
a morte cuiusque hominis minuor
Nam humanitate obstringor
Ergo noli rogare,
pro quo tintinnabulum sonare,
nam pro te sonat
tuamque mortem vocat

Valete!

Mercurius Africano s. d.

Maxima cum voluptate, amice, legebam carmen illud a te Latine conversum, quod et Ernestus Hamingway in principio libri sui, qui inscribitur "For Whom the Bell Tolls" (Pro quo campanum sonat), olim citavit, immo ut titulum hunc suo operi daret, ab illo poemate eum inspiratum esse palam est. Sed, ut ad conversionem a te factam redeamus, digna quidem illa est, quae plurimis laudibus adtollatur: quis enim est, quin approbaret versus illos mirabili cum dulcedine consonantes, ac ornamenta carminis alia? Ceterum, interrogare a te velim, utrum vere Africanus sis, an solummodo sub duobus nominibus, scilicet "Scipionis" et "Africani" nuntios scribas? Vale ac valete. Posonii, prid. Non. Apr.

Valerius Heraldus
omnibus sodalibus
salutem plurimam dicit!

Nos, Orthodoxi Russiae, omnibus cum ceteris Christianis mundi condolemus et mortem Papae Iohanni Pauli Secundi comploramus.
Requiescat in pace!

Pro illius memoria, amici, invito vos benigne visitare paginas nostras interretiales ad
http://www.armorial.ru
et
http://www.russiancollegeofheraldry.org

Valete omnes, sodales!

Valerius Heraldus

Mercurius Valerio s. d.

Licet condoleatis vos Russici orthodoxi, patriarcha vero vester Johannem illum Paullum Magnum convenire noluit, quam ob causam, nescio: certum vero est, poniticem Romanum illum pacis inter Christianos diversa dogmata sequentes faciendae causa in Russiam ac praecipue Moscoviam ire voluisset. Valerii, "mihi cauasas memora" quo dogmate laeso, "quidve dolens" tam acerbe patriarcha ille ecclesiam Romano-Catholicam oderit. Vale. Posonii, capite Hungariae antiquo, nunc Slovaciae, d. VIII. Id. Apr.

Salutem Dico Vobis Mestus sed Spe Plenus

Et ego quoque valde doleo quod Papa noster Sanctissimus mortuus est.
Sed cum angelis nunc sedet et nos de fenestra sua spectat ut cardinal Ratzinger heri dixit.

Is vir vere sanctus fuit, et tota vita eius testimonium vere chiristiani vitae.
Videbatis populos multos qui Romae stabant "sancto subito" id est latine snactus statim clamentes?
Is vir sanctus mox esse debet.

Valerius Heraldus Mercurio Hungarico s.d.

Patriarcha Moscoviae Papam ire in Russiam propter causam de politicis negotiis (non causa dogmae!) noluit et hic et nunc tibi explico.

Ab anno MCMXC in Ucraina Occidentalis multissimae ecclesiae ac paroechiae pertinentes Ecclesiae Orthodoxae Russicae, captae aequabili vi fuerunt a Catholicis ac usurpatio vexationibus atrocitatibusque saepe facta fuit.

Episcopi Ecclesiae Russicae Papam per multos annos appelaverunt et Sanctissimum Patrem illas vexationes horribiles in Ucraina Occidentalis condemnare petiverunt.

Papa non respondit. Si minus vexationes possit reprimere, Papa latrones reprehendere attamen possit. Ita, disputatio de dogmate non est, sed de politicis negotiis.
Et ista explicatio est quia Pontifex numquam Mosquam visitavit.

Vide atque: http://www.armorial.ru/quamobrem.htm

Vale.

Valerius Heraldus