YLE Colloquia Latina

Taurus erat niveus qui lusit Agenore natam
paelex quo vecta est taurus erat niveus
Hic modo virgineas plantas cervice reflexa
lambebat, digitos et modo virgineos,
cornua marmoreis virgo tenet utraque palmis:
vara tenet plantis cornua marmoreis
...

Ericus Palmén Agricolae s.d.p.
"...cornua marmoreis virgo tenet UTRAQUE palmis..." (maiuscula me auctore).
Viso hoc versu non modo in nuntio supra posito (6978), sed etiam bis in numero distichorum echoicorum (6969 et 6976), haud procul afuit, quin oculis meis non crederem - nequaquam quod ipse quidquam in eo esse vitii iudicarem, sed miratus fieri potuisse, ut in paenultimo vocabulo versus a te compositi prima syllaba, in qua vocalem brevem (U) muta cum liquida (TR) sequitur, metrice produceretur. Bene venias in numerum nostrum, qui hoc approbamus! Vale!

Troius inde pater thalamis ita fatur ab altis:
"Quis queat illius miles meminisse laborum
noctis; an, hesteno turbatus lumina planctu
praeteritos dictis casus renovabit amaris?
Sed si te studium quaerendi candida Dido
impulit ut quae corde premo suspiria fleres
ordiar...